Policia e Orikumit ka identifikuar dhe proceduar penalisht S. M., 55-vjeç, banues në Orikum, i dyshuar për plagosjen me armë gjahu të një kali në territorin e Parkut të Llogarasë.

Fillimisht, dyshohej se ishin dëmtuar dy kuaj të një 46-vjeçari, por verifikimet zbuluan se ishte plagosur vetëm njëri prej tyre.

“Në vijim të dokumentimit të plotë për rastin e referuar në Prokurori, për veprën penale ‘Keqtrajtimi i kafshëve’, ku në territorin e parkut të Llogarasë, fillimisht dyshohej se ishin dëmtuar dy kuaj të shtetasit K. K., 46-vjeç, por nga verifikimet rezultoi se ishte dëmtuar njëri prej tyre, të cilit i ishin shkaktuar disa dëmtime nga armë gjahu, specialistët për Hetimin e Krimeve në Stacionin e Policisë Orikum kanë bërë të mundur identifikimin e autorit të dyshuar dhe nisjen e procedimit penal në ngarkim të tij, konkretisht ndaj shtetasit S. M., 55-vjeç, banues në Orikum”, njoftoi policia.

Në cilësinë e provës materiale u sekuestrua, për ekzaminime të mëtejshme, edhe një armë gjahu në pronësi të shtetasit S. M.

The post Qëlloi me armë gjahu 22 kuaj në Parkun e Llogarasë/ Policia identifikon autorin, nisin hetimet appeared first on Albeu.com.

Rustemi u ndje keq në ambientet e paraburgimit ku ishte dërguar për vjedhjen e një tapeti, dhe prej dy javësh ndodhej në ambientet e QSUT-së në gjendje kome.

Familja e Rustemit pretendon se i riu u dhunua në burg, ndërsa kanë paralajmëruar se do të protestojnë në 15:30 te Ministria e Drejtësisë.

Dyshimet janë se Rustemit i është dhënë një dozë më e lartë metadoni sesa i duhej, pasi i riu ishte përdorues i lëndëve narkotike.

I riu ishte i datëlindjes 15.04.1995 lindur e banues në Tiranë, me gjendje civile i martuar, ka dy fëmijë, i arrestuar më 12.04.2023 për “Vjedhje” dhe me gjendje gjyqësore “i dënuar më parë”.

Për ngjarjen u njoftua Prokuroria, Komisariti i Policisë dhe Specialistin e ShKBSB, për veprime të metejshme hetimore.

Çfarë ndodhi me Jani Rustemin?

Sipas policisë, Rustemi më datë 14 Prill, teksa ka qenë i arrestuar në Drejtorinë e Policisë së Tiranës dhe ka shfaqur shqetësime shëndetësore.

Po në të njëjtën ditë, sipas uniformave blu, i është dhënë ndihma e nevojshme mjekësore dhe gjendja e tij është përmirësuar.

Ditën tjetër, më 15 Prill, ai është dërguar në Gjykatën e Tiranës, për t’u njohur me masën e sigurisë ku i është caktuar “arresti në burg” për vjedhjen e një tapeti dhe një palë atlete.

Më datë 16 Prill, ai është dërguar në Burgun 313, por për shkak të mbingarkesës në këtë institucion është rikthyer sërish në Bllokun e Sigurisë së Drejtorisë së Policisë së Tiranës.

Një ditë më vonë, më 17 Prill, i riu Rustemi ka shfaqur sërish shqetësime shëndetësore. Po këtë ditë, ai është transportuar në spitalin “Nënë Tereza” ku është shtruar në spital. Në njoftimin e saj, policia nuk sqaron se çfarë problemesh shëndetësore ka shfaqur 27-vjeçari Jani Rustemi.

“Me datë 14.04.2023, kohë që ky shtetas ka qenë në Bllokun e Sigurisë te DVP Tiranë, ka shfaqur shqetësime shëndetësore dhe nga strukturat që merren me sigurimin e të ndaluarve dhe arrestuarve është njoftuar shërbimi i emergjencës mjekësore, të cilët janë paraqitur në ambientet e Bllokut të Sigurisë dhe pas ndihmës mjekësore të dhënë, gjendja e tij është përmirësuar.

Me datë 15.04.2023, ky shtetas është shoqëruar në ambientet e Gjykatës së Rrethit Gjyqësor Tiranë, ku kjo Gjykatë ka caktuar masën e sigurisë “Arrest në burg”.

Me datë 16.04.2023, pas daljes së urdhrit të ekzekutimit të masës së sigurisë nga Prokurori, është përgatitur dokumentacioni i nevojshëm dhe ky i arrestuar është dërguar në IEVP-313, Tiranë. Autoritetet e IEVP 313, nuk kanë pranuar që ta marrin në dorëzim për shkak të mbingarkesës në këtë institucion dhe në këto kushte ai është rikthyer dhe vendosur përsëri në Bllokun e Sigurisë Tiranë.

Me datë 17.04.2023, shtetasi Jani Rustemi, ka shfaqur përsëri shqetësime shëndetësore dhe pas ardhjes së emergjencës shëndetësore është transportuar në spitalin “Nënë Tereza”, ku dhe është shtruar dhe në ambientet e spitalit është siguruar me punonjës Policie të DVP Tiranë. Në zbatim të urdhrit të ekzekutimit të Prokurorit, me datë 19.04.2023, në ambientet e spitalit “Nënë Tereza”, është marrë në ruajtje nga strukturat e Drejtorisë së Përgjithshme të Burgjeve”, thuhet në njoftimin e policisë./Albeu.com/

The post Dyshohet se iu dha më shumë dozë metadoni, Prokuroria e Tiranës nis hetimet për vdekjen e Jani Rustemit appeared first on Albeu.com.

Prokuroria dhe “Bluitë” kanë nisur hetimet.

Gjithçka nisi kur rreth orës 23:07, Patrulla e Përgjithshme e Komisariatit të Policisë Nr. 3 Tiranë, kanë konstatuar në rrugën “Riza Cuka” një shtetas të cilit i kanë bërë thirrje për të ndaluar me qëllim për t’i kontrolluar dokumentet e identifikimit.

Por ky i fundit, konkretisht 32-vjeçari me inicialet L.K., u ndalua dhe gjatë shoqërimit në komisariat, nisi të kishte probleme shëndetësore dhe u dërgua me urgjencë në spital, por aty humbi jetën.

Agjencia e Mbikëqyrjes Policore, nën drejtimin e Prokurorisë ka ngritur menjëherë grupin hetimor, i cili po kryen veprimet e para hetimore për sqarimin e plotë të rrethanave të ngjarjes.

Gjithashtu, aktualisht po kryhen ekzaminimet mjeko-ligjore për përcaktimin e shkakut te vdekjes dhe në përfundim AMP do të dalë me një njoftim përfundimtar për shtyp./albeu.com

The post Vdekja e 32-vjeçarit pas shoqërimit në komisariat, çfarë ndodhi gjatë natës? Nisin hetimet appeared first on Albeu.com.

Suedia më 27 shtator lëshoi një paralajmërim duke treguar se janë zbuluar dy rrjedhje në gazsjellësin Rrjedha Veriore 1, pak kohë pasi një rrjedhje tjetër ishte zbuluar pranë tubacionit Rrjedha Veriore 2, duke shtyrë Danimarkën fqinje që të ndalojë kalimin e anijeve në një perimetër prej mbi 9 kilometrash.

Moska kishte ulur furnizimet me gaz për në Evropë përmes Rrjedhës Veriore 1 përpara se të pezullonte krejtësisht dërgesat në gusht, nën pretendimet se sanksionet e Perëndimit kanë shkaktuar pengesa teknike.

Gazsjellësi i ri, Rrjedha Veriore 2, është përfunduar së fundmi, por Gjermania ka hequr dorë nga planet për të funksionalizuar këtë tubacion, pak ditë para se Rusia të niste pushtimin e Ukrainës në shkurt.

Megjithatë, të dy gazsjellësit përmbajnë gaz.

Kompania Nord Stream AG, që operon këta gazsjellës, tha më 27 shtator se tri linja nënujore të sistemit të gazit të Rrjedhës Veriore, kishin pësuar dëme “të paprecedentë” brenda një dite. Kjo kompani shtoi se është e pamundur të thuhet nëse aftësia e funksionimit të sistemit të rrjetit të gazit do të mund të riparohet.

“Shkatërrimi që ndodhi brenda një dite në tri linja nënujore të gazsjellësit është i paprecedent. Ende nuk mund të dihet sesa do të duhet që të riparohet infrastruktura e transportit të gazit”, tha kompania Nord Stream AG.

Tubacioni i Baltikut, një gazsjellës që transporton gazin norvegjez për në Poloni me një kapacitet vjetor prej 10 miliardë metrash kub në ditë, pritet të inaugurohet më vonë gjatë 27 shtatorit./REL/

The post Defekt në gazsjellësin rus që kalon në Detin Baltik, nisin hetimet appeared first on Albeu.com.

Sipas “The Sun”, disa pjestarë të klubit dyshohet se janë helmuar pas fitores së tyre 2-0 jashtë fushe ndaj Sheriff në Europa League.

Grupi u kthye nga Moldavia me një avion privat të enjten, 15 shtator menjëherë pas fitores së tyre të madhe. Por anëtarët e klubit anglez filluan të ndihen keq të nesërmen dhe klubi tashmë po heton nëse ishte diçka që ata hëngrën në Kishinau apo në aeroplanin e kthimit.

Disa lojtarë humbën një ditë stërvitje, disa të tjerë 2 apo 3 seanca. Skuadra e Ten Hag do të përballej me Leeds të dielën, por ndeshja e tyre u shtu për shkak të mungesës së burimeve policore. / h.ll/albeu.com

The post U helmuan menjëherë pas ndeshjes në Europa League, Manchester United nis hetimet appeared first on Albeu.com.

The post Kërcënoi kolegun e punës, 62-vjeçari e denoncon në polici, nisin hetimet appeared first on Albeu.com.

Njoftimi i policisë:

Strukturat e Komisariatit të Policisë Kukës, pas publikimit të videove në rrjetet sociale, me pamje nga rubinetet e ujit të pijshëm në fshatin Shtiqen, që dyshohet të jetë i ndotur, kanë nisur menjëherë hetimet për këtë rast.

Shërbimet e Policisë kanë marrë kontakt me specialistët e ujësjellësit të cilët kishin dijeni për ndotjen, dhe më pas kanë shkuar  në Spitalin Rajonal Kukës, ku kanë konstatuar një numër të lartë personash nga disa fshatra të Kukësit, që janë paraqitur me simptoma helmimi.

Grupi hetimor i ngritur së bashku me specialistët e ISHSH Kukës, ka marrë mostra të ujit tek depoja qendore dhe në banesat e qytetarëve në të cilat ka patur ndotje uji, me qëllim përcaktimin e shkaqeve të ndotjes.

Po punohet për të marrë deklarimet e mjekëve, të cilët nuk kanë njoftuar në organet e rendit, në lidhje me këtë situatë.

Nën drejtimin e Prokurorisë së Rrethit vijojnë hetimet për zbardhjen e shkaqeve të ndotjes së ujit dhe vënien para përgjegjesisë ligjore të personave përgjegjës./albeu.com

The post Nisin hetimet pas helmimit të qytetarëve me ujë të pijshëm në Kukës, merren mostra në depon qendrore dhe në banesa appeared first on Albeu.com.

Ambasadori ukrainas në Ankara tha në fillim të qershorit se kompani turke ishin midis blerësve që po merrnin dërgesat e grurit që Rusia kishte vjedhur në Ukrainë, duke shtuar se priste nga Turqia që të identifikonte dhe të arrestonte individët përgjegjës për dërgesat e përfolura.

Rusia i ka mohuar vazhdimisht pretendimet se po vidhte grurë nga Ukraina.

“Ne i marrim shumë seriozisht të gjitha pretendimet dhe po i hetojmë ato. Njoftojmë vazhdimisht, veçanërisht palën ukrainase mbi rezultatet e hetimeve”, deklaroi Cavasoglu gjatë një interviste të përbashkët për mediat në Ankara, me ministren e jashtme të Britanisë së Madhe, Liz Truss.

Ministria e jashtme e Ukrainës nuk komentoi menjëherë mbi çështjen në fjalë.

Së bashku, Rusia dhe Ukraina eksportojnë pothuajse një të tretën e grurit dhe elbit në botë, mbi 70 për qind të vajit të lulediellit dhe janë furnizuese të mëdha të misrit. Por eksporti i grurit në Ukrainë nga rrugët detare të Detit të Zi janë bllokuar që nga nisja e pushtimit rus, me më shumë se 20 milionë tonë grurë që mbeten të magazinuara në portet ukrainase.

Cavusoglu tha se Turqia do të kundërshtonte Rusinë apo çdo shtet tjetër që merrte grurin ukrainas apo mallra të tjerë dhe i shiste ilegalisht në tregjet ndërkombëtare.

“Ne si Turqi, nuk do të lejojmë që këto mallra të vijnë tek ne”, deklaroi ai./REL

The post Turqia do të hetojë pretendimet për vjedhjen e grurit ukrainas nga ana e Rusisë appeared first on Albeu.com.