Të vrarë mbetën babai dhe djali i tij, ndërsa autori i dyshuar është S.S., 65-vjeç, vëllai i viktimës dhe xhaxhai i djalit të vrarë.

Ngjarja ndodhi pranë një lokali në plazhin Slovenska obala, ku dy palët kishin stenda turistike.

Sipas burimeve policore dhe raportimeve të mediave vendase, vrasjes i ka paraprirë një mosmarrëveshje shumëvjeçare për ndarjen e punës në aktivitetin e përbashkët të transportit me anije.

Një ditë para krimit, S.S. thuhet se kishte kërcënuar familjarët se do të “mbyllte hesapet”.

Të nesërmen në mëngjes, ai është paraqitur me armë zjarri, ka qëlluar për vdekje të vëllanë dhe një nga djemtë e tij, ndërsa djali tjetër arriti të shpëtojë.

Pas krimit, i dyshuari është ulur në një lokal aty pranë dhe ka pritur arrestimin nga policia, ku sekuestroi armën dhe e ndaloi menjëherë.

Autoritetet janë në pritje të ekspertizës së plotë, ku po vijojnë hetimet për zbardhjen e plotë të motiveve.

The post Krim i rëndë në familje/ Vëllai vret vëllanë dhe nipin, pas një debati për transportin e turistëve appeared first on Albeu.com.

Kujtojmë se  Bahrie Gjuni, është vetëdorëzuar në prokurorinë e Durrësit bashkë me nipin e saj.

Ajo ka deklaruar se gjithçka e bëri në emër të dashurisë për nipin dhe dëshirës për ta rritur atë vetë, pas vdekjes së djalit aksidentalisht.

Presioni policor, kërkimet e shumta dhe negociatat me familjarët e saj çuan në vetëdorëzimin e gjyshes së bashku me të miturin, i cili në gjendje të mirë shëndetësore u mor nga e ëma Ille Gjuni, e cila gjithë këto ditë lutej të shtrëngonte sërish në krahë fëmijën e saj.

The post Rrëmbeu nipin 3-vjeçar, gjykata lë në detyrim paraqitje gjyshen appeared first on Albeu.com.

Gjyshja Bahrije Gjuni, dorëzon në Policinë e Durrësit nipin 3-vjeçar, duke u vetëdorëzuar pas lënies në burg të të shoqit dhe të birit.

Ditën e djeshme, Gjykata e Durrësit, ka lënë në fuqi masën “Arrest me burg” për Rexhep Gjuni dhe Arben Selaj, pasi i morën fëmijën 3-vjeçar nënës dhe nuk tregojnë se ku e mbajnë.

Seanca për rivlerësimin e masës së sigurisë është zhvilluar me dyer të mbyllura për shkak se bëhet fjalë për një ngjarje me një fëmijë të mitur.

Avokatja Arta Gecaj nuk dha shumë detaje nga seanca që është zhvilluar, duke lënë të nënkuptohet se nuk bëhet fjalë vetëm për marrjen ma të drejtë të fëmijës.

Në kushtet kur kemi të bëjmë me të një të mitur është sekret hetimor dhe nuk mund të them asgjë. Prokuroria do vijojë hetimet, çështja është më shumë se vetëm mbajtja e fëmijës”, tha avokatja.

Gjyshi i fëmijës Rexhep Gjuni dhe Arben Selaj, kunati i tij, u arrestuan menjëherë pas denoncimit të nënës së 3-vjeçarit Ile Gjuni.

Nga hetimet e ngjarjes dyshohet se gjyshja bashkë me nipin e saj dyshohet se fshihen në zonën midis Kukësit dhe Hasit.

Nga burimet e policisë së Durrësit bëhet e ditur se gjyshja e fëmijës 3-vjeçar ndihmohet nga vëllai tjetër i saj, shtetasi Flamur Selaj, 43 vjeç, ndërkohë që edhe ky është shpallur në kërkim.

Tashmë kanë kaluar 7 ditë që nga momenti kur Ile Gjuni trokiti në dyert e policisë së Durrësit për të denoncuar moskthimin e djalit nga gjyshërit e tij.

Ndërkaq gjatë marrjes në pyetje të gjyshit që tashmë është i arrestuar, bëhet e ditur se ai vazhdon të mos flasë, duke vështirësuar punën e policisë për gjetjen e 3-vjeçarit.

The post E rrëmbeu 1 javë më parë, gjyshja dorëzon në Policinë e Durrësit nipin 3-vjeçar appeared first on Albeu.com.

Gjyqtarja e Rrethit Gjyqësor të Beratit, Ardiola Çela, vendosi të lërë në burg nënë dhe bir, pasi të dy bashkë kishin abuzuar me djalin 10-vjeçar të Amrandos, duke e nxjerrë në rrjetet sociale.

Ata janë denoncuar nga nëna e të miturit, pasi e ekspozonin atë në rrjetin social, “TikTok”, duke folur me një fjalor banal, me qëllim për të përfituar ekonomikisht.

Në rrjetet sociale qarkullojnë shumë video të të miturit, ku dëgjohet të flasë me një fjalor banal, i shtyrë nga babai dhe gjyshja e tij.

Njoftimi:

“Gjykata e Shkallës së Parë Berat ka dhënë sot masën e sigurisë për dy shtetasit: Natasha Rombula dhe Armando Kumaraku,të akuzuar për veprën penale “Keqtrajtim i të miturit”,e kryer në bashkëpunim,parashikuar nga Neni 124/b/2 dhe 25 i Kodit Penal. Shtetasit e sipërpërmendur,që rezultojnë të jenë gjyshja dhe babai i të miturit 10-vjeç,akuzohen se e kanë shfrytëzuar të miturin 10-vjeç,me qëllim përfitimin nga rrjeti social Tik Tok,duke postuar video të tij,me fjalë denigruese,ofenduese dhe banale.

Natasha Rombula dhe Armando Kumaraku u arrestuan nga Drejtoria Vendore e Policisë Berat në orët e para të mëngjesit së djeshën në qytetin e Sarandës,në kuadër të Operacionit të Koduar Policor “Show”.

Prokurori i çështjes Eni Çulli,pasi ka paraqitur të gjitha provat që vërtetojnë ekzistencën e veprës penale,ka kërkuar vlerësimin “të ligjshëm” të arrestimit të tyre dhe caktimin për ta të masës së sigurisë “arrest në burg” pa afat.

Gjyqtarja Ardiola Çela,pasi ka dëgjuar prokuronin dhe avokatin mbrojtës,ka vendosur: cilësimin “të ligjshëm” të arrestimit të tyre dhe ka caktuar masën e sigurisë “arrest në burg” pa afat për shtetasen Natasha Rombula,67-vjeçe dhe djalin e saj Armando Kumaraku 44 -vjeç”.

The post Shfrytëzuan 10-vjeçarin për të ardhura në TikTok, gjykata lë në burg Natashën dhe djalin e saj appeared first on Albeu.com.