Vitin e kaluar, Sasha Selipanov, i njohur për punën e tij në modelet e Lamborghini-t, Bugatti-t dhe Koenigsegg-ut, prezantoi konceptin e tij për një hipermakinë analoge me linja elegante, shasi prej fibër karboni, transmision manual dhe një motor V12 6.5 litra me aspirim natyral.

Tani ky projekt ka hedhur një hap të rëndësishëm drejt konkretizimit, pasi motori V12 është vënë në punë për herë të parë dhe, çuditërisht, gjeneron më shumë kuaj fuqi nga sa ishte llogaritur më parë.

Për zhvillimin e kësaj njësie, Nilu27 u bashkua me Hartley Engines nga Zelanda e Re dhe në fillim pritej që ajo të prodhonte 1,055 kuaj fuqi.

Sidoqoftë, tani raportohet se “testet e para në dinamometër i kanë tejkaluar këto vlerësime, duke arritur një kufi mbresëlënës të rrotullimeve deri në 11,000 rpm”. Kjo është fat, sepse 1,055 kuaj fuqi dukej një shifër modeste për një makinë të këtij kalibri.

Motori V12 përdor një arkitekturë hot V, pra pa turbo, me një kënd të hapjes së bllokut prej 80 gradësh dhe kolektorët e shkarkimit të skalitur si vepra arti të vendosura mes kokave të cilindrave.

Gjithashtu, bëhet e ditur se hipermakina – e cila duket se ndjek filozofinë e emërtimit të modelit Ferrari LaFerrari, duke u quajtur thjesht hipermakina Nilu – lejon që nxehtësia e motorit të shpërndahet përmes një ndarjeje motorrike tërësisht të hapur.

“Ky është çasti kur teoria mori formë konkrete. Duke ndezur këtë motor të jashtëzakonshëm V12, ne jo vetëm konfirmuam zotësinë tonë inxhinierike, por edhe thelbin e markës Nilu. Në një kohë kur industria e automobilave përqafon sterilizimin digjital dhe elektrifikimin, ne kemi përforcuar dramën e pastër dhe emocionin visceral të rrotullimeve të larta dhe aspirimit natyral. Motori Nilu27/Hartley V12 do ta bëjë hipermakinën tonë vërtet të pavdekshme. Dhe shpresojmë që pamjet nga testi ynë i parë në dinamometër të ngjallin të njëjtin emocion te shikuesit siç provuam ne kur ishim prezent”, deklaroi Selipanov.

The post Motori i ri V12 6.5 litra i Nilu27 tejkalon pritshmëritë, fuqia më e madhe se parashikimet fillestare appeared first on Albeu.com.