Përpara gjykatës dolën Edmond Haxhia, Stephen Hunt dhe Thomas Mithan.

Një zëdhënës i kësaj gjykate, kontaktuar nga Top Channel dha detajet e seancës të parë të ekstradimit.

Ai tha: “Gjykatësja e distriktit të Londrës Neeta Minhas e quajti të drejtë kërkesën e Shqipërisë dhe vendosi si masë sigurie arrestin me burg. Sikurse vendosi që seanca e radhës për këtë kërkesë ekstradimi të mbahet me 5 Maj. Gjyqtarja Neeta Minhas refuzoi aplikimin për liri me kusht nga mbrojtja e Thomas Mithan”.

Sipas ligjit të ekstradimit anglez, shteti kërkues në këtë rast Shqipëria ka 45 ditë kohë brenda të cilës duhet të dërgojë dosjen me provat dhe garancitë për një gjyq të drejtë për personat që kërkon të ekstradojë.

Harriet Bridgeman, e arrestuara e katërt paraditen e të shtunës do të dalë përpara kësaj gjykate të Hënën.

Operacioni për kapjen e tyre është koordinuar nga Policia e Shtetit në bashkëpunim me Policinë Metropolitane angleze dhe agjencinë kundër krimit të organizuar, e njohur si FBI-ja angleze, NCA. /TCh/

The post Arrestimi i vrasësve të Nikulajt, Gjykata Britanike jep vendimin për ekstradimin appeared first on Albeu.com.

Nga video e pulbikuar në rrjete sociale vihet re që plani për eleminimin e tij kishte nsiur që në 11 prill, pasi një nga personat e përfshirë i cili është më nënshtetësi angleze e ka mbajtur Nikulajn nën monitorim.

Ndërkohë që ekzekutimi i tij është bërë në 19 Prill. Pas ekzekutimit të Nikulajt anglezi që ishte në rolin e spiunit, dhe portugezi që kreu ekzekutimin janë zuluar nga një makinë “Passat”, të cilën e ka përdorur anglezi dhe portugezi që ka bërë vrasjen.

Porositës i vrasjes dyshohet Edmond Haxhia. Atë po e hetojmë si organizator, porositës dhe financues të krimit. Edmond Haxhia është djali i dajës së Elton Lekstakajt. Fisi Lekstakajt kishte një konflikt me Nikulajn që prej 97-ës.

Policia ka shpallur në kërkim Edmond Haxhia, Ruben Saraiva (shtetas portugez, vrasesi) dhe 4 shtetasi britanikë, Harry Simson, Thomas Mithan, Steven Hunt dhe Harriet Bridgeman.

The post “Lufta” mes fiseve i mori jetën, kush e porositi ekzekutimin e Nikulajt, grup profesionistësh nga Britania e mbajën nën vëzhgim appeared first on Albeu.com.

Për ekzekutimin e tij autori i dyshuar është një shtetas portugez, ndëkrohë që policia ka shpallur dhe 6 persona të tjerë në kërkim.

Gazetari investigativ, Artan Hoxha, ka bërë publike videon e plotë të ekzekutimit të Nikulajt, ku “operacioni” për eleminimin e tij kishte nisur që në datë 11 prill.

Në 11 prill në hotelin e Nikulajt mbërrin një shtetas anglez, i cili duket se është informatori për të gjitha lëvizjet, dhe ai që mban të informuar mbi të gjitha detajet autorin e krimit, që do të kryente vrasjen 8 ditë më vonë.

Siç shihet edhe në Video ditën e ngjarjes autori kthehet fillimisht pas, sepse informohet që situata për të kryer ekzekutimin nuk është e duhura.

Nga ajo që kuptohet dyshohet se mund të jetë anglezi nga brenda hotelit që i jep detajet për lëvizjet e Nikulajt.

Ndëkohë ekzekutimi do të ndodhte disa minuta më vonë.

Postimi i Artan Hoxhës:

Si u ekzekutua Ardian Nikulaj me 19 prill 2023 nga nje skuader vrasesish profesioniste te ardhur nga Mbreteria e Bashkuar.

Në video jane momentet para dhe gjate atentatit nga killeri afro-europian me pasaporte portugeze, si dhe vizita e pare e bashkepunetorit anglez në hotelin e Nikulajt me 11 prill 2023….

The post “Hasmi” te dera e shtëpisë, si u ekzekutua Nikulaj, roli i anglezit dhe lëvizjet e vrasësit portugez deri sa mbaroi “misionin” (VIDEO) appeared first on Albeu.com.

Drejtori i përgjithshëm i policisë së Shtetit, Muhamet Rrumbullaku në një ndalje para mediave deklaroi se kjo ngjarje është zbardhur dhe janë shpallur në kërkim ndërkombëtar 6 persona, 5 të huaj dhe një shqiptar.

Autori i vrasjes është një shtetas portugez.

Rrumbullaku shton se autori i vrasjes së Nikulajt është larguar nga territori i Shqipërisë.

The post Vrasësi i Ardian Nikulajt është portugez, Rrumbullaku: Kemi shpallur në kërkim 6 persona appeared first on Albeu.com.

Porosia për vrasjen e biznesmenit Ardian Nikulajt, ka dyshime të forta se erdhi nga Britani e Madhe. Ky rezultat ka dalë nga policia e Lezhës, pas një analize të gjatë mbështetur dhe në prova të forta, të administruara prej 5 ditësh që po kryhen hetime intensive me qëllim zbardhjen e plotë të ngjarjes.

Për policinë kriminale, vrasja lidhet me gjakmarrjen, duke përjashtuar në mënyrë kategorike pistën e eliminimit, për motive politike apo konkurrencë në biznes.

Ndërkohë grupi i hetimit, ka shpresa për gjetjen e motorit tip “Skuter”, pasi dyshohet se mjeti është fshehur në një banesë midis fshatit Gjadër dhe Kakariq të Lezhës.

Deri në këto momente janë kontrolluar dhjetëra banesa në dy fshatra, pasi ka informacione të sigurta se motori është fshehur në këtë zonë.

Ndërsa autori i krimit është larguar me makinë në drejtim të Shkodrës.

“…dalja në skenë e një motori dhe drejtuesi i tij me jelek fosforishent në zonën e Bushatit të Shkodrës, nuk ka rezultuar produktiv për ngjarjen…”-thanë burimet pranë policisë së Lezhës.

Edhe makina “Land-Rover Defender”, ku besohej se ishte futur motori tip “skuter”, rezulton të mos ketë lidhje me ngjarjen. Dy italianë janë shoqëruar në policinë e Lezhës, por hetuesit nuk janë bindur se dy të huajt kanë lidhje me vrasjen e Nikulaj.

Por prezenca e anglezit në ambientet e brendshme të lokalit “Coral”, ku ndodhi vrasja e Ardian Nikulaj, dhe ikja e tij me shumë urgjencë, ka ngritur dyshime të forta se anglezi, ka lidhje me ngjarjen.

Këto dyshime janë përforcuar akoma dhe më tepër nga policia, kur është mësuar në rrugë operative, se anglezi është shok i ngushtë me njërin nga djemtë e familjes Palaj-Lekstakaj.

Burime pranë policisë së Lezhës, thanë për “Ora Neës” se shtetasi Anglez, ishte herë e parë që vizitonte Shqipërinë, duke u dislokuar në zonën e Shëngjinin, pikërisht shumë pranë Bar-Restorant “Coral”, ku dhe ka qëndruar për të konsumuar.

Qëndrimi i tij në këtë zonë ka zgjatur nga data 14 Prill deri në 19 Prill, ku pas kryerjes së vrasjes së Ardian Nikulaj, ai është larguar me shpejtësi, duke përdorur dy taksi deri në zonën e Rinasit.

Policia dhe prokuroria e Lezhës, kanë ngritur dyshime të forta se ai mund të jetë personi, që ka informuar vrasësin për lëvizjet e biznesmenit Ardian Nikulaj.

Shtetasi anglez, sipas informacioneve operative të mbledhura nga policia e Lezhës, është shok fëmijërie dhe lidhje e ngushtë shoqërore në Angli, me njërin nga djemtë e viktimave, që kanë mbetur të vrarë në familjen Palaj-Lekstakaj.

Burimet shtojnë, se si pasojë e gjakmarrjes mes këtyre dy familjeve me anëtarë të fisit Nikulaj në Lezhë, kanë mbetur të vrarë në total 5 persona, ku i fundit është biznesmeni Ardian Nikulaj.

Për të hedhur më tepër dritë mbi rolin e anglezit në këtë ngjarje, policia ka kërkuar përmes oficerëve të kontaktit në Londër, që ai të shoqërohet dhe ti sekuestrohet aparati i telefonit.

Në Angli janë dërguar rreth 10 pyetje që ti bëhen shtetasit Anglez, për veprimet e dyshimta që ai ka kryer në Shqipëri.

Ardian Nikulaj, u ekzekutua me 6 plumba pistolete “TT”, teksa qëndronte i ulur në ambientet e lokalit të tij në Shëngjin. Nikulaj disa vite më parë në zonën e Balldrenin, është përfshirë në vrasjen e dy personave, Gëzim dhe Lauren Lekstakaj.

Më herët në Lezhë ishte vrarë Pëllumb Nikulaj. Ndërsa seria e vrasjeve dhe hakmarrjes shkoi deri tek eliminimi i një personi të familjes Palaj, lidhje u ngushtë e fisit Lekstakaj.

Por në 19 prill, ekzekutohet Ardian Nikulaj, njeriu që ishte akuzuar vazhdimisht si njëri nga autorët e vrasjes së dyfishtë. /Oranews/

The post “Lufta” mes fiseve, anglezi informatori i vrasësit të Nikulajt? Shok fëmijërie me njërin nga nipat e Lekstakajve appeared first on Albeu.com.

Autori i cili ishte i veshur me skafandër dhe me jelek fosforishent, pasi ka zbarzur karikatorin mbi Ardian Nikulajn, është larguar nga vendngjajra me një motor.

Grupi hetimor dyshon se autori gjithashtu ka përdorur edhe një makinë tip Defender me targa angleze.

Makina në foto dyshohet se është përdorur nga autori i vrasjes së biznesmenit në Shëngjin, i cili pasi është larguar në distancë nga vendi i ngjarjes ka futur motorin në Defender dhe më pas është larguar.

The post Ekzekutimi i Ardian Nikulajt, autori dyshohet se përdori dhe një makinë për të humbur gjurmët, detaje të reja nga hetimi appeared first on Albeu.com.

Sipas News24, para tre vitesh, djali i Nikulajt dhe kushërinjtë e tij kanë dhunuar një të ri të identifikuar si Marsel Kolndreu.

Megjithatë, babai i këtij të fundit ka mohuar të ketë lidhje me ekzekutimin e Nikulajt. Ai thotë se pasi i kanë rrahur djalin, i ka dërguar mesazh Nikulajt dhe pavarësisht përgjigjes që ka marrë, nuk e ka përshkallëzuar konfliktin mes tyre. Madje shton se është i gatshëm të përballet me anëtarët e familjes Nikulaj.

“Fëmijët e mi kanë pasur konflikt me Nikulajt. Ma kanë rrahur djalin barbarisht para 3 vitesh me shkopa bejzolli. E ka rrahur djali i Ardian Nikulajt dhe nipat. Iu kam çuar njerëz dhe iu kam thënë që pse ma rrahët djalin në këtë formë. Ardiani na është përgjigjur ‘rrini mirë’. Lajmin e vrasjes e kam marrë vesh nga lajmet dhe jam i gatshëm të përballem bashkë me fëmijët e mi se nuk kam lidhje me ngjarjen. Jam i gatshëm ti përgjigjem familjes Nikulaj që nuk kam lidhje me këtë ngjarje,”- ka thënë babai i Marsel Kolndreut.

The post “Djali i tij rrahu me shkop bejsbolli…”, zbulohet një tjetër konflikt që kishte Ardian Nikulaj appeared first on Albeu.com.

Miku i Nikulajt, siç shihet edhe në këto pamje, është fare pranë viktimës dhe vrasësit, i cili në një moment i drejton edhe armën, teksa largohet me shpejtësi për nga dera.

Ai ka qenë ndër të parët që është marrë në pyetje nga policia. Në dëshminë e siguruar nga Tv Klan, personi i identifikuar si Dëshmitari X, veç dinamikës, tregon disa karakteristika të fizionomisë së vrasësit.

‘Isha te dera edhe isha me fytyrë nga lokali nga Ardiani, kur më erdhi nga mbrapa nga ana e djathtë e imja, një burrë i gjatë.

Ai më tha veç ‘largohu’ dhe hyri brenda në lokal dhe shkoi në drejtim të Ardianit dhe qëlloi ndaj tij. Autori ishte i gjatë, trup i mbushur, kishte një zë të trashë, por theksin nuk e mbaj mend’.

Edhe banakieri i lokalit, që ishte në pronësi të viktimës, ka dhënë disa detaje mbi autorin, që mund t’i shërbejnë hetimit. Ai thotë se nga përshëndetja që bëri vrasësi, kishte kuptuar që ai fliste me dialekt nga Veriu, ose nga Shqipëria e Mesme.

‘Rreth orës 12:30-13:00, unë kam qenë në banak, dhe i ulur në tavolinën përballë ka qenë pronari Ardiani, i vetëm. Në këtë kohë ka hyrë në lokal një person mashkull, i cili ishte trup i gjatë rreth 190 cm, i shëndetshëm, i cili mbante veshur një veshje të trashë dhe një jelek pune jeshil sipër rrobave, ndërsa në kokë kishte skafandër dhe dorën e kishte në çantë, me rrip të lidhur në trup. Pasi është afruar afër banakut na ka përshëndetur duke na thënë ‘si e kalut’ dhe është afruar tek tavolina ku ndodhej Ardiani dhe pasi ka nxjerrë armën nga çanta ka filluar të qëllojë. Nuk kam arritur ta fiksoj fytyrën e tij, pasi ndodhi gjithçka shumë shpejt. Gjithashtu nuk jam në gjendje të them se nga cila zonë mund të ketë qenë, por mendoj se nga Veriu ose Shqipëria e mesme, pasi nuk m’u duk dialekt jugor’.

Në dosjen hetimore të siguruar nga Tv Klan, thuhet gjithashtu se në kuadër të hetimeve janë pyetur dy persona, babë e bir, me të cilët viktima ka pasur një konflikt 3 vite më parë me Nikulajn.

Që të dy kanë mohuar që të kenë lidhje me vrasjen, ndonëse babai ka pranuar se biznesmeni 50-vjeçar i kishte rrahur të birin, ndërsa i biri e ka hedhur poshtë këtë pretendim.

Grupi hetimor po ndjek disa pista, kryesisht atë të konflikteve të mëparshme të viktimës.

The post “Si kalut …”, zbardhen dëshmitë, çfarë i tha stafit të lokalit autori para se të ekzekutonte biznesmenin Ardian Nikulaj appeared first on Albeu.com.

Hoxha dha disa detaje nga ekzekutimi i Nikulajt dhe zbuloi bisedën e tij të fundit me biznesmenin.

Gazetari deklaroi se Nikulaj kishte në plan që votat për Këshillin Bashkiak t’i çonte drejt PSD, ndërsa votat për kryetarin e Bashkisë, drejt koalicionit “Bashkë Fitojmë” të Sali Berishës dhe Ilir Metës.

“Me sa e njoh unë, Ardian Nikulaj nuk ka qenë një person me bindje politike. Influenca që ai kishte dhe kontaktet që kishte, kanë bërë që në zgjedhjet e fundit të mbështesë partinë e zotit Doshi, PSD.

Në zgjedhjet e vitit 2015, ka bërë lëvizje vetë, “Ora e Shqipërisë”, ka marrë 6-7 këshilltarë. Ai ishte i rëndësishëm në Lezhë dhe ishte faktor për shkak të ndikimit personal dhe si farefis.

Më mbrapa ka mbështetur forca politike në aleancë me mazhorancës. Janë zonat me ndikim katolik dhe zonat që vijnë nga malësia. Duke qenë njeri që ka patur biznese, lokale, ndërtime… Nuk ishte tip i “mbjelljeve”. Ka patur më shumë para se mund të diskutohet me “mbjelljet”.

Vijmë te pjesa tjetër, në bisedën e fundit që kam patur me të e kam pyetur për këtë gjë. Ai synonte të merrte 7-10 këshilltarë bashkiakë për PSD. Së dyti e kam pyetur, sepse kisha dëgjuar nga njerëz që e njihnin, që në Lezhë ka garë, sepse filani do të mbështesë kandidatin e opozitën. Pra për këshillarë do ti çonte votat majtas dhe për kandidat djathtas.

Nëse kemi të bëjmë me variantin e gjakmarrjes, është hapur një lojë shumë e madhe. Ai ka patur vëllain të vrarë. Nga krahu tjetër, fisi Palaj, janë vrarë dy.

Kam komunikuar edhe në atentatin që iu bë Aleks Dedës, që ka qenë në prani të Ardian Nikulajt. Është momenti i vetëm që kemi patur të Ardianit në një pamje video, ai ka shpëtuar këtu. Ata që gjuajnë, gjuajnë në drejtimin ballor me Aleks Dedën”, tha ndër të tjera Hoxha.

The post Ku do i çonte votat Ardian Nikulaj? Artan Hoxha zbulon se çfarë bisedoi me biznesmenin pak kohë para se ta ekzekutonin appeared first on Albeu.com.

I ftuar në emisionin “Të Paekspozuarit”, Hoxha dha detaje nga ngjarja e rëndë, duke folur edhe për autorin, i cili është maskuar, jo vetëm duke mbajtur një skafandër, por rezulton të ketë veshur disa palë rroba, për t’u dukur i shëndetshëm, por sipas Hoxhës është një person “i dobët dhe qitës i mirë”.

Hoxha zbuloi gjithashtu se Nikulaj ka qenë duke biseduar në telefon i acaruar, përpara se të ekzekutohej. Gazetari tha se viktima ka kryer disa telefonata dhe sipas një dëshimtari, është dukur i acaruar.

“Ai ka qenë personazh me shumë ndikim në zonë, me ndikim të qëndrueshëm. Herën e fundit që e kam takuar, ishte i mbrojtur, i shoqëruar.

Duket pak e çuditshme se si nuk ka reaguar. Para se të hyjë autori, ai është duke folur në telefon. Presupozohej të ishte zonë e sigurtë ai lokal. Personi me skafandër ka krijuar idenë e një polici qarkullimi ose punonjësi të bashkisë.

Sapo ka hyrë i ka folur në emër për ta përshëndetur. Sapo ka bërë rrotullimin te tavolina, një nga personat që gjenden në lokal afrohet për kuriozitet më shumë. Ndërkohë ai nxjerr pistoletën TT. Në Shqipëri dallohen zonat që përdorin këto lloj armësh. Autori ka gjuajtur dhe i ka të gjithë goditjet në tabelë, në të gjitha rastet, për të qenë i bindur. Më pas është larguar qetësisht, ka marrë drejtimin në krahun e Gjadrit dhe në Gjadër është zonë e madhe pa mbulim kamerash.

Është kërkuar që motorri mund të ketë ardhur në Tiranë. Por deri në këtë moment nuk është zbuluar motorri.

Targa është greke. Ajo që bie në sy, nga veprimet që kam parë aty, autori ka përdorur një hile. Ai duket sikur është trupmbushur, por ai ka veshur dy palë tesha dhe ka edhe jelek anti-plumb. Pra ndryshe nga identikiti i policisë, sipas informacioneve, autori nuk është siç e kërkon policia, një trupmbushur dhe i palestruar, por krejt tjetër, një person i dobët, qitës shumë i mirë.

Kam kontaktuar me një personazh që ka qenë në lokal 30 minuta para. Ka biseduar me Ardianin. Ai ka bërë disa telefonata dhe ka qenë i acaruar.

Nuk e di nëse prokuroria ka mbledhur gjë, por ka patur disa telefonata. Autori ka mbikqyrur lëvizjet e Nikulajt. E ka patur të qartë që objektivi ka mbetur i vetëm në tavolinë”, deklaroi Hoxha.

The post Më kë po fliste në telefon Ardian Nikulaj i acaruar në momentin që u ekzekutua? Artan Hoxha jep detaje nga vrasja e biznesmenit appeared first on Albeu.com.