Koncerti nisi në orën 23:00, por artisti Nikos Vertis u shfaq pikërisht në orën dy e çerek të mëngjesit ku për pritjen e tij ishte organizuar një shfaqje për rreth tre minuta me fishekzjarre.

Tavolinat e para dominoheshin nga fansat fanatikë të këngëtarit, të ardhur nga Izraeli me avionë privatë, por tavolina më qendrore ishte në pronësi të familjeve Zain dhe Khouri që pritën shumë miq të tyre, si dhe pronaren e anijes Melina Travlou dhe Chrysantho Pana.

Melina Travlou, me origjinë nga Kefalonia, është Presidente e të vetmes kompani greke të anijeve, Neptune Lines Shipping & Managing Enterprises, e themeluar në vitin 1975 nga babai i saj, Nikos Travlos. Chrysanthos Panas është një biznesmen grek, koleksionist arti, autor i librit të Ishujve Grekë nga Assouline dhe filantrop nga Athina. Në vendin e tij ai njihet kryesisht si pronar i restoranteve dhe klubeve në qendër të qytetit të Athinës dhe periferitë jugore, kjo e fundit e njohur edhe si Riviera e Athinës.

Vertisi këndoi pa pushim për rreth tre orë e gjysmë dhe emocionoi turmën ndërsa skena ishte e strukturuar dhe e ngritur në mënyrë të tillë që ai kaloi edhe tavolinat e fundit , duke dashur të falënderonte njerëzit që mbushën vendin.

Seria e tavolinave të para kishte një konsum minimal prej 15.000 eurosh dhe të interesuarit duhet të paguanin gjysmën e tij paraprakisht, pra 7.500 euro për të siguruar rezervimin. Çmimi përfshinte një menu ushqimore, një vodka prej tre litrash, një shampanjë 1.5 litra dhe një shishe tequila premium./albeu.com/

The post Mbërritën me avion privat, kush janë boss-at që paguan 15,000 euro për tavolinat e para në koncertin e Nikos Vertis (FOTO&VIDEO) appeared first on Albeu.com.