Berisha shprehet se si mjek, i uron Nikollës si çdo njeriu me sinqeritet shërim të shpejtë e të plotë.

Nga ana tjetër, Berisha tha se për të tjerat deklaron se Nikolla, sipas tij, ka qenë një skllave e verbër e pa dinjitet e kryeministrit Edi Rama.

Gjithashtu, Berisha shprehet se për Ramën, Nikolla nuk ka njohur rregullore, ligje dhe Kushtetutë dhe i ka shkelur ato si asnjë kryetare tjetër në 33 vjet parlament pluralist.

Mest ë tjerash, lideri demokrat thekson se si ministre arsimi, Linda Nikolla është shkatërrimtarja e sistemit arsimor dhe përgjegjëse më kryesore sigurisht jo e vetëm, thotë Berisha, e gjendjes së arsimit në Shqipëri.

Postimi i plotë i Berishës:

“Dy fjalë për Lindën e Parlamentit!

Mbrëmë Linda e Parlamentit njoftoi dorëheqjen e saj për arsye shëndetësore. Si mjek, asaj si çdo njeriu i uroj me sinqeritet shërim të shpejtë dhe të plotë. Kurse për të tjerat deklaroj se ajo ka qenë një skllave e verbër e pa dinjitet e Edi Ramës, kreut të narko-regjimit të Tiranës për të cilin Linda nuk ka njohur rregullore, ligje dhe Kushtetutë dhe i ka shkelur ato në mbrojte të shokut te saj të armëve si asnjë Kryetare tjetër në 33 vjet parlament pluralist. Ajo ka mbështetur me fanatizëm sistemin e shokut te saj të armëve në vjedhje dhe ka shkelur si askush tjetër të drejtat themelore kushtetuese të Opozitës në Parlament. Linda e parlamentit është autore e rregullores më të keqe, më armiqësore ndaj opozitës dhe pluralizmit politik dhe më të njëanshme e më të turpshme në Europë.

Gjate tre viteve të saj në drejtim, ajo me verbërinë e një skllaveje pa dinjitet kaloi në parlament ligjet më të këqija në historinë 33 vjeçare të pluralizmit.

Si ministre arsimi Linda e parlamentit është shkatërrimtarja e sistemit arsimor dhe përgjegjëse më kryesore sigurisht jo e vetëm e gjendjes së arsimit në Shqipëri, e rënies së tij më të madhe në botë, 62 pikë në matematikë në testin e PISA gjatë 8 viteve të fundit të marra së bashku. Ajo me Ndrecën, sekretar të përgjithshëm është akuzuar se dorëzoi detyrën me një vile pas rikonstruksionit prej 13 milionë euro të ndërtesës së Ministrisë së Arsimit. Linda e parlamentit largohet si një avokate e ligjeve të sistemit të korrupsionit, vjedhjes dhe krimit dhe turpit”, shkruan Berisha.

The post Dorëheqja e Nikollës/ Reagon Berisha: Ka qenë një skllave e verbër e Ramës appeared first on Albeu.com.

Pjesë nga debati:

Dashnor Sula: “Për procedurë”?

Nikolla: “Mos bëj si aktor filmash”.

Dashnor Sula: “Kur nuk respekton rregulloren… Mos me ndërprit mua fjalën moj kush je ti? Bëhu më serioze. Si kryetare Kuvendi lë shumë për të dëshiruar. Këtu flitet për autobusin ti del tek pronat e Himarës. Për GJK, nuk e them as un as Bardhi, e thotë kryetarja e GJK, nuk e konceptoj se si vendimi i GJK mbahet në sirtar nga kryetarja e Kuvendit”.

The post Dash Sula i drejtohet Nikollës: Kush je ti? Bëhu më serioze, lë shumë për të dëshiruar appeared first on Albeu.com.

Ai tha se nuk ishte plotësuar kuorumi, pasi nga 71 deputetë që duhet të ishin, në sallë ishin vetëm 65.

“Nga përmbajtja e procesverbalit në faqen 3 drejtuesja e seancës në seancën e kaluar ka verifikuar kuorumin dhe rezulton se janë 65 deputetë prezentë. Në emër të PD-së ju jam drejtuar që të shpallni pavlefshmërinë e votimit të seancës së kaluar, në përputhje me ligjin. Sipas kuorumit do të duhet të jenë 71 deputetë”, tha Bardhi. Ndërkohë Nikolla i tha se ende nuk është marrë një vendim nga Sekretariati i Kuvendit.

The post Bardhi kërkesë Nikollës: Të shpallet i pavlefshëm votimi i seancës së kaluar appeared first on Albeu.com.