Kreu i Grupit Parlamentar të PD, Gazment Bardhi ka kërkuar vazhdimisht të marrë fjalën për procedurë, por Nikolla e ka përjashtuar dhe është përgjigjur se kësisoj ai nuk mund të marrë fjalën.

Teksa foltorja e Parlamentit është rrethuar nga gardistët, Bardhi është afruar i shoqëruar nga deputetë të tjerë demokratë, ndërsa i është drejtuar kryetares së Parlamentit me fjalë të ashpra.

Bardhi ka akuzuar Nikollën se ka gënjyer dhe se ka thënë se ishte sëmurë, duke iu referuar njoftimit të saj për tërheqjen nga detyra për arsye shëndetësore në seancën e të premtes.

Nikolla po ashtu i është përgjigjur Bardhit duke përsëritur thirrjet se ky i fundit është përjashtuar nga seanca, ndërsa ka shtuar se demokratit duhet “t’i vijë turp për fjalët e përdorura”.

Bardhi: Na jep fjalën për procedurë!

Nikolla: Je i përjashtuar nga seanca, nuk e merr dot fjalën për procedurë.

Bardhi: Ti the jam sëmurë, gënjeve Kuvendin!

Nikolla: Të të vijë turp për fjalët që përdor!

The post Shpërthen mes Bardhit dhe Nikollës, kryeparlamentarja: Të të vijë turp për fjalët appeared first on Albeu.com.

Nikolla është fotografuar e ulur në sallë pranë kryeministrit Edi Rama. Në kongresin e sotëm, do të zgjidhet anëtarët e Asamblesë, ndërsa gjithashtu mund të jepet një emër që do të jetë pasardhëse e Nikollës.

Kjo e fundit tha në fjalimin e saj mbrëmjen e së premtes në Kuvend, se dorëheqja e saj erdhi për shkak të një problemi shëndetësor.

The post U dorëhoq nga posti i Kryetares së Kuvendit, Nikolla shfaqet krah Ramës në Kongresin e Partisë Socialite appeared first on Albeu.com.

Padiskutim, një vendim i konsultuar ditë më parë me Edi Ramën, përpara se ai të udhëtonte drejt Parisit për ceremoninë e hapjes të Lojrave Olimpike.

Në korridoret e PS-së, nuk mungojnë komentet dhe hamendësimet se kush do të jetë në krye të Kuvendit të Shqipërisë.

Gazetari i Top Channel, Muhamed Veliu, bisedoi në mënyrë informale me disa prej anëtarëve të kryesisë të PS-së, të cilët si kandidaturë të mundshme në pol position për momentin në këtë post vendosin Elisa Spiropalin, aktualisht Ministre për Marrëdhëniet me Parlamentin.

Megjithatë, kjo mbetet në dorë të Edi Ramës për të vendosur.

Nuk përjashtohet mundësia e propozimit nga Rama, për vendin bosh të numrit një të Kuvendit edhe gjatë kongresit të PS-së të dielën.

Gjatë tre viteve të fundit, në mungesë të Edi Ramës në parlament, Elisa Spiropali, ka udhëhequr debatin dhe replikat e forta me opozitën, sidomos gjatë tre muajve të parë të 2024, kur parlamenti u mbërthye nga zhurma, flakadanët dhe molotovët e opozitës.

Nga ana tjetër, kandidatura e Elisa Spiropalit, është në pozita të forta në raport me performancën e brendshme të drejtuesve politik në qarqe, një merak konstant i Edi Ramës.

Ajo si drejtuese politike në Shkodër, koordinoi fushatën elektorale të zgjedhjeve të shkuara lokale në këtë qytet, duke e nxjerrë fituese PS-në me kandidaturën e Benet Becit.

Në biseda informale mes kolegësh, Elisa Spiropali, nuk e ka fshehur ambicien e avancimit të karrierës politike në drejtimin e diplomacisë shqiptare, apo atë të mbrojtjes falë një rrjeti të avancuar prej saj me dhe në marrëdhënie me ndërkombëtarët.

Top Channel, ka mësuar se në këtë kongres nga ata që cilësohen “të vjetrit” në PS, do të flasin vetëm tre.

Mes tyre, Blendi Klosi, Fatmir Xhafaj edhe Elisa Spiropali.

Pikërisht, përfshirja e Elisa Spiropalit në këtë treshe folësish në kongres, komentohet brenda PS-së si jo e rastësishme.

The post Kush do ta zëvendësojë Lindita Nikollën? Del emri se kush pritet t`i zërë vendin appeared first on Albeu.com.

Në mbledhje janë të ftuar edhe deputetët e opozitës, ndonëse këta të fundit nuk e kanë votuar dhe kanë deklaruar se nuk do të bëhen pjesë e këtij komisioni të Posaçëm.

Në cilësinë e kryetarit të Komisionit, socialisti Fatmir Xhafaj, u shpreh i keqardhur që opozita nuk iu përgjigj ftesës.

“Ky komision do të diskutojë çështje në interes të qytetarëve dhe që janë përtej ngjyrimeve tona politike.

Rikujtojmë se opozita më herët nuk mori pjesë në konstituimin dhe mbledhjet e para të reformës në drejtësi, por ata e kuptuan gabimin. Shpresoj që të mos ndodhë e njëjta gjë, por të na bashkohen”, u shpreh Xhafaj.

Keqardhje për mungesën e opozitës, shprehu edhe kryetarja e Kuvendit, Lindita Nikolla.

“Ky komision do të ketë mbështetjen tonë të plotë. Nuk ka asnjë pjesë politike dhe është gjithëpërfshirës”, tha Nikolla.

Komisioni ka 11 anëtarë, 6 nga mazhoranca dhe 5 nga opozita, komision me afat 10 mujor. Anëtarët e këtij komisioni, janë kryetarët dhe zv.kryetarët e 4 komisioneve të përhershme parlamentare dhe ata të Këshillit të Integrimit Evropian.

Objekti i Komisionit të Posaçëm Antikorrupsion

Komisioni i Posaçëm në zbatim të rezolutës së Kuvendit “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”, ka për qëllim kryesor të tij të drejtojë e koordinojë një proces të thelluar reformimi, me synim:

1) Përmirësimin dhe konsolidimin e praktikave të mirëqeverisjes në të gjitha nivelet

2) Thellimin e luftës kundër korrupsionit

3) Forcimin e mëtejshëm të zbatimit të ligjit, duke patur si udhërrëfyes gjetjet dhe rekomandimet e raporteve të Bashkimit Evropian dhe raportit Screening të Komisionit Evropian për grupkapitullin e parë, si dhe adresimin e masave të udhërrëfyesve të miratuar nga qeveria “Për shtetin e së drejtës” dhe “Reformën në administratën publike”.

Komisioni i Posaçëm ka për objekt të veprimtarisë së tij që përmes një procesi publik, gjithëpërfshirës e transparent, mbështetur në mekanizmat, rregullat dhe procedurat përkatëse parlamentare dhe me angazhimin e kontributin aktiv të ekspertizës më të mirë vendase dhe ndërkombëtare të realizojë:

1) Një vlerësim / analizë të situatës aktuale në të tre fushat, duke u mbështetur kryesisht në gjetjet dhe rekomandimet e shprehura në raportet e Bashkimit Evropian, përmes një angazhimi gjithëpërfshirës me institucionet e qeverisjes qendrore dhe vendore, agjencitë ekzekutive e ato publike të pavarura, institucionet e sistemit të drejtësisë, ekspertë vendas dhe ndërkombëtarë, subjekte të tjera të interesuara, organizatat e shoqërisë civile dhe vetë opinionin publik;

2) Hartimin dhe miratimin e një Plani Kombëtar Veprimi, me kohështrirje afatgjatë dhe të qëndrueshme për adresimin e sfidave përkatëse në këto fusha, duke rekomanduar edhe masa konkrete për ndryshime të mundshme ligjore dhe institucionale, të cilat duhet të adresohen në secilën fushë nga institucionet përgjegjëse;

Përbërja e Komisionit të Posaçëm Antikorrupsionin për Shqipërinë 2030

1. Fatmir Xhafaj kryetar (PS)

2. Klotida Bushka anëtare (PS)

3. Eduard Shalsi anëtar (PS)

4. Etilda Gjonaj anëtare (PS)

5. Evis Kushi anëtare (PS)

6. Toni Gogu anëtar (PS)

7. Jorida Tabaku anëtare (PD)

8. Dhurata Tyli anëtare (PD)

9. Sorina Kote anëtare (PD)

10. Flutura Açka anëtare (PD)

11. anëtar (PD)

1. Milva Ekonomi anëtare zëvendësues (PS)

2. Erion Braçe anëtar zëvendësues (PS)

3. anëtar zëvendësues (PD)

4. anëtar zëvendësues (PD)

The post Opozita bojkoton Komisionin Antikorrupsion/ Xhafaj e Nikolla: Keqardhje për ta appeared first on Albeu.com.

Kjo e fundit, vendosi pak më herët përjashtimin e deputeti Flamur Noka nga seanca, sipas saj për shkak të gjuhës së përdorur.

Ndërsa ministrja Elisa Spiropali fliste, Noka reagonte nga vendi, ndërsa deputetet e opozitës i binin tavolinave.

“Po më kërcënon? Të të vij zor. Turp të kesh. Je dhe burrë malësor ti, turp të kesh. Të të vij zor nga vetja”, i drejtohet Nikolla Nokës.

The post Seanca plenare ndërpritet sërish 5 minuta, Nikolla-Nokës: Po më kërcënon? Turp të kesh… appeared first on Albeu.com.

Në homazhe ishte edhe kryebashkiaku Erion Veliaj, si edhe shefi i Shtabit Arben Kingji.

The post Rama, Veliaj e Nikolla homazhe në Varrezat e Dëshmorëve appeared first on Albeu.com.

Presidenti Bajram Begaj shkruan se kjo festë na fton të jemi shpresëplotë për jetën dhe të mbështesim njëri-tjetrin, ndërsa një urim nuk mungoi as nga kryeparlamentarja Lindita Nikolla.

“Rrugëtimi i Krishtit është më i larti  shembull i përkushtimit. Në natën e acartë të dimrit, Jezusi lindi për të gjithë ne. Në botën e trazuar ku jetoi, u shërbeu me përdëllim të gjithëve. Nga vuajtjet e shkaktuara prej zemërimit, urrejtjes dhe lëndimeve, u kryqëzua për të gjithë ne”, shkruan Nikolla.

Nga radhët e opozitës urimet për më shuma paqe e begati erdhën nga kryedemokrati Lulzim Basha dhe Presidenti i Partisë së Lirisë, Ilir Meta.

“Gëzuar Pashkën e Madhe të gjithë besimtarëve ortodoksë dhe mbarë popullit shqiptar! Sa më shumë mbarësi, paqe, begati dhe lumturi në çdo familje”, shkruan Meta.

“Drita e ringjalljes i mbushtë zemrat tuaja dhe vatrat e çdo familje shqiptare plot me shpresë dhe besim se e mira do të triumfojë mbi çdo dhimbje dhe padrejtësi. Nga mot gëzuar”, shkruan Basha.

Besimtarët kremtuan Pashkën, ndërsa morën pjesë në meshën e shenjtë të ngjalljes së Krishtit në Kishat dhe Katedralet në gjithë vendin.

The post Sot festohen Pashkët Ortodokse, uron politika! Rama: Gëzuar! Begaj: Të mbështesim njëri-tjetrin! Basha e Meta: Paqe e begati appeared first on Albeu.com.

Deputeti Tritan Shehu, ka deklaruar se ende nuk ka një njoftim për interpelancën e thirrur, në lidhje me gjenocidin në Kosovë.

Ndërkohë kreu i Grupit Parlamentar Gazment Bardhi, ka deklaruar se është bërë rrugë që kërkesat e ardhura nga opozita “futen në sirtar” e nuk njoftohet as seanca për depozitimin e tyre.

Pjesë nga diskutimi:

Tritan Shehu: “Kam kërkuar para pak javësh Interpelancë për Gjenocidin serb në Kosovë. Kanë kaluar afatet dhe nuk kam asnjë njoftim. Për mua dhe kryeministrin kjo mund të presë por për ngjarjet që po zhvillohen, kur në datë 6 votohet në OKB për rezolutë të Srebrenicë… Në vend që në 6 maj të diskutohet gjenocidi në Kosovë, diskutohet ai për Srebrenicës. Dua njoftim”.

Lindita Nikolla: “Brenda këtij kalendari do të mbahet interpelanca”.

Gazment Bardhi: “Kërkesat për interpelancë të PD i fusni në sirtar, nga ana tjetër kërkesat për interpelancë me kryeministrit as nuk njoftoni Kuvendin. E keni bërë rrugë. Duhet të ishte interpelancë në rastin me RAI3. Keni detyrimin që nëse keni marrë vendim për të mos pranuar interpelancën, duhet njoftuar. E kuptoj që keni frikë edhe t’ja përmendni emrin Ramës, por Kuvendi nuk ka frikë ta thërrasë në interpelancë e t’i kërkojë llogari. Të japë llogari Meloni e mos japë Rama… Informoni seancën për mbërritjen e interpelancës”.

Lindita Nikolla: “Ju kam sqaruar në Konferencën e Kryetarëve”.

The post Gazment Bardhi: Të japë llogari Meloni e mos të japë Rama, Shehu dhe Bardhi ankesa për mospranimin e interpelancave: E keni bërë rrugë, i fusni në sirtar… appeared first on Albeu.com.

Gjatë një komunikimi me gazetarët jashtë sallës së Kuvendit, Basha mes humorit tha se do t’i përgjigjej të gjitha pyetjeve të tyre, pasi nuk kishte ku të shkonte, pasi nuk i lejohej që të futej sërish brenda sallës.

“Një sekond ju lutem se nuk kam ku të shkoj. Nuk më lënë që të futem sërish brenda (qesh)…”, tha Basha.

The post Nikolla e përjashtoi nga Kuvendi, Basha: S’më lënë që të futem brenda appeared first on Albeu.com.

“Mos bllokoni foltoren. Ju tërheq vëmendjen për zaptim foltoreje. Do ju përjashtoj nga seanca”, tha

kryeparlamentarja Nikolla, e cila më pas ka marrë vendimin për përjashtimin e Bashës.

Nikolla e paralajmëroi se masa e marrë ndaj tij mund të rëndohet, ndërsa lajmëroi 5 minuta pushim.

The post Basha bllokon foltoren, Nikolla e përjashton nga seanca appeared first on Albeu.com.