Klubi korçar ka zyrtarizuar së fundmi përforcimin e radhës për repartin ofensiv, bëhet fjalë për talentin Nikola Velichkovski. Lajmi u bë i ditur përmes kanaleve sociale të Skënderbeut, ku u prezantua sulmuesi qendror që luan rregullisht me përfaqësuesen U-21 të Maqedonisë së Veriut.

Pas një periudhe te Brera Strumica, 20-vjeçari ka vendosur të vijë në Kategorinë Superiore, duke u bashkuar me “Ujqërit e Dëborës” dhe duke pritur që t’i përgjigjet thirrjeve të trajnerit Julian Ahmataj.

Karriera e Velichkovskit ka nisur te Vardari në vendlindje, ndërsa më pas ai ka veshur edhe fanellat e Makedonijas, Rabotnickit, si dhe ka pasur një eksperiencë në Bullgari me Septemvri Sofia.

The post Skënderbeu i bën “dhuratë” tjetër trajnerit Ahmataj, firmos sulmuesi 20-vjeçar nga Maqedonia e Veriut appeared first on Albeu.com.