“A janë terroristë këta fëmijë shqiptarë? Shikojeni mirë këtë foto, sepse këta janë fëmijët e vrarë të familjes Jashari. Ata u vranë me urdhër të kriminelit të luftës Sllobodan Millosheviq. Në mesin e këtyre fëmijëve ishte edhe vajza shtatëvjeçare Blerina Jashari, e cila u vra nga një plumb në pjesën e pasme të kokës”, ka shkruar ai.

Tutje ai ka përmendur edhe rastin e tij, teksa ishte torturuar nga policia serbe vetëm pse vendosi lule mbi varrin e saj dhe kërkoi falje në emër të serbëve.

“Kryetari i Partisë Republikane në Serbi, Nikola Sanduloviq, vendosi lule në varrin e saj, kërkoi falje në emër të serbëve që nuk e bënë këtë krim dhe kërkoi falje në emër të paqes dhe të ardhmes së popullit serb dhe shqiptar në Kosova. Prandaj ai u rrëmbye, u torturua, u poshtërua dhe u rrah për vdekje nga policia sekrete serbe BIA me urdhër të spiunit të dekoruar rus Aleksandar Vulin dhe presidentit serb Aleksandar Vuçiq. Kur Nikola Sandulović mbeti gjallë pas 9 orësh torturash, departamenti i antiterrorizmit hyri në prokurori dhe gjykatës nga Nishi dhe e akuzoi atë për SHPËRNDARJE URREJTJE FETARE DHE KOMBËTARE për vendosjen e luleve mbi varrin e një vajze shqiptare 7-vjeçare të vrarë. A është tashmë e qartë për të gjithë se çfarë është qeveria aktuale në Serbi dhe cilat do të jenë pasojat?”, ka shkruar tutje ai.

The post A ishin terroristë këta fëmijë shqiptarë? appeared first on Albeu.com.

Kryetari i Partisë Republikane Serbe thotë se vajza e tij nuk është lejuar të kthehet në Serbi dhe se po mbahet nga regjimi diktatorial i Aleksandar Vuçiçit

“Regjimi diktatorial i Aleksandar Vuçiçit vazhdon ta persekutojë vajzën time, Klarën. Policia po e mban atë dhe zyrtarët e Partisë Republikane në pikëkalimin kufitar të Merdarit dhe nuk po i lejojnë të hyjnë në Serbi”, ka shkruar ai.

Kujtojmë se dhe vetë Sanduloviç u dhunua barbarisht dhe u burgos pas homazheve në Prekaz.

The post Policia serbe ndalon të bijën e Sanduloviç pas homazheve në Prekaz, politikani: Regjimi diktatorial i Aleksandar Vuçiçit vazhdon ta persekutojë vajzën e tij appeared first on Albeu.com.

Blerina ishte 7-vjeçare kur u vra nga forcat serbe në vitin 1998.

Stojkoviç, shtetas i Serbisë, është avokat i politikanit opozitar në Serbi, Nikolla Sandulloviç, i cili u arrestua më 3 janar 2024, pak kohë pasi publikoi fotografi nga kompleksi memorial në Prekaz.

Ai u arrestua nën dyshimet “se ka kryer vepër penale të nxitjes së urrejtjes dhe mosdurimit kombëtar, racor dhe fetar”. Ndërkohë ai u lirua, por iu konfiskua pasaporta.

Avokati Stojkoviç tha se Sandulloviç kishte bërë homazhe më 17 shkurt të vitit 2023.

“Njëzet e pesë vjet pas luftës së Kosovës, si lufta e fundit ballkanike, vendi im arreston dhe rrah njerëz që duan pajtim mes kombeve duke vendosur lule mbi varret e fëmijëve shqiptarë. Është diçka që nuk duhet ta injorojmë. Është një paralajmërim i qartë se e keqja nuk është mposhtur, se ajo pret kohën e vet…”, tha ai.

“Unë erdha këtu jo vetëm për të shprehur dhimbjen time për qytetarët e vrarë, pas 26 vjetësh, erdha këtu jo vetëm për të nderuar viktimat, por erdha këtu edhe për të dhënë një mesazh të qartë se ne po ndërtojmë një të ardhme më të mirë për jetën tonë. Njerëz, mos kini frikë. Nuk kemi pasur frikë dje, nuk kemi frikë sot dhe nuk do të kemi frikë nesër. Askush nuk do të na pengojë të ecim në rrugën e pajtimit, paqes, solidaritetit dhe drejtësisë”, shtoi ai.

Stojkoviç, njoftoi paraprakisht për vizitën e tij në Prekaz dhe tha se me këtë sfidon autoritetet në Serbi, që ta arrestojnë edhe atë, njëjtë sikurse Sandulloviçin.

“I arrestuar apo jo, do të vazhdoj të jem njeri i lirë, sepse liria nuk vjen nga gjykimet… Liria vjen nga zemra e njeriut”, u shpreh Stojkoviç.

Ai tha se mesazhi që duhet të dërgohet nga Prekazi është se “liria do të fitojë gjithmonë”.

“Blerina, urrejtja vdes, ti jeton përgjithmonë. Mijëra lotët le të krijojnë mijëra vjet paqe dhe miliona shpresa e ëndrra që fillojnë me fjalën – Na fal”, tha avokati serb.

Bashkë me Blerinën, nga forcat serbe u vranë edhe më shumë se 50 anëtarë të tjerë të familjes Jashari, në mesin e tyre edhe ish-komandanti Adem Jashari – një nga themeluesit e ish-Ushtrisë Çlirimtare të Kosovës (UÇK).

Avokati serb bëri të ditur se nesër do të kthehet në Beograd dhe i pyetur nga gazetarët nëse ndihet i frikësuar se mund të arrestohet, ai mohoi diçka të tillë.

Rasti Sandulloviç

Më 2 janar, Sandulloviç e publikoi një video në rrjetin social X, ku ai shihej në kompleksin “Adem Jashari” në Prekaz duke vendosur kurorë me lule në monumentin që përkujton ngjarjet e 5, 6 dhe 7 Marsit 1998, kur forcat serbe vranë më shumë se 50 anëtarë të familjes së Adem Jasharit, një nga themeluesit e ish-Ushtrisë Çlirimtare të Kosovës (UÇK).

Një ditë pas publikimit të videos në rrjetin X, avokati Çedomir Stojkoviç bëri të ditur se Sandulloviçi është arrestuar më 3 janar.

Sandulloviq u mbajt në paraburgim nga 5 deri më 15 janar dhe arrestimi i tij nxiti reagime në Kosovë dhe më gjerë.

Kryeministri i Kosovës, Albin Kurti, tha se ai u keqtrajtua pasi kërkoi falje për krimet e Serbisë.

Ndërkaq, institucionet e Bashkimit Evropian konfirmuan më 9 janar se po monitorojnë situatën dhe informacionet lidhur me arrestimin e Sandulloviçit.

Familjarët thanë se Sandulloviçi u keqtrajtua brutalisht. Prokuroria në Serbi tha se nuk ka prova për këtë.

Ish-shefi i Agjencisë së Sigurisë dhe Informacionit e Serbisë (BIA), Aleksandar Vulin, tha më 6 janar se Sandulloviçi ishte arrestuar me urdhër të tij, për shkak se kishte vendosur kurorë me lule në fshatin Prekaz të Skenderajt.

Sandulloviç është president i Partisë Republikane që u themelua më 2015, por që nuk e ka kaluar pragun zgjedhor për t’u futur në Parlamentin serb.

Ai ka një biografi kundërthënëse, ku përfshihet edhe plagosja e tij nga shpërthimi i një makine 13 vjet më parë, dhe arrestimi i tij për “përhapje paniku” më 2020 gjatë pandemisë së koronavirusit.

The post Klienti i tij u burgos nga Serbia, avokati i Sanduloviç vizitë në memorialin “Adem Jashari”: Askush nuk na ndalon në rrugën e pajtimit appeared first on Albeu.com.

Ai thotë se shërbimet sekrete të Beogradit e kanë rrahur, torturuar dhe poshtëruar dhe e kanë kërcënuar se do ta vrasin atë dhe familjen e tij.

Nikola Sanduloviç, lideri i Partisë Republikane Serbe, tha se ai u mor nga shtëpia e tij 10 ditë më parë dhe iu nënshtrua abuzimit dhe dhunës për më shumë se gjashtë orë nga shërbimi i inteligjencës serbe.

Për pasojë, thonë avokatët e tij, ai ka mbetur i paralizuar në anën e majtë dhe po pëson dëmtime nervore.

Duke folur për herë të parë që nga lirimi i tij, Sanduloviç tha në një deklaratë të mërkurën: Më rrëmbyen anëtarët e policisë sekrete serbe, të cilët më rrahën, torturuan, më poshtëruan dhe më kërcënuan se do të më vrisnin mua dhe familjen time për më shumë se gjashtë orë, duke rrezikuar jo vetëm shëndetin, por edhe jetën.

E gjithë kjo për shkak të pikëpamjes sime politike dhe vendosjes së luleve mbi varrin e një vajze të vrarë shtatë vjeçare, e cila i përkiste familjes Jashari.

Sanduloviç është akuzuar për nxitje të urrejtjes kombëtare, racore dhe fetare.

Akuzat u ngritën pasi ai kërkoi falje për krimet e kryera nga serbët kundër shqiptarëve etnikë gjatë luftës së Kosovës për pavarësi në vitin 1998 dhe 1999.

Ai është kritikuar ashpër nga mediat pro-qeveritare për ripostimin e një videoje të një vizite që bëri në varrin e Ademit Jashari, themelues i Ushtrisë Çlirimtare të Kosovës, i cili u vra nga ushtria serbe në vitin 1998 së bashku me 57 anëtarë të familjes së tij.

Sanduloviç tha se pas sulmit, shërbimi sekret e mori atë në shtëpi. Menjëherë më pas, tha ai, ka mbërritur policia me urdhër për ta çuar në burg.

Në vend të kësaj, ai u dërgua në qendrën e urgjencës pasi “gjendja e tij ishte kritike”.

Politikani opozitar tha se më pas u transferua në një spital burgu dhe u dënua në të njëjtën kohë me “paraburgimin e padrejtë prej 30 ditësh”.

Agjencia e Inteligjencës së Sigurisë (BIA) e ka pranuar marrjen në pyetje të Sanduloviçit, por, në një deklaratë për Financial Times, tha se ai “nuk i ishte nënshtruar ndonjë përdorimi të paligjshëm të forcës fizike ose shkeljes së lirisë dhe të drejtave”.

BIA vetëm donte të “zbardhte kontekstin e veprimeve të paligjshme të Sanduloviçit, të cilat prokurori kompetent i klasifikoi si vepër penale, ​​nxitje e urrejtjes dhe intolerancës kombëtare, racore dhe fetare”.

Shërbimi mohoi raportet se agjentët e tij e kishin rrahur, duke thënë se akuzat kishin për qëllim destabilizimin e vendit.

The post Nikola Sanduloviç rrëfehet për herë të parë: BIA më rrahu e poshtëroi për më shumë se 6 orë appeared first on Albeu.com.

Vajza e politikanit, Klara, Sanduloviç, ka dhënë detaje mbi dhunën e ushtruar nga agjentët e shërbimit sekret serb (BIA).

Në një intervistë për Euronews ajo tha se babai i saj ndodhet në gjendje kritike për jetën, në spitalin e burgut.

Sipas saj Sanduloviç është i paralizuar pas dhunës së agjentëve të shërbimit sekret serb dhe nëse nuk i jepet ndihma e nevojshme mjekësore ai mund të vdesë.

“Për momentin im ataë ndodhet në gjendje shumë kritike. Këtë mëngjes e transferuan në spitalin e policisë që nuk ka kushtet e duhura për të mjekuar gjendjen e tij. Ai është tërësisht i paralizuar në pjesën e djathtë të trupit. Ka thyerje dhe dëmtime në kokë dhe vetëm nëse lëviz sadopak ai humbet ndjenjat. Nëse nuk del nga spitali i burgut brenda ditës së sotme, nuk jam i bindur nëse do të mbijetojë. Dje e çuan në spitalin e burgut, por është një spital me kushte të tmerrshme. 15 policë erdhën në shtëpinë tonë për të kontrolluar dhe përcollën urdhrin se im atë duhet të shkonte në burg. Ne qëndruam në rrugë 2-orë në rrugë pasi nuk mund ta lëviznim, pasi sa herë lëvizet i bie të fikët.

Mjekët refuzonin që ta merrnnin në spitalin e burgut, pasi nëse do të shkojë aty do të vdesë. Gjatë kësaj pritjeje ai humbi ndjenjat dhe vetëm rreth orës 2:30 u bë e mundur dërgimi. Këtë mëngjes prokurori urdhëroi që ai të shkonte në spitalin e burgut”, tha ajo.

E bija e Sanduloviç theksoi se babai i saj u mor peng në një furgon nga persona civilë, pa mandat, të cilët e dhunuan për 5-orë.

Shkak për këtë sipas të bijës janë bërë nderimet që ai bëri në Prekaz si dhe falja që kërkoi për familjet shqiptare.

“Im atë u rrëmbye nga agjentë të BIA të cilët e futën në një furgon të zi dhe e dhunuan për 5 orë. Shumica e tyre nuk e fshehën fytyrën e tyre. Ata erdhën pa pasur asnjë mandat. Qeveria ka bërë një krim, ata nuk vepruan sipas ligjit, por e rrëmbyen, e kërcënuan dhe e dhunuan. Nëse im atë vdes përgjegjësia është e regjimit që është ktheyr në diktaturë.

Arsyeja pse u arrestua është se i shprehu ngushëllimet e tij familjeve të viktimave shqiptare dhe vendosi lule në varin e një vajze 14-vjeçare”, tha ajo.

The post Nderoi Adem Jasharin, e bija tregon dhunën ndaj politikanit serb: E paralizuan appeared first on Albeu.com.

Arsyeja e arrestimit të tij, ishte vizita e Sanduloviq në Prekaz vitin e kaluar ku edhe kishe kërkuar falje për krimet e Serbisë.

Politikani republikan serb më 2 janar të këtij viti e kishte shkruar një postim në platformën “X”, ku kishte rikthyer mesazhin për vizitën e tij në Prekaz që kishte ndodhur në shkurtit të viti të kaluar.

”Unë jam i vetmi politikan nga Serbia që kam ardhur për të nderuar viktimat e pafajshme shqiptare, familjen Jashari, në Prekazi. Kërkova falje dhe kërkova falje në emër të serbëve që nuk e bënë këtë”, ka shkruar Sanduloviq të martën.

Por sipas avokatit të tij, ky postim është bërë shkak i arrestimit, transmeton Gazeta Express.

”Vetëm 1 ditë pas postimit të tij në rrjetin X ku shpreh ngushëllimet e tij për shqiptarët në Kosovë për eliminimin e 50 anëtarëve të familjes Jashari në vitin 1998, dhe vetëm 1 minutë pasi media e regjimit filloi një fushatë të orkestruar urrejtjeje kundër tij për shkak të atij postimi – fjali të thjeshta që shprehin ngushëllime”, ka shkruar ai.

Serbia në dhjetor të këtij viti ka mbajtur zgjedhjet parlamentare dhe pjesërisht lokale, të cilat u kontestuan nga organizatat kredibile ndërkombëtare që i monitoruan ato.

Kjo ka bërë që perëndimi ta kritikojë presidentin e Serbisë, Aleksandar Vuçiq.

Vuçiq ka qasje destruktive ndaj Kosovës, por edhe ndaj politikanëve në Kosovë dhe Serbi që e njohin pavarësinë e Kosovës, e shpallur më 17 shkurt 2008 dhe e konsideruar si e ligjshme me të drejtën ndërkombëtare nga Gjykata Ndërkombëtare e Drejtësisë (GJND). /Gazeta Express

The post Avokati Stojkoviq thotë se BIA ka arrestuar politikanin serb që ka vizituar Prekazin dhe ka kërkuar falje appeared first on Albeu.com.

I vetmi politikan serb që jo vetëm ka një qasje krejt ndryshe nga regjimi aktual i Vuçiçit por edhe i vetmi politikan i Serbisë që prej vitesh ka njohur Kosovën si Republikë dhe disa herë ka kërkuar falje për krimet serbe në Kosovë.

Bashkëpunimi i Republikanëve të Kosovës dhe Serbisë është modeli se si duhet ndërtuar partneriteti në të ardhmen por jo pa njohur dhe kërkuar falje për krimet e së kaluarës.

The post Kush është politikani i vetëm në Serbi që uroi Vjosa Osmanin për detyrën e re appeared first on Albeu.com.