Igli Tare vijon të jetë i pranishëm në stadiumet ku zhvillohen ndeshjet e ekipeve të Superiores. Legjenda e Kombëtares shqiptare ndoqi nga afër edhe përballjen mes Teutës dhe Tiranës, të luajtur në stadiumin “Niko Dovana”.

Pas qëndrimit të shkurtër në rolin e drejtorit sportiv të Milanit, 53-vjeçari duket se po i kushton vëmendje futbollit shqiptar, duke u “transferuar” përkohësisht në Superiore.

Megjithatë, nga ana e vlonjatit ende nuk ka një vendim përfundimtar nëse do të rikthehet në drejtimin sportiv të një klubi të rëndësishëm europian apo do të qëndrojë jashtë kësaj detyre për disa muaj ose vite.

The post Igli Tare ndjek nga afër Superiore, pas eksperiencës së shkurtër te Milani appeared first on Albeu.com.

Vetëm pak çaste pas nisjes së përballjes mes Teutës dhe Tiranës, stadiumi “Niko Dovana” në Durrës mbeti pa ndriçim. Sfida luhet për javën e dytë të “Abissnet Superiore”.

Pas më pak se 5 minutash lojë, dritat u fikën dhe për disa minuta impianti u zhyt në errësirë.

Në këto rrethana, tifozët e pranishëm krijuan një atmosferë të veçantë, ndërsa disa prej tyre përdorën dritat e celularëve për të ndriçuar tribunat.

Spektaklit iu bashkuan edhe ultrasit durrsakë, “Djemtë e Detit”, të cilët ndezën flakadanë në stadium. Dritat u rikthyen pas disa minutash.

The post VIDEO/ Errësira përfshin “Niko Dovanën”, tifozët e Teutës krijojnë spektakël me flakadanë appeared first on Albeu.com.

LIVE

Teuta 0 – 0 Tirana

Ka nisur në stadiumin “Niko Dovana” të Durrësit përballja mes Teutës dhe Tiranës.

1’ – Topi është vënë në lëvizje në sfidën Teuta – Tirana.

Ndeshja i përket javës së 2-të të Abissnet Superiore dhe drejtohet nga arbitri Olsid Ferataj.

FORMACIONET ZYRTARE:

TEUTA: Bernandoni; Zhongo, Macolli, Kallaku, Boçi, Përgjoni, Mala, Fangaj, Arifi, Toli, Umejiego.

Trajner: Edlir Tetova.

TIRANA: Bekaj; Ndong, Colley, Myslovic, Vogli, Kiss, Alvarez, Berisha, Hazrollaj, Ilievski, Stanic.

Trajner: Dean Klafuriç.

Stadiumi: “Niko Dovana”

The post Teuta dhe Tirana kërkojnë triumfin e parë, duel edhe mes Tetovës dhe Klafuriçit në “Niko Dovana appeared first on Albeu.com.