Nikos Dendias shprehet se nëse nuk ka prova për akuzën e shit-blerjes së votave, atëherë arrestimi i Belerit do të ishte një skandal.

“Arrestimi i një kandidati për kryetar bashkie dy ditë para zgjedhjeve, nëse nuk ka prova të pakundërshtueshme, përbën skandal ”, nënvizoi zoti Dendias, pas mbërritjes së tij në takimin informal të ministrave të jashtëm të Bashkimit Europian, që po zhvillohet sot.

Ndalimi i Belerit vjen disa ditë pas debateve politike në lidhje me një deklaratë të tij në një intervistë në mediat greke. Sipas kryeministrit Edi Rama, kandidati i opozitës për bashkinë e Himarës, ka deklaruar në mediat greke se “Beleri ka premtuar helenizimin e Himarës”.

Duke dënuar këtë deklaratë, kryeministri i kërkoi drejtuesve të koalicionit opozitar “Bashkë Fitojmë” Sali Berisha dhe Ilir Meta të tërheqë kandidaturën e Belerit. Vetë kandidati opozitar reagoi duke thënë se nuk ka bërë kurrë një deklaratë të tillë. Pas ndalimit të Belerit, Ministria e Jashtme greke reagoi duke deklaruar se ka udhëzuar ambasadoren e Greqisë në Tiranë të zhvillojë një takim në Ministrinë e Jashtme të Shqipërisë për të kërkuar informacione për këtë ngjarje.

Përballë Belerit në Himarë garon kandidati i Partisë Socialiste, Gjergji Goro, kryetari aktual i kësaj bashkie në jug të Shqipërisë. Beleri kishte njoftuar në rrjetet sociale një takim pasditen e sotme për të përmbyllkur fushatën zgjedhore./albeu.com/

The post Arrestimi i Fredi Belerit, ministri i jashtëm grek: Nëse nuk ka prova për vjedhje votash është skandal! appeared first on Albeu.com.

Në llogarinë në Instagram, Vuçiç ka falënderuar Dendias për qëndrimin e Greqisë, si dhe për angazhimin e tij personal, kur bëhet fjalë për mbështetjen e dialogut dhe respektimin e ligjit ndërkombëtar.

“Përfitova nga dita e bukur në Beograd për të pritur ministrin me të cilin biseduam për situatën në rajon, vazhdimin e procesit të normalizimit të marrëdhënieve ndërmjet Beogradit dhe Prishtinës dhe diskutuam për forcimin e bashkëpunimit ndërmjet dy popujve dhe vendeve tona. E falënderova mikun tonë për qëndrimin parimor të Greqisë, si dhe për përfshirjen e tij personale, kur bëhet fjalë për mbështetjen e dialogut, respektimin e së drejtës ndërkombëtare, ruajtjen e paqes dhe stabilitetit në rajon dhe avokimin për përparimin e Serbisë në rrugën e integrimit evropian,” shkruan Vuçiç.

Ndërkohë që ministri i Jashtëm grek ka reaguar përmes një postimi në Twitter, ku thekson se e përgëzoi presidentin serb për marrëveshjen e aritur në Ohër mes Prishtinës dhe Beogradit.

“Jam pritur sot nga presidenti i Serbisë, Vuçiç, në Beograd. E përgëzova për marrëveshjen e fundit ndërmjet Beogradit dhe Prishtinës të arritur në Ohër.
Përsërita mbështetjen e vendosur të Greqisë për përpjekjet e BE-së për përparimin e mëtejshëm të dialogut Beograd-Prishtinë, me qëllim të përfundimin e një marrëveshjeje gjithëpërfshirëse dhe ligjërisht të detyrueshme. Ne diskutuam gjithashtu zhvillimet rajonale dhe perspektivën evropiane të Ballkanit Perëndimor”, shkroi Dendias./Albeu.com/

The post Ministri i Jashtëm grek vizitë në Beograd, zbardhet biseda me Vuçiç appeared first on Albeu.com.

Në axhendë është parashikuar që ministri i Jashtëm të zhvillojë një takim me Presidenten Vjosa Osmani rreth orës 15:00.

Sipas njoftimit të Presidencës kosovare, pas takimit nuk pritet të ketë konferencë për shtyp.

Kujtojmë se Greqia është një ndër pesë vendet e Bashkimit Evropian që heziton të njohë Kosovën si shtet të pavarur.

The post Ministri grek nesër vizitë zyrtare në Kosovë, do të zhvillojë takim me presidenten Osmani appeared first on Albeu.com.

Dendias theksoi se mosmarrëveshjet zgjidhen në kuadër të të drejtës ndërkombëtare.

Dendias i ka cilësuar çmenduri pretendimet e Turqisë në lidhje me ishujt përballë tokës turke.

Më herët, Erdogan dhe ministri i Jashtëm i Turqisë, Çavusoglu thanë se nëse Greqia nuk i demilitarizon ata ishuj, atëhere turqve iu lind e drejta të rishikojnë sovranitetin e tyre. Kjo ishte në deklaratë bombë për Greqinë pasi turqit theksonin se kishin pretendime territoriale mbi ishujt grekë.

Në një intervistë për gazetën greke “Parapolitika”, Dendias zbulon edhe detaje nga vizita e fundit në Tiranë.

“Në vizitën e fundit timen në Tiranë diskutuam se mund t’i përshpejtojmë proceset ligjore në drejtim të zgjidhjes së çështjes së detit”, tha Dendias duke iu referuar vizitës në Tiranë.

Më tej ai vazhdoi:

“Me Shqipërinë ne japim një shembull të qartë për të gjitha shtetet e rajonit më të gjerë se si duhet të zgjidhen mosmarrëveshjet midis shteteve. Gjithmonë, bazuar në të drejtën ndërkombëtare dhe veçanërisht të drejtën e detit“.

Ndërkohë që thoshte këto për vendin tonë, shefi i diplomacisë greke theksoi edhe njëherë qendrimin e Greqisë në lidhje me Çështjen Çame. “Ministria jonë e Jashtme diskuton vetëm mbi çështje që ekzistojnë dhe jo mbi situata jo-ekzistuese”, tha Dendias duke mohuar kështu Çështjen Çame, ndërkohë që përpiqet të shtojë se këtë parim Greqia e ka edhe me fqinjët e tjerë.

Gjatë vizitës së fundit në Tiranë, Dendias ishte i prerë sa i përket Çështjes Çame duke paralajmëruar Shqipërinë se hapja e çështjeve që nuk ekzistojnë (sipas Greqisë) do të dëmtonte rrugëtimin e Shqipërisë në BE./albeu.com/

The post Tensionet me Turqinë, Greqia merr shembull Shqipërinë: Çështja çame nuk ekziston! appeared first on Albeu.com.