Vetëm tre muaj pasi njoftoi përfundimin e karrierës profesioniste, Niklas Sule është kthyer sërish në fushë. Ish-qendërmbrojtësi i Borussia Dortmund tani luan si sulmues për Tiefenbach, klub që garon në divizionin e nëntë.

Paraqitja e tij e parë ngjalli interes të madh, ndërsa Sule arriti të shënonte menjëherë, pavarësisht se gjatë gjithë karrierës kishte luajtur në mbrojtje. Goli i tij nuk e shpëtoi Tiefenbachun nga humbja 2-7, por vëmendja kryesore e ndeshjes mbeti prania e tij në fushën e vogël.

Shumë fëmijë u mblodhën rreth tij dhe, pas përfundimit të takimit, ai qëndroi për një kohë të gjatë duke dhënë autografe, nënshkruar suvenire dhe pozuar për fotografi.

Sule kishte deklaruar tërheqjen nga futbolli profesionist në moshën 30-vjeçare. Gjatë karrierës së tij 13-vjeçare, ai fitoi 14 trofe me Bayern Munichun dhe regjistroi 49 paraqitje për Gjermaninë.

Vendimin e bëri publik në një intervistë shumë të hapur dhe autokritike, ku foli për rrugëtimin e tij, parimet që e kishin udhëhequr dhe betejën e vazhdueshme me peshën. Rrëfimi emocional u shoqërua edhe me një episod të pazakontë, por tërheqës.

Pak çaste pasi foli për fundin e karrierës, Sule solli në mënyrë ceremoniale një qese me ushqim të shpejtë, duke shkaktuar të qeshura te drejtuesi i intervistës. Me një buzëqeshje të madhe, ai tha: “Nuk e di sa është ora, por po vdes urie. Nëse kjo është intervista ime e fundit si futbollist profesionist, mendova të porosisja dymbëdhjetë hamburgerë me djathë”.

Më pas ai shtoi: “Jemi katër veta, kështu që nëse secili prej nesh merr nga tre, funksionon, megjithëse ndoshta do të ha gjashtë vetë. Ishte thjesht një shaka e vogël, në rast se dikush donte një”.

Sule kafshoi menjëherë njërin prej hamburgerëve me djathë dhe, ndërsa e kishte gojën plot, tregoi se ideja i kishte lindur teksa po ngiste makinën.

Humori rreth ushqimit të shpejtë mori një domethënie tjetër kur ai rrëfeu presionin me të cilin ishte përballur gjatë gjithë karrierës për shkak të peshës së tij. Sule tregoi se, gjatë kohës te Bayern, kishte agjëruar një ditë përpara një peshimi dhe ishte futur në sauna i veshur me mushama, në mënyrë që të djersinte dhe të humbiste kilogramë me shpejtësi. Ky rrëfim nxori në pah anën më pak tërheqëse të sportit profesionist.

Të dhënat zyrtare të Bundesligës e regjistronin Niklas Sulen me peshë 91 kilogramë për sezonin 2025/2026. Megjithatë, gjatë pjesës më të madhe të periudhës së tij te Borussia Dortmund dhe Bayern Munich, u raportua se ai peshonte 99 kg. Për shkak të luhatjeve të ndjeshme, pesha e tij u kthye vazhdimisht në temë mediatike.

Në maj të vitit 2024 u raportua se Sule kishte kaluar kufirin e 110 kg, çka ndikoi në formën e tij dhe bëri që ai të humbiste Kampionatin Evropian. Gjatë pushimeve verore të vitit 2024, ai angazhoi një trajner privat dhe humbi 8-10 kg, duke u rikthyer në gjendje konkurruese për fazën përgatitore të Borussia Dortmund.

Karrierën e nisi te Hoffenheim, ku zhvilloi 117 ndeshje, realizoi tetë gola dhe kontribuoi me katër asistime. Më pas kaloi te Bayern Munich, për të cilin regjistroi 171 paraqitje, shtatë gola dhe pesë asistime.

Etapa e fundit e karrierës së tij profesioniste ishte Borussia Dortmund. Me këtë skuadër, Sule luajti 109 herë, duke shënuar tre gola dhe duke dhënë pesë asistime.

The post U tërhoq në moshën 30-vjeçare pas 14 trofeve dhe e festoi me hamburger, tre muaj më vonë rikthehet në divizionin e nëntë appeared first on Albeu.com.

Niklas Süle, ish-mbrojtësi i Bayern Munich, Borussia Dortmund dhe përfaqësueses së Gjermanisë, ka zgjedhur të kthehet sërish në fushë pak kohë pasi bëri të ditur tërheqjen nga futbolli profesionist.

30-vjeçari do ta vazhdojë karrierën te SV Tiefenbach, një klub amator që konkurron në Kreisliga, kampionat rajonal që konsiderohet afërsisht niveli i 11-të i futbollit në Gjermani.

Në maj, Süle kishte njoftuar se do t’i jepte fund rrugëtimit të tij profesional pas mbylljes së sezonit 2025/26 në Bundesliga. Ky vendim erdhi pas disa dëmtimeve të rënda, të cilat e kishin kufizuar dukshëm gjatë viteve të fundit.

Gjatë periudhës së tij si futbollist, ai fitoi pesë trofe të Bundesligës si dhe Ligën e Kampionëve me Bayern Munich, skuadër ku luajti nga viti 2017 deri në vitin 2022. Më vonë kaloi te Borussia Dortmund, ku numëroi 110 ndeshje zyrtare dhe realizoi tri gola.

Në edicionin e fundit, Süle u aktivizua vetëm 11 herë në kampionat, përpara se të merrte vendimin për t’u larguar nga futbolli i niveleve më të larta.

Gjithsesi, lidhja e tij me lojën ka bërë që ai të rikthehet sërish.

“Mezi pres ta përjetoj futbollin nga një perspektivë krejt tjetër, ku bëhet fjalë vetëm për sportin dhe jo për biznesin apo paratë”, u shpreh Süle për faqen zyrtare të SV Tiefenbach.

Ai theksoi se zgjedhja e tij lidhet edhe me rrethin e afërt, pasi dy miq të tij janë lojtarë të këtij klubi, ndërsa një tjetër bën pjesë në stafin teknik.

“Pas 13 viteve si futbollist profesionist, është një kënaqësi e madhe të jem në fushë me miqtë e mi dhe ta shijoj përsëri këtë sport të mrekullueshëm”, shtoi ai.

SV Tiefenbach gjendet rreth 125 kilometra në jug të Frankfurtit, ndërsa për Süle kjo përvojë pritet të përfaqësojë një kthim te futbolli në formën e tij më të thjeshtë: pasion, shoqëri dhe kënaqësi.

The post Niklas Süle firmos me SV Tiefenbach, skuadrën amatore të nivelit të 11-të në Gjermani appeared first on Albeu.com.

Ndonëse në fillim të muajit maj bëri të ditur se po tërhiqej nga futbolli profesionist, Niklas Sule nuk i ka mbyllur ende përfundimisht llogaritë me lojën.

Pak ditë pasi i përfundoi kontrata me Borussia Dortmundin, ish-reprezentuesi i Gjermanisë ka zgjedhur të vijojë karrierën, këtë herë larg futbollit të niveleve më të larta.

Sipas raportimit të Sky, mbrojtësi i qendrës, 30 vjeç, ka finalizuar marrëveshjen me SV Tiefenbach, skuadër që luan në Kreisliga, një prej kampionateve amatore në Baden-Württemberg.

Vendimin e tij e ka pohuar edhe vetë Sule, i cili theksoi se synon ta jetojë futbollin në një formë krejt tjetër.

“Mezi pres që më në fund ta përjetoj futbollin nga një perspektivë krejtësisht e ndryshme, ku bëhet fjalë vetëm për sportin dhe jo për biznesin apo paratë. Dy nga miqtë e mi më të mirë luajnë te SV Tiefenbach, ndërsa njëri prej tyre është edhe trajner i ekipit. Pas 13 vitesh si futbollist profesionist, është një dhuratë absolute për mua të jem në fushë me shokët e mi dhe ta shijoj sërish gëzimin e këtij sporti”, tha Sule.

Me këtë hap, mbrojtësi gjerman i jep fund aventurës së tij në futbollin profesionist pas një rruge të rëndësishme, gjatë së cilës ka luajtur për Hoffenheimin, Bayern Munichut dhe Borussia Dortmundit, si edhe ka regjistruar 49 ndeshje me Kombëtaren e Gjermanisë.

Për Sulen tashmë hapet një etapë e re, larg ngarkesës dhe milionave të futbollit elitar, por më pranë miqve të tij dhe pasionit të pastër për lojën.

The post Niklas Sule lë pas pensionimin nga elita dhe firmos me SV Tiefenbach: Dua ta shijoj futbollin ndryshe appeared first on Albeu.com.

‘Milionerët’ arritën në finalen e Ligës së Kampionëve duke mundur në dy ndeshje PSG-në e favorizuar dhe heroi i historisë së sotme luajti 27 minuta në ndeshjen e kthimit në Princes Park.

Ai ishte gjithashtu titullar në ndeshjen e fundit të Bundesligës në të cilën Milionerët u mundën 3-0 kundër Mainz.

Mbipesha e tij është një temë e përsëritur në futbollin gjerman dhe Bild raporton se drejtori sportiv, Sebastian Kehl i ka dhënë Sules dhe këshilltarit të tij Volker Struth disa këshilla që ai duhet t’i zbatojë në mënyrë që të rikthehet në formë të mirë.

Si rezultat, mbrojtësi punësoi edhe një kuzhinier personal, por asgjë nuk ndryshoi dhe në një nga seancat e fundit stërvitore këtë javë, ai tronditi të gjithë.

Nga katër ndeshjet e fundit të Ligës së Kampionëve, ai luajti vetëm një dhe ai ishte dueli i lartpërmendur në “Parkun e Princave” kur u fut në lojë në pjesën e dytë të ndeshjes.

E ardhmja e tij në Dortmund është gjithashtu në pikëpyetje, pasi Borussia Dortmund dëshiron t’i gjejë një blerës për të hequr qafe një nga lojtarët më të paguar në skuadër, por deri më tani nuk po ecin shumë mirë.

Lojtari fiton 10 milionë euro në vit, një rrogë që vështirë se do të pranojë të heq dorë. /Telegrafi/

La forme physique de Niklas Süle à deux semaines de la finale de Ligue des Champions 😬 pic.twitter.com/0oxgqWRjn6

— Vibes Foot (@VibesFoot) May 17, 2024

The post Mbrojtësi i Borussia Dortmund trondit me pamjen e tij, ai fiton 10 milionë euro në vit dhe pas dy javësh ka finalen e Ligës së Kampionëve appeared first on Albeu.com.