Zëdhënësi i presidentit, Sunday Dare, shkroi në rrjetin social X se “130 nxënësit e rrëmbyer janë liruar, asnjë nuk ka mbetur në robëri”, duke e shoqëruar njoftimin me një foto të fëmijëve të buzëqeshur.
Rrëmbimi ndodhi në fund të nëntorit, kur persona të armatosur sulmuan shkollën e konviktit St Mary, në zonën rurale Papiri, në Nigerin qendror, duke marrë me vete qindra nxënës dhe anëtarë të stafit. Më herët, rreth 100 nxënës ishin liruar në fillim të dhjetorit, ndërsa disa të tjerë kishin arritur të shpëtonin menjëherë pas sulmit.

Numri i saktë i personave të rrëmbyer ka qenë i paqartë që nga fillimi. Shoqata e Krishterë e Nigerisë (CAN) deklaroi se gjithsej 315 nxënës dhe punonjës ishin marrë peng. Sipas qeverisë, pas lirimit të mëparshëm, rreth 115 persona mbeteshin ende në robëri, një shifër që ka shkaktuar konfuzion mbi bilancin real.
Deri tani, autoritetet nuk kanë bërë publik se kush qëndron pas rrëmbimit, as mënyrën se si u sigurua lirimi i fëmijëve. Rrëmbimet për shpërblim janë një fenomen i shpeshtë në Nigeri dhe përdoren si burim fitimi nga banda kriminale dhe grupe të armatosura.
Ngjarja vjen në një kohë kur Nigeria po përballet me një valë të re rrëmbimesh masive, që kujton rrëmbimin famëkeq të vajzave nga Chibok nga Boko Haram në vitin 2014. Vetëm në nëntor janë raportuar rrëmbime të nxënëseve myslimane, besimtarëve në një kishë, si edhe të një nuseje me shoqërueset e saj.
Situata e sigurisë ka hyrë gjithashtu në qendër të vëmendjes ndërkombëtare, pasi ish-presidenti amerikan Donald Trump ka akuzuar se vrasjet masive të të krishterëve në Nigeri përbëjnë “gjenocid”, një pretendim që qeveria nigeriane dhe analistë të pavarur e hedhin poshtë.
Nigeria, një vend me rreth 230 milionë banorë dhe me përkatësi të ndryshme fetare, përballet me kërcënime të shumta sigurie – nga xhihadistët në verilindje, te bandat e armatosura në veriperëndim – ndërsa dhuna ka prekur si të krishterë, ashtu edhe myslimanë.

The post Rrëmbimi masiv në shkollën katolike, lirohen 130 nxënës të tjerë në Nigeri appeared first on Albeu.com.

Aksidenti ndodhi për shkak se varka ishte “e mbingarkuar” dhe goditi një “degë peme” në një lumë, tha një shërbim shpëtimi në një deklaratë.

Zyrtari i Kryqit të Kuq, Abubakar Idris, dha të njëjtën deklaratë duke folur për Agence France-Presse.

Pas aksidentit, NSEMA nisi menjëherë operacionet e shpëtimit. Deri më tani, 50 persona janë shpëtuar, ndërsa 29 trupa janë gjetur.

Fatkeqësisht, dy pasagjerë mbeten të zhdukur, ndërsa operacionet e kërkimit vazhdojnë.

The post Tragjike/ Përmbytet varka në Nigeri, raportohet për 29 viktima appeared first on Albeu.com.

Një aksident i rëndë në Nigeri ka marrë jetën e 22 sportistëve dhe zyrtarëve.

Aksidenti ndodhi teksa viktimat ishin duke u kthyer nga Festivali Kombëtar i Sporteve të vendit.

Sipas deklaratës së lëshuar nga zyra e qeverisë, pati dhe të plagosur, por ende nuk dihet numri i saktë i tyre. Dyshohet se shkak është bërë lodhja e shoferit dhe shpejtësia e lartë.

Atletët e vrarë në aksident po ktheheshin në shtëpi pasi “e kishin përfaqësuar shtetin e tyre me nderim”, tha Komisioni Kombëtar i Sportit (NSC) i Nigerisë në një deklaratë të postuar në Instagram.

Festivali i 22-të Kombëtar i Sporteve i Nigerisë u mbajt në shtetin Ogun në jugperëndim të vendit, sipas NSC-së. Pas 11 ditësh aktivitetesh, gara mbajti ceremoninë e mbylljes të enjten, tha NSC.

E hëna do të jetë një ditë zie.

The post Po ktheheshin nga Festivali Kombëtar i Sporteve, por u përfshinë në aksident, vdesin 22 sportistë dhe zyrtarë appeared first on Albeu.com.

Mijëra shtëpi u përmbytën pasi diga Alaou shpërtheu në lumin Ngada, 20 km në jug të Maiduguri.

Maiduguri, kryeqyteti rajonal i shtetit Borno, po përjeton një nga përmbytjet më të këqija në 30 vjet, tha Komisioneri i Lartë i Kombeve të Bashkuara për Refugjatët.

The post Përmbytjet bëjnë namin në Nigeri, raportohet për 30 të vdekur appeared first on Albeu.com.

Agjencia Shtetërore e Menaxhimit të Emergjencave të Nigerit, tha se përplasja ndodhi rreth orës 00:30 me orën lokale (01:30 GMT) të dielën dhe shkaktoi një shpërthim që përfshiu të dy automjetet.

Drejtori i përgjithshëm i agjencisë, Abdullahi Baba-arah, tha se ekipet e reagimit ishin dërguar në vendngjarje për të menaxhuar situatën. Nga shpërthimi janë kapur edhe një sërë automjetesh të tjera.

Pamjet e marra nga vendi i ngjarjes menjëherë pas ngjarjes tregojnë dy automjetet, të cilat janë djegur tërësisht, si dhe një numër bagëtish të ngordhura.

Duke folur për agjencinë e lajmeve Reuters pas incidentit, një punonjës i shpëtimit emergjent tha se ata po punonin për të gjetur trupa, si dhe kafshë të ngordhura që ishin ende brenda automjetit.

Sipas mediave shtetërore, një varrim masiv po bëhet për viktimat. Guvernatori Umaru Bago tha se ai ishte “i tmerruar nga incidenti fatkeq” dhe çoi një mesazh ngushëllimi për familjet e viktimave.

Shpërthimet dhe aksidentet e cisternave të karburantit janë të zakonshme në Nigeri, pjesërisht për shkak të gjendjes së keqe të rrugëve.

The post Tragjike/ Cisterna e karburantit përplaset me kamionin, humbin jetën 48 persona appeared first on Albeu.com.

Harry, do të udhëtojë në Britani javën e ardhshme për të marrë pjesë në disa ngjarje të lidhura me Fondacionin e Lojërave Invictus për të shënuar 10 vjetorin e lojërave, duke përfshirë një shërbim në Katedralen e Shën Palit në Londër më 8 maj. Më pas, i shoqëruar nga gruaja e tij, ai do të vizitojë Nigerinë.

Gjatë vizitës së tyre, çifti do të takohet me pjesëtarë të shërbimit dhe do të marrin pjesë në një sërë aktivitetesh kulturore. Vizita do të nxjerrë në pah përpjekjet e Princit Harry për Lojërat Invictus, i cili mirëpriti 500 atletë në ngjarjen e vitit të kaluar në Gjermani, me 21 vende mes tyre, përfshirë Nigerinë.

Gjatë Lojërave Invictus të vitit të kaluar në Dusseldorf, Gjermani, Meghan dhe Harry kaluan kohë me Ekipin e Nigerisë, të cilin Meghan zbuloi se e mbështet. “Që kur gruaja ime zbuloi se ajo është me origjinë nigeriane, ka të ngjarë të jetë pak më konkurruese këtë vit,” tha ai me shaka.

Në vitin 2022, Dukesha e Sussex-it zbuloi në podkastin e Archetypes se ajo kishte mësuar se ishte 43% nigeriane pasi Harry dhe Meghan pozuan për një foto me ekipin nigerian dhe flamurin kombëtar, dhe ekipi i tyre i vuri një pseudonim të ri Meganit.

Dukeshës së Sussex-it iu dha emri ‘Amira Ngozi Lolo’, që ka një kuptim mbretëror. Amira është emri i një princeshe luftëtare nga një legjendë, ndërsa Ngozi do të thotë “e bekuar” dhe Lolo do të thotë “gruaja mbretërore”.

The post Meghan do shoqërojë Harry-n në Nigeri, ja pseudonimi që i kanë vendosur appeared first on Albeu.com.

39 vjeçarja Chioma Okoli, e cila ka një numër të madh ndjekësish në rrjetin Facebook, bëri vlerësimin e saj online për purenë e domateve ‘Nagiko Tomato Mix’, prodhuar nga kompania nigeriane Erisco Foods, duke thënë sipas mendimit të saj se kishte “tepër sheqer”.

Okoli, i kërkonte 18,000 ndjekësve të saj të jepnin mendimin e tyre për produktin, dhe kjo solli një seri reagimesh të ndryshme.

Por një grua që pretendonte se ishte mora e pronarit të kompanisë, shkroi në postimin e Okoli: ‘”Boll e shave produktin e vëllait tim, nëse nuk të pëlqen gjej një tjetër për ta nxjerrë në rrjetet sociale, ose telefono në shërbimin e klientit”.

Okoli ishte përgjigjur: “Më ndihmo atëherë t’i them vëllait tënd mos i shesë njerëzve këtë produk të rremë, dje unë e përdora për herë të parë dhe ishte i gjithi sheqer”.

Por disa ditë pas replikave ajo u arrestua nga policia teksa shkonte në kishë, dhe u dërgua në burg.

Për t’u liruar nga paraburgimi Okoli duhet t’i kërkonte falje publike Erisco, por avokati i saj tha se kjo ishte arritur me presion

Okoli ishte akuzuar për bashkëpunim në nxitje të njerëzve kundër kompanisë Erisco Foods Limited dhe informacion të rremë kundër kësaj kompanie.

Okoli është shtatzënë me fëmijën e saj të katërt por nëse shpallet fajtore mund të dënohet deri me shtate vite burg.

Erisco ka paditur gjithashtu Okoli për 2 milionë dollarë, pasi disa kompani ndaluan bashkëpunimin me të pas postimit në rrjet, sipas raportimeve.

Kreu i kompanisë Eric Umeofia, tha në një koment se “më mirë të vdiste se të lejonte njollosjen e imazhit që kishte punuar për dekada të krijonte”.

Tashmë Okoli ka ngritur dy kundër-padi kundër kompanisë dhe policisë nigeriane.

Avokatja e saj Inibehe Effiong, tha se beteja ligjore po bëhet pa marrë parasysh sigurinë e  Chioma, bashkëshortit dhe familjes së saj.’

Dike folur me rrjetin Metro.co.uk, ajo tha: “Klientja ime mohon akuzat e ngritura kundër saj, dhe kemi kundër-paditur për dëmshpërblim $300,000 kundër kompanisë Erisco, dhe policisë së Nigerisë”.

Effiong shtonte se kjo është një çështje e tipit “Davidi kundër Golias”, ku i pari është i drejti dhe tjetri i gabuar.

Çështja Okoli ka ngritur pikëpyetje në Nigeri për lirinë e fjalës dhe është dënuar dhe nga grupi i aktivistëve Amnesty International.

Këta të fundit shkruanin: “Askush nuk duhet të arrestohet sepse ushtron të drejtën e tij të lirisë se shprehjes. Arrestimi i Chioma Egodi tregon se megjithë reformat në polici, pandëshkueshmëria dhe arrestimet e paligjshme vijojnë gjerësisht”.

The post Gruaja përballet me burg pasi tha se ‘salca e domateve është tepër e ëmbël’ (FOTOT) appeared first on Albeu.com.

Ky është një prej rrëmbimeve masive më të mëdha në këtë shtet.

Rrëmbimet që të fitohen para në këmbim të lirim të personave, janë të zakonshme në këtë shtet të Afrikës, teksa bandat kriminale në të kaluarën kanë shënjestruar shkollat dhe kolegjet, veçmas në veriperëndim të shtetit.

Megjithatë, numri i sulmeve të tilla kishte rënë kohëve të fundit.

Sani Abdullahi, një prej mësuesve në shkollën GSS Kuriga në çarkun Çikun, tha se stafi i shkollës arriti të ikte me shumë nxënës të tjerë, kur personat e armatosur nisën të qëllonin në ajër.

“Ne më pas nisëm të punonim për të përcaktuar numrin e saktë të të rrëmbyerve”, tha një zyrtar lokal që vizitoi shkollën”.

“Në GSS Kuriga, 187 fëmijë po mungojnë, ndërkaq në shkollën fillore 125 fëmijë po mungojnë, por 25 janë kthyer”.

Banori lokal, Muhammad Adam, tha për AFP-në se “më shumë se 280 persona janë rrëmbyer.

Ne fillimisht menduam se numri ishte 200, por pas numërimit të fëmijëve zbuluam se numri i tyre është pak mbi 280”.

Zyrtarët lokalë dhe policia, nuk kanë dhënë asnjë shifër lidhur me numrin e të rrëmbyerve.

Shpesh shifrat e personave të rrëmbyer apo të zhdukur në Nigeri, janë më të ulëta, pasi personat që ikin nga sulmet kthehen në shtëpitë e tyre.

Qindra nxënës të shkollave dhe studentë të kolegjeve, janë kidnapuar gjatë rrëmbimeve masive në rajonet veriperëndimore dhe qendrore të Nigerisë, përfshirë në Kaduna, në vitet e fundit.

Pothuajse të gjithë ata që lirohen paguajnë para pasi kalojnë javë e muaj në robërim në kampet e fshehura në pyje në pjesën veriperëndimore të Nigerisë.

Përse rrëmbehen fëmijët në Nigeri?

Më shumë se 100 persona konsiderohen të zhdukur, pasi militantët kryen një rrëmbim masiv javën e kaluar, që kishte për shënjestër gratë dhe fëmijët në një kamp të të zhvendosurve nga konflikti në veriperëndim të Nigerisë.

Shtatorin e vitit të kaluar, sulmuesit e armatosur rrëmbyen më shumë se 30 persona, përfshirë 24 studente gjatë një sulmi në një Universitet në shtetin veriperëndimor të Zamfaras.

Ndërkaq, në shkurtin e vitit 2021, bandat kishin rrëmbyer më shumë se 300 nxënëse në një shkollë në Zamfara./Rel

The post Rrëmbehen më shumë se 200 nxënës nga një shkollë në Nigeri, zbulohet arsyeja appeared first on Albeu.com.

Numri i pengjeve mbetet i paqartë.

“Ndërsa flasim, njerëzit po shkruajnë emrat e fëmijëve të tyre që shkuan sot në shkollë dhe nuk u kthyen. Atëherë do të dimë numrin e saktë” të të zhdukurve, tha Salisu Ahmed Kuriga, tre vëllezërit e motrat më të vegjël të të cilit mungojnë.

Disa prindër thanë se kur personat e armatosur arritën në shkollë, ata filluan të qëllonin në mënyrë sporadike. Më pas morën me vete dhjetëra studentë dhe u zhdukën në xhungël. Në këtë shkollë mësojnë nxënësit e shkollave fillore dhe të mesme.

“Nuk dimë çfarë të bëjmë, presim të shohim se çfarë do të bëjë Zoti”, tha Fatima Usman, dy fëmijët e së cilës janë rrëmbyer.

Një prind tjetër, Hassan Abdullahi, tha se rojet lokale të sigurisë u përpoqën të largonin personat e armatosur, por u mposhtën.

Rrëmbimet për shpërblim nga persona të armatosur janë bërë endemike në Nigerinë veriore.
Për shkak të kësaj situate, mijëra fëmijë nuk ndjekin shkollën. Rrëmbimi i fundit i madh i studentëve ndodhi në qershor 2021, kur persona të armatosur rrëmbyen 80 fëmijë nga një shkollë në shtetin Kebbi të Nigerisë veriperëndimore./albeu.com

The post Dhjetëra studentë të rrëmbyer nga persona të armatosur në një shkollë në Nigeri appeared first on Albeu.com.

Abubakar Aliyu, një zëdhënës i drejtorisë së policisë së shtetit Katsina, u tha gazetarëve se sulmuesit ishin të armatosur me kallashnikov  dhe i vunë flakën pesë automjeteve gjatë sulmit në fshatin Kukar Babangida.

Forca të shumta policore janë vendosur në zonën e gjerë për të hetuar rastin dhe për të identifikuar autorët.

The post Sulm i armatosur në Nigeri, 9 të vrarë appeared first on Albeu.com.