Aston Villa dhe Al Hilal kanë gjetur gjuhën e përbashkët për transferimin e sulmuesit anglez Ollie Watkins, duke i hapur rrugën një operacioni të rëndësishëm në ditët e fundit të afatit kalimtar.

Fabrizio Romano raporton se klubi anglez ka miratuar ofertën me vlerë 58.4 milionë euro, së cilës mund t’i shtohen edhe 2 milionë euro të tjera në formë bonusesh për reprezentuesin e Anglisë. Watkins pritet të niset gjatë kësaj jave për në Arabinë Saudite, ndërsa raportohet se preferenca e tij ishte kalimi pikërisht te Al Hilal.

E ardhmja e sulmuesit kishte nxitur shumë spekulime ditët e fundit. Ai nuk ishte pjesë e Aston Villas në ndeshjen hapëse kundër Brightonit, teksa interesimi i Al Hilalit për shërbimet e tij po bëhej gjithnjë e më konkret.

Në të njëjtën kohë, drejtuesit e Aston Villas kanë identifikuar te Chelsea futbollistin që pritet të plotësojë boshllëkun e lënë nga Watkins.

Klubi nga Birminghami ka bërë përparim të ndjeshëm në bisedimet për Nicolas Jackson dhe transferimi i sulmuesit senegalez tashmë ndodhet në fazën përfundimtare. Për kartonin e tij, Chelsea kërkon rreth 70 milionë euro.

Jackson mësohet se e ka miratuar mundësinë e kësaj lëvizjeje dhe ka zhvilluar bisedime me trajnerin Unai Emery. Tekniku e njeh mirë atë që nga periudha kur sulmuesi aktivizohej te Villarreal.

Nëse të dyja operacionet mbyllen sipas parashikimeve, Aston Villa do të ndahet me Watkinsin dhe do ta zëvendësojë me Nicolas Jackson, në atë që pritet të jetë një nga rokadat më tërheqëse të ditëve të fundit të afatit kalimtar.

The post Ndryshime të mëdha në sulm, Watkins drejt Al Hilalit dhe Jackson pranë Aston Villas appeared first on Albeu.com.

Napoli po punon për të përforcuar vijën e parë dhe Nicolas Jackson së bashku me Gabriel Jesus konsiderohen dy alternativat kryesore të kampionëve italianë.

Megjithatë, situata e dy futbollistëve ndryshon sa i përket mënyrës së mundshme të transferimit.

Për momentin, Jackson duket më pranë një lëvizjeje drejt Napolit, pasi Chelsea nuk e përjashton mundësinë e huazimit të tij me të drejtë blerjeje.

Një marrëveshje e tillë do t’i lejonte klubit italian të shtonte menjëherë një element në sulm, ndërsa vendimi për blerjen përfundimtare do të merrej në një fazë të mëvonshme.

Rasti i Gabriel Jesus paraqitet më i ndërlikuar, pasi Arsenali kërkon ta shesë përfundimisht sulmuesin brazilian. Vlera e tij në këtë merkato vlerësohet rreth 20-25 milionë euro, ndërsa kontrata me klubin londinez është e vlefshme deri në vitin 2027.

Planet e Napolit mund të pësojnë ndryshime gjatë javëve në vazhdim, veçanërisht në varësi të asaj që do të ndodhë me Noa Lang.

Nëse futbollisti holandez largohet përfundimisht, klubi do të krijojë më shumë mundësi për të bërë ndërhyrje të tjera në afatin kalimtar.

Si Jackson, ashtu edhe Gabriel Jesus vazhdojnë të jenë pjesë e listës së Napolit, i cili po vlerëson zgjidhjen më të përshtatshme për të përforcuar repartin ofensiv përpara fundit të merkatos.

The post Napoli vendos në shënjestër dy sulmues të Premier League appeared first on Albeu.com.

Barcelona po përgatit një përforcim në qendër të sulmit për merkaton e kësaj vere, ndërsa drejtuesit katalanas kanë hartuar një listë me shtatë emra.

Klubi po kërkon një sulmues që do ta plotësonte skuadrën e Hansi Flickut pas largimeve të Robert Leëandoëskit dhe Ferran Torresit. Kjo listë është bërë aktive pasi Atletico Madridi refuzoi të hapte negociatat për Julian Alvarez.

Një nga kandidatët është Lautaro Martinez, kapiteni sulmues i Interit dhe pjesë e rëndësishme e projektit të Cristian Chivut. Megjithatë, mundësia që ai të largohet nga Italia vlerësohet thuajse e pamundur.

Emri tjetër në vëmendjen e Barcelonës është Viktor Gyokeres. Sulmuesi i Arsenalit u transferua te klubi londinez verën e kaluar dhe së fundmi festoi fitimin e Ligës Premier.

Si një prej alternativave kryesore për repartin ofensiv po konsiderohet edhe Luis Suarez. Për sulmuesin kolumbian të Sporting Lisbonës, klubi portugez kërkon një shumë prej 80 milionë eurosh.

Drejtuesit katalanas po vlerësojnë njëkohësisht edhe mundësinë e transferimit të Gabriel Jesus nga Arsenali ose Nicolas Jackson nga Chelsea. Të dy klubet angleze janë të gatshme t’i lënë lojtarët të largohen përpara përfundimit të afatit kalimtar të verës.

Për një rol alternativ në skemën e Flickut, Barcelona vazhdon të ndjekë edhe Georges Mikautadzen, sulmuesin që aktivizohet te Villarreali.

Emri i shtatë në listën e klubit është Nicolo Tresoldi, sulmuesi gjerman i Club Brugge.

Shkathtësia e Tresoldit do t’i jepte stafit teknik një zgjidhje më të përballueshme financiarisht për ta kompletuar skuadrën e Hansi Flickut para 1 shtatorit.

The post Barcelona shqyrton shtatë alternativa për përforcimin e sulmit, nga Lautaro te Gyokeres appeared first on Albeu.com.

Pas angazhimit në përforcimin e skuadrës, Chelsea po përqendrohet te largimet dhe mund të përfitojë rreth 333 milionë euro nga shitja e katër futbollistëve deri në përfundim të afatit kalimtar.

Enzo Fernandez mund të largohet nëse ofrohen rreth 140 milionë euro, ndonëse Real Madridi e ka mohuar publikisht mundësinë e transferimit të tij.

Interesim nga Manchester City vazhdon të ketë për Malo Gusto, të cilin Chelsea e vlerëson rreth 88 milionë euro. Megjithatë, “Qytetarët” nuk janë të bindur që ta paguajnë shumën e kërkuar nga londinezët.

Nicolas Jackson, çmimi i të cilit është vendosur në rreth 76 milionë euro, synon të punojë përsëri me trajnerin Unai Emery, këtë herë tek Aston Villa.

Në listën e lojtarëve të disponueshëm ndodhet edhe Marc Guiu. Ai vlerësohet rreth 29 milionë euro dhe mund të largohet si përfundimisht, ashtu edhe nëpërmjet një huazimi.

Nga pesë shitjet e realizuara këtë verë, Chelsea ka siguruar tashmë rreth 182 milionë euro. Klubi pret gjithashtu të arkëtojë afërsisht 50 milionë euro nga klauzola që e detyron Aston Villan ta blejë Alejandro Garnachos.

Gjatë këtij afati kalimtar, “Blutë” kanë afruar 10 lojtarë. Në krye të listës qëndron Morgan Rogers, i cili u transferua për shumën rekord prej rreth 137 milionë eurosh.

Prioriteti i Chelseat tani janë shitjet, ndërsa drejtuesit duhet të marrin vendime për të ardhmen e disa futbollistëve përpara mbylljes së afatit kalimtar.

The post Chelsea synon të sigurojë rreth 333 milionë euro nga shitja e katër yjeve appeared first on Albeu.com.

Chelsea po vijon aktivitetin intensiv në merkaton e verës, por pas afrimit të tetë futbollistëve të rinj nën drejtimin e Xabi Alonsos, klubi londinez po përgatitet të largojë 11 lojtarë. Nga këto transferime, drejtuesit synojnë të përfitojnë rreth 573 milionë euro.

Sipas Mirror, kjo lëvizje synon të rikthejë ekuilibrin në skuadër pas shpenzimeve të mëdha të kryera gjatë kësaj vere.

Nën drejtimin e Xabi Alonsos, Chelsea ka afruar Morgan Rogers, për të cilin pagoi rreth 136 milionë euro, si dhe Maxence Lacroix, Danny Welbeck, Jordan Henderson, Valentín Barco, Geovany Quenda, Marc Ballestra dhe Emmanuel Emega.

Numri i madh i futbollistëve në dispozicion ka krijuar mbingarkesë në organikë dhe, për këtë arsye, klubi është gati të shqyrtojë ofertat për disa prej emrave të njohur.

Trevoh Chalobah duket pranë një kalimi te Como, në një marrëveshje që pritet të kushtojë rreth 36 milionë euro. Në shitje janë vendosur gjithashtu Axel Disasi, për 29 milionë euro, dhe Benoit Badiashile, vlera e të cilit është caktuar në 35 milionë euro. Ndërkohë, Malo Gusto mund të largohet në rast se për të mbërrin një ofertë prej 87 milionë eurosh.

Një tjetër emër i përfshirë në këto spekulime është Enzo Fernandez. Për mesfushorin argjentinas, i transferuar nga Benfica në janar të vitit 2023, Chelsea kërkon rreth 139 milionë euro.

As Pedro Neto nuk shihet si i paprekshëm nga drejtuesit e klubit. Portugezi mund të shitet nëse një ekip tjetër ofron afërsisht 81 milionë euro.

Reparti i sulmit pritet të pësojë gjithashtu ndryshime, pasi ardhja e Danny Welbeck ka rritur konkurrencën për vendet në formacion dhe ka vendosur disa sulmues në listën e largimeve.

Liam Delap konsiderohet një prej kandidatëve kryesorë për t’u larguar, pas një sezoni zhgënjyes. Në të njëjtën kohë, Nicolas Jackson, i vlerësuar me 75 milionë euro, ka tërhequr interesimin e Aston Villas pas huazimit të tij te Bayern Munich.

Chelsea është i gatshëm të dëgjojë oferta edhe për Marc Guiu, kartoni i të cilit vlerësohet me 29 milionë euro, si dhe për Emmanuel Emegha, që ka një vlerë prej 23 milionë eurosh.

Lista plotësohet nga David Datro Fofana, për të cilin klubi kërkon rreth 3.5 milionë euro.

Nëse të gjitha këto largime realizohen sipas vlerësimeve aktuale, Chelsea mund të arkëtojë afro 573 milionë euro. Këto të ardhura do të ndihmonin në financimin e projektit të ri të Xabi Alonsos dhe në reduktimin e ndjeshëm të numrit të lojtarëve në skuadër.

The post Chelsea përgatit një valë largimesh, 11 lojtarë në listën e shitjeve appeared first on Albeu.com.

Tottenham Hotspur po planifikon një shpenzim total prej 125 milionë funtesh për të afruar Savinhon e Manchester Cityt dhe Nicolas Jacksonin, sulmuesin 25-vjeçar të Chelseat.

Klubi londinez ka parashikuar 60 milionë funte, ose 70 milionë euro, për brazilianin, ndërsa për futbollistin senegalez pritet të ofrojë 65 milionë funte, të barasvlershme me 75 milionë euro. Këto lëvizje synojnë riformatimin e repartit ofensiv, pas përforcimeve të kryera në mbrojtje dhe mesfushë.

Fabrizio Romano raporton se Tottenham ka gjetur gjuhën e përbashkët me Savinhon për kushtet personale. Braziliani ka kërkuar zyrtarisht largimin nga Manchester City për t’iu bashkuar ekipit të drejtuar nga Roberto de Zerbi.

Diskutimet mes dy klubeve janë në zhvillim dhe tashmë pritet vetëm përcaktimi i shumës përfundimtare të transferimit. City kërkon 70 milionë euro dhe ka bërë të ditur se do ta japë miratimin final vetëm pasi të sigurojë një zëvendësues në tregun e transferimeve.

Interesi për Savinhon u forcua pasi Liverpooli nuk pranoi të hapte negociata për Cody Gakpon gjatë këtij afati kalimtar. Sulmuesi i skuadrës nga Merseyside ishte ndër objektivat kryesorë, por drejtuesit e Reds nuk dëshironin ta largonin atë, ndërsa po punojnë për të shtuar alternativat në krahë.

Përballë pamundësisë për të gjetur një tjetër sulmues anësor të nivelit të lartë, Tottenham e ka orientuar vëmendjen drejt një qendërsulmuesi natyral.

Daily Mail bën të ditur se drejtuesit e Spurs kanë nisur të shqyrtojnë mundësinë e transferimit të Nico Jackson, i cili vlerësohet me 75 milionë euro nga Chelsea pas afrimit të Danny Welbeck nga Blutë.

Sulmuesi senegalez e zhvilloi sezonin e kaluar në huazim te Bayern Munich, ku shumicën e kohës e kaloi në stol. Ai po kërkon një skuadër ku të ketë garanci për minuta të rregullta, ndërsa fakti që Chelsea ka gjashtë sulmues në përbërje mund ta bindë bordin të pranojë largimin e tij nëse oferta arrin shumën e kërkuar.

Takimi zyrtar mes drejtuesve të Tottenhamit dhe atyre të Manchester Cityt është planifikuar për javën e dytë të gushtit 2026.

Plani i klubit londinez është të mbyllë marrëveshjen për Savinhon përpara 10 gushtit dhe më pas t’i dorëzojë Chelseat ofertën e parë prej 75 milionë eurosh për Nico Jackson, para nisjes së sezonit të Ligës Premier.

The post Tottenhami synon të investojë 145 milionë euro për Savinhon dhe Nicolas Jackson appeared first on Albeu.com.

Barcelona, ndërkohë, ka kthyer vëmendjen nga Marcus Rashford si objektivi kryesor për krahun e majtë të sulmit, pasi tentativat për Luis Diaz të Liverpool dhe Nico Williams kanë dështuar. Sulmuesi i Anglisë dhe Manchester United, 27 vjeç, shihet si profili i duhur për katalanasit.

Juventus ka arritur marrëveshje me Manchester United për transferimin e Jadon Sancho në një operacion prej 20 milionë eurosh. Lojtari është në bisedime për të zgjidhur kontratën me klubin anglez para finalizimit të lëvizjes në Torino.

Tottenham vijon të mbajë në vëzhgim sulmuesin e Brentford, Yoane Wissa, edhe pse nuk ka bërë ende një ofertë zyrtare, pasi u njoftua për çmimin 50 milionë paund të lojtarit nga RD e Kongos.

PSV është gati të shesë anësorin belg Johan Bakayoko për të cilin interesohen Everton, Nottingham Forest, Bournemouth, RB Leipzig dhe Bayer Leverkusen.

Ndërkaq Atalanta i ka vendosur një çmim prej të paktën 50 milionë paund mbrojtësit të kombëtares italiane 21 vjeccarin Giorgio Scalvini, i ndjekur nga Neëcastle dhe Manchester United.

Arsenal vazhdon të mbajë interes për yllin brazilian të Real Madrid, Rodrygo pavarësisht se është shumë pranë nënshkrimit me sulmuesin anglez të Chelseat, Noni Madueke.

Së fundmi edhe Fenerbahçe është pranë nënshkrimit me mesfushorin ofensiv spanjoll Marco Asensio nga Paris Saint-Germain.

The post Merkatoja e verës vazhdon të sjellë zhvillime të mëdha në klubet më të mëdha të Europës appeared first on Albeu.com.

Dy tifozë u kapën mes vete në një përpjekje të dëshpëruar për të marrë fanellën, të cilën lojtari e hodhi në turmë pas fitores 2-1 të Chelsea ndaj Bournemouth.

Një luftë prej 15 sekondash pasoi ndërsa sigurimi ndërhynë përpara se njëri më në fund të bënte mjaftueshëm për ta fituar fanellën.

Fanella e Jackson ishte padyshim një shumë e kërkuar pasi katër gola në pesë ndeshjet e tij të fundit e çuan Chelsean në vendin e gjashtë në Ligën Premier.

Jackson është vendosur mirë në Stamford Bridge dhe e përfundoi sezonin me 17 gola.

Kjo është një më shumë sesa arriti Didier Drogba në sezonin e tij debutues në klubin londinez.

The post VIDEO / Tifozët e Chelseat u përleshën për fanellën e Jackson, njëri përfundoi keq appeared first on Albeu.com.