“Sky Sport” raporton se kontrollet me rezonancë magnetike kanë vërtetuar se mbrojtësi ka pësuar këputje të ligamentit në nyjën e kyçit të këmbës.

26-vjeçari u dëmtua në pjesën e parë të triumfit 2-1 të Gjermanisë kundër Bregut të Fildishtë, në raundin e dytë të fazës së grupeve të Kupës së Botës 2026.

Ai nuk mundi ta vazhdonte takimin dhe u zëvendësua gjatë pushimit mes dy pjesëve.

Mungesa e Schlotterbeckut përbën një humbje të madhe për Gjermaninë në vazhdim të Botërorit, duke qenë se ai ka qenë një prej figurave kyçe në qendrën e mbrojtjes.

Ky lëndim krijon telashe edhe për Borussia Dortmundin, që do të duhet të bëjë pa njërin nga emrat më të rëndësishëm të repartit defensiv gjatë fazës përgatitore dhe në nisje të sezonit të ri.

Ekipi mjekësor do ta ndjekë nga afër procesin e rikuperimit të Schlotterbeckut, ndërsa për momentin parashikimet flasin për një mungesë prej rreth tetë javësh./

The post Lëndimi serioz i kushton shtrenjtë Gjermanisë, Schlotterbeck mbetet jashtë Botërorit appeared first on Albeu.com.

Pas përfundimit të takimit, trajneri Julian Nagelsmann foli për situatën e futbollistit 26-vjeçar dhe u shpreh pa shumë optimizëm. “Dyshohet se Nico ka një dëmtim të ligamenteve. Nuk duket mirë”, tha selektori i Gjermanisë.

Bild raporton se Schlotterbeck është kontrolluar fillimisht në stadiumin e Torontos, ndërsa frika e mjekëve është se ai mund të ketë këputur një ligament në kyçin e këmbës.

Deri tani, Federata Gjermane e Futbollit (DFB) nuk ka publikuar një njoftim zyrtar. Megjithatë, për ditën e hënë është parashikuar një rezonancë magnetike, e cila pritet të sqarojë diagnozën përfundimtare.

Nëse vërtetohen skenarët më negativë, atëherë për Schlotterbeckun Kupa e Botës mund të ketë marrë fund pas vetëm dy ndeshjeve. Një mungesë që do të zgjaste disa javë do të kishte pasoja edhe për të ardhmen e tij te Borussia Dortmund.

Në kontratën e mbrojtësit gjerman ekziston një klauzolë lirimi prej 50 deri në 60 milionë euro, e cila mund të vihet në fuqi vetëm deri menjëherë pas finales së Kupës së Botës.

Interesim për Schlotterbeckun kanë shfaqur disa prej klubeve më të mëdha të Evropës, përfshirë edhe Real Madridin, ndaj një dëmtim serioz mund të ndikojë edhe në planet e tij të ardhshme.

The post Gjermania pret me shqetësim lajmet për Schlotterbeckun, dëmtimi mund ta lërë jashtë gjithë Kupës së Botës appeared first on Albeu.com.

Pas përfundimit të takimit, trajneri Julian Nagelsmann foli për situatën e futbollistit 26-vjeçar dhe u shpreh pa shumë optimizëm. “Dyshohet se Nico ka një dëmtim të ligamenteve. Nuk duket mirë”, tha selektori i Gjermanisë.

Bild raporton se Schlotterbeck është kontrolluar fillimisht në stadiumin e Torontos, ndërsa frika e mjekëve është se ai mund të ketë këputur një ligament në kyçin e këmbës.

Deri tani, Federata Gjermane e Futbollit (DFB) nuk ka publikuar një njoftim zyrtar. Megjithatë, për ditën e hënë është parashikuar një rezonancë magnetike, e cila pritet të sqarojë diagnozën përfundimtare.

Nëse vërtetohen skenarët më negativë, atëherë për Schlotterbeckun Kupa e Botës mund të ketë marrë fund pas vetëm dy ndeshjeve. Një mungesë që do të zgjaste disa javë do të kishte pasoja edhe për të ardhmen e tij te Borussia Dortmund.

Në kontratën e mbrojtësit gjerman ekziston një klauzolë lirimi prej 50 deri në 60 milionë euro, e cila mund të vihet në fuqi vetëm deri menjëherë pas finales së Kupës së Botës.

Interesim për Schlotterbeckun kanë shfaqur disa prej klubeve më të mëdha të Evropës, përfshirë edhe Real Madridin, ndaj një dëmtim serioz mund të ndikojë edhe në planet e tij të ardhshme.

The post Gjermania pret me shqetësim lajmet për Schlotterbeckun, dëmtimi mund ta lërë jashtë gjithë Kupës së Botës appeared first on Albeu.com.

Prej kohësh, klubi madrilen është në kërkim të një qendërmbrojtësi të nivelit të lartë për të përforcuar prapavijën në prag të sezonit të ardhshëm. Në mesin e emrave më të pëlqyer në listën e objektivave ishte edhe Schlotterbeck, i vlerësuar për eksperiencën e tij në Bundesliga, në Ligën e Kampionëve dhe me përfaqësuesen gjermane.

Stafi teknik e çmonte lart profilin e mbrojtësit të Borussia Dortmundit, sidomos për faktin se është qendërmbrojtës i majtë, ka aftësi për të nisur lojën nga prapa dhe mund të aktivizohet edhe në krahun e majtë të mbrojtjes kur është e nevojshme.

Megjithatë, situata ka marrë kthesë të plotë pas ngjarjeve të fundit, duke e shtyrë klubin spanjoll të shqyrtojë emra të tjerë në treg.

Dëmtimi i fundit ka sjellë dyshime të forta. Julian Nagelsmann, trajneri i Gjermanisë, deklaroi pas ndeshjes së fundit se ka shqetësim lidhur me natyrën e dëmtimit, ndërsa vlerësimet e para mjekësore nuk japin shumë optimizëm.

Borussia Dortmundi është ende në pritje të rezultateve përfundimtare të kontrolleve mjekësore, por reagimi i tregut ka nisur tashmë. Nëse konfirmohet një mungesë e gjatë, kjo do të ishte jo vetëm një goditje sportive për klubin gjerman, por edhe një pengesë serioze për çdo bisedim të mundshëm për transferim.

Në moshën 26-vjeçare, Schlotterbeck shihet si një nga mbrojtësit më interesantë në skenën evropiane. Loja e fortë në duele, dominimi në ajër, agresiviteti në fazën mbrojtëse dhe cilësia në pasime e kanë kthyer në një nga figurat kryesore te Dortmundi.

Për Real Madridin, kjo situatë duket se përforcon linjën e kujdesshme që kishte mbajtur deri tani. Drejtuesit nuk kishin bërë lëvizje konkrete për të përshpejtuar operacionin dhe tashmë e shohin këtë maturi si të domosdoshme.

Brenda klubit vlerësohet se një investim i madh për një futbollist që po kalon probleme fizike përbën një rrezik të panevojshëm.

Nëse dëmtimi del të jetë i rëndë, çdo interesim nga klubet e mëdha pritet të shtyhet deri në momentin kur lojtari të rikthehet në fushë dhe të provojë sërish se mund të luajë në nivelin më të lartë.

Aktualisht, Nico Schlotterbeck mbetet një alternativë e ngrirë dhe gjithçka lë të kuptohet se një transferim i tij në “Santiago Bernabeu” është tani më larg se asnjëherë tjetër.

The post Dëmtimi i ri i Schlotterbeck e largon Real Madridin nga një objektiv i kahershëm appeared first on Albeu.com.

Sipas vlerësimeve të Sofascore, 11-shja më e mirë e raundit të parë është ndërtuar me skemën 4-3-3, ndërsa çmimi për lojtarin më të mirë të kësaj faze shkoi pa asnjë dyshim për Lionel Messi-n.

Ylli argjentinas e nisi në mënyrën më të mirë të mundshme aventurën në Botëror, duke shënuar het-trik në suksesin 3-0 të Argjentinës kundër Algjerisë. Për këtë paraqitje, ai u vlerësua me notën maksimale 10 nga Sofascore.

Në repartin ofensiv, përkrah Messi-t janë përfshirë edhe dy lojtarë që patën ndikim të drejtpërdrejtë në rezultatet e skuadrave të tyre.

Folarin Balogun ishte protagonist në fitoren 4-1 të SHBA-së ndaj Paraguait, duke realizuar dy herë. Sulmuesi amerikan u shfaq vazhdimisht kërcënues, regjistroi pesë goditje në portë dhe e mbylli ndeshjen me notën 9.

Ndërkohë, Elijah Just shkëlqeu në barazimin 2-2 të Zelandës së Re ndaj Iranit. Ai realizoi të dy golat e ekipit të tij dhe dha kontribut edhe në mbrojtje me disa rikuperime topi. Treshja Messi-Balogun-Just solli gola, ritëm dhe saktësi të lartë përpara portës.

Në mesfushë, Pedri ishte figura qendrore e Spanjës në barazimin pa gola kundër Kepit të Gjelbër. Mesfushori spanjoll kompletoi 86 pasime të sakta, krijoi pesë raste dhe kontrolloi ritmin e lojës në qendër të fushës.

Krah tij renditet Hwang In-beom, i cili udhëhoqi Korenë e Jugut drejt fitores 2-1 ndaj Çekisë me një gol dhe një asistim. Roli i tij ishte vendimtar si në ndërtimin e aksioneve, ashtu edhe në fazën sulmuese.

Mesfushën e plotëson Yasin Ayari, autor i dy golave në fitoren e thellë 5-1 të Suedisë ndaj Tunizisë. Suedezi ra në sy për energjinë e tij dhe lëvizjet e mençura në zonë.

Edhe në repartin defensiv pati paraqitje të forta, ndërsa në krahun e djathtë u veçua Richie Laryea në barazimin 1-1 të Kanadasë ndaj Bosnje-Hercegovinës. Ai fitoi shumicën e dueleve, bëri disa ndërhyrje kyçe dhe madje goditi edhe shtyllën.

Në portë, vendi i takoi Vozinha-s pas paraqitjes së shkëlqyer përballë Spanjës. Në barazimin 0-0, portieri i Kepit të Gjelbër realizoi shtatë pritje, shumicën në distancë të afërt, duke e mbajtur portën të paprekur kundër një prej sulmeve më të forta të turneut.

Shfaqja e tij mori menjëherë vëmendje të madhe dhe u kthye në një nga momentet më të komentuara të raundit të parë të Kupës së Botës 2026.

Formacioni i plotë: Vozinha, Laryea, Schlotterbeck, Diney, Rezaeian, Ayari, In-beom, Pedri, Just, Balogun, Messi.

The post Zbulohet formacioni ideal i raundit të parë në Botërorin 2026, me Messi-n në krye dhe disa befasi appeared first on Albeu.com.

Sipas The Athletic, emrat që janë futur në listën e dëshirave për verën janë Ruben Dias, Nico Schlotterbeck dhe Alessandro Bastoni.

Pasi objektivi kryesor i madrilenëve, Josko Gvardiol, është pranë rinovimit me Manchester Cityn dhe nuk ka pasur asnjë progres në tentativën për Riccardo Calafiori të Arsenalit, drejtuesit e Los Blancos kanë nisur të shqyrtojnë alternativa të tjera.

Një prej tyre është Ruben Dias. Mbrojtësi portugez i Manchester Cityt po ndiqet nga afër nga Real Madridi, ndërsa situata e tij në Etihad mbetet e paqartë pas largimit të Pep Guardiolës. Jose Mourinho, trajneri i ri i klubit madrilen, e pëlqen bashkatdhetarin e tij dhe synon ta transferojë në Madrid.

Edhe pse së fundmi ka firmosur një rinovim afatgjatë me Borussia Dortmundin, Nico Schlotterbeck vazhdon të konsiderohet një objektiv real për Real Madridin. Klubi spanjoll po sheh mundësinë e aktivizimit të një klauzole të posaçme largimi në kontratën e tij, e cila kap shifrën 50-60 milionë euro.

Sa i përket Alessandro Bastonit, ai më parë ishte përmendur për një lëvizje të mundshme te Barcelona, rivali i madh i Real Madridit. Megjithatë, kjo pistë tashmë ka rënë, për shkak të vlerësimit që i bën Interi lojtarit dhe fokusit të klubit katalunas për të investuar në repartin ofensiv.

Ndërkohë, Real Madridi ka mbyllur tashmë një marrëveshje për afrimin e Ibrahima Konate si lojtar i lirë, si edhe ka siguruar rinovimin e kontratës së Antonio Rudiger.

The post Real Madridi shqyrton Dias, Schlotterbeck dhe Bastoni për repartin defensiv appeared first on Albeu.com.

Skuadra e Bundesligës realizoi një fitore të jashtëzakonshme ndaj PSG-së, duke siguruar një fitore të përgjithshme 2-0 në të dy ndeshjet, ndërsa skuadra mbajti portën e paprekur në shtëpi dhe në udhëtim.

Lojtarët u panë duke kërcyer lart e poshtë në një podium drejt skajit të fushës dhe një Schlotterbeck i emocionuar u pa duke iu afruar shokëve të tij të skuadrës ndërsa përpiqej të bashkohej me ta.

Por, ndërsa 24-vjeçari u përpoq të hidhej në turmë për t’u përfshirë në festime, ai humbi hapin dhe rrëshqiti – duke u rrëzuar në mënyrë të vështirë ndërsa goditi podiumin përpara se të binte në shpinë.

Schlotterbeck fillimisht dukej me dhimbje përpara se të ngrihej në këmbë nga shoku i skuadrës dhe ish-ylli i Liverpoolit, Emre Can. /Telegrafi/

The post VIDEO / Schlotterbeck pësoi një rrëzim brutal gjatë festës për kalimin në finalen e Championsit appeared first on Albeu.com.