Ndërsa “Albiceleste” përgatitet për finalen e Kupës së Botës 2026 kundër Spanjës, gazeta MARCA ka sjellë dëshmitë e trajnerit Lionel Scaloni dhe 25 lojtarëve, të cilët shprehin me pasion admirimin e tyre për njeriun që shumë e konsiderojnë më të madhin e të gjitha kohërave.

Në Argjentinë, një thënie e njohur tregon se Diego Maradona ndërtoi një “mit” rreth vetes, por Messi ka fituar miliona “besimtarë”. Ata që kanë fatin të luajnë përkrah tij janë “pasuesit e D10S”, të vetëdijshëm për privilegjin e të ndarë fushën me një legjendë të gjallë.

Edhe në moshën 39-vjeçare, kapiteni vazhdon të shkruajë faqe të reja në historinë e futbollit. Pas epokave të lavdishme me Barcelonën dhe Paris Saint-Germain, dhe tani duke shkëlqyer te Inter Miami, Messi e ka çuar sërish Argjentinën në një finale Botërori — e treta për të personalisht, pas atyre të 2014-ës dhe 2022-ës.

Me 8 gola dhe 4 pasime vendimtare në këtë kompeticion, ylli argjentinas mbetet në luftë për Topin e Artë të nëntë dhe për titullin e golashënuesit më të mirë. Ai ka shënuar 21 herë në Kupat e Botës, vetëm një gol pas Kylian Mbappé. Megjithatë, për ata që e rrethojnë, shifrat janë vetëm një pjesë e vogël e tablosë. Messi për ta është i pamatshëm.

Trajneri Lionel Scaloni nuk ka asnjë dyshim: “Pa diskutim, ai është më i miri i çdo epoke. Është pothuajse e pamundur që dikush të arrijë atë nivel. Gjëja më e bukur që mund të na ndodhë si adhurues të këtij sporti është që ai të luajë sa më shumë dhe ne ta admirojmë. Edhe rivalët kënaqen duke e parë.” Scaloni shton se Messi do të qëndrojë në majë për aq kohë sa të dojë, duke theksuar se ka një atmosferë të veçantë rreth tij, sepse çdo gjë që bën duket krejtësisht e natyrshme.

Portieri Emiliano Martínez shprehet me vendosmëri të rrallë: “Jam gati të sakrifikoj jetën për të. Ne kemi një superyll që na shpëton në çdo sfidë. Kurrë nuk do të shohim një tjetër futbollist si Messi. Ai është unik dhe më i miri i historisë.”

Ndërkohë, Juan Musso vlerëson se Lamine Yamal është një talent fantastik, por ajo që ka realizuar Leo është e pakrahasueshme. Ai thekson se Messi ka mbajtur një nivel të paarritshëm për vite me radhë dhe se nuk i ka mbetur asgjë për të dëshmuar.

Geronimo Rulli mbetet i habitur nga ndikimi global i kapitenit. Duke kujtuar një udhëtim nga Uashingtoni në Nju Jork, ai përshkruan se si një autokolonë me rreth 100 makina i ndoqi thjesht për të parë Leon. “Ai është më i miri në botë dhe e provon vazhdimisht,” shton portieri.

Për mbrojtësin Gonzalo Montiel, shikimi i Messit në fushë është një përvojë që duhet shijuar në çdo moment, sepse është një lojtar i veçantë. Lisandro Martinez thekson se ata nuk kanë nevojë ta krahasojnë me askënd tjetër; ai qëndron i vetëm në krye. “Kur e sheh atë duke u përleshur dhe duke vrapuar, ndihesh i detyruar të japësh 200% për të. Jemi krenarë që po ndërtojmë këtë histori me Leon,” thotë Lisandro.

Marcos Senesi e quan një privilegj të ndash skuadrën me Messin, duke zbuluar se çdo herë që shkon në kombëtare, shokët e tij te Bournemouth i kërkojnë t’u sjellë fanella të tij. Ironikisht, Senesi vetë nuk zotëron asnjë.

Nicolás Tagliafico e sheh atë si shtysën kryesore: “Ai është lideri që na jep atë diçka më shumë. Të dish se e ke atë pranë në fushë të jep besim se mund të kapërcesh kufijtë.”

Cristian Romero pohon se prania e Messit sjell qetësi te të gjithë. “Nëse ai nuk është mirë, unë do të vrapoja dy herë më shumë për të. Ai është flamuri dhe simboli ynë, dhe ndikon edhe në psikologjinë e kundërshtarëve.”

Nicolas Otamendi, me emocion të thellë, i drejtohet drejtpërdrejt shokut të tij: “Ajo që shohin të tjerët nuk është asgjë në krahasim me atë që përjetojmë ne duke luajtur pranë teje. Ti përfaqëson historinë e këtij sporti. Të dua, miku im.” Ai shton se nuk dëshiron të mendojë për fundin, por vetëm ta jetojë ditë pas dite këtë periudhë.

Rodrigo De Paul shpreh përkushtimin e tij absolut: “Leo të bën të shkosh në luftë nëse ai ta kërkon. Jam shumë i lumtur që ai po e shijon këtë moment dhe vazhdon të na ndihmojë. Ai kurrë nuk mendon për rekordet personale; gjithmonë vendos ekipin përpara.”

Exequiel Palacios dëshiron që Messi të qëndrojë përgjithmonë në kombëtare, sepse kontributi i tij është i jashtëzakonshëm për të gjithë futbollin. Giovani Lo Celso e përshkruan atë si unik dhe të pazëvendësueshëm, ndërsa Leandro Paredes thekson se Messi vazhdon t’i befasojë në çdo seancë stërvitore dhe se është njeri spektakolar edhe jashtë fushe.

Për talentin e ri Thiago Almada, takimi i parë me Messin në një stërvitje ishte një përvojë e pabesueshme. “Ai është fenomenal, por mbi të gjitha është një person normal dhe i afrueshëm,” tregon ai. Nico Paz e konsideron të pakuptueshme fatin e tij për të luajtur një Kupë Bote me Leon, duke e vlerësuar atë si më të mirin në histori dhe të paimitueshëm.

Alexis Mac Allister nënvizon se prania e Messit e thjeshton çdo gjë dhe frikëson kundërshtarët, ndërsa Enzo Fernández flet për frymëzimin që buron nga kapiteni, sidomos në mënyrën se si përballet me sfidat. Julian Alvarez e sheh si nder të luajë me dikë që për 20 vite ka qenë në majë dhe vazhdon të tregojë magjinë e tij edhe në këtë moshë.

Nico González e përmbledh ndjenjën e përbashkët: “Ai na bën të themi: ‘Do të jap jetën për ty, vëlla’. Ndonjëherë në stërvitje përpiqem të parashikoj çfarë do të bëjë, por ai bën diçka krejt tjetër dhe unë vetëm falënderoj Zotin që e kemi.” Giuliano Simeone shton se nuk kanë alternativë tjetër veçse të japin gjithçka dhe të vrapojnë për të, sepse të shohësh më të mirin në histori çdo ditë të bën t’ju shkëlqejnë sytë.

Lautaro Martínez përmbyll me admirim të thellë: “Duke parë mënyrën si punon dhe përmirësohet, kupton pse është aty ku është. I thashë në fushë se duhet të qajë, sepse e meriton. Ai është udhërrëfyesi ynë dhe ai që na mbështet gjithmonë.”

Për bashkëlojtarët e tij, Lionel Messi nuk është thjesht kapiteni i Argjentinës. Ai është personifikimi i besimit se çdo ëndërr mund të arrihet.

The post Pse shokët e skuadrës janë gati të japin gjithçka për Lionel Messin appeared first on Albeu.com.

Gjatë kësaj vere, Real Madridi ka ditur të përfitojë financiarisht në mënyrë shumë efikase, duke arkëtuar më shumë se 108 milionë euro nga shitja e disa futbollistëve të dalë nga akademia, të cilët nuk aktivizoheshin me ekipin e parë.

Këto të ardhura kanë mbuluar tërësisht afrimet e reja të trajnerit Jose Mourinho, pa prekur aspak buxhetin e klubit spanjoll.

Njëkohësisht, drejtuesit janë kujdesur që për disa prej këtyre lojtarëve të përfshijnë edhe klauzola rikthimi në kontratat e reja.

Formula e Real Madridit

Klubi nga Madridi ka ndërtuar me sukses një model të mençur, duke ruajtur 50 për qind të të drejtave ekonomike të lojtarëve në transferimet e tyre të ardhshme.

Kjo mënyrë veprimi i jep mundësi Real Madridit të nxjerrë fitime maksimale edhe nga ata futbollistë që nuk arrijnë të bëhen pjesë e skuadrës së parë.

Nico Paz – 60 milionë euro

Lojtari shumë i çmuar i akademisë madrilene u transferua te klubi italian Como, duke u renditur si futbollisti i dytë më i shtrenjtë i dalë nga akademia e Real Madridit.

Víctor Munoz – 20 milionë euro

Pasi shkëlqeu gjatë periudhës së huazimit te Osasuna, anësori premtues kaloi te Liverpooli, një lëvizje që i solli klubit madrilen një fitim të konsiderueshëm.

Mario Gila – 15 milionë euro

Mbrojtësi qendror spanjoll zyrtarizoi gjatë verës një transferim të rëndësishëm te Milani, duke i siguruar Real Madridit një shumë të ndjeshme.

Álvaro Rodríguez – 15 milionë euro

Uruguaiani i repartit ofensiv u bashkua me Bournemouth në një marrëveshje fitimprurëse, që solli të ardhura të tjera në arkat e kampionëve.

Sergio Arribas – 12.5 milionë euro

Sulmuesi i njohur për nuhatjen e tij para portës është pranë një kalimi me vlerë te Benfica, marrëveshje nga e cila pritet që Real Madridi të sigurojë një tjetër përfitim financiar.

Mario Martín – 3.5 milionë euro

Edhe transferimi i mesfushorit luftarak i solli një shumë të kënaqshme Real Madridit, duke bërë që totali i shitjeve të lojtarëve të akademisë këtë verë të kalojë shifrën e 100 milionë eurove.

The post Real Madridi siguron mbi 100 milionë euro këtë verë nga largimet e lojtarëve që nuk ishin pjesë e ekipit të parë appeared first on Albeu.com.

Gjatë kësaj vere, Real Madridi ka regjistruar një fitim të rëndësishëm financiar, duke siguruar gjithsej 92 milionë euro falë klauzolave të menduara me kujdes në marrëveshjet e transferimit të disa lojtarëve që nuk bënin pjesë te ekipi i parë.

Pjesa më e madhe e kësaj shume erdhi nga kalimi përfundimtar i Nico Paz te Como, operacion nga i cili klubi madrilen përfitoi 60 milionë euro, pasi kishte mbajtur të drejta të rëndësishme mbi mesfushorin argjentinas.

Po ashtu, Real Madridi arkëtoi edhe 20 milionë euro nga transferimi i Victor Munoz nga Osasuna te Liverpooli, falë një klauzole që i siguronte 50 për qind të shumës së një shitjeje të ardhshme të lojtarit.

Një tjetër përfitim erdhi edhe nga lëvizja e Alvaro Rodriguez nga Elche te Bournemouth, me madrilenët që morën 12.5 milionë euro përmes një marrëveshjeje të ngjashme, e cila u garantonte 50 për qind të të drejtave mbi sulmuesin.

Në përfundim, pa nxjerrë në shitje asnjë futbollist të skuadrës aktuale, Real Madridi ka shtuar 92 milionë euro në arkat e klubit, duke i dhënë një mbështetje të fortë buxhetit veror të trajnerit të ri, Jose Mourinho./

The post Real Madridi mbush arkat me 92 milionë euro nga largimet e futbollistëve që s’ishin pjesë e skuadrës sezonin e kaluar appeared first on Albeu.com.

Real Madridi po punon për të ndërtuar një skuadër elitare për sezonet e ardhshme, por për të vënë në zbatim planet ambicioze të verës, klubi duhet të krijojë hapësira në ekip dhe njëkohësisht të sigurojë të ardhura të konsiderueshme.

Në javët e ardhshme, nga “Los Blancos” pritet të largohen gjithsej gjashtë lojtarë.

Sipas El Debate, skuadra madrilene ka përfituar tashmë rreth 51 milionë euro nga shitja e Nico Paz dhe 17 milionë euro nga Víctor Munoz. Po ashtu, me largimet e Carvajal, Ceballos dhe Alaba, janë çliruar paga të rëndësishme, me kursimin total që llogaritet rreth 52 milionë euro.

Pavarësisht kësaj, drejtuesit e Real Madridit e konsiderojnë se kjo shumë nuk është e mjaftueshme. Projekti i tyre përfshin edhe largimin e të paktën gjashtë futbollistëve të tjerë: dy mbrojtës, dy mesfushorë dhe dy sulmues.

Raportohet se trajneri i ri, Jose Mourinho, ka përcaktuar disa emra që mund të sakrifikohen. Fran Garcia, Raul Asencio dhe Eduardo Camavinga janë mes lojtarëve për të cilët dera e largimit mbetet e hapur.

Në mesin e futbollistëve që përmenden si kandidatë për t’u larguar janë edhe Alvaro Carreras, Franco Mastantuono dhe Gonzalo García.

Nëse këto lëvizje përmbyllen me sukses, Real Madridi do të siguronte burime të rëndësishme financiare për objektivat madhorë të merkatos, ku në fokus mbeten emra si Michael Olise, Erling Haaland dhe Julian Alvarez.

Gjithsesi, nuk përjashtohet as mundësia e një transferimi të madh. Fede Valverde dhe Aurelien Tchouameni përmenden si dy prej lojtarëve më të kërkuar dhe si opsione të mundshme për t’u sakrifikuar në funksion të projektit të ri galaktik.

The post Real Madridi përgatit largimin e 6 futbollistëve për të mbështetur projektin e ri appeared first on Albeu.com.

Real Madridi ka bërë të ditur zyrtarisht se Nico Paz do të mbetet pjesë e Comos edhe përgjatë sezonit 2026/27, ndërsa klubi madrilen ka ruajtur mundësinë për ta rikthyer mesfushorin argjentinas në verën e vitit 2027.

Sipas njoftimit të publikuar nga “Los Blancos”, marrëveshja është finalizuar mes Real Madridit, Comos dhe vetë futbollistit, ndërsa vendimi për të vazhduar qëndrimin në Itali është marrë me kërkesë të lojtarit.

“Real Madrid, Como 1907 dhe Nico Paz kanë arritur marrëveshje që lojtari të vazhdojë te klubi italian edhe për sezonin 2026/27. Kjo marrëveshje është bërë me kërkesën e vetë lojtarit dhe parashikon që Real Madridi të ruajë të drejtën e njëanshme për ta rikthyer atë për sezonin 2027/28”, thuhet në komunikatën e klubit madrilen.

Marrëveshja mes dy klubeve parashikon gjithashtu që Como të blejë 50 për qindshin e mbetur të kartonit të lojtarit për 60 milionë euro.

Edhe pse ka lejuar vazhdimin e tij te skuadra italiane, Real Madridi nuk është tërhequr nga interesi për talentin 21-vjeçar dhe ka përfshirë një klauzolë rikthimi, e vlefshme vetëm në verën e vitit 2027.

Në rast se klubi spanjoll vendos ta ushtrojë këtë të drejtë, Nico Paz do të rikthehet për shumën prej 80 milionë eurosh.

Gjatë sezonit të kaluar në Serie A, mesfushori argjentinas pati paraqitje shumë të mira me Comon, duke u kthyer në një prej futbollistëve kyç të ekipit italian.

The post Real Madridi zyrtarizon qëndrimin e Nico Paz te Como, me opsion rikthimi në vitin 2027 appeared first on Albeu.com.

Vendimi i klubit madrilen erdhi pasi Los Blancos zgjodhën të mos e përdornin klauzolën e riblerjes, ndërsa mesfushori argjentinas kishte shprehur dëshirën për të vijuar te Como.

Paz nuk e shihte veten si pjesë të projektit të Jose Mourinhos te Real Madridi, për shkak të pikëpyetjeve që ekzistonin mbi minutazhin e tij të rregullt.

Për të siguruar qëndrimin e tij, klubi italian do të derdhë afro 60 milionë euro, megjithatë Real Madridi ka përfshirë në marrëveshje një klauzolë të rëndësishme riblerjeje për të ruajtur ndikimin mbi të ardhmen e lojtarit.

Në 24 orët e fundit, trajneri i Comos, Cesc Fabregas, ka shtyrë fort që operacioni të përmbyllej, pasi e konsideron mesfushorin argjentinas si elementin kryesor të projektit të tij.

21-vjeçari, që aktualisht është pjesë e përfaqësueses së Argjentinës për Kupën e Botës, pati rol të rëndësishëm në arritjen e Comos për t’u kualifikuar në Ligën e Kampionëve sezonin e kaluar.

Interi kishte interes të madh për yllin argjentinas, por në fund Nerazzurrët nuk arritën ta siguronin transferimin e tij.

The post Como mbyll marrëveshjen me Real Madridin për transferimin përfundimtar të Nico Paz appeared first on Albeu.com.

E ardhmja e 21-vjeçarit te Como, në gjendjen aktuale, duket vështirë të vazhdojë, ndërsa Liga Premier përmendet si alternativa më e mundshme për hapin e tij të ardhshëm.

Sipas raportimit, Paz nuk bën pjesë në planet e Jose Mourinhos për edicionin e ardhshëm, ndërsa Real Madridi është i gatshëm të heqë dorë plotësisht nga të gjitha të drejtat mbi të.

Klubi madrilen nuk është i kënaqur me mundësinë që lojtari të qëndrojë edhe një vit tjetër te Como dhe po ushtron presion ndaj klubit italian që të paguajë 60 milionë euro për ta bërë përfundimtar transferimin e tij.

Nga ana tjetër, ekipi i drejtuar nga Cesc Fabregas nuk synon të paguajë një shumë kaq të lartë për futbollistin argjentinas, por javën e ardhshme do të vijojë negociatat me Real Madridin në kërkim të një zgjidhjeje.

Për shkak se Real Madridi mban kontroll të plotë mbi të drejtat e tij, Paz nuk ka shumë hapësirë për të vendosur vetë për të ardhmen.

Klauzola e riblerjes së tij, e cila kap vlerën e 10 milionë eurove, përfundon në fund të muajit, ndërsa nga shitja e tij Los Blancos pritet të arkëtojnë të paktën 50 milionë euro.

The post Real Madridi synon të rikthejë Nico Pazin nga Como përmes klauzolës dhe ta transferojë më pas në Premier League appeared first on Albeu.com.

Për një teknik që mori frenat e kombëtares në përvojën e tij të parë si trajner kryesor, ajo që ka arritur mbetet e jashtëzakonshme.

Synimi i radhës, megjithatë, është edhe më i madh: ruajtja e titullit botëror në Kupën e Botës 2026.

Vetëm Italia në vitet 1934 dhe 1938, si edhe Brazili i udhëhequr nga Pele në vitet 1958 dhe 1962, kanë mundur të fitojnë dy Botërorë njëri pas tjetrit. Pikërisht për këtë, Argjentina synon të futet në histori.

Tradita e këtij turneu tregon se mbrojtja e kurorës është ndër detyrat më të vështira në futboll. Gjermania u ndal që në fazën e grupeve në vitin 2018, Spanja në 2014, Italia në 2010 dhe Franca në vitin 2002.

Skuadra e vetme që, si kampione në fuqi, arriti deri në finale ishte Franca e Didier Deschamps në Katar 2022.

Sidoqoftë, zgjerimi i formatit në 48 ekipe dhe një short relativisht i favorshëm i japin Argjentinës një shans real për të shkuar sërish larg.

Që kjo të ndodhë, Scaloni mund të detyrohet të bëjë diçka që nuk e ka aplikuar shpesh: të mbështetet më shumë te brezi i ri.

Argjentina ka mbërritur në Botërorin 2026 me një grup që ngjan shumë me atë që fitoi trofeun në Katar.

Nga 26 futbollistët e grumbulluar, 17 ishin pjesë e skuadrës kampione të vitit 2022. Madje, nga formacioni titullar që nisi finalen ndaj Francës, mungon vetëm Angel Di Maria, i cili u largua nga kombëtarja pas suksesit në Copa America 2024.

Kjo vazhdimësi ka qenë një prej pikave më të forta të Scalonit. Pjesa më e madhe e lojtarëve janë bashkë prej më shumë se pesë vitesh dhe kanë krijuar një lidhje të fortë brenda grupit.

Por ekziston edhe një rrezik i qartë: koha nuk kursen askënd.

Mosha po kthehet në një çështje për këtë përfaqësuese. Nëntë lojtarë të skuadrës aktuale janë mbi 30 vjeç, mes tyre emra të rëndësishëm si Emiliano Martinez, Rodrigo De Paul dhe natyrisht Lionel Messi, i cili gjatë këtij Botërori do të mbushë 39 vjeç.

Në krahun tjetër, vetëm tre futbollistë janë nën 25 vjeç: Giuliano Simeone, Valentin Barco dhe Nico Paz.

Kjo hendek i madh mes brezave ka sjellë pikëpyetje nëse Argjentina ka bërë mjaftueshëm për të përgatitur zëvendësuesit e gjeneratës së artë.

Debatet janë shtuar edhe më shumë nga mungesa në listë e talenteve si Franco Mastantuono dhe Alejandro Garnacho.

Një tjetër shqetësim lidhet me konsumin fizik të shumë lojtarëve kryesorë. Copa America, Botërori 2022, sezonet e gjata me klubet dhe angazhimi në Kupën e Botës për Klube kanë lënë pasoja.

Që nga fillimi i sezonit 2024/25, Enzo Fernandez dhe Julian Alvarez kanë luajtur nga 121 ndeshje për klubet dhe kombëtaren.

Alvarez pati probleme fizike në fund të sezonit me Atletico Madridin, ndërsa ekzistojnë dyshime nëse ky ritëm i lartë mund të ndikojë edhe te futbollistë të tjerë gjatë turneut.

Rast më vete është Alexis Mac Allister. Mesfushori i Liverpoolit ka regjistruar 119 paraqitje në dy sezonet e fundit dhe shumë analistë mendojnë se lodhja ka ndikuar në rënien e formës së tij.

Ish-lojtari i Liverpoolit, Jermaine Pennant, e kritikoi publikisht për paraqitjet e tij gjatë sezonit.

“Pas dëmtimit që pati, duket sikur ka humbur energjinë. Në disa ndeshje dukej sikur thjesht po vraponte pa ndikim në lojë”, deklaroi Pennant.

Pikërisht për këto arsye, Scaloni mund të detyrohet të përshpejtojë kalimin drejt brezit të ri që gjatë vetë turneut.

Lojtarë si Nico Paz, Valentin Barco dhe Giuliano Simeone shihen si e ardhmja e kombëtares, ndërsa tifozët vazhdojnë të kërkojnë më shumë minuta edhe për talente të tjera të reja.

Nëse Argjentina synon të mbrojë titullin botëror dhe t’i japë Lionel Messit një lamtumirë të paharrueshme në Kupën e tij të gjashtë dhe të fundit, atëherë ndërthurja mes përvojës së kampionëve dhe energjisë së brezit të ri mund të rezultojë vendimtare.

Scaloni ka ngritur një nga periudhat më të suksesshme në historinë e futbollit argjentinas. Tashmë, prova e tij më e madhe mund të jetë gjetja e çastit të duhur për t’ia kaluar stafetën brezit të ardhshëm, pa humbur mundësinë për një tjetër triumf historik.

The post Scaloni përballë sfidës së re te Argjentina, rinovimi i skuadrës mund të jetë çelësi për lamtumirën ideale të Messit appeared first on Albeu.com.