Lajmi është bërë i ditur nga Axios, i cili citon një zyrtar amerikan anonim dhe burime të tjera të njohura me çështjen. Sipas tyre, iniciativa synon të kapërcejë ngërçin aktual diplomatik dhe përçarjet e brendshme në udhëheqjen iraniane lidhur me lëshimet që mund t’i ofrohen Uashingtonit në fushën bërthamore.

Propozimi i Teheranit parashikon trajtimin e menjëhershëm të çështjes së rihapjes së Ngushticës së Hormuzit dhe heqjen e bllokadës detare amerikane, ndërsa negociatat mbi pasurimin e uraniumit do të shtyheshin për një fazë të dytë.

Megjithatë, sipas të njëjtave burime, një marrëveshje e kufizuar vetëm në Ngushticën e Hormuzit mund ta privojë presidentin amerikan Donald Trump nga një levë e rëndësishme negociuese për të arritur një pezullim afatgjatë të pasurimit të uraniumit nga Irani dhe reduktimin e rezervave të tij bërthamore.

The post Media amerikane: Irani, propozim të ri SHBA-ve për rihapjen e Ngushticës së Hormuzit appeared first on Albeu.com.