Por megjithatë një numër i vogël anijesh po përpiqen të kalonë në këtë rrugë. Pesë anije janë parë duke hyrë në Ngushticën e Hormuzit mëngjesin e sotëm, dy ditë pasi Garda Revolucionare e Iranit tha se kanali do të mbyllet për shkak të sulmeve të vazhdueshme të Izraelit në Liban.

Gjithashtu edhe ditën e djeshme kaluan pesë anije nga 26 të vërejtura një ditë më parë, sipas të dhënave të gjurmimit të anijeve nga firma analitike Kpler.

Megjithatë, situata në kanalin ujor është e pasigurt, pasi Centcom-i i SHBA-së mohoi se ngushtica ishte mbyllur dhe tha se 55 anije tregtare kishin kaluar të shtunën, një shifër ende shumë më e ulët se mesatarja prej 130 anijesh para luftës.

The post Irani paralajmëroi mbylljen e Ngushticës së Hormuzit, bie ndjeshëm trafiku detarë appeared first on Albeu.com.

Pas marrëveshjes, Irani do të vazhdojë me çminimin e Ngushticës brenda 30 ditëve.

Pasi të përfundojë kjo fazë, anijet nga e gjithë bota do të jenë në gjendje të lundrojnë lirisht dhe në mënyrë të sigurt dhe Teherani do të ndalojë së mbledhuri taksa, shtoi gazeta financiare.

Armëpushimi i arritur në fillim të prillit do të zgjatet për 60 ditë dhe gjatë kësaj kohe plani është të zhvillohen bisedime mbi programin bërthamor të Iranit, sipas raportit.

The post Ngushtica e Hormuzit do të hapet për të gjitha anijet 30 ditë pas marrëveshjes SHBA-Iran, në fillim Teherani do kryejë çmimin appeared first on Albeu.com.

Ai kërkoi gjithashtu hapjen sa më të shpejtë të Ngushticës së Hormuzit, duke theksuar rëndësinë e rikthimit të lirisë së lundrimit në rajon.

Lidhur me luftën në Ukrainë, Wang Yi tha se Kina dhe SHBA-ja janë të gatshme të vazhdojnë komunikimin mes tyre.

Sipas tij, të dy vendet kanë rënë dakord të krijojnë komitete për tregtinë dhe investimet. Palët do të shqyrtojnë edhe shqetësimet reciproke për aksesin në tregun e produkteve bujqësore.

Ai shtoi se Kina dhe SHBA-ja synojnë forcimin e tregtisë dypalëshe përmes uljes reciproke të tarifave doganore.

Ndërkohë, sipas agjencisë kineze Xinhua, presidenti kinez Xi Jinping pritet të vizitojë SHBA-në gjatë vjeshtës.

The post Kina kërkon hapjen e menjëhershme të Ngushticës së Hormuzit, paralajmërohen hapa të rinj tregtarë me SHBA appeared first on Albeu.com.

Sipas burimeve pranë bisedimeve, të cituara nga CNN, Trump ka shfaqur pakënaqësi të fortë për vazhdimin e mbylljes së Ngushticës së Hormuzit, si edhe për përçarjet brenda udhëheqjes iraniane, të cilat konsiderohen pengesë për arritjen e lëshimeve konkrete nga Teherani.

Burimet theksojnë se administrata amerikane po ndjek me shqetësim zhvillimet në rajon, ndërsa tensionet mes Uashingtonit dhe Teheranit mbeten të larta në lidhje me çështjen bërthamore dhe sigurinë në Gjirin Persik.

Ngushtica e Hormuzit është një nga korridoret më të rëndësishme detare për tregtinë globale të naftës dhe gazit, ndaj çdo përshkallëzim i situatës në zonë shihet me shqetësim nga komuniteti ndërkombëtar.

The post CNN: Donald Trump po shqyrton mundësinë e operacioneve të reja ushtarake ndaj Iranit appeared first on Albeu.com.

Ky zhvillim po rrit shqetësimin si në komunitetin ndërkombëtar të transportit detar, ashtu edhe në tregjet energjetike, pasi bëhet fjalë për një nga korridoret më të rëndësishme globale të transportit të naftës.

Klima e pasigurisë që është krijuar në rajon ka detyruar shumë kompani detare të mbajnë qëndrim pritjeje, duke shmangur kërkesat për leje kalimi nga autoritetet iraniane, nga frika e sanksioneve të mundshme amerikane.

Si pasojë, një numër i madh anijesh tregtare mbeten të palëvizshme ose lëvizin me kujdes ekstrem brenda dhe përreth Ngushticës.

Deputeti iranian Saeedi deklaroi se rreth 1.500 anije ndodhen në pritje për të marrë miratim nga Teherani për t’u larguar nga zona, çka tregon përmasën e ndërprerjes në lundrim.

Sipas kompanisë së sigurisë detare Diaplous, trafiku tregtar është kufizuar pothuajse ekskluzivisht te anijet e vogla të ngarkesave të përgjithshme që shërbejnë për Iranin, kryesisht nën 75 metra gjatësi, si dhe te disa anije të vogla mallrash me flamur të Indisë dhe Komoreve.

Në të njëjtën kohë, Teherani publikoi udhëzime të reja, përmes të cilave synon të përcaktojë një “zonë kontrolli” detare në rajon.

Sistemi i ri iranian për përcaktimin e itinerareve detare rreth ishullit Larak ka rritur nivelin e mbikëqyrjes politike dhe ushtarake mbi kalimet tregtare përmes Ngushticës së Hormuzit.

Trupat e Gardës së Revolucionit Islamik të Iranit (IRGC) kanë udhëzuar anijet tregtare që dëshirojnë të kalojnë ngushticën të koordinohen me autoritetet iraniane dhe të ndjekin korridore të përcaktuara pranë ishullit Larak.

Sipas skemës së raportuar të lundrimit, anijet hyrëse drejt Gjirit kalojnë në veri të ishullit Larak, pranë vijës bregdetare iraniane, ndërsa anijet që dalin nga Gjiri kalojnë në jug të ishullit.

Kjo rregullore e zhvendos trafikun detar më afër ujërave që pretendon Irani dhe i jep IRGC-së mundësi më të mëdha për monitorimin e anijeve që kalojnë.

Irani ka përcaktuar gjithashtu zona të kontrollit dhe monitorimit të kufizuar mes korsive të lundrimit që mbikëqyren nga IRGC.

Kjo përbën një devijim nga sistemi tradicional i ndarjes së trafikut detar, i cili bazohej më shumë në korridore të lidhura me ujërat e Omanit dhe në skema ndërkombëtare të navigimit.

Megjithëse e drejta ndërkombëtare detare vazhdon të njohë të drejtën e kalimit përmes Ngushticës së Hormuzit, kritikët argumentojnë se sistemi i ri rrit kontrollin operacional të Iranit mbi anijet gjatë kalimit të tyre.

Ajo që shkakton shqetësimin më të madh në tregjet detare dhe energjetike është fakti se kjo zonë, duket se shtrihet edhe në hapësira detare të lidhura funksionalisht me porte të rëndësishme të Emirateve të Bashkuara Arabe, si Khor Fakkan dhe Fujairah.

Këto porte kanë marrë rëndësi të veçantë strategjike vitet e fundit, duke funksionuar si qendra kryesore transporti dhe furnizimi energjetik, sidomos pas rënies së ndjeshme të lundrimit brenda Ngushticës së Hormuzit.

Burime nga sektori detar dhe energjetik vlerësojnë se strategjia iraniane, synon ruajtjen e një influence të fortë mbi rrjedhat e naftës në Gjirin Persik.

Në qendër të shqetësimit ndodhet edhe tubacioni Habshan–Fujairah, përmes të cilit Emiratet e Bashkuara Arabe përpiqen të eksportojnë naftë bruto duke anashkaluar Ngushticën e Hormuzit.

Zgjerimi i “zonës së kontrollit” iraniane rrit presionin mbi këtë korridor energjetik, pasi krijon kushte kërcënimi të drejtpërdrejtë si për tubacionin, ashtu edhe për rrjedhat detare që përfundojnë në Fujairah.

Duhet theksuar gjithashtu se, sipas NBC News, Arabia Saudite refuzoi t’u lejonte Shteteve të Bashkuara përdorimin e bazave ushtarake dhe hapësirës ajrore saudite për operacionin “Freedom”, zhvillim që, sipas të njëjtave burime, ishte një nga arsyet kryesore që çoi Donald Trump në pezullimin e operacionit.

Kjo qasje interpretohet nga analistët si tregues se Arabia Saudite po përpiqet të shmangë përfshirjen e drejtpërdrejtë në një përshkallëzim ushtarak me Iranin, nga frika e sulmeve të mundshme ndaj instalimeve të saj të naftës dhe infrastrukturës kritike energjetike.

Njëkohësisht, kjo tregon edhe vështirësitë që përballin SHBA-të në krijimin e një fronti rajonal plotësisht të koordinuar sigurie për mbrojtjen e lundrimit në Ngushticën e Hormuzit.

Ndërkohë, embargoja amerikane ndaj anijeve që përpiqen të hyjnë ose të largohen nga portet iraniane mbetet plotësisht në fuqi. Forcat e CENTCOM vazhdojnë të veprojnë për të garantuar zbatimin e saj.

Sipas të dhënave të Signal Ocean, të disponuara nga kompania e brokerimit detar Xclusiv Shipbrokers, aktualisht në zonën e Gjirit Persik dhe Ngushticës së Hormuzit ndodhen gjithsej 186 “bulk carriers” dhe tankerë të kategorive të ndryshme.

Pamja tregon një prani të konsiderueshme tankerësh dhe “bulk carriers”, megjithatë aktorët e tregut theksojnë se të dhënat nuk mund të konsiderohen plotësisht përfaqësuese, pasi një pjesë e flotës mund të lëvizë me AIS të çaktivizuar për shkak të tensionit të lartë gjeopolitik në rajon.

Kategoria më e madhe janë “small bulkers” me 50 anije, të ndjekura nga “handysize” me 26 dhe “panamax” me 20 anije. Gjithashtu janë të pranishme tetë “kamsarmax”, gjashtë “post-panamax”, katër “supramax”, katër “ultramax”, katër “capesize”, tre “handymax” dhe tre “mini-capesize”.

Ndërsa te tankerët identifikohen gjithsej 58 anije. Dominues janë MR2 me 25 anije dhe MR1 me 11. Në rajon ndodhen gjithashtu tetë VLCC, pesë panamax/LR1, pesë aframax/LR2 dhe katër suezmax.

Interes të veçantë paraqet fakti se rreth 40% e tankerëve që ndodhen në Ngushticën e Hormuzit konsiderohen sanctioned vessels, ndërsa te bulk carriers kjo përqindje llogaritet në 11%.

Ky element pasqyron praninë e konsiderueshme të anijeve të lidhura me rrjete transporti nën regjime sanksionesh, kryesisht në tregtinë e naftës.

Megjithatë, aktorët e tregut detar theksojnë se nuk mund të përdoret termi “anije të bllokuara”, pasi shumë prej tyre qëndrojnë në rajon duke pritur udhëzime për ngarkim ose urdhra tregtarë.

Gjithashtu, nuk ka ende një pasqyrë të qartë se sa nga anijet hynë në rajon pas fillimit të krizës dhe sa prej tyre ndodheshin tashmë në Gjirin Persik përpara përshkallëzimit të tensioneve.

The post Rritet tensioni në Ngushticën e Hormuzit/ Teherani ngre “zonë kontrolli”, lundrimi nën mbikëqyrjen e Gardës Revolucionare appeared first on Albeu.com.

Teherani ka përcaktuar një sërë rregullash të reja për anijet që kërkojnë të kalojnë nëpër Ngushticën e Hormuzit, sipas një dokumenti të parë nga CNN, duke vazhduar përpjekjet për të formalizuar kontrollin mbi rrugën ujore në kundërshtim me paralajmërimet e SHBA-së.

I titulluar “Deklarata e Informacionit për Anijen”, dokumenti është një formular aplikimi i lëshuar nga Autoriteti i sapokrijuar i Ngushticës së Gjirit Persik (PGSA) i Iranit dhe duhet të plotësohet nga të gjitha anijet tranzit për të siguruar kalim të sigurt. Ai u nda me CNN nga Lloyds List dhe një burim tjetër i industrisë së transportit detar që dëshiroi të mbetej anonim.

Përpara se të fillonte fushata amerikane dhe izraelite kundër Iranit në fund të shkurtit, ngushtica ishte e lirë për lundrim në Hormuz pa lejen e marinës së Gardës Revolucionare Islamike (IRGC). Një numër anijesh janë sulmuar, por shumica dërrmuese e pronarëve dhe operatorëve të anijeve kanë zgjedhur të mos marrin rrezikun e kalimit të anijeve të tyre në kundërshtim me Iranin.

Lëvizja për të ngritur një autoritet për ngushticën nënvizon vendosmërinë e Iranit për të çimentuar kontrollin mbi atë që e sheh si një plaçkë lufte , pavarësisht paralajmërimeve të përsëritura të SHBA-së dhe rajonit. Dominimi i rrugës ujore – përmes së cilës rrjedh një e pesta e naftës dhe gazit natyror të lëngshëm në botë – do t’i jepte Republikës Islamike një ndikim të madh mbi fqinjët e saj dhe ekonominë globale.

Mbyllja e Ngushticës së Hormuzit shkaktoi tronditjen më të madhe të furnizimit me naftë në histori, duke i rritur ndjeshëm çmimet e energjisë. Të mërkurën, çmimet e benzinës në SHBA u rritën mbi 4.5 dollarë për galon për herë të parë në katër vjet.

The post Përpjekje për të siguruar përfitime në kohë lufte, Irani vendos rregulla të reja për Ngushticën e Hormuzit appeared first on Albeu.com.

Sipas burimeve zyrtare, anija e mallrave është goditur në rrethana ende të paqarta, ndërsa nuk ka ende të dhëna të sakta mbi dëmet e shkaktuara apo ndikimin e mundshëm mjedisor. Autoritetet përkatëse kanë nisur një hetim për të zbardhur rrethanat e incidentit.

Ngjarja rrit më tej shqetësimet për sigurinë në këtë korridor jetik për tregtinë globale të energjisë, ku kalon një pjesë e madhe e furnizimit botëror me naftë.

Në një udhëzim për komunitetin detar, UKMTO ka rekomanduar masa të shtuara sigurie, duke përfshirë mbikëqyrje të vazhdueshme 24 orë në ditë, si vizualisht ashtu edhe përmes radarëve, si dhe zbatimin e protokolleve të sigurisë sipas udhëzimeve ndërkombëtare.

Gjithashtu, kapitenëve të anijeve u kërkohet të raportojnë menjëherë çdo aktivitet të dyshimtë tek autoritetet dhe të monitorojnë çdo paralajmërim për kërcënime ajrore apo ushtarake në zonë. Në rast sulmi, rekomandohet ndjekja e udhëzimeve të autoriteteve ushtarake, kur këto janë të disponueshme. Situata në rajon mbetet e tensionuar dhe e paqëndrueshme, ndërsa komuniteti ndërkombëtar detar po ndjek nga afër zhvillimet.

The post Alarm në Ngushticën e Hormuzit! Sulmohet me raketë anija tregtare appeared first on Albeu.com.

Irani njoftoi krijimin e një autoriteti të ri për të menaxhuar lundrimin në Ngushticën e Hormuzit, duke kërkuar që anijet të aplikojnë, të paguajnë tarifa dhe të marrin miratim para tranzitit, raportoi Agjencia e Lajmeve Tasnim.

Pala iraniane ka vazhduar me krijimin e “Autoritetit të Ngushticës së Gjirit Persik”, një organ i ri që, sipas raportimeve, do të mbikëqyrë dhe rregullojë kalimin e anijeve nëpër Ngushticën e Hormuzit.

Sipas të njëjtit informacion, anijet që dëshirojnë të kalojnë nëpër kalimin strategjik detar do të duhet të kontaktojnë Autoritetin e ri, të plotësojnë dokumentet e kërkuara dhe të paguajnë tarifat e përcaktuara të tranzitit. Pasi të përfundojë procedura, atyre do t’u jepet leja për të kaluar Ngushticën, ndërsa konfirmimi përkatës do të dërgohet me email.

Ky zhvillim, siç është paraqitur nga agjencia iraniane Tasnim, është pjesë e një kuadri të ri për menaxhimin e lundrimit në një nga arteriet më të rëndësishme të energjisë në botë, megjithatë, pa dhënë detaje të mëtejshme mbi zbatimin apo reagimin e bashkësisë ndërkombëtare.

Ndërkohë, Garda Revolucionare e Iranit u zotua të hënën se do t’u japë një “përgjigje të fortë” anijeve që përpiqen të kalojnë nëpër Ngushticën e Hormuzit, jashtë rrugës që ata imponojnë, ndërsa Shtetet e Bashkuara kryejnë një operacion për të larguar anijet e bllokuara atje nga Gjiri.

The post Irani po përpiqet të vendosë sovranitetin e tij në Ngushticën e Hormuzit, Teherani njoftoi taksat dhe një mekanizëm të ri për të kontrolluar kalimin e anijeve appeared first on Albeu.com.

Trump bëri të ditur se SHBA-ja ka informuar disa vende se do të garantojë kalimin e sigurt të anijeve të tyre në këtë korridor detar të kufizuar, megjithëse nuk specifikoi se cilat shtete do të përfitojnë nga kjo mbështetje.

Ai paralajmëroi se çdo ndërhyrje në këtë proces, të cilin e quajti “Projekti Liri”, do të përballet me përgjigje të fortë.

“Për të mirën e Iranit, Lindjes së Mesme dhe Shteteve të Bashkuara, ne u kemi thënë këtyre vendeve se do të udhëheqim anijet e tyre në mënyrë të sigurt”, shkroi ai.

Në deklaratën e tij, Trump theksoi gjithashtu se përfaqësuesit amerikanë janë duke zhvilluar bisedime “shumë pozitive” me Iranin, të cilat sipas tij mund të çojnë në rezultate të favorshme për të gjitha palët.

The post Donald Trump: SHBA do të shoqërojë anijet e bllokuara në Ngushticën e Hormuzit appeared first on Albeu.com.

Ky korridor me rëndësi strategjike vijon të mbetet praktikisht i mbyllur, nën një bllokadë të dyfishtë, duke shkaktuar pasoja serioze për lundrimin ndërkombëtar dhe ekonominë globale.

Negociatat mes Uashingtonit dhe Teheranit duket se kanë ngecur, pavarësisht faktit se prej tre javësh është në fuqi një armëpushim.

Ngushtica e Hormuzit, mbetet de facto e mbyllur nga Irani, ndërsa SHBA-të vijojnë bllokadën ndaj porteve iraniane, çka ka sjellë një paralizim të ndjeshëm të trafikut detar.

Rivendosja e kalimit të lirë në këtë korridor, i cili është jetik për tregtinë globale të naftës dhe gazit natyror, konsiderohet një element kyç për zgjidhjen e konfliktit, i cili shpërtheu më 28 shkurt me bombardime të gjera nga SHBA dhe Izraeli kundër Iranit.

“Ne nuk besojmë se lufta ka përfunduar”, deklaroi për televizionin shtetëror iranian zëdhënësi i ushtrisë, Amir Akraminija, duke theksuar klimën e tensionuar që vijon të mbizotërojë në rajon.

The post Negociatat SHBA-Iran bllokohen, Ngushtica e Hormuzit mbetet e mbyllur appeared first on Albeu.com.