Ish-presidentja e Kosovës, Vjosa Osmani, ka reaguar pas ndarjes nga jeta të mjekes, humanistes dhe ish-deputetes së Kuvendit të Kosovës, Flora Brovina.

Osmani ka shprehur pikëllimin e saj për vdekjen e Brovinës, duke vënë në pah kontributin e saj të rëndësishëm për Kosovën, lirinë dhe mbrojtjen e të drejtave të njeriut.

Sipas Osmanit, Flora Brovina ishte një grua që ia kushtoi tërë jetën Kosovës, lirisë dhe dinjitetit njerëzor.

Ajo ka kujtuar veçanërisht veprimtarinë e Brovinës gjatë viteve ’90, kur ajo u përball me represionin dhe dhunën serbe.

Osmani ka theksuar se Brovina, në cilësinë e mjekes, humanistes dhe zërit të fuqishëm të gruas shqiptare, nuk qëndroi pasive përballë padrejtësive të asaj kohe.

Ish-presidentja ka rikthyer në vëmendje edhe arrestimin e Flora Brovinës më 20 prill 1999, gjatë luftës në Kosovë, si dhe dërgimin e saj në burgjet serbe.

Ajo ka vlerësuar se burgimi, torturat dhe presioni nuk arritën ta mposhtnin Brovinën, e cila mbeti një simbol i qëndresës.

Edhe gjatë periudhës së burgimit, Brovina nuk hoqi dorë nga bindjet e saj dhe nga angazhimi për Kosovën dhe lirinë, ka theksuar Osmani.

Angazhimi i saj publik vazhdoi edhe pas përfundimit të luftës, ndërsa Brovina shërbeu në disa mandate si deputete e Kuvendit të Kosovës.

Osmani ka përfunduar se jeta, sakrifica dhe qëndresa e Flora Brovinës do të mbeten pjesë e pandashme e historisë së Kosovës.

The post Osmani nderon Flora Brovinën: Jetën ia përkushtoi Kosovës, lirisë dhe dinjitetit njerëzor appeared first on Albeu.com.

Ardian Gjini, kryetar i Aleancës, i ka përcjellë ngushëllimet e tij familjes Kryeziu dhe kolegëve të Altin Kryeziut në Policinë e Kosovës.

Zyrtari policor nga Bubaveci i Malishevës ndërroi jetë në QKUK si pasojë e plagëve të marra disa ditë më parë, kur u godit nga një veturë në Malishevë teksa po kryente detyrën zyrtare.

Përmes një postimi në Facebook, Gjini u shpreh se dhimbja për Altinin i bashkon të gjithë.

“Familjes Kryeziu dhe të gjithë kolegëve të tij në Policinë e Kosovës u shpreh ngushëllimet më të sinqerta.

Të gjithë na bashkon dhimbja për Altinin. Respekti dhe kujtimi për shërbimin e tij do të mbeten përgjithmonë”, shkroi Gjini.

The post Gjini: Të gjithë jemi të bashkuar në dhimbjen për Altinin appeared first on Albeu.com.

Kryetari i Komunës së Mitrovicës, Faton Peci, ka shprehur ngushëllimet e tij për familjet Xhemajli dhe Zejnullahu, të cilat po përjetojnë dhimbjen e madhe pas ndarjes nga jeta të djemve të tyre në një aksident fatal në Smrekonicë të Vushtrrisë.

Në një reagim publik, Peci theksoi se qyteti i Mitrovicës sot është i veshur me rrobat e zisë.

“Jam thellësisht i tronditur dhe i pikëlluar nga ngjarja tragjike e sotme, e cila mori jetën e dy djemve të rinj të komunës sonë. Ngushëllimet më të ndjera për familjet Xhemajli dhe Zejnullahu për humbjen e më të dashurve të tyre, Qëndrimit dhe Rinorit. Kjo tragjedi nuk është vetëm një plagë për familjet dhe të afërmit, por për të gjithë qytetin tonë,” shkroi ai.

Aksidenti ndodhi në orët e para të mëngjesit, rreth orës 3:00, kur Qëndrimi dhe Rinori po udhëtonin në segmentin rrugor Mitrovicë-Prishtinë dhe u përplasën fatalisht.

Në njoftimin zyrtar të Policisë së Kosovës thuhet se nga hetimet fillestare, në incident ishte përfshirë një automjet me dy persona, drejtuesin dhe pasagjerin. Viktimat u transportuan menjëherë në spital për ndihmë mjekësore, por pavarësisht përpjekjeve të stafit shëndetësor, mjekët konfirmuan vdekjen e tyre.

Me vendim të prokurorit të rastit, trupat e dy të rinjve, të moshës 22 dhe 24 vjeç, janë dërguar në Institutin e Mjekësisë Ligjore për t’iu nënshtruar obduksionit.

Aktualisht, ekipet hetimore po vijojnë punën për të zbuluar rrethanat dhe shkaqet që çuan në këtë aksident tragjik.

The post Peci: Mitrovica në zi pas humbjes së dy të rinjve në aksidentin tragjik të Smrekonicës appeared first on Albeu.com.

Basha shprehet se ndonëse i sfiduar dhimbshëm nga dallgët e jetës, gjeneral Baki Shehi ruajti përherë zemërgjerësinë dhe fisnikërinë.

Mesazhi i plotë:

Mësova me hidhërim ndarjen nga jeta të Baki Shehit, deputet i Partisë Demokratike, gjeneral i Forcave të Armatosura dhe studiues i apasionuar i historisë. I dashuruar pas vendlindjes së tij, të cilës i përkushtoi me pasion dhe humanizëm aktivitetin e tij politik, përmes një pune të gjatë e të palodhur, Baki Shehi hulumtoi me kërshëri të shkuarën e lashtë të Ndroqit, duke i dhënë jetë një libri që do të mbetet testament i lidhjes së tij të ngushtë me këtë komunitet, të cilit i shërbeu me devocion dhe dashuri.

Ndonëse i sfiduar dhimbshëm nga dallgët e jetës, gjeneral Baki Shehi ruajti përherë zemërgjerësinë dhe fisnikërinë me të cilën do të kujtohet nga miqtë dhe kolegët e tij. Me ndarjen e tij nga kjo jetë Partia Demokratike humbi një prej kontribuesve të saj të vyer.

Mendimet dhe lutjet e mija janë me familjen, të afërmit dhe miqtë e dashamirët e tij të shumtë.

U prehtë në paqe!

The post Ndahet nga jeta ish-deputeti i PD, Basha mesazh ngushëllimi: Ruajti përherë fisnikërinë appeared first on Albeu.com.

Pas këtij lajmi, në rrjetin social “Facebook” ka reaguar presidenti Meta, i cili ka ngushuar Bashën dhe familjen e e tij.

Postimi i plotë:

“Mësova me hidhërim për ndarjen nga jeta të z.Xhelal Basha.
I shpreh ngushëllimet më të sinqerta z.Lulzim Basha për humbjen e rëndë të babait, si dhe të gjithë familjes Basha!
U prehtë në paqe!” /albeu.com

The post Ndarja nga jeta e babait të Bashës, Meta mesazh ngushëllimi appeared first on Albeu.com.