Kryefamiljari Xherxh Laçi mbante brenda mureve të një shtëpie në mjerim, dy djemtë adoleshent dhe bashkëshorten. Të shumta kanë qenë dëshmitë pas arrestimit dhe largimit të familjes nga ambientet ku qëndronin të mbyllur, por tronditëse janë dëshmitë e dy djemve dhe gruas, të cilët tregojnë një ngujim prej 6 vitesh dhe dhunë sistematike fizike e psikologjike.

Por nga njëra anë familjar të Xherxh Laçit janë shprehur se e gjithë kjo ngjarje është një sajesë e fëmijëve dhe gruas në bashkëpunim me dajën e fëmijëve. Madje ata shkojnë deri në akuza të rënda.

Stafi i emisionit “Me zemër të hapur” në News24 ka pasur një komunikim nga afër me të gjitha palët dhe nga familjarët e gruas është pohuar se prej vitesh motra e tyre nuk vinte në shtëpinë e prindërve, madje ata rrëfejnë se ajo nuk është lejuar nga Xherxhi as në përcjelljen mortore të të atit.

“Ai nuk e la as në varrimin e babait. Motra nuk ishte. Familjarët e Xherxhit kanë qenë në dijeni të asaj çfarë po ndodhte. Vetëm pak ditë më parë se të zbulohej ngjarja, kam komunikuar me babain e Xherxhit dhe diskutuam për këtë denoncim. Babai i tij ishte dakord, por vetëm tre ditë më parë se të arrestohej i biri ndërroi mendje e tha se nuk do të merrej më me këtë histori”, ka thënë daja i fëmijëve.

Të dy palët japin versionet e tyre, por në fund të çdo bisede duket sikur ata bien në konsensus se interesi më i lartë janë fëmijët, nga njëra anë janë të shqetësuar për fatin e familjes dhe nga ana tjetër të një konflikti të mundshëm mes palëve

Familjarët shprehen se problematikat nisën që pasi Xherxhi u kthye nga emigracioni dhe vendosi të mos punoj më.

Gjyshi i fëmijëve e hedh poshtë akuzën e ngujimit, me pretekstin se ata shkolloheshin dhe kjo është e pamundur. Në kundërshtim të gjyshit, dajat pohojnë se edhe kur fëmijët dilnin për itinerarin e shkurtër shkollë-shtëpi, i ati tyre, Xherxhi, i ndiqte nga pas për t’i ruajtur. Ai refuzonte të lejonte fëmijët dhe bashkëshorten të bënin çdo lloj aktiviteti jashtë banesës, dhe s’mund ta refuzonin, duke qenë se Xherxhi qëndronte gjatë gjithë kohës i armatosur dhe për këtë ishin në dijeni të gjithë./bw

The post Ngujoi familjen për 6 vite, familjarët e gruas: Njerëzit e Xherxhit ishin në dijeni, ai nuk e lejoi as në varrimin e babait appeared first on Albeu.com.

“Kam ndjekur parimet e mia fetare. Fëmijë dhe bashkëshorten nuk i kam lënë të dalin për t’i ruajtur nga e keqja. Nuk doja që ata të nisnin drogën apo të infektoheshin. Unë jam njeri i shenjtë dhe do i mbroja nga çdo e keqe”.

Por krahas dëshmisë së tij, dy djemtë dhe nëna e tyre kanë treguar në prani të psikologëve se ata dhunoheshin sistematikisht.

Bashkëshortja Elena Laçi ka dëshmuar se prej 6 vitesh qëndronte e mbyllur, pasi bashkëshorti nuk e lejonte të dilte për shkak të bindjeve të tij fetare. Madje sipas saj, në 6 muaj e fundit, ishte dhunuar sistematikisht që të mos dilte në asnjë moment nga pragu i shtëpisë.

Tashmë, Elena dhe dy djemtë e saj janë dërguar në një qendër rehabilitimi.
Banesa e tyre në zonën e 5 Majit në kryeqytet qëndron e kyçur. Aty erdhi babai dhe motra e 50 vjeçarit. Nazif Laçi mohon që i biri të ketë ushtruar dhunë ndaj bashkëshortes.

Motra e 50-vjeçarit, Rita Kaca u shpreh se nuk ka pasur dijeni se familja e të vëllait kishte probleme.

Banorë të zonës thonë se përreth kanë parë vetëm 50 vjeçarin dhe asnjëherë gruan e fëmijët e tij.

Xherxh Laçi, i njohur edhe me emrin Gjergj Laçi pritet të dalë të martën në Gjykatën e Tiranës për t’u njohur me masën e sigurisë. Ai akuzohet për dhunë në familje, keqtrajtim të miturish dhe armëmbajtje pa leje.

Për të policia u njoftua nga banorë të zonës se për 6 vite me radhë mbante të ngujuar bashkëshorten dhe fëmijët duke mos i lejuar të shkonin as në shkollë. Pas arrestimit në banesë u gjëten dy thika, një sasi municioni prej 700 fishekësh si dhe 2 krehër automatiku./abcnews.al/

The post Mbante prej 6 vitesh fëmijët dhe gruan të ngujuar, Laçi: Jam njeri i shenjtë, i mbroja nga e keqja appeared first on Albeu.com.