Komentet Kushi i bëri në konferencën për mediat pas mbledhjes së qeverisë.

Ajo tha për gazetarët se mbyllja nuk ka ardhur vetëm për shkak të mungesës së ngrohjes në shkolla.

Ndërkohë pritet që nesër të gjithë nxënësit të rikthehen në shkolla, pasi sipas Kushit, edhe kushtet atmosferike do të jenë më të favorshme.

“Lajmi i mirë është që nesër të gjithë nxënësit do të rikthehen në shkolla, moti parashikohet të jetë më i favorshëm. Temperaturat nuk ishin të zakonshme. Kjo nuk ndodh vetëm në Shqipëri. Edhe Greqia i mbylli shkollat të hënën. Edhe Turqia ka bërë të njëjtën gjë dhe shumë shtete të tjera. Arsyeja nuk ka qenë vetëm ngrohja në shkolla, por ne duhet të kujdesemi dhe kemi përgjegjësi për nxënësit që në momentin kur dalin nga shtëpia nëse ka ngricave në rrugë duhet të marri masat”, u shpreh ministrja.

Sakaq, e pyetur se përse nuk u veprua njësoj edhe për kopshtet dhe çerdhet, Kushi tha: “Çerdhet dhe kopshtet janë në varësi të bashkive. Por prindërit nuk janë të detyruar ti çojnë fëmijët, ndërsa shkolla ka një program dhe nxënësit kanë detyrim. Shpresojmë që kushtet të mos na ofrojnë surpriza të tjera. por ishte një periudhë tre ditore që sipas ekspertëve ishte e nevojshme”, është shprehur Kushi./albeu.com/

The post Shkollat u mbyllën se s’kishte ngrohje? Ministrja Kushi: Nuk ndodhi vetëm në Shqipëri, Greqia e Turqia bënë të njëjtën gjë appeared first on Albeu.com.

Kushi u shpreh se arsyeja e pezullimit të mësimit nuk ishin vetëm temperaturat e ulëta, por sipas ministres, fëmujët mund të rrëshkisnin në akull dhe për shkak të ngrirjes së depozitave të ujit.

Ajo gjithashtu ka mohuar se ka problem me ngrohjen nëpër shkolla.

Kushi tha ndër të tjera se këto lloj vendimesh janë dinamike dhe pritet si do të shkojë situata.

Edhe pse ka një numër të lartë infektimesh me Covid-19 te mësuesit dhe nxënësit, ajo e hodhi poshtë si arsye të mundshme për mbylljen e shkollave, duke theksuar se ministria ka përgatitur skenare për ta përballuar.

“Shkollat i mbyllëm se ngrinë depozitat dhe ishte problem rruga e fëmijëve për në shkollë. Pak shkolla kanë problem ngrohjen në vend. Vendimet janë dinamike në varësi të situatës. Por dje ne kemi marrë një vëndim me të cilin jam shumë e kënaqur.

Njëri nga prindërit nëse kanë fëmijë të mitur të mund të qëndrojë në shtëpi dhe të kujdeset për të. Kemi një bashkëpunim të mirë me bashkitë, sidomos këtë vit.

Ky vendim nuk ka të bëjë vetëm me sistemin e ngrohjes. Sigurisht ka shkolla ku çalon situata por më shumë me mungesën e ujit të pijshëm nëse ngrihet në depozita.

Nuk ka lidhje as me Covidin dhe pse ka një rritje evidente të rasteve pozitive te mësuesit dhe nxënësit.

Kemi disa skenarë që do përshtaten me situatën, që me udhëzuesin fillestar të vitit shkollor, po u përkeqësua situata jemi të përgatitur.

Është vetëm për 3 ditë, që përsëri do e shikojmë si do shkojë.

Zëvendësimi do të ketë një vendim të dytë se si do të aplikohet në zona të ndryshme. Më vjen keq që në disa shkolla të vendit nuk kanë mbërritur në kohën e duhur regjistrat, ka qenë një problematikë që prej ankimimeve nga kompanitë e ndryshme ka krijuar vonesa.

Më vjen shumë keq dhe kërkoj mirëkuptimin e gjithë mësuesve. Vitin e kaluar situata ishte ekstreme, këtë vit është ndryshe”, është shprehur Kushi./albeu.com/

The post Pezulloi mësimin, Kushi: Nuk kemi probleme me ngrohjen në shkolla, por kanë ngrirë depozitat e ujit appeared first on Albeu.com.