Që nga koha kur Rusia ka nisur pushtimin e Ukrainës në muajin shkurt, BE-ja ka shprehur qartë pritjet që vendet e Ballkanit Perëndimor, të cilat synojnë integrimin në BE, t’i mbështesin qëndrimet e këtij blloku, duke i përfshirë edhe sanksionet kundër Rusisë.

Serbia, deri më tani, i ka injoruar këto thirrje dhe kjo, si duket, e ka rritur zemërimin e disa vendeve anëtare të BE-së. Për pasojë, thonë disa burime diplomatike në Bruksel, “praktikisht është ngrirë edhe procesi i negociatave të anëtarësimit të Serbisë në BE”.

Kjo dëshmohet edhe me faktin se, për më shumë se një vit, Serbia nuk ka hapur apo mbyllur asnjë kapitull në procesin e negociatave. Për hapjen apo mbylljen e tyre duhet pajtim i të gjitha vendeve anëtare të BE-së. Dhe, disa vende, thonë diplomatët, “nuk duan që Serbia të shpërblehet me vazhdimin e procesit të anëtarësimit në BE, sikur të mos ketë ndodhur asgjë”.

Edhe Parlamenti Evropian, përmes një rezolute për strategjinë e re të zgjerimit, ka kërkuar që të kushtëzohen negociatat e anëtarësimit të Serbisë në BE me mbështetjen e sanksioneve kundër Rusisë.

Presioni pritet të rritet edhe gjatë muajit dhjetor, kur në Tiranë do të mbahet një samit i BE-së dhe vendeve të Ballkanit Perëndimor, samit në të cilin Vuçiç ka thënë se nuk do të marrë pjesë.

The post “Ngrijnë” negociatat/ BE shton presionin ndaj Serbisë për sanksionet kundër Rusisë appeared first on Albeu.com.

Ka disa lloje ushqimesh që nuk duhen ringrirë asnjëherë dhe një prej tyre është akullorja. Ja pse:

Humbet ajri

Ajo çka e bën akulloren kaq speciale është ajri i fiksuar tek akullorja gjatë përgatitjes, i cili i jep dhe përbajtjen kremoze dhe të shndritshme. Kur shkrin, ajri humbet. Ndaj kur e fusni prapë në ngrirje. Ngrin në një masë të dendur, ndaj ju duhet ta punoni sërish që të riktheni ajrin në masën e akullores.

Bëhet me kokrra

Herën e parë kur ngrin akullorja, kristalet e akullit që e formojnë ëmbëlsirën janë të vogla dhe uniforme. Në rast se rifutet në ringrirje formohen kristale akulli më të mëdha duke krijuar një ëmbëlsirë të pakëndshme me kokrriza të mëdha.

Me shumë mundësi është e pasigurt për t’u ngrënë

Si çdo produkt bulmeti, nëse lihet në temperaturë dhome për një periudhë të caktuar kohe, bakteret e dëmshme fillojnë të shtohen duke shtuar rrezikun e sëmundjeve të ndryshme.

The post 3 arsye pse nuk duhet ta fusni në ngrirje akulloren e shkrirë appeared first on Albeu.com.

Të bardhat e vezëve

E bardha e vezës mund të qëndrojë në ngrirje për 12 muaj.

Gjalpi

Ky element kryesor i kuzhinës është një ushqim i shkëlqyer për t’u ruajtur në ngrirje, veçanërisht nëse mendoni se nuk do t’i përdorni deri në datën e skadencës. Futeni gjalpin në një qese frigoferike që të ruhet sa më mirë dhe të mos marrë erë, informon abcnews.al.

Dhallë

Dhallin mund ta mbani në ngrirje, nuk është e dëmshme. Ai mund të zgjasë deri në tre muaj.

Buka

Karbohidratet e pëlqejnë të ftohtin. Buka mund t zgjasë deri në tre muaj, nëse e mbani në ngrirje.

Patatinat

Patatinat mund t’i mbani në frigorifer dhe të qëndrojnë të freskëta, edhe pse mund t’ju ketë kaluar data e skadencës.

Avokadot

Avokadot nuk janë fruta të lira dhe shkuarja e tyre dëm, nuk ju leverdis. Nëse keni blerës shumë dhe keni frikë se do ju prishen, qërojini, prijini në copa dhe futini në ngrirje.

Misri

Misri është një element kryesor i kuzhinës gjatë verës. Nëse dëshironi që shijen e tij ta keni edhe gjatë dimrit, futini në ngrirje së bashku me shufla. Ato qëndrojnë të freskët deri në një vit.

Barishtet

Disa i thajnë dhe i ruajnë barishtet e gatimit, por kjo metodë e zvogëlon shijen. Ju mund t’i fusni të freskëta në ngrirje. Bimët si borziloku, rigoni, majdanozi, trumza ose nenexhiku, rrinë në gjendje të shkëlqyer në ngricë.

Arrat

Ngrirja e arrave ndihmon në ruajtjen e vajrave të tyre natyralë. Ruani në një enë të mbyllur ose mbështilleni mirë me plastikë dhe vendoseni në një qese frigoriferike, dhe ato mund të qëndrojnë mirë deri në tetë muaj.

Djathë i fortë

Një djathë i ngrirë është i sigurt për t’u ngrënë. Mjafton ta mbështillni hermetikisht dhe ta vendosni në frigorifer te ngrirja. Gjithashtu mund ta grini djathin në filxhanë, ta mbështillni me qese dhe ta fusni në ngrirje./albeu.com/

The post Nga buka te djathi, këto janë 10 ushqime nuk e keni ditur që mund t’i mbani në ngrirje appeared first on Albeu.com.

Le t’i hedhim një sy ushqimeve që mbajmë në frigorifer dhe nuk duhet t’i vendosim kurrë në ngrirje.

Vezët

A keni vënë re ndonjëherë se vezët zakonisht nuk gjenden në seksionin e ushqimeve të freskëta të supermarketeve? Pra, nuk duhet të mendoni t’i vendosni në frigorifer. Nëse i ngrini të tëra, temperatura e ulët do të shkaktojë çarje në lëvozhgë dhe më pas veza do të prishet. Por ajo që mund të bëni është të ngrini të bardhat e vezëve. Kjo është një teknikë që përdoret gjerësisht në ëmbëlsirat.

Perime dhe fruta të pasura me ujë

Pjepri, shalqiri, luleshtrydhet, domatet, kastraveci… Të gjitha këto janë shumë të pasura me ujë dhe nuk duhen futur në ngrirje. Si marule dhe sallata të tjera jeshile. Pas shkrirjes, ato humbasin strukturën dhe shijen e tyre. Nëse keni fruta dhe perime që nuk dëshironi t’i prishni, mund të bëni smoothie të shëndetshme ose reçel frutash dhe supa me perime që mbahen në frigorifer dhe ofrojnë një vakt të shpejtë dhe të lehtë.

Karotat, selinonë, brokolin dhe bizelet mund t’i ruani edhe në ngrirje, në qese të posaçme ushqimore, nëse i gatuani fillimisht në ujë të vluar për 5 minuta. Do t’i lini të ftohen shumë mirë dhe më pas mund t’i ruani.

Djathëra të freskët dhe të butë

Djathërat e freskët (gjizë, rikota, djathë dhie, djathë barishtor, etj.) dhe djathërat e butë, si mocarela dhe brie, sigurisht që nuk mund të ngrihen. Për shkak se ato përmbajnë shumë ujë, temperatura e ulët do të ndryshojë strukturën dhe shijen e tyre dhe ato fjalë për fjalë nuk do të hahen.

Patate

Patatet, ashtu si rrepkat, nuk duhen futur në ngrirje, sepse humbasin lëndët ushqyese dhe ndryshohet struktura e tyre. Mënyra më e mirë për të ruajtur patatet është t’i ruani në një dollap të errët, larg nga nxehtësia.

Majonezë dhe krem ​​pastiçerie

Majoneza që keni bërë duhet të konsumohet brenda pak ditësh nga frigoriferi. Nëse e vendosni në ngrirje, do të humbasë cilësinë dhe shijen dhe nuk do të hahet. E njëjta gjë vlen edhe për kremrat e ëmbëlsirave.

Më e rëndësishmja!

Asnjëherë për asnjë arsye nuk duhet të vendosim më në ngrirje një ushqim që e kemi shkrirë tashmë. Ekziston një rrezik serioz i helmimit. Për këtë arsye duhet të gatuajmë të gjithë sasinë e ushqimit që kemi shkrirë. Është një ide e mirë të ruani pjesë të vogla të ushqimit në frigorifer, në mënyrë që të përdorim saktësisht sasinë që na nevojitet çdo herë./albeu.com

The post 5 ushqime që nuk duhet t’i fusni kurrë në ngrirje appeared first on Albeu.com.