Operatorët turistikë raportojnë se rezervimet e reja për Turqinë janë ngrirë.

Agjencitë turistike raportojnë se, megjithëse deri në fund të marsit ishin aktive ofertat “early booking” për sezonin veror, ritmi i prenotimeve ka rënë ndjeshëm ditët e fundit.

Paketat janë ende në shitje, çmimet promocionale nuk janë tërhequr, por klientët hezitojnë të konfirmojnë. “Nuk kemi valë anulimesh, por nuk kemi as rezervime të reja”, bëjnë me dije operatorët nga Ilirida Travel and Tours.

Në të njëjtën kohë, familjet që kanë rezervuar në janar dhe shkurt po telefonojnë për t’u interesuar nëse situata e sigurisë mund të prekë Turqinë dhe, nëse konflikti përshkallëzohet, nëse do të kenë mundësi rimbursimi.

Në këto ditë, sipas informacioneve të marra nga agjencia Zenith Travel dhe Hima Travel, pyetja më e shpeshtë nuk është më për hotelin apo shërbimin, por për garancinë e kthimit të parave në rast anulimi për arsye sigurie.

Nëse tensionet zgjasin, agjencitë mund të shohin zhvendosje të kërkesës drejt destinacioneve të konsideruara më të sigurta si Spanja, Italia apo Greqia.

Turqia ka qenë prej vitesh zgjedhja kryesore e pushimeve familjare për shqiptarët. Destinacione si Antalia, Bodrumi apo Belek janë kthyer në produkte standarde të paketave verore, falë kombinimit të çmimeve konkurruese, formulës “all inclusive” dhe fluturimeve direkte nga Tirana me chartera.

Për shumë familje, pushimet verore jashtë vendit janë sinonim i Turqisë, veçanërisht për segmentin me fëmijë.

Sipas të dhënave të mëparshme të tregut, Turqia renditet ndër destinacionet më të shitura nga agjencitë shqiptare për periudhën qershor–shtator, me mijëra paketa të kontraktuara çdo vit.

Oferta e hershme zakonisht nis që në dhjetor–janar dhe kulmon deri në fund të marsit, periudhë kur tradicionalisht sigurohet një pjesë e konsiderueshme e volumit sezonal.

Ekspertët e turizmit thonë se perceptimi i rrezikut ka ndikim të menjëhershëm në vendimmarrjen e konsumatorit, edhe kur destinacioni nuk është drejtpërdrejt zonë konflikti.

Gjeografia e rajonit, lajmet për tensione ushtarake dhe pasiguria për hapësirat ajrore mjaftojnë për të shtyrë familjet të presin. Në praktikë, kjo përkthehet në shtyrje vendimi, jo domosdoshmërisht në anulim.

Nëse situata stabilizohet brenda javëve të ardhshme, operatorët presin që rezervimet të rifillojnë me ritëm më të shpejtë, ndoshta edhe me zhvendosje drejt muajve më të vonë të sezonit.

Por nëse tensionet zgjasin, ngrirja e tanishme mund të kthehet në rënie reale të shitjeve, duke detyruar agjencitë të rishikojnë kontratat dhe strategjitë e çmimeve.

Përveç Turqisë, pasiguria e krijuar nga përshkallëzimi i konfliktit mes Izraelit dhe Iranit mund të ndikojë edhe destinacione të tjera që shqiptarët i zgjedhin për pushime apo ‘city break’ në rajonin e Lindjes së Mesme dhe Afrikës së Veriut.

Emiratet e Bashkuara Arabe, veçanërisht Dubai dhe Abu Dhabi, Egjipti me resortet e Detit të Kuq, si dhe Jordania, janë ndër tregjet që do të ndiejnë efektin e shtyrjes së vendimeve për prenotime të reja, edhe kur nuk janë zona konflikti./ Monitor

The post Konflikti Izrael–Iran “tremb” shqiptarët, ngrijnë rezervimet për pushime appeared first on Albeu.com.

“Dy persona të moshës 16 deri në 17-vjeç vdiqën pasi hynë në një kontejner që transportonte perime dhe fruta në një anije që nisej për në një vend evropian”, i tha AFP drejtori i Shërbimit të Mbrojtjes Civile për rajonin e Tunisit, Munir Riabi.

Dy të miturit ishin pjesë e një grupi prej katër të rinjsh që përpiqeshin të emigronin, të cilët kaluan rreth tetë orë në të ftohtë, para se ekuipazhi i anijes të merrte vesh për praninë e tyre dhe të kthehej në portin e Tunisit.

Dy të tjerët u dërguan në spital në një gjendje të qëndrueshme, tha Riabi, duke theksuar se grupi i të rinjve ishin nga zona të ndryshme të thella.

Javën e kaluar, garda kombëtare njoftoi zhdukjen në det të rreth 40 tunizianëve që ishin larguar nga Sfax (lindja qendrore) dhe po përpiqeshin të arrinin në Itali, brigjet më të afërta të së cilës janë rreth 150 km larg.

Në vitin 2023, 155,754 migrantë mbërritën në Itali, në mënyrë të parregullt (rritje me 50% në një vit), me tunizianët që përbëjnë grupin e dytë më të madh (17,304) pas Guineas (19,204), sipas ministrisë së brendshme italiane.

The post Tragjike/ Ishin fshehur në anije për të shkuar drejt Europës, dy adoleshentët ngrijnë për vdekje appeared first on Albeu.com.

Për t’iu ardhur në ndihmë qytetarëve Ujësjellës Kanalizime Tiranë ka disa këshilla, se si duhet vepruar me matësat dhe tubacionet në këto ditë të ftoha dimri.

UKT këshillon izolimin ose mbulimin e tunacioneve të ekspozuara, në mënyrë që të mos biejnë në kontakt em tepmeraturat e ulta.

Njoftimi i plotë

Një njoftim i rëndësishëm për qytetarët e Tiranës!!

Temperaturat sa vijnë e po ulen çdo ditë e më shumë, ndaj marrja e disa masave parandaluese, na mbron përgjatë çdo vështirësie në familjet tona!

Ne duam tju japim disa këshilla, se si të kaloni sa më lehtë këto ditë të ftohta dimri!

UKT sugjeron për mbrojtjen e sistemit të brendshëm të rrjetit ujësjellës dhe ruajten e matësave të ujit, që:

Të tregojmë kujdes dhe kontroll ndaj tubacioneve/instalimeve brenda pronës tuaj, përfshirë këtu edhe ujëmatësit. (Të brendshëm ose të jashtëm), për shkak të kushteve atmosferike!

Në katet përdhese, ku tubacionet janë më të ekspozuara me ambientin jashtë dhe rrjedhjet janë më potenciale, lutemi të mbuloni apo izoloni ato, për një mbrojtje optimale!

Ne jemi në gatishmërinë tuaj, çdo ditë, në çdo orë!

Ju lutem sinjalizohuni për çdo problematikë në numrin tonë 08004488 dhe në “Pikat UKT” pranë zonave tuaja të banimit.

Së bashku përgjatë çdo vështirësie!

/AlbEu.com/

The post I ftohti polar “pushton” Shqipërinë, UKT këshillon qytetarët si të mbrojnë tubacionet që të mos u ngrijnë appeared first on Albeu.com.