Megjithatë, reshjet e dendura që kanë rënë gjatë të dielës veçanërisht në zonat rurale dhe sidomos në ato malore, kanë shkaktuar probleme serioze në disa zona të Qarkut të Elbasanit.

Situata ka qenë më problematike në Bashkitë e Librazhdit, Prrenjasit, Gramshit dhe Elbasanit ku reshjet e dëborës kanë shkaktuar pasiguri dhe vështirësi në lëvizje dhe zhvillimin e aktiviteteve të zakonshme.

Trashësia e dëborës në këto zona, ka arritur deri në 10-15 cm duke bërë që qarkullimi të bëhet i vështirë veçanërisht në rrugët malore.

Ulja e menjëhershme e temperaturave ka shkaktuar ngrica, gjë që ka përkeqësuar situatën. Kjo ka vështirësuar jo vetëm lëvizjen e automjeteve dhe transportin e njerëzve, por ka sjellë dhe pasoja të tjera në sektorë të rëndësishëm si bujqësia dhe furnizimi me energji elektrike.

Një nga pasojat më të rënda ka qenë dëmtimi i pemëtarisë, vreshtarisë dhe mbjellave të pranverës, të cilat ishin të ekspozuara ndaj kushteve të ftohta dhe ngricave.

Kjo ka ndikuar negativisht në prodhimin e pritshëm të frutave dhe vreshtave, duke i vënë në rrezik të ardhurat e fermerëve në këto zona, sidomos në Njësitë Administrative Stravaj , Rrajcë, Hotolisht , Polis , Qendër, Labinot Mal, Lenie, Kukur etj .

Ndërkohë dëmtimi i disa linjave elektrike ka rënduar edhe më tej situatën, duke shkaktuar ndërprerje të furnizimit me energji elektrike në disa zona rurale ç`ka ka ndikuar në jetën e përditshme të banorëve.

Kjo situatë ka krijuar nevojën për ndërhyrje të shpejta dhe efikase nga autoritetet lokale dhe kombëtare për të siguruar pastrimin e rrugëve, riparimin e linjave të energjisë dhe ndihmën për fermerët që janë goditur nga dëmet.

Po ashtu, situata e krijuar nga moti i keq kërkon vëmendje dhe mbështetje të shtuar për komunitetet rurale që ndodhen në këto zona të prekura nga moti i keq.

The post Moti i keq dhe ngricat shkatërrojnë pemëtarinë, vreshtarinë dhe të mbjellat në fshatrat e Qarkut të Elbasanit appeared first on Albeu.com.

Parashikohet që orët e mesditës dhe në vijim, të mbeten nën ndikimin e vranësirave dhe reshjeve të shiut dhe dëborës në gjithë territorin e vendit, por në sasi të pakta.

Parashikohet që temperaturat të pësojnë rënie, duke rikthyer sërish ngricat në akset rrugore.

Temperaturat e ajrit do të pësojnë rënie në të dy vlerat ekstremale ditore, duke u luhatur nga -1°C vlera minimale e shënuar në qytetin e Pukës, deri në 13°C vlera më e lartë e cila pritet në qarkun e Durrësit dhe Fierit.

Era do të fryjë e lehtë dhe mesatare me shpejtësi mbi 35 km/h nga drejtimi kryesisht Verilindor, kjo do të bëj që në brigjet detare të krijohet dallgëzim mbi 2 ballë

The post Parashikimi i motit 2 Mars 2025/ Reshje shiu dhe dëbore, temperaturat zbresin me disa gradë, rikthehen ngricat appeared first on Albeu.com.

Burime konfirmojnë se rruga tashmë është hapur dhe mund të kalojnë lirisht të gjitha mjetet.

Pas shumë orësh pritje në temperatura të ulëta, më në fund udhëtarët do të mund të shkojnë drejt Greqisë.

Më herët, dogana greke njoftoi se situata më e renduar ishte në zonën Grevena-Doganë. Për këtë arsye nuk u lejua kalimi i mjeteve.

Pas ndërprerjes se reshjeve është ndërhyrë për të pastruar boren dhe u lejua qarkullimi.

The post Ngricat dhe bora/ Pas orëve të gjata pritjeje në Kapshticë, lejohet kalimi i kamionave drejt Greqisë appeared first on Albeu.com.

Raportohet se problematike situata mbetet në zonat rurale, të cilat janë të gjitha thuajse të izoluara për shkak se trashësia e dëborës, ka arritur deri në 60 centimetra në zonat e thella.

Sa i përket rrugëve nacionale ajo Skuraj-Burrel- Klos është e kalueshme, rruga e Arbrit vijon të jetë problematike për shkak të prezencës së akulli në byppasin e Murrizit.

Rruga Bulqizë – Peshkopi është e kalueshme, ajo Peshkopi – Kukës kalohet vetëm me zinxhirë si dhe Ura e Çerenecit – Librazhd kalimi, bëhet vetëm me zinxhirë.

Reshjet e dëborës kanë dëmtuar edhe linjat elektrike, duke lënë mijëra banorë pa energji.

The post Pas reshjeve të dëborës, nisin ngricat në Dibër, probleme në qarkullimin e mjeteve, mijra banorë pa energji appeared first on Albeu.com.

Dibra ishte një nga qarqet ku trashësia e borës kaloi 25 cm.

Sipas raportimeve, pas ndërprerjes së reshjeve të dëborës, janë ulur ndjeshëm temperaturat në këtë qark.

Në orët e para të mëngjesit, termometri ka shënuar -7° Celsius në qytetin e Peshkopisë, ndërsa në Kalanë e Dodës -13° si pasojë e erës së fortë.

Rrugët janë të ngrira dhe ka një reduktim të ndjeshëm të lëvizjes.

Ndërprerja e reshjeve, u ka dhënë kohë mjeteve borëpastruese të avancojnë në hapjen dhe kriposjen e tyre.

Rruga Peshkopi-Bulqizë-Klos është e kalueshme, ndërsa policia vijon të mbajë të bllokuar segmentin e Rrugës së Arbrit nga rreth rrotullimi i Klosit drejt Qafës së Murrizit, derisa kripa e hedhur të shkrijë akullin që ka shtresëzuar në asfalt.

Kalimi deri në një njoftim të dytë do të bëhet në rrugën e vjetër, nga Burreli.

Aksi Peshkopi-Kala e Dodës-Kukës i kalueshëm me zinxhirë, ka pasur probleme në një segment nga Qafë Kalaja drejt Vasies, për shkak të erës së fortë.

Aksi Ura e Çerenecit-Librazhd, është i kalueshëm me zinxhirë deri në Njësinë Administrative Ostren, ndërsa më tej është e bllokuar.

Janë hapur një pjesë e rrugëve të njësive Administrative, më të afërta me qytetin, ndërsa vijojnë të jenë të bllokuara shumë prej tyre.

Në Bashkitë Dibër, Bulqizë dhe Klos, të cilat kanë qenë më të goditura nga moti i keq, nuk ka pasur probleme me energjinë elektrike.

Nga spitali Rajonal Dibër bëhet e ditur se nuk ka pasur asnjë rast emergjence, apo thirrje për ndihmë nga zonat e thella.

Zonat e thella malore ,vijojnë të kenë problematika me ndërprerjen e energjisë elektrike në qarqet e Shkodrës, Kukësit.

Shqetësuese  janë ngricat edhe në disa akse në qarkun e Korçës, për shkak të temperaturave disa gradë nën zero.

Autoritetet rekomandojnë lëvizjen me goma dimërore për drejtuesit e automjeteve.

The post Përmirësohet moti, problem mbeten ngricat në zonat me bore appeared first on Albeu.com.

Gradualisht pritët që këto masa të spostohen drej lindjes së rajonit e për pasojë për ditën e nesërme parashikohet një rritje e lehtë e temperaturave në vlerat minimale. Orët  me diell do të mbizotërojnë në pjesën më të madhe të vendit duke sjellë kështu një rritje të temperaturave në vlerat e mesditës.

Era do të fryjë me drejtim nga verilindja-veriperëndimi me shpejtësi mesatare 1 deri 6 m/sek, e cila hera-herës përgjatë vijës bredgetare fiton shpejtësi deri në 10m/sek.Valëzimi në dete i forcës 2 dhe 3 ballë.

Temperaturat parashikohen:

Në zona malore -10 deri 4°C

Në zona e ulëta -7 deri 10°C

Në zona bregdetare -2 deri 12°C/albeu.com/

The post Acar, ngrica e dëborë, a do të “shkrijë” Shqipëria nesër? SHMU bën parashikimin appeared first on Albeu.com.

Kjo ka bërë që në zonat malore të vendit të bien reshje dëbore dhe disa prej liqenëve në vend kanë ngrirë në zona të veçanta.

I tillë është edhe liqeni i Ohrit në Pogradec, prej nga kemi sjellë edhe këto pamje të mrekullueshme, që rrallherë mund t’i filmosh./albeu.com/

The post Pamje të mrekullueshme nga “akullnaja” e liqenit të Pogradecit (FOTO LAJM) appeared first on Albeu.com.

Verifikoni nivelin e vajit në motor, mos i besoni vetëm dritës në kroskot

Verifikimi i nivelit të vajit është i domosdoshëm për makinat në mënyrë që të mos dëmtohet motori. Në këtë rast nuk i duhet besuar vetëm dritës në kroskot pasi për shkaqe të ndryshme ajo mund të mos tregojë përherë nivelin real. Të dhënat tregojnë se 1/3 makinë kanë nivele të rrezikshme të vaijit. Ki kujdes: Një sasi më e madhe vaji është po aq i dëmshëm sa edhe mungesa e tij.

Shumë shoferë testojnë limitet e automjeteve të tyre edhe në lidhje me sasinë e karburantit. Kjo nuk është e këshillueshme nga ekspertët e sigurisë rrugore si sa i përket jetëgjatësisë së motorit dhe pompës së karburantit ashtu edhe sa i përket mundësisë që të mbeteni ndonjëherë në anë të rrugës pa asnjë pikë karburant.

Pastroni fenerët e makinës

Makinat jashtëzakonisht shumë pis në muajt e dimrit, jo vetëm për shkak të gjithë kripës në rrugë, por edhe për shkak të baltës.

Është veçanërisht e rendësishme që fenerët të mbahen të pastër për një shikim më të qartë, por edhe që makina përballë t’ju dallojë sa më mirë. Mjafton t’i fshini në mënyrë periodike me një leckë të lagur.

Vlerësohet se fenerët humbasin 40% të shkëlqimit të tyre nëse bëjnë më shumë se 30 kilometra rrugë duke rënë shi dhe në dëborë, raporton abcneës.al.

 Provoni baterinë

Një bateri e dobët është shkaku kryesor i dëmtimit të një numri të madh pjesësh në pjesën e përparme të makinës sipas specialistëve të fushës. Rreziku që bateria t’ju lerë është shumë më i lartë në rastet e motit të ftohtë. Prandaj ajo duhet kontrolluar sapo hyn dimri, pasi një moment mund ta gjeni veten pa bateri në mot të ftohtë në një parkim apo teksa bëhen gati për një urgjencë.

Bateria e makinës duhet ndërruar minimumi cdo tre vjet dhe në rastet kur moti është i ftohtë, nevojitet që të ndërrohet edhe më shpesh.

Kushtojini vëmendje dritave në kroskot

Kushtojini rendësi funksionimit të dritave paralajmëruese në kroskot. Imagjinoni që makina të ketë një problem dhe ai të mos paralajmërohet nga dritat sinjalizuese në kroskot. Ju nuk do ta kuptoni asnjëherë deri sa makina të ndalojë se lëvizuri. Krahas kontrollit, nevojitet një njohje e mirë e funksionit të secilës prej tyre për të kuptuar tërësisht problemet që mund të ketë makina.

Kontrolloni gomat

Gomat e konsumuara janë të rrezikshme në çdo kohë, por veçanërisht gjatë frenimit me mot të lagësht ose me akull.

Gomat kanë nevojë për një thellësi minimale prej 1.6 mm, por ekspertët rekomandojnë që t’i ndërroni gomat deri në thellësinë 3 mm për të ruajtur distancat e sigurta të frenimit. Mos harroni të kontrolloni nëse keni edhe një gomë rezervë të përshtatshme për rrugë.

Sigurisht, nuk duhen neglizhuar zinxhirët në bagazh për çdo të papritur gjatë ditëve të dimrit.

Kontrolloni fshirëset e xhamit

Kontrolloni që fshirëset e xhamit të jenë në gjendje të mirë, pa çarje ose vrima dhe mund të pastrojnë xhamin e përparmë siç duhet. Ju mund t’i fshini me një leckë të pastër herë pas here. Por, siç paralajmëron Auto Windscreens, mos i tërhiqni tehet e fshirëseve nga xhami i ngrirë ose mos i aktivizoni ato nëse xhami është i ngrirë pasi mund të dëmtohen.

Në rrugët me ngrica dhe me baltë nevojitet që xhami të ketë mjaftueshëm ujë dhe larës të veçantë në mënyrë që fshirëset ta bëjnë funksionin e tyre më së miri. Kështu, mbajeni gjatë shkelur komandën e fshirjes së xhamit që të nxjerrë ujë mjaftueshëm kur jeni në këto situata.

Antifriza

Gomat, bateria dhe antifriza janë tre shërbimet kryesore për makinat në momentin kur futet dimri. Antifriza duhet ndërruar në mënyrë periodike dhe është mirë që tek ajo të mos kursehet.

Kontrolloni nëse makina juaj ka nevojë për shërbime të tjera

Ashtu si shumë nga këshillat e mësipërme, kjo është e rëndësishme përgjatë gjithë vitit, por dimri thjesht e bën më të domosdoshëm një kontroll të tillë.

Rekomandohet që makinës t’i bëhen shërbime çdo 20 000 kilometra ose në çdo 12 muaj, cila të përmbushet më parë.

Kontrolloni frenat

Frenat tuaja duhet të jenë në gjendje të mirë, veçanërisht në dimër. Nëse ato bëjnë zhurma kur frenonin apo shikoni që makina nuk ndalon si më parë, ky është mesazhi i qartë që duhet të shkoni te mekaniku.

Mos bëni prova me kokën dhe pronën tuaj!/albeu.com/

The post Stuhia Elpis po “ngrin” Shqipërinë, mos dilni në rrugë pa bërë këto shërbime te makina juaj! Mund t’ju kushtojë shtrenjtë appeared first on Albeu.com.

Duke nisur nga dita e sotme, temperaturat në vend do të zbresin drastikisht duke shënuar rekorde për këtë vit.

Për shkak të stuhisë “Elpis” temperaturat në Shqipëri si rrallë herë do të shkojnë deri në -23 °C, aq sa nga Ministria e Arsimit është kërkuar edhe mbyllja e shkollave nga data 24-26 janar.

Ndërkohë që autoritetet homologe greke e kanë “çarë” rrjetin me këshilla dhe paralajmërime për qytetarët, në Shqipëri ende nuk ka ndonjë paralajmërim të fortë./albeu.com/

Postimi i autoriteteve Greke

The post Elpis “ngrin” Shqipërinë! Stuhi, acar dhe temperatura deri -23 °C, çfarë e pret vendin tonë (FOTO LAJM) appeared first on Albeu.com.

Lajmin e bëri të ditur sinoptikanja Lajda Porja në një intervistë për Neës 24, e cila tha se dita e premte do të shënojë edhe mbërritjen e këtij të ftohti polar me reshje dëbore dhe temperatura ekstreme.

“Reshjet do të thoja se dita e premte nis me reshje shiu më pas pasdite të gjitha reshjet që do të bien në vend do të jenë në formën e dëborës. Reshjet do të zbresin në lartësitë e ulëta, atë të Shkodrës, Lezhës”, tha ajo.

Ajo tha se kulmi i këtij të ftohti do të jetë dita e diele ku zonat në kufi me Malin e Zi do të arrijnë temperaturat deri -14 Gradë Celsius. Pas këtyre ngricave ajo tha se vendi jonë do të përfshihet nga një erë e fortë ndërsa për muajin janar u shpreh se do të mbyllet i thatë dhe pa reshje.

“Pas të shtunës do të kemi një mot pa reshje por me temperatura ekstreme që do të zgjasin deri të mërkurën e javës tjetër. Temperaturat do të jenë edhe minus në bregdet. Tirana do të kapë shifrën e -4 ose -5. Por janë temperatura që vendi ynë i ka përjetuar më parë, edhe Tirana. Po ta shohim po jetojme nje mot si te vitet 90′. Kulmi i tyre do të jetë të dilën por edhe e hëna dhe e marta. Vlerat më të ulta priten në pjesën e verilindjes sidomos në kufi me Malin e Zi  me -14 gradë Celsius. Javën tjetër do të kemi edhe një erë të ftohtë. Aktualisht kemi një masë ajrore të lagësht por do të ngrijë në fundjave dhe ngricat do të jenë kryefjala e muajit. Janari do të jetë një muaj pa reshje por me temperatura më të ulëta se mesatarja”, përfundoi ajo./albeu.com/

The post “Dimër si para viteve 90”, Lajda Porja e thotë troç: Ngrica, era dhe dëbora do “pushtojnë” vendin appeared first on Albeu.com.