Gjetjet janë rezultat i inspektimeve të kryera në 18 IEVP gjatë vitit 2025, si dhe analizës së 115 ankesave të trajtuara nga të burgosur dhe familjarë të tyre.

Avokati i Popullit, Endrit Shabani, deklaroi se kushtet aktuale përbëjnë shkelje të Kushtetutës dhe të detyrimeve ndërkombëtare të Shqipërisë.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues,” u shpreh ai.

Raporti evidenton se në IEVP Lezhë mbipopullimi arrin në 65%, me 181 persona mbi kapacitetin e parashikuar, ndërsa mesatarja e qëndrimit në paraburgim është 253 ditë, ose mbi 8 muaj pa një vendim përfundimtar gjykate.

Avokati i Popullit 

Avokati i Popullit: 5 burgje shqiptare duhen mbyllur. Cenojnë dinjitetin njerëzor

Në Lezhë, mbipopullimi i burgjeve arrin 65%. Të paraburgosurit kalojnë mesatarisht më shumë se 8 muaj në qeli pa qenë të dënuar.

Avokati i Popullit, ka konstatuar se trajtimi i personave të privuar nga liria në pesë institucione penitenciare të vendit afrohet me standardin e trajtimit degradues.

Kjo është një shkelje flagrante e Kushtetutës dhe e detyrimeve ndërkombëtare të Shqipërisë. Gjetjet bazohen në inspektime në 18 IEVP gjatë vitit 2025 dhe në 115 raste ankesash të trajtuara nga institucioni.

“Kur shteti i mban të dënuarit në kushte degraduese, nuk po i ndëshkon, por po i poshtëron. Mbyllja e këtyre pesë institucioneve është detyrim kushtetues”,-tha Avokati i Popullit, Endrit Shabani.

Tre shifrat kryesore

5 burgje duhen mbyllur: Burrel, Kosovë-Lushnjë, Kukës, “Mine Peza” (302), “Jordan Misja” (313).

65% mbipopullim në IEVP Lezhë, 181 të burgosur mbi kapacitetin e planifikuar.

253 ditë mesatarja e qëndrimit në paraburgim, pra më shumë se 8 muaj në qeli pa qenë i dënuar.

Realiteti njerëzor pas shifrave

Në shumicën e institucioneve, të dënuarit dhe të paraburgosurit i mbajnë rrobat dhe sendet personale në qese plastike, sepse nuk ka dollapë. Mjeku është prezent vetëm katër orë në ditë. Spitalet rajonale shpesh refuzojnë trajtimin e të burgosurve për “arsye sigurie”. Për personat me probleme të shëndetit mendor nuk ekziston asnjë institucion i specializuar mjekësor, megjithëse ata aktualisht mbahen në IEVP-në e Shën Kollit.

Gjatë vitit 2025, Avokati i Popullit ka trajtuar 115 raste të paraqitura nga të burgosur dhe familjarët e tyre.

Mbipopullimi, i lokalizuar, jo kombëtar

Në total, sistemi penitenciar është nën kapacitet (5.029 të burgosur dhe 5.747 vende gjithësej = 87%).

Por shpërndarja është thellësisht e pabarabartë:

IEVP Lezhë: +65% (181 persona mbi kapacitet)

IEVP “Jordan Misja”: +11% (55 persona)

IEVP Vlorë: +10% (16 persona)

IEVP Fushë-Krujë: +2,4% (9 persona)

56,8% e popullsisë penitenciare janë në paraburgim, pra mbahen në burg megjithëse ende janë të padënuar. Ky është një tregues që cenon parimin e prezumimit të pafajësisë.

Kushtet që cënojnë dinjitetin

Inspektimet kanë konstatuar:

Ambiente të amortizuara, pa ajrim, ndriçim apo ngrohje të mjaftueshme.

Të burgosur që mbajnë sendet personale në qese plastike sepse nuk ka dollapë.

Mungesë e produkteve bazë të higjienës dhe detergjentëve për pastrimin e qelive.

Sisteme ngrohjeje e ftohjeje jofunksionale, sidomos në mot ekstrem.

Mungesë larmishmërie dhe sasie të pamjaftueshme në ushqim.

Mundësi të kufizuara për aktivitete social-kulturore dhe rehabilitim.

Kujdesi shëndetësor: reagim ndaj emergjencave, jo shërbim i vazhdueshëm

• Asnjë mjek me kohë të plotë në shumicën e IEVP-ve. Aty ku ka mjek, qëndrojnë vetëm 4 orë në ditë.
• Mungesë autoambulancash dhe vështirësi për konsulta me specialistë.
• Spitalet rajonale refuzojnë trajtimin për “arsye sigurie”.
• Mungesë e shërbimit stomatologjik dhe e medikamenteve bazë.
• Asnjë institucion i specializuar për të burgosurit me probleme të shëndetit mendor.

Çfarë kërkon Avokati i Popullit 

Avokati i Popullit i kërkon Qeverisë dhe Ministrisë së Drejtësisë:

1.Rishqyrtim të politikës së paraburgimit. 56,8% të padënuar është një shifër e papranueshme në një shtet që pretendon respektimin e prezumimit të pafajësisë.

2.Plan të menjëhershëm për kujdesin shëndetësor në burgje, përfshirë ngritjen e një institucioni të specializuar mjekësor për të burgosurit me probleme të shëndetit mendor.

3.Mbyllje të pesë IEVP-ve të identifikuara deri në rikonstruktimin e plotë të tyre, dhe një rivlerësim kombëtar të kapaciteteve të sistemit penitenciar.

The post Avokati i Popullit ngre alarmin: Nuk ka ngrohje e as kushte higjienike, 5 burgje duhen mbyllur, cenohet dinjiteti njerëzor appeared first on Albeu.com.

Paralajmërimi vjen nga kryetarja e Autoritetit të Medias Audiovizive, Armela Krasniqi, e cila ka nxjerrë një njoftim në rrjetet e saj sociale për prindërit dhe adoleshentët.

Sfida, prej së cilës, në Rumani kanë përfunduar në spital dhjetëra adoleshentë, me fraktura të rënda, quhet, “Sfida e Supermenit” dhe konsiston në hedhjen me njërën dorë përpara, njësoj si personazhi për fëmijë, Superman, për t’u kapur, ose jo, nga miqtë.

“Dhjetëra adoleshentë në Rumani kanë pësuar fraktura dhe trauma të rënda pas një tendence në TikTok të quajtur, ‘Sfida e Supermenit’. Sfida qëndron tek hedhja përpara me një krah të zgjatur, si personazhi për fëmijë, Superman, për t’u kapur, ose jo, nga miqtë. Nga “loja” e rrezikshme brenda një dite, kanë përfunduar në spital me trauma të rënda, mbi 20 adoleshentë. Prindër bëni kujdes! Shpjegojuni fëmijëve tuaj rrezikun që fshihet pas tendencave të tilla online! Fëmijë dhe adoleshentë, mos bini pre e sfidave të tilla. Përveçse rrezikoni shëndetin dhe shpesh jetën, nuk ka asgjë argëtuese në to”, shkruhet në paralajmërimin e bërë nga kryetarja e AMA-s.

The post Sfida e Supermenit/ Loja e rrezikshme në TikTok, AMA ngre alarmin: Kanë përfunduar në spital dhjetëra adoleshentë appeared first on Albeu.com.

Agjencia e Energjisë e Danimarkës shpalli një alarm të nivelit të parë lidhur me shqetësimet për furnizimin e saj me gaz, për shkak të pasigurisë në importet e energjisë nga Rusia për shkak të luftës në Ukrainë.

Bashkimi Evropian ka krijuar një sistem për të lejuar shtetet anëtare të shënojnë vështirësitë në lidhje me furnizimin me energji duke përdorur tre nivele në rritje të alarmeve – duke filluar me “paralajmërim të hershëm”, të ndjekur nga “alarm”, pastaj “emergjencë”.

Sistemi lejon ndihmën e ndërsjellë nga vendet e tjera të BE-së, por mund të nënkuptojë gjithashtu një fillim të racionimit të furnizimeve.

Zëvendësdrejtori i Agjencisë Daneze të Energjisë, Martin Hansen, lëshoi paralajmërimin e nivelit të parë.

“Kjo është një situatë serioze me të cilën po përballemi dhe është përkeqësuar nga reduktimi i furnizimeve. Aktualisht rezervat e gazit të Danimarkës janë rreth 75% të mbushura,” tha Hansen.

Deklarata vjen pasi kompania daneze e energjisë Orsted njoftoi në fund të majit se dërgimi i gazit rus në vendin skandinav do të pezullohej nga 1 qershori, pasi Orsted refuzoi të shlyente pagesën në rubla.

Rusia është një nga burimet kryesore të importit të gazit natyror në Danimarkë, sipas Agjencisë Daneze të Energjisë.

Holanda gjithashtu njoftoi të hënën se do të heqë kufizimet për prodhimin e energjisë me qymyr, një ditë pasi Gjermania dhe Austria morën hapa të ngjashëm për të lehtësuar varësinë e tyre nga furnizimet me gaz rus.

The post Danimarka e para në BE që jep alarmin për gazin, lëshohet sinjali i nivelit të parë appeared first on Albeu.com.

Këtu përmendin veprimet e presidentit të Turqisë, Reccep Tayip Erdogan në Kurdistan, ato të presidentit kinez Xi Jingping në Tajvan, dhe kërcënimet që Aleksander Vuçiç i ka bërë Kosovës. Gazeta italiane teksa e përmend Vuçiçin, i referohet si “fans” i Vladimir Putinit.

“Me pakë fjalë, duket se shumë Putin të vegjël po e gjejnë guximin që t’i shfaqen botës, me një sërë veprimesh që kërcënojnë paqen globale”- shkruan e përditshmja italiane.

Gazeta italiane kujton të kaluarën e raporteve mes të Kosovës dhe Serbisë, teksa thekson se po të ishte për Beogradin sot nuk do të kishte një shtet kosovar me kryeqytet Prishtinën.

“Lanotiziaregionale.it”, thotë se duket që mosmarrëveshjet e vjetra, që për një kohë dukeshin të harruara, po kthehen për t’i vënë flakën Ballkanit. Këtë gazeta italiane e thotë teksa përmend gjuhën e ashpër të ministrit të jashtëm serb, Nikola Slekaovic, në Këshill të Sigurimit gjatë përballjes me kryediplomaten kosovare, Donika Gërvalla-Schwarz.

Gazeta italiane këtu thekson deklaratën e Selakovicit ku sulmon Gërvallen me fjalët “Gërvalla flet për kasapët e Ballkanit, por nuk kujton se kasapët e vërtetë të Ballkanit janë i ashtuquajturi ish-president Hashim Thaçi dhe i ashtuquajturi ish-kryetar i Kuvendit, Kadri Veseli, të cilët po mbahen në burgun e Tribunalit të Hagës për Krime Lufte për UÇK’në”.

Teksa përmendin këtë deklaratë të Selakovicit, në një paragraf më poshtë, gazeta italiane shkruan se “duhet të merren masa para se të jetë tepër vonë”.

“Lanotiziaregionale.it” shkruan se para konfliktit në Ukrainë, fraza të tilla të Selakovicit do ishin cilësuar si një shpërthim momenti, megjithatë thonë se kur deklarata të tilla vijnë pas luftës që Putin ka nisur në Ukrainë “nuk mund të qëndrojmë të shurdhër”, përballë këtyre provokimeve, e që sipas gazetës italiane, janë provokime të cilat duket se e lidhin luftën e Rusisë në Ukrainë me situatën në Ballkan.

Këtu gazeta italiane përmend faktin se Beogradi nuk e ka njohur kurrë pavarësinë e Republikës së Kosovës, sikurse Putini që nuk e njeh atë të Ukrainës. Përveç kësaj, “Lanotiziaregionale.it” thotë se në veri të Kosovës ka territore që e ndjejnë veten të lidhur me Serbinë dhe bën një krahasim me rajonit e Donbass-it.

Më tej përmenden edhe protestat në veri kundër kryeministrit të Kosovës, Albin Kurti, ku serbët brohorisnin “Ne i besojmë vetëm presidentit Vuçiç”.

“Për të mos përmendur që nëse Putin thotë se dëshiron të godasë nazistët në Kiev dhe Erdogan thotë se dëshiron të sulmojë terroristët në Kurdistan, Vuçiç duket se konceptualisht dëshiron të rreshtohet me të dy”, shkruan “Lanotiziaregionale.it”.

Në fund gazeta italiane shkruan se është evidente që ekziston rreziku, meqë Serbia ka disa muaj që lëviz trupat afër kufirit, dhe potencon se lëvizje të tilla nuk lënë shije të mirë.

“Një situatë që rikujton edhe një herë atë që është parë tashmë në Ukrainë dhe për këtë arsye, për të shmangur përsëritjen e gabimeve të së shkuarës, Perëndimi nuk duhet të presë që situata të degjenerojë, por të ndërhyjë përpara se kjo të ndodhë, duke ruajtur paqen”, përfundon “Lanotiziaregionale.it”.

The post Gazeta italiane ngre alarmin: Vuçiç është Putini i vogël në Ballkan, perëndimi të reagojë sa s’është vonë appeared first on Albeu.com.

Hoxha thotë se ajo kishte filluar punë pikërisht në këtë qendër për të shlyer faturat, ndoshta mbasi kërkoi gjithandej një punë dinjitoze.

Sipas gazetares, mjekja e ardhshme kundërshton dhe betohet që s’ka lidhje me dyshimet e policisë dhe insiston se po punonte në sekretari për të paguar faturat, por të kundërtën pretendon policia. “Ajo duhet të kishte veshur përparësen e bardhë të doktoreshës pse nuk ishte aty ku po behej gati të diplomohej? Çfarë e pengoi, cili ishte realiteti i saj?”.

POSTIMI I PLOTË:

Është urgjente, të shpëtojmë rininë. Një mjeke e ardhshme nën hetim

Operacioni i goditjes së një qendre masazhi e dyshuar se është kthyer në një fole për ushtrimin e prostitucionit kërceu e titruar me iniciale të personave të ndaluar. Një ndër to pronarja e nëpër to iniciale të dyshuarash që policia i deklaron se me gjasë ushtronin prostitucion. Mes dhjetëra inicialeve që kalojnë pa vënë re dhe thuajse nën indiferentizimin e një realiteti që po lulëzon, gjenden edhe inicialet e një vajze, e ardhmja e të cilës duhet të ishte e shkëlqyer, me doemos ndoshta do jetë e shkëlqyer. Por derisa të bëhet e tillë dhe të ndizet një llambë për të, e sotmja, e tanishmja e saj është krejt e errët. E dyshuara, mosha 27 vjeçe, është studente e mjekësisë dhe po ndiqte vitin e fundit për mjekësi. Ajo kishte filluar punë pikërisht në këtë qendër për të shlyer faturat, ndoshta mbasi kërkoi gjithandej një punë dinjitoze. Do doja të besoja që vendosja e studentes ekselente nën hetim për çështje të prostitucionit të jetë një aksident dhe ajo të jetë aksidentalisht nën hetim, megjithëse relacioni policor është trishtues. Së paku të shtyn të mbash frymën e të vësh duart në kokë. Çfarë muri ndeshi mjekja e ardhshme që u thye dhe u tjetërsua aq sa duke ndjekur studimet në prag diplomimi i vuri shkelmin gjithçkaje? Çfarë e shtyu të punësohet në një qendër masazhi? Paratë? Cili model, cila joshje, cila mungesë perspektive? Ajo thotë: punoj provizorisht si masazhatore në këtë qendër dhe kam rreth një muaj që ndodhem këtu. Kjo qendër menaxhohet nga shtetasja S.H., e cila na trajton shumë mirë. Në datën përkatëse hyra në qendër u përshëndeta dhe u ula në këndin ku qëndrojmë. Në orën 18:05 erdhën dy djem që nuk i njoh, ata kryen pagesën dhe pas pak minutash u futën në njërën nga dhomat. Mjekja e ardhshme kundërshton dhe betohet që s’ka lidhje me dyshimet e policisë. Ajo insiston se po punonte në sekretari për të paguar faturat. Të kundërtën pretendon policia. Pra emri i saj, i një mjekeje që nesër pretendohet se do jetë model nxin në një dosje të pasqaruar. Nëse është e vërtetë që ajo ishte dorëzuar dhe ishte thyer, të mbajmë frymën të gjithë. Ajo duhet të kishte veshur përparësen e bardhë të doktoreshës pse nuk ishte aty ku po behej gati të diplomohej? Çfarë e pengoi, cili ishte realiteti i saj?

Apo..

Rinia jonë, e ardhmja jonë është fatkeqësisht pa të ardhme. S’ka punë. Disa pasurohen shpejt. Disa kanë shanse që disa të tjerë as që iu afrohen, as që i mendojnë. Pa llogaritur drogën. Pa folur për ata që vazhdojnë te arratisen nga Shqipëria në kërkim të një pune. Por sot le të flasim për këdo që qëndron në vendin e tij, shtëpinë e tij. Një mjeke u gjet në një qendër masazhi dhe po hetohet për prostitucion. U arrestua për një akuzë të tillë.

Çfarë duhet të bëjë një tjetër që bie viktimë po njëlloj për shkaqe të tjera, qofshin ato edhe të mbijetesës. Po sikur t’ia nisim e te mendojmë. Po sikur t’ia nisim e te duam.

The post “Pse studentja e mjekësisë nuk kishte veshur përparësen e bardhë, por punonte në qendër masazhi?”, Anila Hoxha ngre alarmin appeared first on Albeu.com.