Më poshtë albeu.com, ju sjell më në detaj se çfarë ka ndodhur:

Dhunimi i të moshuarës dhe opinioni publik

Pak ditë më parë, në Facebook, aktorja Kaltrinë Zeneli, publikoi një video ku një e moshuar po dhunohej nga infermierja në azilin e të moshuarve “Orenda” në Pejë të Kosovës. Video u bë virale në rrjet duke shkaktuar një reagim të madh të të gjithë njerëzve sesi mund të dhunohen të moshuarit në shtëpinë e kujdesit. Institucionet e Kosovës reaguan menjëherë pas bërjes publik të rastit, dhe arrestuan infermieren që e dhunonte, punonjësen që e ka xhiruar videon dhe një tjetër punonjëse që ndodhej aty dhe qeshte me skenën e dhunës që po shikonte. E moshuara, pas orë pas publikimit  të videos, u largua nga qendra. Ishin familjarët e saj që e morën në shtëpi, ndërkohë qendra u mbyll me vendim qeverie. Ndërsa me vajzat e arrestuara, po merret drejtësia.

Kapja e kokainës në portin e Durrësit

Të premten, në Portin e Durrësit u kapën 33.5 kg kokainë në një kontejner me banane që vinte nga Ekuadori.  Ka qenë kompania ZICO. sh.p.k, që tre ditë përpara se anija me kontejnerët e bananeve të mbërrinte në vendin tonë ka lajmëruar autoritetet ligje zbatuese për kontroll të imtësishëm të këtyre kontejnerëve, pasi ishin marrë informacione se në to mund të ishte futur drogë nga grupet kriminale në Ekuador. Në shkresën që mban datën 19 tetor, kompania i është drejtuar me shkresë zyrtare Drejtorisë së Përgjithshme të Policisë së Shtetit, Drejtorisë së Policisë Durrës, Drejtorisë së Kufirit e Migracionit, Drejtorisë së Doganës Durrës, dhe Njësisë së Kontrollit të Kontejnerëve që kontejnerët që do mbërrinin në Portin e Durrësit për Llogari të kësaj Kompanie të hynin domosdoshmërisht në skaner, dhe atyre tu bëhej kontroll i imtësishëm. Në shkresën depozituar institucioneve të mësipërme kompania ka këmbëngulur që nuk e merr në dorëzim mallin dhe nuk kryen asnjë veprim zhdoganimi pa u kryer kontrolli me qen, fizik e imtësishëm. Në shkresë autoriteteve u kërkohet që kontejnerët edhe të monitorohen në shesh pushim. Gjithashtu kompania në shkresë sqaron institucionet se kompania nuk do kryejë asnjë veprim pa praninë e autoriteteve portale, dhe pa praninë e autoriteteve ligje zbatuese. Për kokainën, u arrestuan punonjës të skanerit të portit, konkretisht shtetasit; Petrit Demishaj, 57 vjeç, banues në Tiranë, me detyrë administrator i kompanisë që kishte porositur ngarkesën me banane, për veprën penale “Trafikimi i lëndëve narkotike”; Alban Neziraj, 48 vjeç, banes në Tiranë, me detyrë operator skaneri, në Portin e Durrësit, për veprat penale “Trafikimi i lëndëve narkotike” dhe “Falsfikimi kompjuterik”; Artur Sevdaraj, 48 vjeç, banues në Tiranë, me detyrë imazhier skaneri, në Portin e Durrësit, për veprat penale “Trafikimi i lëndëve narkotike” dhe “Flasifikimi kompjuterik”. Pronari i kompanisë Trifon Murataj, është shpallur në kërkim.

Thellimi i krizës në PD dhe kandidatët e primareve

Kriza në PD është thelluar pasi grupi i Berishës nuk ka rënë dakord me grupin e Alibeajt në lidhje me daljen me një kandidat të vetëm në zgjedhjet lokale. Kjo pasi grupi i Alibejt kërkon që kandidatët të zgjidhen 50% me primare dhe 50% me sondazhe. Kjo është mphuar kategorikisht ga grupi i Berishës, për këtë arsye Alibeaj ka deklarauar se grupi i tij së shpejti do të prezntojë kandidatët për zgjedhjet në secilën bashki. Por gjithashtu ka lënë të hapur një rrugë komunikimi për bashkimin e tyre, për hir të demokratëve dhe misionit për të rrëzuar Ramën. Nga ana tjetër, kandidatët e parë për primaret e Tiranës janë futur në garë. Ata që synojnë të përballen me Veliajn për Bashkinë e Tiranës janë mjeku Ilir Alimehmeti, ish-deputeti Gert Bogdani dhe deputeti Belind Këlliçi.

Kthesa e motit dhe si pritet të nisë java

Ka nisur një fundjavë ku ndodhemi po sjell normalizimin e motit për muajin që ndodhemi. Një fundjavë me shira intensiv, me rrebeshe, erë të fortë dhe temperatura të ulëta krejt ndryshe nga çkemi përjetuar gjatë javës dhe muajit që lamë pas.

Dita e sotme, pra e shtuna do të jetë në mbizotërimin e rrebesheve të shiut në të gjithë territorin. Vranësirat janë të fokusuara në dy skaje të Shqipërisë. Një vranësirë e dendur që do të sjellë shira me intensitet të lartë që do të sjellë

Në qarkun e Gjirokastrës dhe të Vlorës ku do të ketë herë pas here reshje me intensitet të lartë duke sjell edhe probleme me përmbytjet në shumë zona.

Përsa i përket reshjeve, fatmirësisht kemi reshje në veri të vendit ku do të ketë edhe një ndryshim të situatës hidrike.

Përsa i përket temperaturave, këtë fundjavë zbresim në temperatura të ulëta krahasuar me javën që lam pas, bën me dije meteorologia Lajda Porja.

Termometri nuk do të ngjitet më shumë se 19 gradë. Dita e diel do të sjellë përmirësim të situatës përsa i përket reshjeve, por do të ndihet një ditë akoma më e ftohet kjo për shkak të lagështirës.

Mëngjeset do të jenë deri në 3 gradë në zonat malore. Java e ardhshme përmirëson dukshëm situatën. Reshjet do të “përcillen” këtë fundjavë. Të paktën deri nga mesi i javës, e mërkurë dhe e enjte, moti premton kthjellime dhe diell në rang territori. Por temperaturat që do të bien këtë fundjavë nuk presin përmirësim javën e ardhshme./albeu.com 

The post Dhunimi i të moshuarës, primaret e PD e kapja e kokainës në Portin e Durrësit: Çfarë ka ndodhur në një javë appeared first on Albeu.com.

Vdekja e mistershme e Laer Kurtit

Një ngjarje e rëndë ka ndodhur mbrëmjen e 19 tetorit në Tiranë, ku 32-vjeçari Lear Kurti ka ndërruar jetë pasi është shoqëruar nga patrulla në Komisariatin nr 3. Fillimisht AMP njoftoi se e riu pasi ka mbërritur në komisariat nuk është ndjerë mirë dhe më pas është  dërguar në Spitalin e Traumës ku edhe ka ndërruar jetë. Por sipas raportimeve nga “Trauma” mësohet se Kurti ka mbërritur pa shenja jete në spital. Raportimet e ndryshme në lidhje me këtë ngjarje, shtuan misterin sesi ka ndodhur vdekja e të riut, e cila ka shkaktuar reagim publik dhe humbjen e besimit te policia. Sipas ekspertizës, shkak i vdekjes të Kurtit është arrest kardiak i shkaktuar nga overdoza, pasi thuhet se ai ka gëlltitur një qese kokaine që posedonte, për të mos ia gjetur policia. Drejtori i Përgjithshëm i Policisë së Shtetit, Muhamet Rrumbullaku njoftoi një ditë pas ngjarjes se punonjësit e policisë së patrullës që bënë ndalimin e Lear Kurtit, janë të pezulluar nga detyra deri në përfundim të hetimeve. Nga ana tjetër, në arenën politike, kreu i PD-së Sali Berisha ka quajtur vrasës policët që e shoqëronin, ndërsa kryeministri Edi Rama i është përgjigjur duke i cilësuar ish-kryeministrin “hienë” dhe është shprehur se duhet pritur të mbyllen hetimet që të zbulohet e vërteta. Protesta janë zhvilluar në lidhje me vdekjen e 32-vjeçarit nën moton “Kupa u mbush”. Gjithashtu dhe sot në orën 18:00 do të zhvillohet një protestë në Tiranë.

Vrasja e Indrit Ndojt

Të enjten, pa shenja jete, u gjet në një kanal në Fushë Krujë, Indrit Ndoj. 34-vjeçari u gjet ga familjarët e tij dhe në këmbë kishte një plagë të shkaktuar nga kaçavida. Ditën e djeshme policia zbardhi ngjarje dhe arrestoi autorët, Sajmir dhe Landi Miri. Para hetuesve, vëllezërit mësohet të kenë deklaruar se nuk kanë pasur për qëllim ta vrisnin fqinjin e tyre por situata u kishte dalë nga kontrolli pasi Ndoj i kishte sulmuar fizikisht.

“Nuk kishim për qëllim ta vrisnim. Po situata na doli nga kontrolli pasi na sulmoi dhe na ofendoi rëndë. Ai (Ndoj) ishte në gjendje të rëndë, pasi kishte konsumuar lëndë narkotike. U takuam te vendi për të sqaruar një muhabet të vjetër. Nuk është se kishim ndonjë konflikt të hapur me të, gjithçka ndodhi aty për aty pasi na sulmoi. Nuk ishte i vetëdijshëm. Ai tentoi të na qëllonte dhe për t’u mbrojtur e qëllova. Më pas u larguam. E lamë të gjallë. Dhe s’menduam se kishim bërë ndonjë plagosje të rëndë. Por për fat të keq kaçavida kishte prekur damarin kryesor (arterien femorale) . Vetëm kur dëgjuam në mëngjes që kishte vdekur. Aty na kapi paniku. Nuk dinim ca të bënim. Jemi penduar shumë, pasi nuk ishte nevoja që situata të arrinte në këtë pikë pa kthim pas. Jemi shumë të penduar”, mësohet të kenë deklaruar ndër të tjera vëllezërit Miri para hetuesve të policisë.

Sekuestrimi i 500 mijë eurove në Portin e Durrësit

Pasditen e së premtes, në Portin e Durrësit u sekuestruan 500 mijë euro të padeklaruara në një autobus që vinte nga Bari, Itali. Paratë ishin të fshehura në tavanin e autobusit dhe të ndara në gjashtë qesë plastmasi. Më parë u bë me dije se agjentët kishin informacionin për këtë transport ndaj edhe e futën autobusin në skaner, ndërsa tani Albeu.com mëson akoma edhe më shumë detaje. Kompania e transportit më pronar Elidon Celan, që po ashtu ishte dhe shoferi në të cilin u gjetën eurot ka qenë edhe më parë objekt shkeljesh. Mësohet se kjo kompani është hetuar edhe më parë pasi janë zbuluar shumë parash, por në sasi me të vogla, si edhe mallra kontrabandë. Për këtë ngjarje, ë pranga ka rënë pronari i autobusit, Elidon Çela, si dhe dy ndihmësit e tij. Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të këtij rasti dhe për identifikimin dhe kapjen e personave të tjerë të përfshirë.

Kuvendi miraton ligjin për hapjen e dosjeve

Kuvendi i Shqipërisë, të enjten, ka miratuar me 94 vota ligjin për Dosjet e Sigurimit të Shtetit, ka patur vetëm dy vota votë abstenim, e cila ka qenë e deputetit Nasip Naço. Maxhoranca dhe opozita kanë bashkuar votat për të miratuar disa amendamente në ligjin e dosjeve të sigurimit të shtetit ku bëhet e mundur hapja e të gjitha dosjeve nga viti 1944 deri në 1991. Në të njëjtën kohë, sipas këtyre amendamenteve, kandidatët për poste të larta drejtuese duhet të kalojnë sërish në sitën e Autoritetit të Dosjeve, pavarësisht se më parë mund të kenë marrë një certifikatë pastërtie nga dy komisionet “Mezini” dhe “Bezhani”. Gjatë votimit në parim 97 deputetë votuan pro dhe një abstenim, ndërkohë që gjatë votimit në parim 94 deputetë votuan pro. Ndryshimet ligjore shkaktuan debate të shumta në dy javët e fundit në Komisionin e Ligjeve dhe Parlament, derisa shumica pranoi amendamentin e PD-së për të hapur të gjitha dosjet e ish-sigurimit./albeu.com

The post Nga vdekja e mistershme e Lear Kurtit te vrasja e 34-vjeçarit në Fushë-Krujë, ngjarjet më të rëndësishme të javës appeared first on Albeu.com.

Vrasja në Maliq dhe në Shkodër

Të hënën e 8 gushtit, në fshatin Rrëmbec të Maliqit, u vra me thikë Nesti Kusari dhe autor i kësaj ngjarjeje ishte fqinji i tij Velo Hazizllari. Vrasja ndodhi për motive të dobëta. Fqinjët u konfliktuan pas sherrit për qenin. Fillimisht janë zënë me fjalë, pastaj fizikisht e në fund Kusari nxori thikë dhe e goditi për vdekje. Edhe autori gjithashtu ka marrë plagë dhe ndodhet në spitalin e Korçës, ku është arrestuar nga policia.

Një ditë më vonë, 9 gusht, një tjetër ngjarje e rëndë u shënua në Shkodër. Shtetasi Vlash Jakaj, 68 vjec, vrau me armën e gjahut nipin e tij B.J, rreth 10 vjeç. Sipas policisë në momentin që ndodhi ngjarja 68-vjeçari ka qenë duke pastruar armën e cila është shkrepur. Gjithashtu policia bën me dije se nga e shtëna ka mbetur i plagosur edhe vetë Vlash Jakaj në dorë. I mituri ishte me pushime me familjen e tij në vendlindje, prindërit dhe vëllain e madh, pasi jetonin në Pistoia të Italisë. Varrimi i është bërë në vendin ku jeton.

Plagosje në Fushë Krujë, Tiranë e Kuçovë

Siç e theksuam dhe më lart, java nuk ka qenë e qetë sa ju takon ngjarjeve të rënda. Të mërkurën, 10 gusht, në fshatin Zgërdhesh të Fushë Krujës, pas një konflikti për ullinjtë, Klodian Keçi ka qëlluar dhe plagosur me armë zjarri shtetasin Luan Hushi 55 vjeç. Si pasojë e plagëve të marra 55-vjeçari është transportuar në Spitalin e Traumës, ndërsa policia po punon për kapjen e autorit.

Të premten, rreth ores 17:30, në kryqëzimin e rrugëve “Todi Shkurti” me rrugën “Kristaq Capo”, një shtetas i identifikuar si Qani Muça ka plagosur me armë zjarri në bark, një punonjës Inspektoriatit të Mbrojtjes së Territorit, 52 vjeç ,që sapo kishte përfunduar zbatimin e një vendimi për shembjen e një shtëpie. I plagosuri, Ilirjan Gavelli, u dërgua në spital dhe ndodhet në sallë nën kujdesin e mjekëve. Autori u kap nga shërbimet.  Mësohet se Prokuroria ka kërkuar “arrest me burg” për Muçën. Në dëshminë e tij punonjësi i IMT-së, Ilirjan Gavelli është shprehur: Po largoheshim kur Qemali më shau dhe nxori pistoletën. U hodha për t’ia marrë armën dhe më qëlloi dy herë. Kur u përlesha me Muçën për t’i marrë armën vinte era alkool, ishte i dehur. Qani Muça qëlloi 2 herë drejt inspektorit të IMT, ndërsa njëri nga plumbat kapi në një makinë të parkuar. Sakaq, gruaja e Qani Muçës ka deklaruar se nuk e dinte që burri kishte armë. “Nuk kisha dijeni që burri mbante armë”, ka thënë ajo. Ndërsa autori i ngjarjes, Muça nuk ka shprehur aspak pendesë për atë që k ndodhur. Ai ka deklaruar: Këta (Inspektorët e IMT) duhen vrarë të gjithë se janë kriminelë.

Ditën e djeshme, 13 gusht,  në lagjen “1 Maji” në Kuçovë, mbeti i plagosur 46-vjeçari Admir Bejo. Burimet policore bëjnë me dije se, nga vëzhgimi i kamerave të sigurisë së bizneseve dhe banesave që ndodheshin në rrugën kryesore të lagjes “1 Maji”, është bërë e mundur zbulimi i kronologjisë së plagosjes. Mësohet se plagosja e Bejos nuk ka lidhje me larje hesapesh për ngjarjen e ndodhur në vitin 2007, kur ai dhe vëllai i tij Ilija Bejo plagosën me armë duke dalë nga hyrja e pallatit dy vëllezërit Kundja. Plagosja e djeshme ka ndodhur për motive të dobëta, pas një konflikti të çastit të Admir Bejos me një banor tjetër të lagjes “1 Maji”, që banonte shumë pranë banesës së tij, pikërisht 200 metër nga vendi ku Bejo u gjet i shtrirë në rrugë. Burimet policore konfirmojnë se konflikti mes Bejos dhe autorit ka ndodhur në banesës e këtij të fundit, ku pasi kanë debatuar me njëri-tjetrin komshiu i tij ka nxjerrë pistoletën dhe ka qëlluar 2 herë mbi 46-vjeçarin Admir Bejo. Bejo ka ikur me vrap për të dalë nga banesa e autorit dhe në dalje është qëlluar edhe dy herë të tjera po plumbat nuk e kanë zënë. Pasi ka ecur disa metra Bejo ka rënë në tokë, ku edhe është gjetur i shtrirë nga një kalimtar që ka njoftuar policinë. Burimet policore bëjnë me dije se është identifikuar autori i plagosjes dhe po punohet për kapjen e tij, ndërkohë që emri i autorit nuk bëhet ende publik. Policia konfirmon se nga këqyrja e vendit të ngjarjes janë gjetur 4 fishekë, të kalibrit 7.62 mm. Burime nga lagjia “1 Maji” ku ishte edhe zona ku kishte lindur i plagosuri konfirmojnë se Admir Bejo ishte përdorues i rregullt i lëndëve të forta narkotike dhe për këtë arsye mashtronte e u merrte lekë borxh njerëzve që njihte. Sipas banorëve të lagjes, Bejo kishte degraduar dhe konfliktohet me këdo që i dilte para, edhe pa asnjë shkak.

Kapja e rreth 1 ton droge në Gjirin e Arushës

Tre shqiptarë dhe dy ukrainas u arrestuan të hënën pas një operacioni të përbashkët të Guardia di Finanza me policisë e Vlorës. Një tjetër është shpallur në kërkim. 1 ton marijuanë, që po shkëmbehej në det të hapur u sekuestrua në vendin e quajtur Gjiri i Arushës. Guardia di Finanza ka nxjerrë pamjet e drogës së sekuestruar dhe bën me dije se nëse do të hidhej në treg do të arrinte vlerën e 10 milionë eurove. Droga ishte ndarë në blloqe dhe çanta të ndryshme. Nga ky operacion u sekuestruan 3 skafet me të cilat dyshohet se lënda narkotike është transportuar deri në thellësi të detit Jon ku është dorëzuar në anijen velierë në ujerat Santa Maria di Leuca ne Lecce. Operacioni antidrogë nisi të dielën mbrëma në brigjet e Santa Maria di Leuca , kur një helikopter i Guardia di Finanza, i cili kreu fluturimin për llogari të Frontex (Agjencia Evropiane e Rojës Kufitare dhe Bregdetare) vuri re tre persona  në detin Jon të cilët shkarkonin pakot në një varkë me vela. Ndërsa anija me vela, në të cilën ndodheshin dy shtetasit ukrainas Bychkovi Serhii dhe Senkevych Serhii, 43 dhe 62 vjeç, u ndalua nga mjetet e policisë financiare të Galipolit, tre shqiptarët, drejtuesit e tre varkave me të cilën u transportua droga u bllokuan dhe ndaluan nga autoritete lokale. Në pranga ranë Arbër Saraseli, 31 vjeç, Saverjo Imeraj, 22 vjeç dhe Qemal Pekmezi, 19 vjeç . Në bordin e anijes, e cila më pas u dërgua në portin e Città Bella, u gjetën 992 kilogramë kanabis, të ndarë në 153 pako, secila me peshë nga 6 deri në 8 kilogramë.

Zhdukja e të shumë kërkuarit Ervis Martinaj

Të enjten, 11 gusht, familja e Ervis Martinajt ka alarmuar policinë e Laçit se ka humbur kontaktet me 40-vjeçarin, i shumëkërkuar nga policia. Burime nga Drejtoria e Policisë së Shtetit, bënë të ditur se ishte nëna e Martinajt ajo që ka kryer denoncimin, duke thënë se prej 3 ditësh nuk kishte asnjë kontakt me djalin e saj. Ky i fundit është shpallur në kërkim ndërkombëtar për shumë ngjarje kriminale të ndodhura në vend. Ajo ka rrëfyer se nuk e di ku ndodhet djali i saj dhe po ashtu informacion për të nuk kanë as të afërmit e tjerë të cilët ruanin kontakte me të shumëkërkuarin. Xhaxhai i 40-vjeçarit, Faik Martinaj depozitoi një kallëzim për zhdukjen e të shumëkërkuarit të drejtësisë në komisariatin e Laçit.

Një shok i Ervis Martinajt  ka shkuar në shtëpinë e tij dhe i ka thënë se ka humbur kontaktet me të. Familjarët dyshojnë se atij mund t’i ketë ndodhur diçka e keqe, për faktin se ka armiq të shumtë dhe se është në kërkim ndërkombëtar. Ka dhe një mesazh që persona që shoqëroheshin me Ervis Martinaj ia kanë treguar të afërmve të tij, ku thotë “kini kujdes se do ketë kontrolle”. Misteri i humbjes së kontakteve të Ervis Martinajt me familjen e tij ka vënë në vështirësi grupin e hetimit, pasi për herë të parë prokuroria ka çelur një hetim për rrëmbim personi, ndërkohë që 40-vjeçari ishte në kërkim ndërkombëtar mbi bazën e një urdhër arresti nga SPAK. Burime bëjnë me dije se  prokuroria ka nisur përgjime e vëzhgime të personave që dyshohet se mund të kenë pasur kontakte me Martinaj. Ndërkohë po ushtrohen kontrolle në disa vende që ka dyshime se Martinaj përdorte si baza për t’i shpëtuar policisë. Hetuesit kanë kthyer sytë drejt Vlorës, qytet ku mendohet se Martinaj kishte lidhje dhe njohje të forta. Hetimet nisën pas kallëzimit të Faik Martinaj, xhaxhait të 40-vjeçarit të shumëkërkuar, i cili denoncoi humbjen e kontakteve me nipin dhe ngriti dyshime se mund t’i ketë ndodhur diçka e keqe për shkak të përplasjeve që ka me grupe kriminale që kanë interes ta eliminojnë. Pistat e hetimit janë të hapura, nga njëra anë ka dyshime se ngjarja mund të jetë inskenuar nga vetë Martinaj për t’u shpëtuar kundërshtarëve dhe policisë, nga ana tjetër nuk rrezohen as dyshimet se mund të jenë përpara një ngjarje kriminale./albeu.com

The post Nga kapja e 1 ton marijuane, zhdukja e Ervis Martinajt deri të vrasjet e plagosjet e shumta, ngjarjet më të rëndësishme të kësaj jave appeared first on Albeu.com.