Këtu janë zhvillimet më të fundit:

• Kremlini thotë se komentet e zotit Biden janë “alarmante”;
• Putini “paranojak” mund të ketë më shumë gjasa të urdhërojë akte armiqësore pas vërejtjes së presidentit amerikan, thonë ekspertët;
• Sekretari i Arsimit në Mbretërinë e Bashkuar thotë se është “në dorën e popullit rus” se kush e qeveris vendin e tyre pas komenteve të Presidentit Biden;
• Nesër në Turqi do të rifillojnë bisedimet e paqes Ukrainë-Rusi, raporton agjencia e lajmeve Interfax;
• Ukraina nuk do të hapë asnjë korridor humanitar sot pasi inteligjenca raportoi për “provokime” të mundshme ruse;
• Zyrtarët ukrainas kanë thënë se forcat ruse po tërhiqen nga disa zona pasi Moska sugjeroi se po zvogëlonte synimet e saj për pushtimin;
• Rusisë i është dashur të heqë dorë nga ndryshimi i regjimit në Ukrainë, ka thënë ish-shefi i shtabit të përgjithshëm të Britanisë së Madhe, Lordi Richard Dannatt;
• Ministria e Jashtme e Rusisë thotë se marrëdhëniet me Kinën janë në “nivelin e tyre më të fortë ndonjëherë” – me Pekinin që ende nuk e ka dënuar pushtimin;
• Më shumë se 3.8 milionë njerëz janë larguar nga Ukraina dhe 6.5 milionë të tjerë janë të zhvendosur brenda vendit në Ukrainë, thotë OKB;
• Kryetari i bashkisë së Mariupolit ka bërë thirrje për një evakuim të plotë pasi rreth 160,000 njerëz mbeten në qytetin e rrethuar pa ngrohje;
• Këshilltari presidencial ukrainas thotë se vendi do të “paditë këdo që financonte vrasjen e popullit tonë” duke vazhduar të bëjë biznes me Rusinë;
• Ukraina thotë se ka rrëzuar një raketë ruse në Kiev mbrëmë vonë;
• Veprimet e Rusisë në Çernobil paraqesin një “kërcënim shumë serioz”, thotë zëvendëskryeministri i Ukrainës;
• Njerëzit që shfaqin simbolin “Z” në mbështetje të pushtimit të Rusisë mund të ndiqen penalisht në Gjermani;
• Heineken do të ndalojë shitjen e birrës në Rusi pasi ajo “nuk është më e qëndrueshme apo e zbatueshme”.

The post PËRMBLEDHJE/ Çfarë ka ndodhur ditën e sotme në Ukrainë? appeared first on Albeu.com.

Bombardimet vazhdojnë në shumë qytete të vendet dhe numri i viktimave civilë dhe ushtarak vazhdon të rritet.

Këto janë ngjarjet kryesore të fundit:

• Shkatërrohet fabrika e avionëve : Rusia ka gjuajtur disa raketa pranë aeroportit ndërkombëtar të Lviv në Ukrainën perëndimore, duke shkatërruar një fabrikë të riparimit të avionëve aty pranë, sipas zyrtarëve lokalë. Lviv është afër kufirit polak dhe ka vepruar si një strehë e sigurt për mijëra refugjatë.
• Qytete të tjera të granatuara : Disa qytete të mëdha janë përballur gjithashtu me sulme të reja ajrore. Në qytetin lindor të Kharkiv , një ndërtesë universiteti dhe dy blloqe banesash u granatuan, duke vrarë një person dhe duke plagosur 11. Më tej, në jug, në Kramatorsk , dy persona u vranë dhe gjashtë u plagosën në një sulm me raketa. Dhe në kryeqytetin Kiev , një person u vra pasi një raketë e rrëzuar shpërtheu në një lagje banimi.
• Shtrëngohet laku në Mariupol: Rusia thotë se separatistët në Ukrainën lindore, me ndihmën e forcave të saj të armatosura, po “shtrëngojnë lakun” rreth qytetit ukrainas të Mariupol, në Ukrainën jugore. Dhjetëra mijëra civilë besohet se janë bllokuar atje.
• Shpëtohen të mbijetuarit e teatrit: shefi i të drejtave të njeriut në Ukrainë thotë se civilët e parë që ishin strehuar në një teatër të bombarduar në Mariupol kanë dalë nga rrënojat. Deri më tani 130 njerëz janë shpëtuar, thotë ajo, pas sulmit që Ukraina fajëson Rusinë.
• Dy milionë kalojnë në Poloni : Roja kufitare e Polonisë thotë se më shumë se dy milionë refugjatë nga Ukraina kanë kaluar në vend, shumica prej tyre gra dhe fëmijë.
• Britania e Madhe bllokon RT: Rregullatori britanik i transmetimit Ofcom ka hequr licencën e kanalit televiziv RT të financuar nga shteti rus.

The post Lufta në Ukrainë, këto janë të gjitha ngjarjet e fundit appeared first on Albeu.com.