Mësohet se shtetasi me iniciale O. P. ka qenë duke pastruar pusin e ujit në banesën e tij, ku dyshohet se ka rrëshkitur dhe ka rënë në brendësi duke humbur jetën.

Njoftimi i policisë:

Durrës/Informacion paraprak

Rreth orës 20:15, në Hamallaj, Durrës, shtetasi O. P., 66 vjeç, duke pastruar pusin e ujit në banesën e tij, dyshohet se aksidentalisht ka rrëshkitur dhe ka rënë në brendësi të pusit dhe për pasojë ka humbur jetën.

Grupi hetimor nën drejtimin e Prokurorisë ndodhet në vendngjarje dhe po punon për sqarimin e rrethanave të ngjarjes.

The post Ngjarje tronditëse/ 66-vjeçari nga Durrësi ndërron jetë pasi rrëshkiti brenda pusit të ujit appeared first on Albeu.com.

Falë veprimeve të shpejta profesionale, policia ka gjetur trupin e pajetë të 50-vjeçarit, i cili dyshohet se është vrarë me armë zjarri dhe është varrosur brenda rrethimit të banesës, nga vajza e tij.

Policia ka arrestuar 19-vjeçaren, e dyshuar si autore e vrasjes së babait të saj.

Më datë 13.02.2024, rreth orës 22:30, shtetasi H. M., 25-vjeç, banues në fshatin Shënavlash Durrës, ka kallëzuar në Polici se ishte larguar nga banesa, babai i tij, shtetasi P. M., 50-vjeç, banues në Shënavlash, Durrës, dhe se kishin humbur kontaktet me të.

Pas këtij kallëzimi, shërbimet e Policisë kanë nisur menjëherë kërkimet dhe më datë 17.02.2024, bënë të mundur gjetjen e automjetit të shtetasit P. M., të parkuar në aksin rrugor Shënavlash-Sektor Rinia.

Grupi i posaçëm hetimor i ngritur për këtë rast, në drejtimin e Prokurorisë, vijoi hetimet dhe kërkimet, pasi dyshohej se 50-vjeçari ishte zhdukur.

Si rezultat i hetimeve të thelluara, u bë e mundur zbardhja e zhdukjes së shtetasit P. M.

Nga provat e siguruara, dyshohet se ky shtetas nuk ishte zhdukur, por ishte vrarë në banesë.

Gjithashtu, nga hetimet dyshohet se autore e vrasjes së 50-vjeçarit është vajza e tij, shtetasja H. M., 19-vjeçe, e cila është arrestuar për veprën penale “Vrasja për shkak të marrëdhënieve familjare”.

Shtetasja H. M. ka deklaruar se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur.

Grupi i posaçëm hetimor, po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje.

Trupi i shtetasit P. M. është zhvarrosur dhe është transortuar në Institutin e Mjekësisë Ligjore, për kryerjen e ekspertizës së mëtejshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

The post Ngjarje tronditëse në Durrës/ “Do më fejonte me zor”, vajza vret babain dhe e gropos në oborrin e banesës appeared first on Albeu.com.

Dambia B., një 24-vjeçare me origjinë nga Algjeria dhe “probleme ekstreme psikologjike” akuzohet për përdhunimin, torturimin dhe vrasjen e vogëlushes Lola Davie të premten e kaluar. Në konferencën e djeshme për media, Prokuroria tha se, gjatë marrjes në pyetje, e arrestuara ka bërë pretendime të ndryshme, herë duke pranuar e herë duke mohuar faktet e rastit. Por përfundimisht ajo pranoi se e mori vajzën në banesën e motrës së saj, e cila jeton në të njëjtën ndërtesë me familjen e vajzës dhe e detyroi të bënte dush. Më pas ajo e sulmoi seksualisht Lolën dhe kreu akte të tjera të dhunshme ndaj saj, të cilat rezultuan në vdekjen e saj.

E mitura u gjet e lidhur në një valixhe plastike në oborrin e një pallati pranë shtëpisë së saj. Trupi i saj u gjymtua dhe numrat 1 dhe 0 iu gjetën “të ngulitura” në gjoks. Pak kohë para krimit, kamera e sigurisë kishte regjistruar vrasësen e dyshuar dhe viktimën duke hyrë në pallatin ku jetonte 12-vjeçarja me prindërit e saj, në verilindje të kryeqytetit francez.

“E dyshuara mburrej se ka shitur organe njerëzore. Sipas dëshmive, vajza është dërguar në bodrumin e ndërtesës ku është torturuar, përdhunuar dhe mbytur para se t’i presin fytin… E dyshuara dyshohet se vuante nga probleme të rënda psikologjike. Ajo jetonte në rrugë, por kishte të afërm dhe miq në Paris”, thotë një burim me njohuri për hetimin, sipas Daily Mail.

Gjashtë persona, përfshirë motrën më të madhe të Dhabias, Frieda B., u arrestuan në lidhje me rastin. Mes të arrestuarve është edhe një 43-vjeçar, i cili akuzohet se ka strehuar një kriminel, pasi ka lënë 24-vjeçaren të qëndrojë në makinën e tij. Disa nga të arrestuarit tashmë janë liruar, pasi autoritetet tani besojnë se e reja algjeriane ka vepruar e vetme.

Prindërit e Lolës së vogël e kuptuan pasditen e së premtes se diçka nuk shkonte kur vajza po kthehej me vonesë nga shkolla. Babai, i cili kishte akses në kamerat e sigurisë së ndërtesës, kontrolloi pamjet dhe u tmerrua kur zbuloi se 12-vjeçarja më parë kishte hyrë në pallat me një grua të panjohur. Menjëherë nëna e Lolës së vogël ka deklaruar të zhdukur vajzën e saj dhe ka postuar një mesazh në rrjetet sociale, duke kërkuar ndihmë dhe informacion.

Dëshmitarët në lagje më vonë thanë se panë gruan duke tërhequr zvarrë valixhen që ishte “e njollosur me gjak” dhe “kishte erë të fortë zbardhuesi”.

“Vrasësja e supozuar fitoi disi besimin e viktimës dhe e çoi atë në një bodrum nën një ndërtesë ku ndodhi sulmi. Autorja foli për trafik organesh, por asgjë nga ajo që tha nuk kishte kuptim. Ajo ka vepruar vetë, pa detyrim dhe ka abuzuar me viktimën përpara se ta vriste atë”, theksoi një burim me njohuri për hetimet.

The post Detaje nga krimi që tronditi Parisin/ 24 vjeçarja abuzoi me 12 vjeçaren para se ta vriste dhe ta fuste të gjymtuar në valixhe appeared first on Albeu.com.