Sot një ndër mediat më të lexuara i ka dedikuar një artikull, 35-vjeçarit, duke treguar të gjithë ngjarjen, nga vetëvrasja, te njoftimi i policisë, reagimet e tyre dhe vuajtja që po përjetojnë.

Artikulli i plotë për vdekjen e çiftit shqiptar:

Një aktor nga Shqipëria dhe bashkëshortja e tij kanë vdekur tragjikisht mëngjesin e së shtunës kur ranë nga kati i gjashtë i banesës së tyre në Bronx. Çifti u identifikua nga miqtë dhe fqinjët si Florind Belliu dhe Ornella Shehi.

Fqinjët thonë se kanë dëgjuar të bërtitura pak para rënies së çiftit dhe policia po heton ngjarjen fatale si pasojë tragjike e një debati të mundshëm mes çiftit.

Fëmijët e tyre të vegjël, 6 dhe 2 vjeç, ndodheshin brenda banesës në atë moment, ndërsa një fqinj kujton se kishte dëgjuar një fëmijë të bërtiste: “Mami! Mami!” pas rënies tragjike.

Sipas informacioneve, 28-vjeçarja Shehi dyshohet se ka rënë e para nga kati i gjashtë i pallatit me bashkëshortin e saj Belliu pas disa sekondash.

Burime policore kanë thënë për mediat se 35-vjeçari, më parë ishte tepër “i shqetësuar emocionalisht”. Madje, në muajin prill ishte zhdukur dhe policia e kishte gjetur.

Çfarë thotë policia?

Megjithatë, burimet thonë se policia nuk kishte marrë kurrë raporte për dhunë në familje që përfshinte çiftin, i cili u vendos në ndërtesë vetëm katër muaj më parë. Ata kanë dy djem, të cilët sipas fqinjëve ndodheshin në shtëpi në momentin e ngjarjes tragjike.

“Gjithmonë i shihja duke blerë gjëra për shtëpinë, ishin bashkë çdo ditë, me dy fëmijë, nuk e kuptuam që asgjë nuk shkonte”, ka thënë gruaja e menaxherit të ndërtesës.

Fqinjët i thanë mediave lokale se ata ishin një “çift i qetë”, por të premten Belliun nuk e kishin parë në gjendje të mirë.

Një fqinj tha për Beliun se ai nuk kishte një sjellje miqësore. “Kur ecje pranë tij, ai nuk kishte një sjellje miqësore, kështu që unë vazhdova. Ata ishin të mbyllur në vetvete dhe ishin shumë të izoluar”, u shpreh fqinji.

Një punonjëse nga një kafene aty pranë pranoi, duke thënë: “Ai nuk ishte kurrë në gjendje të mirë mendore. Ai erdhi për të pirë një kafe ose për të ngrënë dhe nuk ndërvepronte me pjesën tjetër të komunitetit. Gruaja nuk foli kurrë. Ajo ishte gjithmonë e qetë dhe e tërhequr, ata kishin edhe fëmijët e tyre.

Miqtë dhe të afërmit vajtojnë humbjen e tyre

Miqtë dhe familjarët po vajtojnë humbjen e çiftit në rrjetet sociale. “Pse vëlla, pse vëlla… ke zgjedhur këtë rrugë? Çfarë mungonte kur na kishit të gjithëve në krahë dhe ju mbështesnit? Çfarë ju bëri të merrni një rrugë pa fillim dhe pa fund?”, ka shkruar aktori shqiptar Andi Llabuti në komentin e tij .

“Çfarë do t’i themi nënës sate kur të na shohë në rrugë? Pse nuk menduat pak për familjen, nënën dhe motrat tuaja? Të gjithë i dinim aftësitë dhe vlerat që kishit, por kurrë këtë! Na ke trishtuar aq sa nuk ka shpjegim! Allahu ju mëshiroftë”, ka shkruar një tjetër.

Aktori i humorit shqiptarm Irgen Cela ka postuar një homazh në Instagram duke thënë se Belliu i theu zemrën.

“Nuk mund ta besoj që po e bëj këtë status për ty. Ti do të mbetesh në mendjen dhe zemrën time për të gjitha kujtimet e bukura që kemi së bashku dhe pasionin që ndamë për aktrimin. U prefshi në paqe te dy miku im i dashur dhe Zoti u dhente force te dy familjeve ne keto momente te veshtira.”/

The post Njoftimi i policisë amerikane, reagimet e miqve dhe artikulli i medias së huaj: Gjithçka çfarë ndodhi në familjen shqiptare në New York appeared first on Albeu.com.

35-vjeçari Florind Belliu hodhi gruan e vet nga dritarja e katit të gjashtë dhe më pas u vetë hodh, sipas medieve të huaja.

Ditën e djeshme, kur ndodhi tragjedia Florindi kishte ditëlindjen.

Është bërë publike edhe fotoja familjare në të cilën shihet Ornela, gruaja e Florindit, së bashku me 2 fëmijët e tyre të mitur.

Nuk dihen ende rrethanat të cilat e shtynë 35-vjeçarin të ndërmerrte një akt të tillë.

Tragjedia ndodhi në ndërtesën Cruger Ave, në Pelham Parkëay South në Morris Park, jashtë Mosholu- Pelham Greenëay.

Në Shqipëri, Belliu ka qenë aktor, ndërsa përmes kërkimeve në internet rezulton se në New York ka punuar në një agjenci të shitjes së pasurive të patundshme./

The post U hodhën nga kati i 6 i banesës në New York, ky është çifti shqiptar që la pas dy fëmijë të mitur appeared first on Albeu.com.

Dëshmitë tregojnë për një gjendje të rënduar të aktorit shqiptar Florind Belliu.

Punëtori i pallatit Harold Jonhson tha për New York Post se ai u takua me çiftin një natë më parë dhe e pyeti 35-vjeçarin shqiptar nëse gjithçka ishte në rregull.

“Unë pashë që sytë e tij ishin me të vërtetë të zmadhuar, sikur ishte i zemëruar, dhe ai nuk m’u përgjigj, ai vetëm tërhoqi gruan e tij dhe vazhdoi. Dhe kështu ishte”, tha Johnson, përpara se të shtonte se përpara se çifti të transferohej në pallat, burri donte që ai të priste hekurat e dritareve të apartamentit.

“Unë i thashë atij: “Ti ke fëmijë, unë nuk mund ta bëj këtë.” Dhe ai u zemërua dhe tha “OK”./albeu.com

The post “I kishte sytë e zmadhuar dhe nuk m’u përgjigj”, punëtori i pallatit rrëfen natën para ngjarjes tragjike në New York appeared first on Albeu.com.

Mësohet se çifti la pas dy fëmijë të mitur 2 dhe 6 vjeç. Ata prej vitesh ishin shpërngulur në New Jork për një jetë më të mirë. Nuk dihet ende shkaku që ka çuar 35-vjeçarin shqiptar që të ndërmarr këtë akt kaq ekstrem, për gruan dhe veten e tij.

Florind Belliu, ka qenë me profesion aktor, ku ka luajtur në disa role, në teatër dhe shfaqje komike.

The post Publikohet fotoja, ky është aktori shqiptar që hodhi gruan nga pallati dhe më pas u hodh edhe vetë në New York appeared first on Albeu.com.