Në përgjimet e siguruara, bëhet me dije nga fqinjët se vjehrra është bërë pishman për atë që ndodhi, por sipas fqinjëve ajo shprehej se videot nuk i bëri ajo publike.

Pjesë nga biseda:

Gazetarja: Ju keni vite që i njihni si familje”

Komshija: Kam 36 vite këtu!

Gazetarja: E njihnit vajzën, nusen?

Komshija: Ne e njihnim kështu, kur shkonte në punë, sypërmbysur! Shkonte e vinte, ka pasur një muaj e gjysëm njohje me atë djalin, burri rrinte në Gjermani! Ashtu kanë ikur çunat tonë të gjithë…

Gazetarja: Po vjehrra çfarë thotë? Është bërë pishman për atë që bëri?

Komshija: Po çfarë të bëjë e shkreta, u bë tym që pse e publikuam ne videon tha, po se kush na i mori tha se ne jo!

Gazetarja: Po kush e publikoi videon? Edhe pse u publikua vetëm momentin kur e kanë gjetur aty, pse nuk kanë publikuar dhunën sepse ajo ka shenja në trup?

Komshija: Po e kanë nxjerrë edhe pa b… më fal për shprehjen…

Gazetarja: A janë bërë pishman?

Komshija: Po pishman janë bërë, po s’kapet më ai muhabet tani…Unë kur e kam dëgjuar atë ditë në mëngjes u çudita, qava, kemi vajza vet!

Gazetarja: Ti do ta bëje një veprim të tillë për nusen?

Komshija: Mere çoje në shtëpinë tënde, të ishte do ta kishin vrarë fare po këta u treguan njerëz shumë të urtë e shumë të gjykueshëm.

The post “E nxorën edhe pa b…”, rrëfehen fqinjët e familjes që kapi “mat” nusen duke tradhtuar djalin e tyre: U treguan të gjykueshëm se mund ta kishin vrarë appeared first on Albeu.com.

Gjatë një interviste në “Top Channel” ajo u shpreh se të gjithë familjarët janë në gjendje shumë të rënduar psikologjike dhe nuk e ngrenë dot kokën lart.

Zonja tha se nuk e kanë dhunuar vajzën pas publikimt të videos dhe se ajo ndodhet në Tiranë nën kujdesin e Shoqatës së të dhunuarve.

Nëna e vajzës tha se personat që kanë nxjerrë videon duhet të përballen me ligjin dhe kërkoi ndihmë për tu shpërngulur nga vendi ku jetojnë pasi situate në të cilën ndodhen është shumë e rëndë.

“Jemi jashtë mase keq, jemi në depression të gjithë. Nuk e ngremë dot kokën lart. Videoja duhet të hiqet. Vajza ishte e sëmurë nuk e dinte se çfarë fliste në intervistë e morën me zor. Ne nuk e dhunuam vajzën. Ngelëm pa ndjenja. Nuk e dimë se çfarë është bërë. Vajza ka ikur në Tiranë, e ka marrë shoqata e Elbasanit nuk e dimë ku është. Ata persona që kanë nxjerrë videon duhet të ndiqen. Ne kërkojmë të ikim nga këtu të shpërngulemi, nuk jetohet më këtu”, është shprehur ajo.

The post Tradhëtia në Librazhd, flet e ëma e vajzës: Nuk ngremë dot kokën lart, duhet të shpërngulemi appeared first on Albeu.com.

Komentet Lubonja i bëri teksa ka folur lidhur me ngjarjen e rëndë të ndodhur në Librazhd, ku nusja u kap “mat” me të dashurin në dhomën e gjumit.

Lubonja ka zbuluar se cili do të ishte reagimi i tij në rast se do të ishte babai i djalit, duke u shprehur se nuk do të guxonte kurrë të hynte në dhomën e nuses pavarësisht gjithçkaje, dhe nëse do të ishte baba i vajzës ka shtuar se do ta merrte menjëherë në mbrojtje.

Lubonja sqaroi se nëse do të ishte ai në vend të babait të vajzës as nuk do të kishte një situatë re tillë pasi as nuk e mendon dot që një vajzë të martohet në një moshë aq të re. Ai ka ndarë me dëgjuesit edhe një detaj nga marrëdhënia e tij me të bijën, të cilës para shumë vitesh i ka thënë se duhet të mendojë të martohet pasi të mbushë 30 vjeç.

“Babai duke respektuar kodin e duke u shtirur, duke pasur parasysh një shoqëri të dukjes, duhet të bëjë këto veprime.

Një gjë është kodi, dhe më tej është raporti natyror, dashuria që duhet të ketë për vajzën. Marrim rastin e Antigonës së Sofokliut, është pikërisht ky rast që varrosi vëllain pavarësisht ligjit, për shkak të ndjenjës që kishte për të. Babai është i tjetërsuar, duhet ta mbronte me çdo kusht vajzën e tij.

Në këtë shoqëri shihet si mall dhe kur e jep me shkuesi pa e pyetur vajzën, nis drama e vajzës dhe shoqërisë tonë. Më shqetëson se nuk dimë cili kod dominon në shoqërinë tonë. Normalisht, nëse do të isha babai i djalit që u tradhtua, nuk mund të hyja kurrë në dhomë, do i thoja djalit është puna jote duhet ta zgjidhësh ti, mund ta kesh ti ose ajo fajin, mund edhe të faleshin.

Po të isha babai vajzës do ta kisha marrë në mbrojtje, nuk do e lejoja kurrë të arrinte puna këtu sepse nuk do kisha menduar kurrë në atë moshë të martohej. Vajzës time i kam thënë shumë vite më parë që 30 vjeç mendo të martohesh, jo më tani. Tani ke kohën të bësh dashuri të provosh, të takosh burra të ndryshëm të cilët mund të të pëlqejnë që më pas të martohesh.

Ky është kodi im por dua ta kuptoj edhe atë tjetrin, ndoshta ai e jeton si dramë atë, vërtetë e ndjen, sepse jemi produkt i kulturës sonë. Nderi është më i rëndësishëm sepse në atë kod, nëse ai do të merrte në mbrojtje vajzën do të quhej i degjeneruar”, është shprehur Lubonja, transmeton emisioni “Open” në Facebook.

The post Lubonja flet hapur: Sime bije i kam thënë ke kohë të provosh, të takosh burra të ndryshëm e të bësh dashuri para se të martohesh appeared first on Albeu.com.

Sot në emisionin “Me zemër të hapur” të Neës 24, nusja 20-vjeçare ka folur për herë të parë për këtë ngarje duke dhënë versionin e saj.

Në një moment nusja shprehet se ata më droguan dhe ajo kë përfunduar në spital.

“Unë kisha një muaj që rrija me atë djalin. Se i kisha kërkuar burrit të më merrte me vete, por më kishte lënë në Shqipëri.  Atë natë isha të flija gjumë. Më droguan, nuk e di ça më kanë bërë. Ata kishin një çelës të vetin. Hëngra darkë me ta. Kosumova ushqim me ta. Nuk mbaj mend asgjë. Vajta në spital, nuk isha mirë. Kisha shenja në trup. Nga ora 10 ishte ai djali aty, ata erdhën më kapën me shumë komshinj. Ai nuk e dinte që isha e martuar, “ ka thënë 20-vjeçarja.

Pjesë nga fjala e nuses:

“Vetëm flija ke shtëpia ime, të tjera i bëja tek vjehrra dhe vjehrri. Vetëm sa flija në kat të parë. Gjendja emocionale nuk është e mirë. Jo nuk është e mirë. (Qan). Ika me fjet gjumë dhe nuk e di ca me droguan dhe çelësin e kishin lënë jashtë. E kishin një çelës të vetin ato.” tha 20-vjeçarja.

“Në darkë kam ngrënë me ta. Rreth orës 9 të mbrëmjes në darkë. Nuk e di nuk mbaj mend dhe nuk e di ca ndodhi atë nate. Atë natë isha në spital më vunë oksigjen me dhimbtë trupi dhe akoma kam dhimbje. Në spitalin e Librazhdit, ika rreth orës 12 të natës. Më dridhej trupi, kisha tensionin e ulët.”

Duke u ndalur në lidhjen jashtëmartesore që kishte, e reja tha se djalin në fjalë e kishte njohur prej një muaj e gjysmë.

“Ishte ai djali aty. Më kapën aty. Me komshinj dhe me shkopinj. Kemi një muaj e gjysmë me atë djalin. Ai nuk e dinte që isha e martuar.” tha nusja 20-vjeçare.

“Ata thjeshtë të më thonin. Pse e çuan punën deri këtu. Ka qenë vjehrri dhe vjehrra. Ishin mbledhur të gjithë burrat aty. Më tha vjehrri një fjalë shumë të pisët. Nuk e kisha kuptuar se e kishin parë edhe herë tjetër. As nuk më thanë asgjë. Edhe tani po ashtu.”

“ I thoja më merr në Gjermani se nuk jetoj dot. Ai më thoshte jeto atje ke mami. Unë i thoja se jam bërë si shërbëtore. Më kanë dhunuar shumë vjehrra më kapi për flokësh. Gjyshi po ashtu e kam trupin me shenja. Djemtë është kunati dhe njëri është komshiu. Ishin mbledhur të gjithë. Kunati ma ka filmuar videon. I vogli. Ai që jeton me prindërit.” tha nusja e re. /albeu.com

The post U kap “mat” në dhomë me të dashurin, e reja nga Librazhdi: Më droguan, s’di çfarë më kanë bërë appeared first on Albeu.com.

Me anë të një njoftimi për mediat, AMA shkruan se materiale dhe video të tilla intime duhet të evidentohen nëpër media, pasi nxit urrejtje dhe cënon personalitetin e vajzës në video.

Njoftimi i AMA-s:

Pasqyrimi mediatik i një ngjarje familjare në Librazhd, shpërthimet dhe përbetimet e një pale kundër një pale tjetër, nuk mund të jenë ushqim zbavitës dhe argëtues që bëhet shkak për linçim njerëzor dhe verbëri. Nuk ka interes publik, nuk është as investigim gazetaresk i një video të tillë që publikon intimitete, të cilat janë shkak për rikthim tek trajtimet antinjerëzore, që nuk respektojnë lirinë dhe privatësinë. Ajo që për fat të keq ka ndodhur në një familje, nuk mund të amplifikohet mediatikisht duke nxitur spirale të urrejtjes dhe hakmarrjes, të cënimit të personalitetit.

Ligji 97/2013 “Për mediat audiovizive në Republikën e Shqipërisë”, duke përcaktuar parimet themelore për veprimtarinë e transmetimeve audiovizive, saktëson dhe se operatorët, gjatë zhvillimit të veprimtarisë së tyre duhet të respektojnë dhe garantojnë të drejtën e ruajtjes së jetës private dhe të mos lejojnë transmetime që nxisin intolerancën ndërmjet shtetasve (neni 4, pika 2/d dhe 2/dh).

Po kështu në nenin 33, ku flitet për detyrimet e subjektit të licencuar, duhet që, “të mos cenojë dinjitetin dhe të drejtat themelore të njeriut; të respektojë rregullat e etikës dhe moralit publik dhe të mos transmetojë programe që mund të nxisin vepra penale; të mos cenojë të drejtën e fshehtësisë së jetës private të individit në çdo program të transmetuar nga OSHMA-të dhe mjetet e përdorura për të realizuar këto programe.

Ndaj dhe AMA kërkon nga redaksitë mediatike respektimin e kërkesave ligjore, për të evituar qarkullimin e përmbajtjeve të tilla të papërshtatshme, që nuk respektojnë të drejtat e njeriut dhe nxisin intolerancë. Po ashtu fton çdo media/OSHMA që e ka publikuar videon të heqë nga mjetet e saj të informimit ato pamje të rënda të cënimit të dinjitetit njerëzor.

The post Ngjarja në Librazhd, AMA: Të hiqet videoja nga qarkullimi, cënon personalitetin appeared first on Albeu.com.