Babai i studentit rus Mikhail Zorin, ka folur për gazetaren Klodiana Lala të News 24.

Yuri Zorin, me profesion jurist, babai i Mikhail dhe i një djali tjetër më të vogël ka treguar me detaje jetën e të birit dhe udhëtimin turistik të ndërmarrë në Europë si pjesë e Urban Exploration, ku më pas është takuar me dy miqtë e tij, Svetlana dhe Fyodor.

Babai mohon kategorikisht rekrutimin e djalit nga ndonjë shërbim special rus apo çdo shërbim tjetër teksa tregon se në janar kishte marrë pjesë në protestat e opozitës ruse si një ndër mbështetësit e Alexei Navalny.

Letra e Plotë:

Vitin e kaluar, djali im, Mikhail Zorin, u diplomua në Universitetin Rus të Teknologjisë Kimike në Moskë dhe mori një diplomë bachelor. Ai mori një diplomë në teknologji kimike. Pas kësaj, Mikhail vendosi të vazhdojë studimet në Evropë. Në këtë drejtim, ai zgjodhi Pragën, ku studioi gjuhën çeke për një vit të tërë. Në qershor të këtij viti ai hyri në Shkollën e Lartë të Teknologjisë Kimike për të marrë magjistraturën atje.

Në korrik, Mikhail filloi pushimet e tij dhe ai vendosi të shkonte në një udhëtim në Evropë. Mikhail e do turizmin e paorganizuar, d.m.th kur udhëton vetëm. Si rregull, kjo është një biçikletë, një çantë shpine mbi supet dhe një tendë në bagazh. Ai planifikoi një udhëtim në Greqi nëpërmjet Kroacisë, Malit të Zi dhe Shqipërisë.

Deri më 17 gusht, ai udhëtoi vetëm, dhe më pas u takua me miqtë e tij, Svetlana dhe Fyodor. Ata vazhdojnë të udhëtojnë së bashku me makinë.

Mikhail është i interesuar në Urban Exploration (shkurtuar si urbex). Ky është një studim i objekteve industriale, pra pjesë e harruar ose e ndaluar e qytetërimit njerëzor. Si rregull, këto janë objekte industriale të braktisura, miniera, bunkerë etj. Ai mban një blog në rrjetet sociale dhe publikon fotot e tij atje. Me sa di unë, këtij komuniteti studiuesish i përkasin edhe miqtë e Mihailit. Shqipëria e tërhoqi Mikhailin me faktin se ka shumë objekte të tilla në territorin e saj, veçanërisht bunkerët e braktisur që u ndërtuan gjatë Luftës së Ftohtë.

Ne kemi një familje të lidhur ngushtë dhe ne të katër (gruaja ime, unë, djali im më i vogël dhe Mikhail) korrespondojmë vazhdimisht në mesazherin Telegram. Mesazhi i fundit nga Mikhail u mor më 20 gusht rreth orës 14:00. Na dërgoi një foto, tha se binte shi dhe ai dhe miqtë e tij ishin në makinë. Pas kësaj, Mikhail pushoi së komunikuari.

Mikhail ka mbajtur gjithmonë një pozicion aktiv qytetar dhe i është përmbajtur pikëpamjeve politike liberale. Ndërsa studionte në Moskë, ai mori pjesë në aksionet protestuese të opozitës ruse, ishte ndër mbështetësit e Alexei Navalny. Unë e di që për pjesëmarrjen në një demonstratë politike në mbështetje të Alexei Navalny më 31 janar 2021, e cila nuk ishte e autorizuar nga autoritetet, Mikhail iu nënshtrua një dënimi administrativ në formën e gjobës.

Kur filloi lufta në Ukrainë, djali im ishte në Pragë. Ai ngarkoi foto në mesazherin Telegram, të cilat kapnin aksionet masive kundër luftës që po zhvilloheshin në atë kohë në kryeqytetin çek.

Refuzoj absolutisht çdo insinuatë se djali im është rekrutuar nga ndonjë shërbim special rus, si dhe nga ndonjë shërbim special i ndonjë vendi tjetër. Vështirë se mund t’u interesonte, pasi është ende student dhe nuk pranohet për asnjë sekret. Ky është një i ri me pikëpamje ekskluzivisht pacifiste, i cili ende po ndërton jetën e tij dhe po përpiqet të marrë një arsim të denjë.

Sa për pasionin e tij për Eksplorimin Urban, ai është absolutisht i padëmshëm. Edhe pse njerëzit që dëgjojnë për herë të parë për një fenomen të tillë, mund të duket e çuditshme dhe madje e dyshimtë. Por ky është vetëm një hobi, megjithëse jo mjaft i zakonshëm për një njeri të zakonshëm në rrugë.

Sipas mendimit tim, Mikhail dhe miqtë e tij treguan një shkallë ekstreme të infantilitetit dhe nuk morën parasysh kontekstin e situatës aktuale politike. Nuk i di të gjitha rrethanat e asaj që ka ndodhur, informacionet i marr ekskluzivisht nga mjetet e informimit masiv. Por me profesion jam jurist. Dhe jam i sigurt se gjithçka që ndodhi në fabrikën e armëve në qytetin e Gramshit është një keqkuptim monstruoz, ndoshta huliganizëm, por nuk mund të cilësohet në asnjë mënyrë si spiunazh./BW/

The post “Ishte ndër mbështetësit e Navalnyt”, babai i studentit rus: Djali im nuk është spiun appeared first on Albeu.com.

Më vonë atyre pritet t’iu komunikohet masa e sigurisë, pasi dyshohen për spiunazh dhe akuza të tjera.

Kujtojmë se ata tentuan të hyjnë me forcë në uzinën ushtarake të Gramshsit mbrëmjen e 20 gushtit dhe sulmuan ushtarët shqiptarë që ruanin objektin, duke i lënë të plagosur./albeu.com/

The post U kapën në uzinën e Gramshit, dy “spiunët” rusë dhe ukrainasi mbërrijnë në gjykatë (VIDEO) appeared first on Albeu.com.

Peleshi shtoi se institucionet përkatëse po shqyrtojnë çdo skenar të mundshëm në lidhje me incidentin në uzinën e Gramshit, por dhe atë të Poliçanit, të ndodhur një ditë më pas.

Gjatë fjalës në konferencën për media, Peleshi tha se nuk ka asnjë cënim kombëtar, por minimalisht ka ushtrim dhune ndaj personave në detyrë.

“Nuk përbën cënim të sigurisë kombëtare. Por cënim të rregullores. Kemi ushtrim dhune ndaj personave në detyrë.

Por në këtë rast minimalisht kemi dhunë ndaj personelit me uniformë, agresion, maksimalisht nuk na lejohet të aludojmë. Por skenarët e mundshëm i mendojmë. Mund të jetë dhe tentativë për të fshehur skenar tjetër. Mos harroni se pak ditë më parë u përballëm me një sulm serioz kibernetik. Të gjitha ngjarjet i shohim të lidhura me njëra-tjetrën. Nuk na rezulton që këta shtetas, të kenë aplikuar dhe marrë leje apo herën e kaluar për të hyrë në uzinë”, tha Peleshi./albeu.com/

The post Trondit Niko Peleshi: Ngjarja me rusët në Gramsh mund të lidhet me sulmin kibernetik appeared first on Albeu.com.

Komentet Çuçi i bëri teksa ishte në një konferencë të përbashkët me Ministrin e Mbrojtjes Niko Peleshi, ku po flisnin mbi ngjarjen në uzinën e Gramshit, ku dy shtetas rusë e një ukrainas tentuan të hyjnë me forcë në ambientet e brendshme.

Çuçi ndër të tjera tha se të huajt kanë fotografuar objekte të deklasifikuara, por sipas tij, masat nisin vetëm në momentin që shkelet ligji.

“Të gjitha këto objekte të fotografuara janë të deklasifikuara. Në momentin që ai shkel një nen të Kodit Penal, ai do të fillojë procedimin ndaj tyre. Minimalisht ai ka bërë një agresion ndaj një personi me uniformë. Kjo është shkak ë të detyron hetimin e thelluar.

Nuk mund t’u vëmë agjent nga pas çdo turisti. Nuk është ky rasti. Shteti vepron në varësi të reagimeve të çdo turisti, qoftë ky me pasaportë ruse”, tha ai./albeu.com/

The post Ngjarja me rusët në Gramsh, Çuçi: S’mund t’u vëmë agjentë nga pas çdo turisti appeared first on Albeu.com.

Media britanike Express.co.uk i ka kushtuar një shkrim kësaj ngjarjeje, ku mbetën të plagosur dy ushtarët shqiptarë.

“Putini u poshtërua, pasi spiunët rusë u kapën në flagrancë duke u përpjekur të hynin në fabrikën e armëve”, shkruan Express.

“Tre spiunë rusë u kapën në flagrancë duke u përpjekur të hynin në një fabrikë armësh shqiptare. Putini u poshtërua pasi spiunët rusë u kapën në flagrancë duke u përpjekur të hynin në fabrikën e armëve.

Vladimir Putin ka pësuar poshtërim të mëtejshëm pasi tre spiunë rusë u kapën në flagrancë duke u përpjekur të hynin në një fabrikë armësh shqiptare. Ngjarja ka ndodhur në qytetin e Gramshit, ku ndodhet një bazë ushtarake me një fabrikë armësh. Fabrika e Gramshit përdoret për të çmontuar armët e vjetra, sipas Ministrisë së Mbrojtjes së Shqipërisë. Dy rusë dhe një ukrainas u kapën nga personeli i sigurisë teksa po tentonin të hynin në ambiente. Një nga të personat, dyshohet se sulmoi rojet me një sprej paralizues, ndërsa përpiqej të bënte fotografi. Dy nga efektivët e sigurisë u plagosën nga sulmi dhe u dërguan në spital, ku gjendja e tyre cilësohet si e qëndrueshme.

Dy  spiunët rusë, janë arritur të identifikohen dhe janë 33-vjeçarja Svetlana Timofeeva, ndërsa një nga burrat ishte njëzet e tre vjeçari Mikhail Zorin . Timofeeva dihet se udhëton nëpër botë dhe bën fotografi të “objekteve të çuditshme”, siç janë avionët e vjetër”, thuhet në artikullin e medias britanike.

The post “Putini u poshtërua”, media britanike: Spiunët rusë u kapën pasi tentuan të hynin në një fabrikë armësh në Shqipëri appeared first on Albeu.com.

Sipas burimeve, bëhet me dije se një nga shërbimet inteligjente të huaja partnere të vendit tonë, pas ngjarjes së Gramshit i ka dhënë informacione autoriteteve shqiptare se shtetasja ruse Svetlana Timofeeva që u arrestua në Gramsh dyshohet të jetë e përfshirë në një rrjet spiunazhi rus.

Gjithashtu mësohet se këto shërbime kanë informacione sekrete se kjo shtetase ka lidhje me persona që janë pjesë e shërbimeve sekrete ruse.

Ndërkohe bëhet me dije se shtetasit rusë dhe ukrainasi që u kapën në Gramsh, do të hetohen për spiunazh dhe lidhje me shërbime të huaja sekrete./albeu.com/

The post U arrestua pas sulmit në Gramsh, Svetlana Timofeeva dyshohet e përfshirë në rrjet spiunazhi rus appeared first on Albeu.com.

Gjatë bisedës me Peleshin, një nga ushtarët pohoi se pas ngjarjes kishte humbur shikimin për pak kohë.

“Edhe nga fytyra kishim djegie. Shikimi për momentin na iku. Për momentin po. E kapëm të dy dhe e po mbanim poshtë, derisa njoftuam patrullat”, tha ai.

Kujtojmë se dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe ukrainasi Fjodor Mihajlov janë arrestuar mbrëmjen e së shtunës pas një incidenti në uzinën ushtarake në Gramsh.

I riu rus sulmoi me spray neuro-paralizues dy ushtarët shqiptarë që ndodheshin në uzinë, teksa ata përpiqeshin ta neutralizonin atë. Ka dyshime se ata janë pjesë e një celule të spiunazhit rus.

The post Flet ushtari i sulmuar në Gramsh: Si e kapëm rusin që na hodhi spray appeared first on Albeu.com.