Në 20 gusht, Konomi u arrestua nga policia pasi u kap duke u futur në Shqipëri në mënyrë të paligjshme, nga kufiri i gjelbër në PKK Kakavijë ndërkohë që drejtonte një motomjet tip “Kawasaki”.

I vëllai i viktimës, Adi Konomi pretendon se policët e kanë rrahur Thomain dhe më pas është shoqëruar në komisariat, në gjendje të rëndë.

Ai tha se vëllai është mbajtur për 5 ditë në komisariat në gjendje të rëndë dhe nuk i është dhënë ndihma e nevojshme. Vëllai i tij ka thënë se sipas autopsisë ai ka ndërruar jete per shkak te goditjeve te marra dhe çarjes se zorrëve.

“Dua që të zbardhet ngjarja dhe ata që kanë bërë këtë krim të dalin para drejtësisë. Vëllain në momentin që e kanë kapur këtu e kanë qëlluar mbas shpine dhe ka rënë më gjithë motor. Lerë se ca thonë që është hedhur me motor. Ata e kanë dhunuar.

Pse e kanë dhunuar në këtë mënyrë kaq të tmershm? Unë kam letrën që e kanë dënuar me 100 euro gjobë. E rrahën e gjakosën, pse nuk e çuan në spital vëllain tim ta shpëtonin. E mbajtën 5 ditë në komisariat, doktori i ka bërë gjilpëra, e kanë hedhur si kafshë në fshat. Vëllai im po jepte shpirt. Nuk ishte në gjendje të fliste.

5 netë në komisariat? Po 5 netë, e kishin dëmtuar shumë keq, pastaj e çuan në spital. Vëllai im vdiq nga çarja e zorrës dhe shumë goditje. Doktoresha më tha se ka vdekur, e kanë dhunuar, e ka dhunuar policia greke.

Një fshatar e ka çuar rastësisht, kur e ka marr fshatari ka qenë me të vjella, kishte dhimnbje, çdo gjë ishte e vonuar”, u shpreh ai për Fax News.

Thoma Konomi ishte vëllai i “të fortit” të Tiranës, Franc Konomi, i vrarë më 8 Korrik 2010.

The post Vdekja e mistershme e vëllait të Franc Konomit: E rrahën keq, vdiq nga çarja e zorrëve dhe goditjet, e hodhën si kafshë në fshat appeared first on Albeu.com.