“Ma mori Zoti, ishim dorë për dorë, pse e mori atë e s’më mori mua…. Vetëm se duhet të kisha vdekur unë dhe jo Jonada’, janë këto fjalët që babai ka thënë mes lotësh.

“Unë e ngushëllova Bledarin, babin e Jonadës.

Familja Avdia i ka hapur dyert dhe pret ngushëllime për humbjen tragjike që pësuan dje nga arroganca dhe papërgjegjshmëria e shtetit që vret fëmijë.

Jonada me sy të kaltër e cila dje po pllaquritej në Jon dorë për dorë me babi Bledarin është mbyllur në arkmort , mbi të derdhen përrenj lotësh që krijojnë detin e dhimbjes nga mami, gjyshja dhe dhjetra gra e vajza veshur me të zeza që lëvizin si magmë e zezë në oborrin e shtëpisë ku jeton gjyshi i saj.

Pak metra me tej në një kafe presin burrat. Aty s’ka gjamë, as vaj, veç sy të mbytur nga lotët dhe gulshe dhimbje. Shumë pak fjalë: Zoti ju forcoftë, Zoti ju dhashtë forcë dhe durim, shtrëngoni burra, Zoti e pastë marrë afër vetës e të tjera fjalë ngushëlluese të kësaj natyre.

Dhe përgjigjet e rëmta nga familjarët që presin në këmbë: Ju lumshin kambët, faleminderit që keni ardhë, në gëzime jua kthefshim…

Bledari i jati i Jonadës, mundohet të përmbahet, të bëj burrin e fortë të malsisë, por nuk e lejon dhimbja që i pëlcet në shpirt: Ma mori Zoti, ishim dorë për dorë, pse e mori atë e s’më mori mua.

Ta mori krimineli me uniformë, por s’ke ça me ba duhet me ba durim-ja kthej unë.

Ehhh- ofshan- Ja la Zotit, vetëm se duhet të kisha vdekur unë dhe jo Jonada- thotë mes lotësh Bledari që erdhi për të parë prindërit, të afërmit dhe për të pushuar në bregun e detit Jon, ku la shpirtin e tij.

E piva shpejt e shpejt atë kafe helm dhe ika i helmuar thellë në shpirt nga kjo tragjedi familjare, por jo vetëm.

Ajo është tragjedia e çdo familje, ajo është tragjedia jonë kombëtare që duhet ta ndalim me çdo formë, me çdo mjet.”

Vogëlushja vdiq pasditen e djeshme në mënyrë tragjike në plazhin e Potamit.  Ajo u përplas nga skafi që drejtohej nga Arjan Tase dhe humbi jetën në vendin e ngjarjes pa mundur të transportohej në spital.

The post “Dhimbja nuk e lejon të jetë i fortë”, pedagogu zbulon bisedën me babain e 7-vjeçares: Zoti ma mori, ishim dorë për dore appeared first on Albeu.com.

Përmes një postimi në Instastory, ajo thotë se ndihet e pikëlluar sikur ta njihte. Sipas Amit, bregdeti është një kaos dhe jemi për të ardhur keq.

“Dhimbje e madhe për rastin fatal sot. Ndihem e pikëlluar sikur ta njihja…, dhe më shumë! Kaos përsëri bregdeti ynë, sa gjynah jemi!!!

Zoti u dhënë forcë prindërve!”, ka shkruar moderatorja./

The post Tragjedia në Himarë, reagon Ami: Ndihem e pikëlluar sikur ta njihja appeared first on Albeu.com.

Keta ishte fare pranë vendit të ngjarjes së rëndë dhe thotë se trupin e vogëlushes nga deti e ka nxjerrë një turist holandez që punonte te ndihma e shpejtë.

Ajo shtoi sesi nëna e vajzës nuk largohej nga vendi i ngjarjes nga frika se mos ajo manipulohej për të lehtësuar pozitat e shefit të policisë.

Më poshtë reagimi i plotë i gazetares Keta:

Vetëm pak metra larg fëmijëve të mi që po laheshin ne det, një 5-vjecare e bukur, me kacurrela te arta, u masakrua nga një skaf…Per te kuptuar se sa dramatike ishte ngjarja mjafton tu them se asnje prej dhjetra pushuesve nuk guxonte të futej në det e të nxirrte trupin e vogushes së pafat, vetëm një hollandez qe punonte tek ndihma e shpejte pati kurajon te mblidhte trupin e vogelushes….

Familja me origjinë nga Tropoja por që jetonte në Kanada, vetëm dje pasdite kish mbërritur ne Potam per te kaluar pushimet që u kthyen në tragjedi. Kush e ka fajin?

Nê vendin ku ndodhi ngjarja kishte kordon sigurie per mjetet e lundrimit, por te gjithe ne kemi nevoje te dime a jane me licencë këto kordone? Nese po, a jane ato konform ligjit? Qe do te thote te jene te taposura, te jete i lire kordoni dhe te mos vendosen cadra ne vendin qe i korespondon kordonit, te kete njerez qe ndihmojne dhe udhezojne mjetet qe dalin ne breg, por edhe qe nuk i lejojne pushuesit te lahen brenda tij..

Nese nuk i plotesojne keto kushte atehere, ata qe e kane per detyre ta monitorojne duhet te mbajne pergjegjesi.

Duke pare se sa shume kordone te tilla ka pergjate vijes bregdetare duhet te marre fund mania qe cdo lokal te kete dalje ne det…

Do ta kem të vështirë të shkul nga mendja fytyrën e së ëmës se vogelushes, teksa nje kordon i gjate pushuesish shkoi te ngushellonte. E vetmja gje qe mund te benin ishte ti jepnim nje perqafim e ajo mu drejtua, kur pa femijet e mi: “Shijoni njeri -tjetrin.

Mos lejoni hallet t’ ju mbysin. Une e humba pergjithmone vogelushen time”. E mbytur ne lot dhe mes asaj dhimbje ajo grua kishte force te na thoshte nje fjale te mire, ndersa ne nuk ia mbrojtem dot vogelushen e saj. Edhe pas 4 oresh nga ngjarja ajo vazhdon e qendron ende ne skenen e krimit, nga frika se mos e manipulojne ngjarjen…

The post Pa gjithçka në Himarë, gazetarja: Askush nuk guxonte të hynte në det të nxirrte trupin e vajzës appeared first on Albeu.com.

“Gjithashtu, Drejtori i Përgjithshëm i Policisë së Shtetit Gledis Nano ka pezulluar nga detyra, deri në zbardhjen e plotë të rrethanave të ngjarjes, Drejtorin e Drejtorisë Vendore për Kufirin dhe Migracionin Vlorë, Kryekomisar Shpëtim Hasanaliaj,”-shkruhet ndër të tjera në njoftimin e Policisë.

Reagimi:

Reagim i Drejtorit të Përgjithshëm të Policisë së Shtetit, në lidhje me ngjarjen e ndodhur mesditën e sotme, në Potam, Himarë, ku humbi jetën një fëmijë 7 vjeç, si pasojë e goditjes nga një mjet lundrues që drejtohej nga një oficer policie.

Drejtori i Përgjithshëm i Policisë së Shtetit Gledis Nano i shpreh ngushëllimet e sinqerta familjes Avdia, për humbjen e jetës së vajzës së tyre 7-vjeçare, e cila u godit nga një mjet lundrues. Për Policinë e Shtetit keqardhja dhe përgjegjësia për këtë ngjarje është e dyfishtë, përveç se në nivel institucional, ashtu edhe në atë njerëzor, si prindër, si familjarë dhe si bashkëqytetarë të këtij vendi.

Ndërkohë, Drejtor Nano ka përjashtuar nga radhët e Policisë së Shtetit oficerin e Policisë Komisar Arjan Tase, me detyrë Shef Seksioni i Policimit në Komunitet në Komisariatin e Policisë Elbasan, i cili është arrestuar menjëherë pasi ka ndodhur ngjarja.

Oficeri i Policisë ndodhej me pushime në Himarë dhe duke drejtuar një mjet lundrues skaf, dyshohet se ka humbur kontrollin mbi drejtimin e mjetit dhe për pasojë mjeti lundrues ka goditur vajzën 7-vjeçare të familjes Avdia, e cila për shkak të plagëve të marra ndërroi jetë në vendngjarje.

Gjithashtu, Drejtori i Përgjithshëm i Policisë së Shtetit Gledis Nano ka pezulluar nga detyra, deri në zbardhjen e plotë të rrethanave të ngjarjes, Drejtorin e Drejtorisë Vendore për Kufirin dhe Migracionin Vlorë, Kryekomisar Shpëtim Hasanaliaj.

Njëkohësisht, Drejtor Nano ka urdhëruar Drejtorinë e Standardeve Profesionale, Departamentin për Kufirin dhe Migracionin dhe Departamentin për Rendin dhe Sigurinë Publike, për ngritjen e një grupi të posaçëm, për të verifikuar zbatimin e porosive të dhëna së fundi nga Drejtori i Përgjithshëm i Policisë së Shtetit, për shtimin e masave të sigurisë në zonat bregdetare.

Drejtori i Përgjithshëm i Policisë së Shtetit shpreh mbështetje dhe inkurajon grupin hetimor të Agjencisë së Mbikëqyrjes Policore, i cili nën drejtimin e Prokurorisë pranë Gjykatës së Rrethit Gjyqësor Vlorë, vijon punën për zbardhjen e plotë të rrethanave të kësaj ngjarjeje.

Vijon…

The post Ngjarja e rëndë në Himarë, reagon Gledis Nano: Përjashtohet nga Policia e Shtetit autori appeared first on Albeu.com.

Fëmija i moshës 5-vjeç, lindur dhe rritur në Angli u përplas për vdekje nga një skaf që drejtohej nga Arjan Taso, Komisar në Elbasan.

Taso pas arrestimit është shprehur se skafi kishte paraqitur një problem teknik ndaj edhe kishte humbur kontrollin, mirëpo dëshmitarët akularë thanë se skafi po kryente manovra të rrezikshme gjatë gjithë kohës.

Mësohet se familja Avdia jeton prej vitesh në Angli, ndërsa është me origjinë nga Tropoja. /albeu.com

The post Fëmija u përplas dhe ndërroi jetë para syve të prindërve, familja nga Tropoja kishte ardhur nga Anglia për pushime në Shqipëri (VIDEO) appeared first on Albeu.com.

Albeu.com ka siguruar pamjet pak momente pas ngjarjes.

Mësohet se Tase po kryente manovra të rrezikshme me gomonen e cila kishte dy motorë të fuqishëm dhe më pas humbi kontrollin duke shkaktuar një tragjedi.

Autori i cilë është një ish-shef i komisaritatit në Himarë, ndërsa tani mban detyrën e Komisarit në Elbasan është arrestuar nga policia, ku ka dëshmuar se skafi ka paraqitur probleme teknike./albeu.com

The post Ngjarja e rëndë në Himarë, dalin pamjet pak sekonda pasi skafi përplasi për vdekje fëmijën 5-vjeçar (VIDEO) appeared first on Albeu.com.

Gomonia me dy motorë të fuqishëm është parë duke kryer manovra të rrezikshme, ndërsa më pas ka goditur edhe fëmijën.

Për shkak të plagëve të rëndë, fëmija ka ndërruar jetë, ndërsa drejtuesi i mjetit është arrestuar. Në dëshminë e tij ai është shprehur se skafi ka pasur një problem teknik./albeu.com

The post Skafi përplasi për vdekje fëmijën 5 vjeç para syve të prindërve, zbardhet dëshmia e drejtuesit appeared first on Albeu.com.

Asokohe, prokurori i çështjes Maksim Sota, (i arrestuar për korrupsion nga SPAK-u në korrik 2021 në kuadër të operacionit “Shpirti”, pretendoi se Tase në detyrën e shefit te Komisariatit të Himarës dhe shefin e krimeve Artur Veshaj me anë të veprimeve dhe mosveprimeve kishin lejuar kultivimin e lëndëve narkotike në territorin që administronin.

Në vendimin përfundimtar në ngarkim të tij, Gjykata e Vlorës çmoi se nuk ekzistonin prova të mjaftueshme e lidhnin Tasen direkt apo indirekt ke trafikun apo kultivimin e lëndëve narkotike.

Arjan Tase kishte kërkuar me herët gjykim të shqyrtuar dhe gjykimi ndaj tij ka përfunduar veçmas 40 të dyshuarve të tjerë të ndaluar nga operacioni. Në pretencën e prokurorit Arjan Xhaferraj, theksohej ndër të tjera se nga përgjimet telefonike dhe ambientale nuk ka prova, të cilat të faktojnë shpërdorimin e detyrës.

Tase është një prej 6 efektiveve të Policisë të përfshirë në dosje. Ai aktualisht mban detyrën e shefit të SPZve në Elbasan, pasi Gjykata e Apelit në Vlorë vendosi rikthimin e tij në detyrë pak muaj më parë.

42 persona u arrestuan në operacionin e Policisë më 14 dhjetor 2020 ku nën akuzë ishin edhe katër efektive policie, mes tyre edhe Arjan tase.

Në janar 2021 për Arjan Tase dhe Artur Veshaj më këtë të fundit shef krimesh në Himarë, Gjykata e Apelit rrezoi masën detyrim paraqitje dhe rikthim ne detyrim, ndërsa tashme Tase ka fituar edhe pafajësinë.

Njoftim policie

“Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje. Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton policia.

Kjo nuk është hera e parë gjatë kësaj periudhe që ka pasur persona të plagosur si pasojë e mjeteve lundruese. Para pak ditsh në Jalë u aksidentua rëndë një çift dhe disa ditë më vonë, një 40-vjeçar duke drejtuar një mjet lundrues tip gomone dëmtoi një fëmijë 7-vjeçar që ishte duke notuar në afërsi të bregut.

vijon…/albeu.com

The post Përplasi për vdekje fëmijën, autori ish-shef i komisariatit të Himarës (EMRI) appeared first on Albeu.com.