Hernan Gil, u shpëtua pas një operacioni të gjatë dhe tepër të ndërlikuar, pasi ekipet e emergjencës kishin arritur ta lokalizonin nën rreth 140 tonë rrënoja.

Presidentja në detyrë e Venezuelës, Delcy Rodríguez, e vizitoi Gil në spital dhe e cilësoi atë si një “mrekulli të gjallë”, ndërsa publikoi edhe një video nga takimi në rrjetet sociale.

Sipas bilancit të fundit, të paktën 2.595 persona kanë humbur jetën nga tërmetet, ndërsa dhjetëra mijëra të tjerë rezultojnë ende të zhdukur.

Operacioni për nxjerrjen e Gil u përshkrua nga një zjarrfikës kilian si “ndër më kompleksët dhe teknikisht më të vështirët” me të cilët është përballur ndonjëherë.

Gjatë ditëve që qëndroi i bllokuar, ekipet e shpëtimit i siguruan ujë, i vendosën serum intravenoz dhe i dërguan maskë mbrojtëse e syze për ta mbrojtur nga pluhuri, ndërsa punonin për ta nxjerrë.

Operacioni u vështirësua edhe më shumë, pasi disa nga tunelet e krijuara për të arritur te Gil u shembën disa herë, duke rrezikuar si jetën e tij, ashtu edhe të shpëtimtarëve.

Një anëtar i Kryqit të Kuq të Meksikës, Marco Antonio Franco, e përshkroi Gil si një njeri me humor të mirë, duke treguar se ai bisedonte vazhdimisht me ekipet e shpëtimit, pyeste për familjen dhe madje kërkonte pije hidratuese me shijet e tij të preferuara.

The post Mrekulli në Venezuelë, burri nxirret i gjallë nga rrënojat 8 ditë pas tërmetit appeared first on Albeu.com.

Fëmija, i quajtur Moises, u gjet i bllokuar nën rrënoja dhe u shpëtua pas një operacioni të gjatë të ekipeve të kërkim-shpëtimit.

Në videon e publikuar nga presidentja e përkohshme e Venezuelës, Delsy Rodríguez, shihen shpëtimtarët duke transportuar 11-vjeçarin me barelë, pasi ai kishte kaluar më shumë se 70 orë nën rrënoja.

“Pak minuta më parë, një djalë 11-vjeçar u shpëtua në Karabageda. Në këto momente, çdo jetë e shpëtuar është një burim shprese për Venezuelën”, shkroi Rodríguez në një postim në platformën X, duke e shoqëruar mesazhin me pamjet e operacionit të shpëtimit.

Në operacion morën pjesë, ndër të tjerë, anëtarë të ekipit të specializuar USAR Colombia 1, si edhe zjarrfikës nga Bogota, të cilët ndodhen në Venezuelë për të ndihmuar në operacionet e kërkimit dhe shpëtimit.

Ndërkohë, operacionet e kërkimit dhe shpëtimit vijojnë pa ndërprerje në zonat e prekura nga tërmetet, ndërsa autoritetet shpresojnë se, pavarësisht kalimit të ditëve, ende mund të gjenden të mbijetuar nën rrënoja.

Buenas noticias en medio de esta tragedia.

Varios uniformados de @BomberosBogota participaron, junto al resto del equipo USAR Colombia 1, en el rescate de Moisés, un niño de 11 años que estaba atrapado entre los escombros y fue encontrado con vida.

Tengo fe en que el equipo… pic.twitter.com/kBTBp7nlov

— Carlos F. Galán (@CarlosFGalan) June 27, 2026

Sipas bilancit më të fundit zyrtar, të paktën 1.430 persona kanë humbur jetën, ndërsa 3.238 të tjerë janë plagosur nga dy tërmetet e fuqishme me magnitudë 7.2 dhe 7.5, që goditën Venezuelën me vetëm pak sekonda diferencë të mërkurën.

Autoritetet druhen se numri i viktimave do të rritet ndjeshëm, pasi më shumë se 50 mijë persona rezultojnë ende të zhdukur.

Dëmet e shkaktuara nga dy tërmetet vlerësohen në rreth 7 miliardë dollarë, një shumë që përfaqëson afërsisht 6% të Prodhimit të Brendshëm Bruto (PBB) të Venezuelës, sipas vlerësimit të publikuar nga Programi i Kombeve të Bashkuara për Zhvillim (UNDP).

Vlerësimi paraprak i UNDP-së, i kryer në orët e para pas katastrofës, bazohet kryesisht në imazhe satelitore dhe të dhëna demografike.

Megjithatë, organizata sqaron se kjo përllogaritje nuk përfshin dëmet në infrastrukturë, pasojat e plota ekonomike apo koston afatgjatë të rindërtimit, duke theksuar se ndikimi real i katastrofës mund të jetë deri në tre herë më i madh.

The post Mrekulli pas tërmetit në Venezuelë,11-vjeçari nxirret i gjallë nga rrënojat pas 3 ditësh appeared first on Albeu.com.

Ekipet e shpëtimit arritën të kontaktojnë burrin dhe t’i japin ujë, pasi dëgjuan dikë brenda rrënojave.

Kryeministri i Kepit Perëndimor, Alan Winde, tha se shpëtimi i së shtunës ishte “mrekullia” që ata kishin shpresuar.

Blloku i apartamenteve i ndërtuar pjesërisht u shemb të hënën, duke vrarë të paktën 14 persona dhe duke lënë 39 të pagjetur.

81 vetë ishin në kantierin e ndërtimit kur ndërtesa u rrëzua, thuhet në njoftimin e fundit.

Trembëdhjetë nga ata që u shpëtuan po trajtohen në spital. Kanali i Afrikës së Jugut News24 raportoi se njeriu i shpëtuar ishte Gabriel Gambe, 33-vjeç, i cili u pa duke u transportuar në një ambulancë në pritje.

Duke folur nga vendi i ndërtesës së shembur, Winde shprehu mirënjohjen e tij për ekipet që punojnë “pa u lodhur” për të shpëtuar ata që janë bllokuar.

“Ne kurrë nuk e humbëm shpresën dhe sot nuk mund ta shpreh shkallën e lehtësimit dhe gëzimit tim. Faleminderit të gjitha skuadrave – ju jeni heronj të vërtetë.” Colin Deiner, kreu i menaxhimit të katastrofave të provincës“, tha se Gambe u tha atyre përpara se të lirohej se kishte një “peshë” në këmbët e tij.

Shpëtimi i së shtunës vjen pas lirimit të 29-vjeçarit Delvin Safels të mërkurën, i cili tërhoqi vëmendjen e publikut pasi u dërgoi nota zërash pikëlluese prindërve dhe të dashurës së tij, duke u thënë atyre se sa shumë i donte dhe duke shprehur frikën se nuk do të dilte i gjallë.

The post Ndodh mrekullia/ Punëtori nxirret pas pesë ditësh nga rrënojat e pallatit të shembur appeared first on Albeu.com.