Ai tha se largimi ishte një zgjedhje personale, e lidhur me dëshirën për t’i kushtuar më shumë kohë projekteve të tij.

“Unë mora një vendim që nuk kishte të bënte fare me situatën që po ndodh në Shqipëri. Ishte diçka që lidhej me një zgjedhje timen dhe me dëshirën për t’u fokusuar te projektet e mia”, u shpreh Zebervoki.

Ai tregoi se pas njoftimit për largimin e tij, në media u publikuan tituj ku cilësohej si “hero i popullit”, por tha se nuk ndihej mirë me këtë perceptim.

“Pasi bëra statusin, më kishin dedikuar tituj, ‘heroi i popullit’ e të tjera. Kjo nuk më pëlqeu, sepse isha i qartë në statusin tim se pse e mora atë vendim”, deklaroi ai.

Zebervoki theksoi se arsyeja e vërtetë e largimit do të mbetet private dhe se në të ardhmen dëshiron të fokusohet te projektet artistike.

“Vendimin tim publiku nuk do ta marrë vesh, dua ta mbaj për vete. Nga unë në vazhdim do të bëj publike vetëm projektet artistike, nuk dua të bëhem pjesë e titujve të tillë”, tha ai.

Ai shtoi se nuk e ka ndjerë veten pjesë të kauzave apo interpretimeve që iu dhanë largimit të tij nga policia.

The post Zebervoki sqaron largimin nga Policia e Shtetit: Më quajtën hero i popullit, por nuk ishte e vërtetë… appeared first on Albeu.com.

Në story-n e tij në Instagram, Dervishi shprehet mjaft kritik ndaj klimës së krijuar në opinionin publik ndaj uniformave blu. Ai denoncon atë që e quan një ‘fushatë’ të padrejtë ndaj policëve, duke theksuar se efektivët shpesh etiketohen kolektivisht si kriminalë apo dhunues, pavarësisht situatës reale në terren.

Ky vendim vjen vetëm një ditë pas protestave të zhvilluara pranë zonës së Parlamentit, ku u shënuan përplasje të forta mes protestuesve dhe forcave të rendit.

Reagimi i plotë:

“Ne jemi ‘POLICIA QË NUK DUAM’, dhe për këtë arsye, nga e hëna unë dorëzoj kërkesën për dorëheqje nga puna.

Jo sepse janë policët e këqinj, jo se nuk e dua më punën time, por thjesht sepse nuk dua të jap më asnjë lloj kontributi për asgjë.

Policat gjithmonë kriminalë, policat gjithmonë dhunues, policat patronazhistë – çfarëdo epiteti që na keni vendosur. Media kundër, populli kundër, e në fakt ne që jemi viktima po na nxirrni si autorë. Unë nuk e kapërdij dot këtë lloj fushate ku në çdo gjë fajin e ka POLICIA.

Unë shpirtin e drejtë nuk ia kam shitur dhe, përtej çdo të mire tjetër që më ka mundësuar Zoti, prapë zgjedh të jem efektiv i një policie, por ama këtë pasion po e ‘braktis’, i nxitur nga mllefi dhe urrejtja që keni ju si popull për policat dhe nga përgjithësimi që bëni duke i konsideruar të gjithë policat njësoj.

Po mos harroni një gjë: ‘Çka nuk e sheh syri i kamerës, e sheh Zoti lart'”, shkruan ai.

The post Zebërvoki braktis uniformën e Policisë së Shtetit: Nuk e kapërdij dot këtë fushatë, policia që nuk duam, të hënën unë dorëzoj kërkesën për dorëheqje appeared first on Albeu.com.