U bë me dije se konflikti ka qenë për motive pronësie. Lidhur me ngjarjen janë marrë dëshmitë e të gjithë pjesëtarëve të familjes Gjoni, të cilët kanë treguar rreth ngjarjes që ndodhi në banesën e 74-vjeçarit.

Ata jetonin në një banesë tre katëshe private në zonën e Kodrës së Priftit, ku babai i tre djemve dhe dy vajzave, Hekuran Gjoni pasi i kishte martuar të gjithë fëmijët, e kishte ndarë shtëpinë duke ia dhënë me akt dhurimi çdo kat secilit prej tre djemve të tij.

Katin e parë ia kishte dhuruar djalit të tij Asimit dhe dy katet më lart dy djemve të tjerë, por kati i parë ishte i ndarë në dy hyrje, në një jetonte Asimi me gruan dhe dy fëmijët e tij dhe në gjysmën tjetër babai dhe nëna e tij, pjesë të cilën do ta trashëgonte Asimi.

Por prej një muaji me prindërit jetonte edhe vajza e vogël e Hekuranit, e cila ishte divorcuar disa herë dhe kishte shkuar të jetonte me prindërit në gjysmën e banesës së katit të parë dhe i kishte kërkuar disa herë babait të saj Hekuranit që t’i jepte asaj gjysmën e katit të parë.

Sinjalet e para të sherrit në familje kishin nisur tre ditë para ngjarjes së rëndë, ku 74-vjeçari kishte nisur t’i kërkonte letrat e shtëpisë djemve të tij, ku fillimisht Asimi nuk kishte pranuar t’i jepte.

Sa i përket dinamikës së krimit ditën e ngjarjes, në banesë kanë qenë 4 persona, autori Hekurani, nëna e Asimit, motra e tij dhe viktima.

Ndërsa gruaja e Asimit dhe dy fëmijët e tij nuk kanë qenë në banesë ditën e ngjarjes. Asimi sapo ishte kthyer nga puna pasi punonte në ndërtim dhe kishte shkuar te prindërit, për t’i përshëndetur dhe aty ka gjetur dy prindërit dhe motrën e tij duke ngrënë bukë.

Më pas, është hapur sërish debati për pronën dhe gjysmën e pjesës së shtëpisë që e kërkonte motra. Pasi janë konfliktuar verbalisht dhe më pas fizikisht, 74-vjeçari Hekuran Gjoni, ka marrë thikën e bukës duke vrarë djalin e tij.

Fillimisht u tha që autori dhe viktima ishin të dehur në bazë të dëshmisë së motrës së viktimës e cila nuk ka treguar të vërtetën dhe ka tentuar të fshehë shkakun e ngjarjes, por rezultoi që viktima nuk ka qenë i dehur dhe nuk konsumonte alkool dhe ishte një njeri i qetë dhe punëtor që mbante familjen më punën në ndërtim.

Ndërsa, sa i përket autorit të krimit, në bazë të dëshmive të familjarëve dhe të afërmve Hekuran Gjoni, ishte përdorues i alkoolit dhe bëhej i dhunshëm me familjarët sa herë ai konsumonte alkool.

Ndërsa motra e vogël e Asimit e cila kërkonte edhe pjesë shtëpie ditën e ngjarjes ka mbetur e lënduar, ku ka marrë edhe mjekim në spital, e më pas është larguar dhe nuk është kthyer më as në banesë, madje nuk ka shkuar as në varrimin e vëllait të saj.

The post Vrasja e 41-vjeçarit nga babai, shkak konflikti për pronësinë/ Çfarë ndodhi në familjen Gjoni? appeared first on Albeu.com.

“Babai i tij u përpoq të më qëllonte dhe të më vriste, por djali im u qëllua në vendin tim”, shkroi Edwards në një faqe GoFundMe .

“Amiri u përpoq të nxirrte armën nga dora e babait të tij. Unë bërtita që ai të largohej dhe të shkonte te fqinjët, ai refuzoi dhe tha “mami, nuk të lë këtu.”

Babai qëlloi veten në kokë pasi qëlloi aksidentalisht Amirin, sipas Edwards.

Edëards i tha CBS News se është një dhimbje e padurueshme”.

“Është thjesht e paimagjinueshme, një 8-vjeçar që përpiqet t’i nxjerrë armën nga dora e një burri të rritur,” tha ajo.

Amir dhe babai i tij Danair Harden, i cili është ish-partneri i Edwards, u dërguan me urgjencë në Qendrën Mjekësore të Qarkut Hennepin pas të shtënave të 5 qershorit. Amir vdiq të shtunën.

“4 vëllezërit e motrat e tij ishin dëshmitarë të kësaj ngjarje tragjike”, shkroi Edwards. “Fëmijët e mi janë të traumatizuar dhe ndoshta do të kenë nevojë për terapi për pjesën tjetër të jetës së tyre”.

Danair mbetet i shtruar në spital në gjendje kritike. Incidenti është nën hetim nga policia dhe një zëdhënës i qytetit tha se babai do të akuzohet penalisht nëse mbijeton.

Danair kishte sulmuar Edwards, disa ditë përpara të shtënave dhe një gjykatë kishte paralajmëruar vetëm disa orë përpara se ai të lirohej me kusht me kusht prej 4,000 dollarësh se ai përbënte “një kërcënim të menjëhershëm” për familjen e tij, sipas Daily Mail.

Megjithatë, ai mundi të kthehej në shtëpinë e tyre.

“Është një makth nga i cili nuk mund të zgjohesh”, tha gjyshi i Amirit, Deon Edwards, për CBS News.

Edwards tha se ish-partneri i saj ka një histori abuzimi të dhunshëm dhe këshilloi gratë e tjera, që të largoheshin nga situata të ngjashme.

“Nuk ka rëndësi nëse ai ju ka goditur 10 vjet më parë, ai duhet të largohet”, tha ajo. Herën tjetër do të ishte jeta jote ose jeta e fëmijës tënd.

Llogaria GoFundMe, për shpenzimet dhe faturat e lëvizjes së Edwards kishte mbledhur më shumë se 9,500 dollarë që nga mbrëmja e së mërkurës.

The post E rëndë/ 8-vjeçari qëllohet për vdekje nga babai i tij teksa përpiqej të mbronte të ëmën appeared first on Albeu.com.