Rrumbullaku thotë se kryeministri Rama, nuk është përfshirë në disa takime të nivelit të lartë me përfaqësues të Bashkimit Evropian dhe liderë të vendeve të Ballkanit Perëndimor.

“Rama nuk pranohet në takimet e nivelit të lartë. Në shtatë ditë përjetoi bllokun më të fortë diplomatik”, shkruan Rrumbullaku në rrjetet sociale.

Ai ka komentuar edhe një fotografi nga një takim në Nju Jork, ku shfaqen liderë të tjerë të rajonit, duke thënë se kryeministri shqiptar nuk ishte pjesë e takimit, pasi ka përjetuar bllokadën më të rëndë.

“Ramiu në 7 ditë në New York ka përjetuar bllokun më të fortë diplomatik që mund t’i jetë rezervuar vetëm Gadafit qëmoti. Shtatë ditë përpjekje për takime me presidentë, kryeministra, apo senatorë amerikanë, asnjë rezultat. Organizoi vetëm tre takime me shoqatat e Tuzit dhe Ulqinit, ku njerëzit hynin me lista. Presioni është masiv. SPAK vetëm ka gërvishtur pak disa dosje. Çfarë pritet janë dosje edhe më skandaloze”, shkruan Rrumbullaku duke theksuar se “Dorëheqja është zgjidhja më logjike”.

The post Ish-zv.ministri i Arsimit Oltion Rrumbullaku: Dorëheqja e Ramës është zgjidhja logjike, kryeministri nuk pranohet në takimet e nivelit të lartë në New Jork appeared first on Albeu.com.