Sipas mediave italiane, autori i krimit, marangozi 32-vjeçar nga Carrara, dy muaj më parë ka tentuar sërish të arratiset nga burgu, por është kapur pas 30 minutash në një stacion treni.

Daniele Bedini kishte tentuar njëherë të arratisej nga burgu i La Spezia-s dhe për këtë arsye ishte transferuar në Cuneo.

Ai vazhdon të thotë se është i pafajshëm, por miku i tij para hetuesve u shpreh se natën e krimit të dyfishtë, ata ishin takuar të dy. Bedini kishte vajtur në shtëpinë e mikut të tij dhe ishte i tronditur dhe rrobat i kishte me gjak.

Kujtojmë se shqiptarja Nevila Pjetri u gjet e pajetë jo shumë larg shtratit të përroit Parmignola, në një zonë periferike dhe të pabanuar të Komunës së Sarzanës. E ndjera u konstatua pa shenja jete pak pas orës 02:00 të natës së kaluar, teksa dyshohet se është vrarë nga Daniele Bedini, një 32-vjeçar italian.

The post Vdekja e shqiptares Nevila Pjetri dhe transgjinorit, vrasësi i tyre arratiset për herë të dytë nga burgu appeared first on Albeu.com.

Për të dyja krimet është arrestuar 32-vjeçari Daniele Bedini.

Ai mbetet në burg edhe për indikacionet e tjera të fajit që po dalin ndaj tij.

Ndërkohë mësohet se në shtëpinë e Bedinit, në Carrara, janë gjetur dokumentet e transeksualit bashkë me disa sende personale të viktimës.

Këtë e konfirmojnë burime hetimore dhe është vetë avokati i Bedinit, Rinaldo Reboa, i cili ka folur në një intervistë për Rai.

Lexo edhe: Të gjitha lajmet për vrasjen e Nevila Pjetrit
Vrasësi i dyshuar i 35-vjeçares me origjinë shqiptare Nevila Pjetri dhe i Carlo Bertolotti, transeksuales Camilla me banim në Albiano Magra, qëndron i paraburgosur në burgun Villa Andreino, në La Spezia, ku u bë marrja në pyetje pasditen e djeshme.

Ai nuk pranoi t’i përgjigjej pyetjeve.

Bedini akuzohet se ka vrarë Nevilën, 35 vjeç, dhe në të njëjtën natë Camillën, të dyja në të njëjtën mënyrë: të shtëna me armë zjarri në kokë.

Motivi dyshohet se është ai i grabitjes për të marrë para për të blerë drogë.

Vrasjet kanë ndodhur në një zonë mes Liguria dhe Toscana, në komunën Sarzana, në Marinella, zonë e njohur për prostitucion.

Hetimet e kryera nga karabinierët e La Spezia-s, vijojnë me shpejtësi në pritje të konfirmimit të inspektimit të Ris di Parma që u bë dje dhe ku u identifikuan gjurmë gjaku në automjetin e Bedinit.

Ndërkohë, mësohet se me mbërritjen e karabinierëve në shtëpinë e tij ditën e arrestimit ai tentoi të arratisej duke u hedhur nga tarraca në rrugë.

Më pas ai u bllokua nga dy policë. Arma e vrasjes, një pistoletë e kalibrit të vogël, nuk është gjetur ende. Babai i Bedinit kishte denoncuar zhdukjen e armës, të marrë nga një kasafortë që ishte thyer: burri e vuri re vjedhjen të shtunën e kaluar në mbrëmje. Pak orë më vonë ndodhi krimi i parë, ai i Nevila Pjetrit, e vrarë me një armë të kalibrit të vogël ashtu si ai që u zhduk nga kasaforta e babait të Bedinit.

Ndër pistat ndaj Bedinit është edhe dëshmia e një miku të tij të denoncuar në dokumentet e gjyqtarit.

“Më erdhi në mes të natës, këmisha e tij ishte e njollosur me gjak, po qante dhe kishte dokumentet e një gruaje”.

Shoku i Bedinit shtoi se dukej qartë që 32-vjeçari kishte bërë diçka serioze./abcneës.al/

The post Vrasja e Nevila Pjetrit në Itali, “zbërthehet” shoku i 32-vjeçarit italian: Erdhi me këmishën e gjakosur duke qarë appeared first on Albeu.com.

Dy dëshmitarët që panë një burrë të hidhte kufomën e prostitutës shqiptare në bregun e përroit Parmignola, natën mes së shtunës dhe të dielës, dëgjuan këto fjalë: “Të të bëhet mirë”, të thëna nga goja e autorit.

Prokuroria e Spezias ka arrestuar artizanin 32-vjeçar Daniele Bedini si i dyshuari kryesor për ngjarjen. Në bazë të provave që u mblodhën, kamionçina e bardhë në emër të zdrukthëtarisë së babait të Bedinit, që ishte larë pak para mbërritjes së policisë, u evidentua nga një kamera sigurie. Mes provave të siguruara janë edhe rrobat që autori i dyshuar kishte veshur atë natë, të cilat përkojnë me ato që kanë parë dëshmitarët, rapprton La Republica.

Një tjetër provë që kundra të riut janë dhe plagët e shkaktuara pas qafe dhe veshit të viktimës shqiptare, që përkojnë me pistoletën e kalibrit 22, e cila u zhduk nga shtëpia e babait të tij disa ditë më parë dhe ende nuk është gjetur.

Të njëjtat plagë, ndër të tjera, janë edhe në kufomën e transeksualit Carlo Bertolotti, të zbuluar 48 orë më vonë, në makinën e të cilit u gjetën edhe dy predha. Këto prova kanë bërë që hetuesit të mendojnë se është pikërisht ai autori i krimit, ndonëse Bedini ka dëshmuar se ndodhej me shokët natën kur është bërë krimi.

The post Bie alibia e autorit të dyshuar për vrasjen e shqiptares në Itali, provat që “fundosin” të riun appeared first on Albeu.com.

Alibia e autorit të dyshuar

Daniele Bedini ndodhet në burgun e La Spezia kur pret vlerësimin e masën e sigurisë, që pritet të mbahet nesër ose të premten. Mediat italiane shkruajnë se pasi takoi avokatin e tij, tha se natën e vrasjes ndodhej në një lokal me disa miq dhe me qenin e tij dhe se kishte qëndruar aty deri pas mesnatës (vrasja e Nevilës dyshohet të ketë ndodhur rreth orës 02:00 të natës). Për momentin hetuesit e akuzojnë Bedinin vetëm për vrasjen e Nevilës, jo për atë të Camilla-s, ndonëse hipotezat janë se mund të jenë të lidhura me njëra-tjetrën. Për avokatin e Bedinit nuk ka asnjë të dhënë që e lidh 32-vjeçarin me vrasjen e dytë.

Shqiptarja u vra me dy plumba pistolete në kokë, një në pjesën ballore, e një pas veshit të majtë. Sa i takon Camilla-s, rezultatet e autopsisë nuk kanë dalë ende. Dyshimet janë se edhe ajo ka vdekur në mënyrë të ngjashme, me plumba pistolete. Sa i takon orës së vrasjeve, dyshimet janë se Nevila dhe Camilla janë vrarë pak orë larg nga njëra-tjetra, ndonëse trupi i transit u gjet disa orë më vonë. Teksa mbetet ende e paqartë nëse 35-vjeçarja shqiptare u vra tek vendi ku u gjet apo diku tjetër, Camilla dyshohet se u vra në makinën e saj. Trupi i saj u gjet jo shumë larg automjetit, ndërsa brenda makinës u gjetën njolla gjaku dhe gëzhoja.

Hetimet, kërkohen telefonat e viktimave: Përveç gëzhojave që u gjetën në makinën Ford Fiesta të Camilla-s dhe njollave të gjakut, po hetohen edhe tabulatet telefonike. Celulari i Nevilës rezulton se ka qenë i ndezur pak para orës 02:00 (shumë pak kohë pas vdekjes), ndërsa ai i Camilla-s deri në mëngjes. Të dy telefonat janë zhdukur së bashku me disa sende personale dhe aktualisht po kërkohen nga autoritetet në zonën ku u gjetën dy trupat. Në analizë është edhe telefoni i Bedinit, për të verifikuar nëse ai mund të jetë ndodhur pranë zonës së vrasjeve.

Arma

Edhe arma e krimit vijon të mos gjendet. Mes detajeve që çuan në arrestimin e Daniele Bedinit ishte edhe fakti se një pistoletë, me gjasë gjysmëautomatike që mund të jetë e kalibrit 22, u zhduk nga shtëpia e babait të Bedinit. I ati e kishte denoncuar vjedhjen e armës, mëngjesin e së shtunës së 4 Qershorit.

Mbetet ende për t’u provuar lidhja e mundshme mes dy vdekjeve, të Camilla-s dhe Nevilës. Dëshmitarë të ndryshëm thonë se e panë Nevilën të hipte në një makinë të bardhë. Hetuesit kanë dyshime se Camilla mund ta ketë parë këtë skenë, ose mund ta ketë njohur personin që i jepte makinës. Ky mund të ketë qenë edhe shkaku që mund ta ketë çuar Bedinit të kryente një vrasje të dytë brenda pak orëve.

Daniele Bedini rezulton person me precedentë penalë për grabitje dhe disa vepra të tjera penale, vepra që duket se i kryente edhe për të siguruar kokainë. Dyshimet janë se ai e mori prostitutën shqiptare në makinë jo për shërbimin e saj, por për ta grabitur.

The post Dyshohet si autor i vrasjes së shqiptares në Itali, 32-vjeçari e mohon: Natën e ngjarjes kam qenë në lokal appeared first on Albeu.com.

Mediat italiane bëjnë me dije se 32-vjeçari është me precedent penalë në fushën e vjedhjes.

Ai është artizan nga Massa dhe jeton në zonën e Aullës.

Prej mëngjesit të djeshëm ai është hetuar zyrtarisht për vdekjen e Neliva Pjetrit, trupi i pajetë i së cilës u gjet në orët e para të mëngjesit të së dielës buzë përroit  Parmignola në Marinella di Sarzana.

Hetuesit e kanë gjurmuar nga kamerat e sigurisë.

Për momentin këto janë vetëm dyshim, shkruan La Reppublicaa.

Mbrojtja

Bedini u mor në pyetje për një kohë të gjatë në kazermën e Armës. Avokati i tij Rinaldo Reboa shpjegoi se klienti i tij e deklaroi veten “plotësisht të palidhur me faktet” dhe shtoi: “Elementi i vetëm që i shtyu hetuesit të ndalonin klientin tim është raporti i vjedhjes së armës në pronësi të Daniele Bedinit”.

Të dyshuarit

Por hetuesit mendojnë se ai mund të ketë vrarë edhe transeksualin, trupi i pajetë i të cilit u gjet dje, jo shumë larg vendit ku ishte trupi i Nevilës.

Sipas burimeve, dyshohet se 32-vjeçari ek a vrarë transeksualin pasi ky i fundit mund ta ketë parë duke ngarkuar trupin e pajetë të Nevilës në makinë.

Hetuesit thonë se kundër tij janë mbledhur prova shumë serioze.

Trupi i pajetë i Nevilës u gjet në natën mes të shtunës dhe të dielës së kaluar. Dje u gjet trupi i një transeksuali.

Quhej Carlo Bertolotti, ishte parukier, 43 vjeç dhe sipas informacioneve të para që vijnë nga hetuesit, do të ishte vrarë në mënyrë të ngjashme me ato të përdorura për të vrarë Nevilën, shqiptaren e gjetur të vdekur në bregun e përroi Parmigliola, rreth 3 km nga vendi ku u gjet trupi i Bertolottit. Sërish, por do ta vërtetojë autopsia, viktima është vrarë me pistoletë të kalibrit të vogël pasi është rrahur.

 Autopsia e Nevila Pjetrit

Vajza shqiptare u vra me dy të shtëna me pistoletë të kalibrit 22 në kokë. Mjekja ligjore Susanna Gamba konstatoi rezultatin e autopsisë. Gjuajtja e parë është qëlluar në ballë, tjetra pas veshit të majtë. Ende mbetet për t’u sqaruar nëse vrasja ka ndodhur në vendin ku është gjetur kufoma apo diku tjetër.

Ndërkohë, “në lidhje me ngjarjet e rënda të ndodhura në Sarzanë”, për të cilat po vijojnë hetimet nga organet gjyqësore, “për forcimin e masave parandaluese në zonë”, prefekti i La Spezias ka bërë thirrje që sot, në Sarzana në orën 11:30, të mblidhet një seancë e jashtëzakonshme e Komitetit Krahinor për Rendin dhe Sigurinë Publike, në të cilën janë të ftuar të gjithë kryetarët e komunave të Val di Magra

The post Identifikohet autori i vrasjes së shqiptares në Itali, del dhe autopsia appeared first on Albeu.com.

Pasi ra në prangat e policisë, Bedini, banues në Aulla, ka mohuar të jetë autor i këtyre dy krimeve të rënda. “Jam i pafajshëm”, mësohet të ketë thënë para policisë i riu. Ngjarja e parë që u zbulua ishte vrasja e 35-vjeçares shqiptare, e cila u gjet e vrarë orët e para të së dielës në shtratin e lumit Parmignola në Marinella di Sarzana, ndërsa ishte vrarë me një plumb në kokë.

Hetuesit ranë në gjurmët e tij nëpërmjet pamjeve të kapura nga kamerat e sigurisë dhe falë hetimeve të kryera të dielën dhe ditën e djeshme. La Repubblica shkruan se hetuesit dyshojnë se 32-vjeçari mund të ketë kryer vrasje për herë të dytë, për të eliminuar personin që e kishte parë 2 ditë më parë teksa shqiptarja futej në makinën e tij. Ndërkohë, trupi i pajetë i transeksualit Carlo Bertolotti, 43-vjeç, me profesion parukier, u gjet mbrëmjen e së martës rreth 3 kilometra larg vendit ku u gjet shqiptarja.

Trupi i tij u gjet në afërsi të një automjeti të braktisur, që rezultoi se i përkiste viktimës. Në trupin e tij kishte shenja të dukshme dhune. Fillimisht policia mësohet se gjeti makinën e viktimës, brenda së cilës u zbuluan shenja gjaku. Vetëm disa orë më pas policia zbuloi trupin e tij të pajetë./albeu.com

The post Vrasja e shqiptares në Itali, zbardhet rrëfimi dhe identiteti i autorit appeared first on Albeu.com.

Për burrin, një dhimbje në zemër. Gruaja e vrarë në bregun Parmignola jetonte në Alteta, një fshat i vogël në Massa, jo shumë larg shinave hekurudhore, në një vilë me një kopsht të vogël përpara.

Nevila Pjetri jetonte me bashkëshortin e saj, Leonardo Marku, me të cilin ishte martuar vitin e kaluar. Ai kishte gjithashtu një qen që e donte shumë dhe një makinë të madhe gjermane. Burri mësoi tragjedinë nga policia kur i trokitën në derë mëngjesin e djeshëm.

Ajo punonte zyrtarisht në një kamping përgjatë bregdetit, në Marina di Massa, ndërsa ai me profesion është kopshtar. Vështirë të gjesh një dallim më të madh mes rikonstruksionit të fakteve të karabinierëve të kompanisë Sarzana, që ajo ishte një prostitutë, gjithashtu e njohur, dhe asaj që përshkruan burri. Ditën e djeshme Leonardo Marku ka qenë i rrethuar nga miq dhe të afërm dhe nuk i ka mbajtur dot lotët.

Ai dhe gruaja e tij jetonin në Alteta dhe ajo që kishin ndërtuar ishte fryt i mundit të tyre. “Ajo doli nga shtëpia në orën 20:00 – tha ai – e prita gjithë mbrëmjen, nuk e kuptova pse nuk po kthehej. Më pas mbërritën karabinierët …”. Leonardo është zemërthyer: “E kam dashur shumë”.

The post “E kam pritur gjithë natën”, flet burri i 35-vjeçares që u gjet e vrarë në Itali appeared first on Albeu.com.

Shqiptarja u dhunua dhe më pas u qëllua me një plumb pas koke. Sipas hetimeve paraprake dyshimet e para janë që ngjarja të ketë lidhje me botën e prostitucionit. Mendohet që vrasja ka ndodhur diku tjetër dhe më pas trupi i 35-vjeçares u hodh në vendin ku u gjet.

Jo shumë larg skenës së krimit u gjet makina e viktimës. Po ashtu, autoritetet janë vënë në kërkim të një makine, në të cilën disa dëshmitarë thonë, se ka hipur gjatë orëve të vona të natës, Nevila Pjetri.

Pjetri kishte dëmtime në fytyrë, gërvishtje në krahë, ishte gjysmë e zhveshur dhe e mbuluar në gjak. Por vrasësi ishte siguruar që të mos linte asgjë gjurmë në vendin e krimit. Deri më tani nuk ka asnjë shenjë që ajo të jetë përpjekur të mbrohej. As rrobat e humbura të saj, çanta e dorës apo dokumentet e viktimës nuk janë gjetur.

Sipas hetimeve, Pjetri ishte martuar me një shqiptar para një viti. Ata nuk kishin fëmijë. Bashkëshorti i saj është kopshtar dhe banonin së bashku në një zonë në Massa. Sipas karabinierëve ai nuk është i dyshuar për këtë ngjarje të rëndë.

The post Del fotoja, kjo është 35-vjeçarja shqiptare që u ekzekutua me plumb në kokë në Itali appeared first on Albeu.com.