Java e tretë e Abissnet Superiores do të nisë nesër në orën 18:30, me përballjen mes kampiones së Shqipërisë, Egnatias, dhe Skënderbeut në stadiumin “Arena Egnatia”. Në prag të kësaj ndeshjeje, trajneri Nevil Dede foli për mediat.

“Është një nisje shumë pozitive. Kemi marrë 6 pikë në dy ndeshje dhe golavarazhi është i kënaqshëm. Për ekipin, kjo përbën një avantazh të rëndësishëm psikologjik”, u shpreh Dede për startin e sezonit.

Duke folur për kundërshtarin e javës së tretë, trajneri i Egnatias theksoi se skuadra e tij po përballet me një ngarkesë të madhe ndeshjesh.

“Vijmë nga një periudhë e vështirë. Nesër plotësohen 15 ditë dhe ne do të luajmë ndeshjen e 5-të. Kemi përdorur rotacionin, gjë që u pa edhe në takimin e fundit kundër Vorës”, deklaroi ai.

“Skënderbeu është një ekip me moshë relativisht të re, por besoj se do të zhvillohet një ndeshje e luftuar. Ne kemi përgjegjësinë të mbrojmë titullin kampion. Çdo sukses i yni i detyron të tjerët të kuptojnë se kush jemi”, shtoi Dede.

Sa i përket rolit të tifozëve në ndeshjet e zhvilluara në Rrogozhinë, trajneri e cilësoi mbështetjen e tyre si avantazhin kryesor të Egnatias.

“Për nesër, ky është avantazhi ynë më i madh. Luajmë në shtëpi, përpara dashamirësve dhe tifozëve tanë. Kjo më përcjell një entuziazëm të veçantë, pasi edhe lojtarët motivohen prej kësaj atmosfere”, tha ai.

“Skuadra jonë u ka mësuar jo vetëm tifozëve të saj, por gjithë Shqipërisë, të shijojë futbollin që ne luajmë”, u shpreh trajneri i Egnatias.

“Nesër duhet të rikthehemi te standardi që na takon dhe të jemi në nivelin për të cilin fola më herët. Për këtë arsye, duhet t’i kënaqim tifozët. Ata janë mbështetja, energjia dhe gjithçka që kemi”, përfundoi Nevil Dede.

The post Nevil Dede: Egnatia duhet të mbrojë titullin, ndërsa Dinamo dhe rivalët të tregojnë veten në Superiore appeared first on Albeu.com.

Shorti i Conference League u hodh sot në Monako, duke nisur në orën 13:00, ndërsa mes skuadrave të përfshira në grupet e këtij kompeticioni ishte edhe Egnatia, e drejtuar nga Nevil Dede.

Për ekipin rrogozhinas, kjo përfaqëson një arritje historike, pasi është hera e parë që siguron pjesëmarrjen në grupet e një kompeticioni europian.

Egnatia u përfshi në vazon e 6-të. Kampionët e Shqipërisë do të përballen në grupe me Braga, Midtjylland, Lincol Red Imps, U.Craiova dhe Aarhus.

The post Egnatia në një moment historik europian, rrogozhinasit njohin kundërshtarët e Conference League appeared first on Albeu.com.

Trajneri i kampionëve në fuqi, Nevil Dede, ka folur për objektivat dhe pritshmëritë e Egnatias përpara ndeshjes së parë të sezonit të ri në Abissnet Superiore. Skuadra e tij do të përballet me Tiranën në stadiumin “Arena Egnatia”, në një sfidë që nis në orën 21:00.

Dede deklaroi se futbollistët, veçanërisht në aspektin psikologjik, ndodhen në gjendje të mirë. Sipas tij, Egnatia u paraqit denjësisht në arenën e të mëdhenjve dhe meritonte më tepër, ndonëse nuk ia doli të merrte atë që synonte. Tashmë vëmendja zhvendoset te kampionati, ndërsa trajneri theksoi se gjendja fizike e shëndetësore, harmonia brenda grupit dhe sidomos ana psikologjike janë në nivelin maksimal, diçka që e gëzon.

Në këtë përballje, kampionët do të kenë dy mungesa shumë të rëndësishme. Bakayoko-s do t’i duhet koha e nevojshme për t’u rikuperuar pas ndërhyrjes kirurgjikale, e cila përfundoi me sukses, ndërsa Dede i uroi shërim të shpejtë. Jashtë skuadrës është edhe Ajme, i cili po i nënshtrohet një trajtimi me synimin që të rikthehet pranë ekipit sa më shpejt të jetë e mundur.

Sipas trajnerit, sezoni i ri e gjen të gjithë skuadrën në një situatë të mirë. Ai vlerësoi mbështetjen maksimale të dhënë nga klubi dhe shprehu bindjen se Egnatia është gati të përballet me kundërshtarin që i rezervon ndeshja hapëse e kampionatit.

Dede pranoi se përgatitja e kësaj sfide ndikohet nga disa elemente, mbi të gjitha nga numri i vogël i ditëve në dispozicion. Lojtarët, sipas tij, kanë nevojë si për rikuperim, ashtu edhe për pushim, pas një periudhe të gjatë që prej nisjes së përgatitjeve dhe aktivizimit të rregullt në kompeticionet europiane.

Tekniku e cilësoi Egnatian si historinë e momentit në futbollin shqiptar, duke nënvizuar se të gjithë duhet ta kenë të qartë këtë fakt. Ai e konsideroi duelin me Tiranën një përballje të bukur, ku çdokush do të dëshironte të merrte pjesë, jo vetëm për ta luajtur, por edhe për ta përjetuar. Në vlerësimin e tij, Egnatia-Tirana shkon përtej një ndeshjeje të zakonshme, pasi përbën një vitrinë luksi për Abissnet Superioren.

Nevil Dede u shpreh gjithashtu i lumtur me grupin e futbollistëve që ka në dispozicion. Ai theksoi se lojtarët nuk kursehen gjatë stërvitjeve dhe aq më pak do ta bënin këtë në një ndeshje kampionati. Për këtë arsye, trajneri tha se nuk ka lodhje apo kokëçarje lidhur me përqendrimin te angazhimi dhe motivimi. Në përfundim, ai deklaroi se skuadra është gati për sfidën hapëse të sezonit, duke kujtuar se Egnatia tani duhet të ruajë fokusin në çdo moment.

The post Egnatia hap sezonin ndaj Tiranës, Dede: Një vitrinë luksi për Abissnet Superioren appeared first on Albeu.com.

Në prag të përballjes së nesërme me Celjen, e vlefshme për raundin e dytë të fazës kualifikuese të Champions League, trajneri Nevil Dede dhe mesfushori Altin Kryeziu dolën para mediave për të folur rreth pritshmërive të takimit.

Dede parashikoi një sfidë të vështirë mes dy ekipeve që e njohin njëri-tjetrin dhe që do të përpiqen të shmangin gabimet. Sipas tij, episodet mund të përcaktojnë fatin e ndeshjes, ndërsa Egnatia kërkon të shkruajë historinë duke synuar fitoren brenda 90 minutave.

Nga ana tjetër, Kryeziu e vlerësoi Celjen si një skuadër të fortë, me lojtarë cilësorë. Mesfushori theksoi se ekipi ka ardhur me objektivin për ta fituar takimin dhe për të shënuar një moment historik për klubin.

Kampionët shqiptarë kërkojnë kështu një tjetër hap me peshë në arenën europiane, teksa dueli ndaj Celjes pritet të jetë vendimtar për vazhdimësinë e Egnatias në kompeticionin më prestigjioz europian për klube.

The post Egnatia synon të shkruajë historinë, Dede: Të gatshëm për duelin me Celjen appeared first on Albeu.com.

Në prag të ndeshjes së sotme në mbrëmje mes Egnatias dhe NK Celjes, trajneri Nevil Dede dhe mbrojtësi Arbenit Xhemajli kanë ndarë mendimet e tyre me gazetarët.

Tekniku i kampionëve shqiptarë theksoi se skuadra ndodhet në një gjendje të mirë mendore për këtë takim. “Jam i lumtur që të gjithë lojtarët janë të gatshëm dhe kemi qetësinë e duhur psikologjike,” u shpreh Dede. Ai shtoi se përveç besimit te aftësitë individuale, arma kryesore e ekipit mbetet uniteti dhe harmonia e brendshme. Sipas tij, atmosfera familjare dhe mbështetja reciproke në momente gabimi përbëjnë një bazë të fortë për suksesin.

Nga ana tjetër, Xhemajli vuri në dukje rëndësinë e përvojës që zotëron reparti i pasmë. Ai rikujtoi thënien se mbrojtja është çelësi i titujve, ndërsa sulmi të fiton ndeshje të veçanta. Megjithatë, qendërmbrojtësi nënvizoi se edhe nga goditjet standarde, linja e prapme e Egnatias ka treguar rrezikshmëri në sfidat e fundit, duke ruajtur të paprekur eksperiencën e grupit.

The post Egnatia gati për sfidën e Champions-it, Dede: Kemi besim te grupi, Xhemajli: Mbrojtja na jep siguri appeared first on Albeu.com.