Nevada, me popullsi prej 3.1 milionë banorësh, njihet më shumë ndoshta për Las Vegasin, qytetin më të famshëm të saj.

“Është disi paradoks. Dua të them se shihet ndoshta si një shtet liberal në një kuptim, pasi ishte shteti i parë që vendosi divorcin pa patur nevojë për të paraqitur arsyen përse. Lejon lojërat e fatit në disa qarqe, lejon prostitucionin, por ka edhe prirjen për të qenë shumë, shumë konservator në disa drejtime”, thotë Thom Reilly, nga Universiteti i Arizonas.

Nevada ka votuar vazhdimisht për republikanët nga fundi i viteve 1960 deri në fillim të viteve 2000. Por tashmë, gati një e treta e votuesve në Nevada janë të regjistruar si votues të pavarur. Pra janë më shumë se të regjistruarit si demokratë apo republikanë. Të dhënat rishtazi tregojnë se ky shtet luhatet rregullisht midis dy partive politike. Ndërsa demokratët kanë fituar për zgjedhjet presidenciale, republikanët kanë dominuar në zgjedhjet për guvernatorin.

“Nevada është një shtet i vërtetë fushëbeteje. Është një vend ku rezultati është gjithnjë shumë i afërt dhe ku partitë kanë marrë me radhë kontrollin e postit të guvernatorit, dhe që janë shkëmbyer për fitoren në zgjedhjet presidenciale”, thotë Ken Miller nga Universiteti i Las Vegasit.

Nevada quhet Shteti i Argjendtë. Ky emërtim e ka origjinën në vitin 1859, kur atje u zbulua një depozitë e madhe argjendi.

Popullsia është trefishuar që nga viti 1980, me një rritje prej 35% në periudhën 2000-2010.

Shumë nga banorët e rinj janë nga Kalifornia që është përgjithësisht liberale. Mbi 100 mijë persona janë zhvendosur nga Kalifornia për në Nevada në periudhën 2020-2023.

“Ajo që ka ndodhur është se Qarku Clark, pjesë e të cilit është Las Vegasi, ka tashmë 72% të popullsisë së shtetit. Pra, Nevada që ishte dikur një shtet rural është bërë tashmë një shtet urban i Perëndimit”, thotë Ken Miller, nga Universiteti i Las Vegasit.

Megjithë rritjen e madhe të popullsisë, Nevada vazhdon të jetë një shtet i dominuar nga klasa punëtore dhe shumë banorë vazhdojnë të bëjnë punë krahu.

“Jemi më shumë shtet punëtorësh dhe kjo do të thotë se do të jenë çështjet më praktike si rrogat, papunësia, kostoja e strehimit, apo inflacioni në përgjithësi, do të kenë rëndësi.. Pra gjëra si çmimet e karburantit dhe të gjitha gjërat që ndikojnë më shumë tek njerëzit këtu në Nevada se në shtete të tjera”, thotë zoti Miller.

“Janë çështjet e kostove, janë të drejtat riprodhuese dhe është emigracioni”, thotë eksperti Reilly.

Kur të votojnë në zgjedhjet e përgjithshme të nëntorit, banorët e Nevadës do të votojnë gjithashtu edhe për nismën ligjore për të garantuar të drejtën për abort në këtë shtet.

“Propozimet për abortin që janë në fletëvotim në disa shtete, si dhe çështja e abortit në përgjithësi, tashmë është dëshmuar si një motivim i madh për pjesëmarrjen në zgjedhjet e mëparshme. Dhe unë mendoj se kjo nuk do të ndryshojë”, thotë Rebecca Gill, nga Universiteti i Las Vegasit.

Por zgjedhjet ende mund të përcaktohen nga çështjet që kanë të bëjnë me ekonominë për banorët e Nevadas

“Nuk duhet të nënvlerësojmë mundësinë që Trumpi të fitojë në Nevada. Mendoj se Trumpi po perceptohet si një kandidat që nuk ka gjasa ta fitojë Nevadën thjesht sepse ai nuk ka fituar dy herët e fundit. Nuk do ta përjashtoja rëndësinë e çështjeve ekonomike si vendimmarrje për votuesit në këtë shtet”, thotë zoti Miller.

The post Nevada, shteti kryesor për betejën elektorale në SHBA appeared first on Albeu.com.

Kjo do të thotë Trump do të marrë të gjithë 26 delegatët e Nevadës, sistemi i përdorur nga partitë për të përcaktuar kandidatin e tyre presidencial.

Rezultatet fillestare të raportuara nga CNN, treguan se ish-presidenti fitoi më shumë se 98% të votave.

“Nëse fitojmë këtë shtet, ne i fitojmë lehtësisht zgjedhjet në nëntor”. Donald Trump deri më tani ka fituar garat në tre, Nevada, Ioëa dhe Neë Hampshire, duke e bërë atë kandidatin e supozuar republikan në zgjedhjet e përgjithshme të nëntorit”, tha Trump.

Ai gjithashtu, fitoi një grup parlamentar republikan në Ishujt e Virgjër të SHBA, një territor i pa inkorporuar.

Sfiduesi i vetëm serioz i Donald Trump i mbetur në garë, ish-guvernatorja e Karolinës së Jugut, Nikki Haley, kishte zgjedhur të mos merrte pjesë në grupin parlamentar të Nevadës dhe në vend të kësaj të paraqitej në votimin parësor të shtetit.

Dy votime të veçanta u mbajtën në Nevada, për shkak të një mosmarrëveshjeje midis Partisë Republikane të shtetit dhe legjislaturës shtetërore të kontrolluar nga Demokratët.

The post Donald Trump triumfon sërish, siguron votat në Nevada appeared first on Albeu.com.