Çmimi iu dorëzua nga Kryetari i Knessetit, Amir Ohana. Ata e vlerësuan Dodik, për rolin e tij në forcimin e marrëdhënieve dypalëshe mes Izraelit dhe Republikës Srpska. Në lajmet e publikuara nga media dhe në rrjetet sociale, Dodik shihet duke marrë këtë dekoratë.

The post Pas Ramës, Netanjahu nderon me dekoratën e lartë Milorad Dodik appeared first on Albeu.com.

Mediat ndërkombëtare dhe burime palestineze, theksojnë se, zyrtari i tretë më i lartë në Gaza u plagos rëndë, por pa dhënë detaje për fatin e tij.

Zyrtari i lartë besohet se është një nga organizatorët e sulmit të 7 tetorit në Izraelin Jugor. Forcat izraelite të mbrojtjes thanë se kanë vrarë 18 militantë të Hamasit natën e së shtunës në Rripin e Gazës.

Sipas Times of Izrael, militantët e Hamasit u vranë nga snajperat dhe nga sulmet ajrore. Hamasi bën të ditur se në 24 orët e fundit në Gaza janë vrarë 92 persona, duke e çuar numrin e përgjithshëm të vdekjeve në mbi 31 mijë.

Përpjekjet e dështuara të deritanishme për të siguruar një armëpushim të përkohshëm kanë krijuar krizën më të madhe humanitare të dekadës së fundit në Gaza.

Pak gjasa ka për armëpushime dhe pas mundësisë së rifillimit të bisedimeve mes Izraelit dhe Hamasit të hënën.

Kjo pasi Izraeli tha ka planifikuar një ofensivë të re kundër bastionit të Hamasit në Rafah, qyteti i fundit relativisht i sigurt në Gaza. Kancelari gjerman Olaf Scholz, gjatë vizitës në Izrael, shprehu shqetësimin për një sulm në Rafah, duke thënë se ekzistonte rreziku që do të rezultonte në më shumë viktima civile.

Organizata Botërore e Shëndetësisë i bëri thirrje Izraelit që të ndalojë sulmin tokësor në Rafah, duke thënë se 1.2 milionë njerëz atje nuk kanë ku të shkojnë.

Por shqetësimet e ngritura nga OBSH nuk e kanë penguar Kryeministrin izraelit Benjamin Netanyahu nga plani i tij për një sulm në Rafah, ku rreth 1.5 milionë refugjatë palestinezë po kërkojnë strehim.

The post Vritet numri dy i Hamasit! Netanjahu ka gati planin për ofensivën në Rafah appeared first on Albeu.com.

Netanyahu, i cili e ka përdorur vazhdimisht skenën në OKB për të bërë paralajmërime të errëta për Teheranin, pushoi shkurtimisht gjatë fjalimit në Asamblenë e Përgjithshme kur u duk sikur po kërcënonte me sulm bërthamor nëse Teherani e krijon bombën e vet bërthamore.

“Mbi të gjitha – – mbi të gjitha – – Irani duhet patjetër të përballet me kërcënim të besueshëm bërthamor. Sa të jem unë kryeministër i Izraelit, do të bëj gjithçka në fuqinë time për të mos e lejuar Iranin të ketë armë bërthamore”, tha Netanyahu.

Zyra e tij reagoi shpejt dhe tha se Netanyahu e kishte bërë një lëshim në fjalim dhe se në tekstin e tij të parapërgatitur shkruhej “kërcënim të besueshëm ushtarak” e jo “kërcënim të besueshëm bërthamor”.

“U lexua gabimisht si kërcënim i besueshëm bërthamor. Kryeministri i qëndron tekstit origjinal të fjalimit”, tha zyra e kryeministrit izraelit.

Izraeli ka program shumë të njohur por të padeklaruar bërthamor. Besohet se nga janari Izraeli ka një depo me 90 koka bërthamore, sipas Institutit Ndërkombëtar të Paqes në Stokholm.

Teherani, ndërkohë, e mohon se synon të ketë bombë bërthamore, por i ka shkelur limitet e pasurimit me uranium të cilat u vendosën ndaj tij në një marrëveshje të ndërmjetësuar nga Shtetet e Bashkuara më 2015, nga e cila u tërhoq ish-presidenti amerikan Donald Trump dhe u rivendosën sanksione.

Richard Gowan, i cili i përcjell Kombet e Bashkuara për Grupin Ndërkombëtar të Krizave, tha se nuk është e pazakontë për liderët që t’i lexojnë gabimisht fjalimet e tyre.

Presidenti amerikan Joe Biden, në një pjesë të rëndësishme të fjalimit të tij në Asamblenë e Përgjithshme të martën, paralajmëroi se dorëzimi para Rusisë në luftën kundër Ukrainës do të nënkuptonte braktisje të parimeve të Shteteve të Bashkuara, në vend se të thoshe Kombeve të Bashkuara.

“Nuk është fshehtësi se Izraeli ka armë parandaluese bërthamore. Por, nuk mendoj se Netanyahu e kishte në plan reklamimin e armëve të veta bërthamore në OKB”, tha Gowan.

The post Netanyahu në OKB kërcënon Iranin me sulm bërthamor, por tërhiqet shpejt appeared first on Albeu.com.

Në deklaratë thuhet se kjo shtyhet për seancën e ardhshme të Parlamentit të Izraelit, në mënyrë që të “reforma të kalojë përmes dialogut”.

Parlamenti do të shkojë në pushim javën e ardhshme për festën e Pashkës.

Izraeli është përfshirë nga protestat masive pasi Netanyahu e shkarkoi ministrin e Mbrojtjes, Yoav Gallant.

Ai u shkarkua pasi foli hapur kundër planeve kundërthënëse të Qeverisë izraelite për të ndryshuar sistemin gjyqësor.

Në Jerusalem, policia dhe ushtarët kanë përdorur topa uji kundër protestuesve, afër shtëpisë së Netanyahut.

Mëngjesin e së hënës, presidenti izraelit, Isaac Herzog, i ka bërë thirrje Qeverisë që t’i ndalë reformat.

“Për hir të unitetit të popullit të Izraelit, për hir të përgjegjësisë, u bëj thirrje që ta ndalni menjëherë procesin legjislativ”, ka thënë ai në Twitter, duke shtuar se “sytë e të gjithë izraelitëve janë te ju”.

Shtetet e Bashkuara kanë thënë sejanë thellësisht të shqetësuara për këto zhvillime dhe kanë bërë thirrje për kompromis.

Në reforma përfshihen planet që Qeveria izraelite të ketë kontroll në komitetin që emëron gjyqtarët.

Diçka e tillë ua vështirëson gjykatave largimin e një lideri që vlerësohet se nuk është i përshtatshëm për pushtet.

Disa besojnë se një ndryshim i tillë i përshtatet Netanyahut, pasi ai veçse po përballet me gjyqin për korrupsion.

Ndërsa kryeministri izraelit ka thënë se reformat janë të dizajnuara për t’ua pamundësuar gjykatave një pushtet të plotë dhe se këto ndryshime janë votuar nga publiku në zgjedhjet e fundit.

The post Netanyahu shtyn reformën në sistemin gjyqësor appeared first on Albeu.com.

Netanjahu, i njohur për sulme të herëpashershme ndaj Palestinës dhe për reduktimin gjithnjë e më shumë të hapësirave për vendin fqinjë, e priti keq marrëveshjen e arritur duke përmendur si fakt negativ, pikërisht risinë e koalicioneve në Izrael, bashkëpunimin me islamikët.

Qeveria e re përbëhet nga kundërshtarët e tij politikë nga një koalicion me bazë të gjerë ku marrin pjesë parti të krahut të majtë, të qendrës e të së djathtës izraelite, të cilat synojnë ta largojnë Netanjahun pas 12 vitesh në pushtet.

Marrëveshja historike përfshin partinë islamiste, Listën e Bashkuar Arabe, gjë që shënon të parën herë që një parti arabe përfshihet në një koalicion qeverisës në Izrael.

Yair Lapid, kreu i partisë Yesh Atid, arriti marrëveshjen duke siguruar mbështetjen e shumicës së parlamentit (Knesset) prej 120 vendesh.

Naftali Bennett, i cili drejton partinë nacionaliste të vijës së ashpër Yamina, njoftoi të dielën mbështetjen e tij për koalicionin e zotit Lapid.

Sipas marrëveshjes pritet që Bennett të shërbejë në dy vitet e para si kryeministër përpara se këtë detyrë ta marrë Lapid.

Udhëheqësi i Partisë së Punës Merav Michaeli, partia e të cilit iu bashkua koalicionit të Lapid-it, tha se shpreson që armiqësia e tyre e përbashkët ndaj zotit Netanjahu të sigurojë nxitje të mjaftueshme për një qëndrim të përbashkët.

Pas dështimit të kryeministrit Netanjahu për të formuar një qeveri në fillim të muajit maj Presidenti Reuven Rivlin i dha zotit Lapid mandatin për të formuar një koalicion që mund të sigurojë shumicën në parlament.

Prej dy vitesh Izraeli ka qenë i përfshirë nga trazirat politike, gjatë të cilave ka zhvilluar katër palë zgjedhje. Pas dy proceseve zgjedhore në vitin 2019, zoti Netanjahu dështoi të formonte një koalicion, por qëndroi në detyrë si kryeministër i përkohshëm, bën të ditur VOA. Një vit më parë ai formoi një qeveri koalicioni me rivalin Benny Gantz, por koalicioni u prish në dhjetor pas dështimit të parlamentit për të miratuar buxhetin.

Benjamin Netanjahu mban detyrën e kryeministrit që nga viti 2009, pasi ka mbajtur të njëjtën detyrë për tre vite në vitet 1990. Aktualisht ndaj tij po zhvillohet një proces gjyqësor nën akuza penale për korrupsion.

The post Epoka shumëvjeçare e Netanjahut drejt fundit, cila parti e rrezikon appeared first on Albeu.com.