“Ata që duan të na dëmtojnë nuk kanë hequr dorë nga synimi i tyre për të na shkatërruar,” tha Netanyahu.

“Hamasi do të çarmatoset. Gaza do të demilitarizohet qoftë me mënyrën e lehtë apo me atë të vështirë, por kjo do të ndodhë.”
Sipas tij, Izraeli është më afër se kurrë me disa vende të rajonit, duke lënë të kuptohet për një afrimi diplomatik që, siç tha, “publiku do ta mësojë së shpejti”.

“Do të zbatojmë armëpushimin me grusht hekuri”
Netanyahu theksoi se Izraeli është i vendosur të zbatojë marrëveshjet e armëpushimit në Gaza dhe Liban “me grusht hekuri” por “vetëm për aq kohë sa ato ekzistojnë”.

“Shihni çfarë ndodh çdo ditë në Liban,” tha ai, duke iu referuar përleshjeve të përditshme mes ushtrisë izraelite dhe Hezbollahut.
Kryeministri izraelit theksoi se kombinimi i presionit ushtarak ndaj Hamasit në Gaza dhe atij diplomatik, i ushtruar nga Shtetet e Bashkuara, ka dhënë rezultate të prekshme. “Kjo presion i dyfishtë na mundësoi të kthenim në shtëpi të gjithë pengjet e gjallë dhe shumicën dërrmuese të atyre që kishin humbur jetën,” tha ai.

Netanyahu akuzoi opozitën izraelite se kishte kërkuar një marrëveshje që “do të barazohej me dorëzim ndaj Hamasit”.

“Sikur ta kishim bërë sipas mënyrës suaj, pengjet nuk do të ishin kthyer. Dhe më keq akoma – Hamasi do të ishte përgatitur për rrëmbimet e ardhshme,” iu drejtua ai kundërshtarëve politikë.
Premton kthimin e pengjeve të mbetura

Netanyahu u zotua se Izraeli është “i vendosur të kth↓ trupat e katër pengjeve të vrarë që ende ndodhen në Gaza”, duke përmendur tre izraelitët, por jo shtetasin tajlandez që u vra gjatë konfliktit.

The post Netanyahu: Lufta nuk ka mbaruar, ata që kërkojnë të na dëmtojnë po riarmatosen appeared first on Albeu.com.

Në një deklaratë zyrtare, Zyra e Kryeministrit njoftoi ndryshimin në krye të këtij institucioni të rëndësishëm, duke falënderuar Hanegbin për kontributin e tij trevjeçar në këtë detyrë.

“Kryeministri Netanyahu falënderon Jahi Hanegbi për shërbimet e tij gjatë tre viteve të fundit dhe i uron suksese në përpjekjet e tij të ardhshme dhe shëndet të mirë,” thuhet në deklaratë.

Hanegbi konfirmon shkarkimin: “Netanyahu më njoftoi sot, mandati im përfundon menjëherë”

Vetë Hanegbi e konfirmoi lajmin për agjencinë AFP, duke deklaruar se Netanyahu e kishte informuar personalisht këtë të hënë për vendimin për të emëruar një drejtues të ri të Këshillit të Sigurisë Kombëtare.

“Ai më informoi sot për qëllimin e tij për të emëruar një kryetar të ri. Si pasojë, mandati im përfundon sot,” tha Hanegbi për AFP.

Emërimi i Gil Reich vjen në një moment të tensionuar për qeverinë izraelite, mes zhvillimeve të brendshme politike dhe sfidave të sigurisë në rajon.

The post Netanyahu shkarkon këshilltarin e sigurisë kombëtare Jahi Hanegbi appeared first on Albeu.com.