“Ka dy elementë. Një është, a janë vjedhur apo jo zgjedhjet dhe ky është element i pashkëputur nga opozita dhe ky është një element më i rëndësishëm sesa opozita sepse nëse është përdorur administrata ky është krim dhe është problemi jonë. Nëse është përdorur krimi i organizuar ky është krim dhe është problemi jonë.

Opozita e ka gabim që nuk reflekton. Humbja, me meritë, pa meritë, me vjedhje, pa vjedhje, prapë ajo duhet të mbajë përgjegjësinë e vet partiake sepse opozita ka nevojë të përgatitet për të ardhmen për të mirën e vet dhe jo për të mirën tonë”, tha ai.

Dhe e ardhmja sipas Sejaminit nis që nesër, me përgatitjen për zgjedhjet e 2027. Ai parashikoi se me shumë mundësi, në Tiranë do të zhvillohen zgjedhje të parakohshme dhe opozita do të ballafaqohet shumë shpejt me garë elektorale. Njëjtë siç bën PS-ja, Sejamini është i mendimit që edhe opozita duhet të fillojë të përgatitet për zgjedhjet që nesër.

“Kanë filluar zgjedhjet e 2027. Shiko ne do kemi me shumë gjasa zgjedhje të parakohshme në Tiranë, mund të jenë në vjeshtë, mund të jenë në pranverë. Pra mund të jenë të parakohshme, do vijnë para 2027.

Opozita do ballafaqohet shumë shpejt me garë elektorale. Kemi zgjedhje 2027, kemi 2029. PS fillon përgatitjet për këto zgjedhje që nesër. Opozita duhet të fillojë përgatitjet që nesër. Kjo duhet të vijë duke ndryshuar shumë gjëra”, u shpreh ai.

The post Neritan Sejamini parashikon zgjedhje të parakohshme në Tiranë: Ja ç’duhet të bëjë opozita appeared first on Albeu.com.

Teksa i kërkohej llogari për sigurinë ushqime dhe premtimet për pasaportën e BE, Rama i zënë ngushtë përsëriste një refren: “Pi kamomil se nuk je mirë”.

Mesa duket, kjo është mënyra si Rama do na integrojë në Europë.

Gazetari e ironizon, duke iu përgjigjur se; “kamomili është më i mirë se kërpudhat magjike që pi kryeministri, që i shkaktojnë haluciancione dhe e bëjnë të krijojë iluzione të kota dhe premtime boshe”.

Debati:

Sejamini: Si do certifikosh laboratorët për 2 vjet kur si ke bërë për 12 vjet, mund të ma shpjegosh pak këtë mënyrë magjike se si rregullohen dhe do ti zbatosh këto gjera para se të mbyllen negociatat. I ke zbatuar dhe në prktikë, ke garantuar se mandariant nuk kanë pesticide…

Rama: Unë mund të sugjeroj ty vetëm kamomil të qetësohesh, asgjë tjetër

Sejamini: Po mo patjetër

Rama: Pi kamomil intensiv sepse nuk je mirë tani

Sejamini: Më mirë sesa kërpudhat halucunologjike të cilat krijojnë fantazi dhe iluzione

Rama: Krijojnë fantazi? Në rregull

The post Debati në studio: Kamomili që na integron në Europë appeared first on Albeu.com.

I ftuar në emisionin “Të Paekspozuarit” në MCN TV, Sejamini është shprehur se qëndrimi i Bashës 9 vjet kryetar i PD, pa asnjë fitore, është tipar i vendeve afrikane dhe jo i vendeve perëndimore.

Sejamini tha se largimi i Bashës, theu mitin se në pushtet mund të vish edhe “qyl”, pra duke mos bërë asgjë dhe duke pritur që kundërshtari të bjerë vetë.

“Basha ka ndejtur shumë gjatë. Jetëgjatësi të tilla pa ardhur asnjë ditë në pushtet, janë tipike të vendeve afrikane. Nuk ndodh në vende perëndimore. Basha theu një mit, të cilin e kishin kthyer në ligjësi, që mjaft të mbash partinë se pushteti do të bjerë në prehër. Ideja ka qenë le të mos bëjmë asgjë, se pushteti bie vetë pas dy palë zgjedhjeve.

Filluan edhe legjenda që Rama do ta lërë vetë se është mërzitur. Ishte krijuar mentaliteti i ardhjes në pushtet qyl.

Ka qenë kohë dhe mundësi e humbur jo vetëm për PD, që mund të ishte bërë partia e parë moderne, por ka qenë kohë e humbur edhe për Shqipërinë. Mjafton të shohësh pushtetin e Ramës, pushtet grabitqar. Ky pushtet ka ardhur për shkak të dobësisë së opozitës.

Si shoqëri, problemi kryesor që kemi, nuk kemi asnjë lloj kontrolli mbi pushtetin e zotit Rama, që kontrollon të gjithë Shqipërinë, ekonominë, median. Ky është konkluzioni.

Basha nuk kuptoi një gjë në vitin 2013, duhet të transformonte partinë në mënyrë rrënjësore. Zgjodhi të imitojë zotin Berisha, me idenë që pushteti do të vijë vetë”, tha Sejamini.

The post “Priste të merrte pushtetin qyl”, Sejamini: Nëntë vitet e Bashës, kohë e humbur për Shqipërinë! appeared first on Albeu.com.