Teksa në njoftimin e sotëm të policisë thuhet se Neritan Novi është arrestuar, sëbashku me përgatitësin atletik të ekipit të Butrintit, Dhiogjen Muça. Dy trajnerët janë arrestuar pasi kanë goditur me grushte lojtarin, Albi Selimaj, thuhej ndër të tjera në njoftimin e policisë.

NJOFTIMI I POLICISË:

“Goditën me grushte, futbollistin e ekipit, gjatë ndeshjes së futbollit, vihen në pranga 2 trajnerët e këtij ekipi.

Specialistët për Hetimin e Krimeve të Komisariatit të Policisë Sarandë, pas marrjes së njoftimit se një futbollist ishte goditur me grushte, gjatë një ndeshjeje, menjëherë kanë nisur punën për zbardhjen e plotë të kësaj ngjarjeje.

Nga veprimet hetimore ka rezultuar se shtetasi A. S., 21 vjeç (futbollist) ishte goditur me grushte, gjatë një ndeshjeje futbolli, nga 2 trajnerët e ekipit të futbollit në të cilin ai ishte pjesë.

Aktualisht 21-vjeçari ndodhet në spitalin e Sarandës, në kujdesin e mjekëve.

Në përfundim të veprimeve për këtë rast u bë ndalimi i shtetasve N. N., 52 vjeç (trajner i parë) dhe Dh. M., 45 vjeç (trajner altlet), për veprën penale “Goditja e sportistit, trajnerit, arbitrit ose ndërmjetësit sportiv”, kryer në bashkëpunim.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.” /newsport.al/

The post Ushtroi dhunë ndaj futbollistit, vihet në pranga Neritan Novi appeared first on Albeu.com.

Lojtari i sarandjotëve, Albi Selimaj është dërguar në urgjencën e spitalit të Sarandës pas një sherri me trajnerin e tij, Neritan Novi.

Lojtari Selimaj dhe i afërmi i tij janë përplasur me trajnerin dhe drejtorin e klubit në tunelin e stadiumit “Andon Lapa”.

Gjatë sherrit janë goditur dhe trajneri së bashku me drejtorin. /panoramasport/

The post E turpshme në futbollin shqiptar, lojtari dërgohet në spital pas sherrit me trajnerin e tij appeared first on Albeu.com.