Nëntoger Kushtrim Derguti është diplomuar me sukses në Akademinë Mbretërore Ushtarake Sandhurst në Mbretërinë e Bashkuar, e njohur si një prej institucioneve më prestigjioze për arsimim dhe stërvitje ushtarake.

Forca e Sigurisë së Kosovës (FSK), e cila njoftoi për arritjen, e cilësoi atë si një tjetër hap të rëndësishëm në procesin e profesionalizimit dhe ngritjes së kuadrove të saj ushtarake.

FSK-ja bëri të ditur se, përgjatë këtij rrugëtimi, nëntoger Derguti kaloi një sërë sfidash, të cilat i mundësuan të avanconte aftësitë profesionale, lidershipin, disiplinën dhe përgatitjen për përgjegjësi të reja në shërbim.

“Me diplomimin në Sandhurst mbyllet një etapë me rëndësi, ndërsa nis një përgjegjësi edhe më e madhe për t’i shërbyer vendit dhe paqes në botë”, deklaroi FSK-ja.

The post Nëntoger Kushtrim Derguti përfundon me sukses Akademinë Ushtarake Sandhurst appeared first on Albeu.com.