Marrëveshja u nënshkrua nga Ministrja e Arsimit dhe Sportit, Ogerta Manastirliu, Rektori i Universitetit të Tiranës, Artan Hoxha dhe Rektorja e Kolegjit të Evropës, Federica Mogherini, në prani të kryeministrit Edi Rama dhe Komisionerit të BE për Zgjerimin dhe Fqinjësinë, Oliver Varhelyi.

Rektorja e Kolegjit të Evropës, Federica Mogherini u shpreh se ka patur një interes shumë të lartë nga ana e të rinjve për të zhvilluar studimet në këtë Kolegj: “Viti akademik do të nisë në shtator me 31 studentë, me një Program të nivelit master për transformimin dhe integrimin europian me fokus të veçantë në Bashkimin Europian dhe Ballkanin perëndimor. Çelëm procesin e pranimit në tetor dhe sot mund të raportoj se kemi marrë 241 aplikime, për 31 vende, nga 41 kombësi, nga i gjithë rajoni, nga vendet e BE-së dhe 15 të tjera.” – u shpreh ajo.

Kolegji i Europës hap një horizont të ri edukimi për të rinjtë shqiptarë dhe jo vetëm, si ngre në një tjetër nivel sfidën për ndërkombëtarizimin e universiteteve tona, duke krijuar ndër të tjera mundësinë për një mësim më të thelluar për vetë Bashkimin Europian dhe rrugëtimin drejt tij.

The post Nënshkruhet marrëveshja për shtëpinë e re të Kolegjit të Europës që do të hapë dyert në Tiranë appeared first on Albeu.com.

Me nënshkrimin e marrëveshjes fillon procesi i negociatave me konsorciumin amerikano-turk “Behtel dhe Enka” për ndërtimin e katër seksioneve të autostradave me gjatësi mbi 120 kilometra në korridoret 8 dhe 10D dhe gjatë këtij viti pritet të fillojnë edhe aktivitetet e ndërtimit.

Ministri i Transportit dhe Lidhjeve Bllagoj Boçvarski tha se në buxhetin e Ministrisë së Transportit dhe Lidhjeve për këtë vit për këtë projekt tashmë janë paraparë 15 miliardë denarë ose rreth 244 milionë euro.-ina

The post Nënshkruhet marrëveshja me mbikëqyrësin dhe konsulentin e Korridorit 8 dhe 10 appeared first on Albeu.com.

The post Nënshkruhet marrëveshja në SHBA, Shqipëria heq vizat me këtë shtet appeared first on Albeu.com.

Marrëveshja, e cila sipas zyrtarëve të Kosovës, është investimi më i madh që do të bëhet në sektorin energjetik në 40 vitet e fundit u nënshkrua nga Ministrja e Ekonomisë së Kosovës, Artane Rizvanolli Berisha dhe Shefja e Korporatës së Sfidave të Mijëvjeçarit, Alice Albright.

Presidentja e Kosovës, Vjosa Osmani dhe kryeministri Albin Kurti ishin të pranishëm në nënshkrimin e marrëveshjes.

“Është një marrëveshje tejet e rëndësishme, një mbështetje e jashtëzakonshme e SHBA-së për Republikën e Kosovës që edhe njëherë e vulos partneritetin e palëkundur me Shtetet e Bashkuara”, tha për Zërin e Amerikës, Presidentja e Kosovës, Vjosa Osmani pas nënshkrimit.

Kryeministri i Kosovës, Albin Kurti, duke folur për Zërin e Amerikës, vlerësoi se në kohën e krizës globale energjitike për shkak të sulmit rus në Ukrainë dhe inflacionit që pasoi dhe “në kohën kur Kosova nuk arrin që me prodhimin e saj në stinën e dimrit të mbulojë konsumin…nuk kemi mundur të paramendojmë një marrëveshje më të mirë sesa kjo që bëmë tani me Korporatën e Sfidës së Mijëvjeçarit”.

Zonja Albright tha se puna me Kosovën ka filluar para disa vitesh në programin përmes së cilit Kosova do të ndihmohet tej mase në sektorin energjetik.

“Në të gjitha nivelet është një ditë e rëndësishme për Shtetet e Bashkuara, Korporatën Sfidat e Mijëvjeçarit dhe Republikën e Kosovës. Qeveritë dhe të dyja shtetet janë miq shumë të mirë dhe kjo marrëveshje është burim krenarie për të gjitha palët e përfshira”, tha zonja Albright për Zërin e Amerikës.

Qëllimi i ndihmës financiare amerikane është të sigurohet pavarësia e sektorit të energjisë në Kosovë, duke u përqendruar në ruajtjen e energjisë elektrike për periudha kur nevoja është më e madhe, sidomos në kohë dimri. Projekti po ashtu ka për qëllim edhe rritjen e burimeve njerëzore, sidomos trajnimi i grave dhe punësimi i tyre në sektorin energjetik të Kosovës, një fushë që kryesisht dominohet nga burrat.

Ministrja e Ekonomisë së Kosovës, Artane Rizvanolli Berisha i tha Zërit të Amerikës se derdhja e fondeve do të nisë të bëhet pasi Kosova të bëjë disa ndryshime ligjore, të domosdoshme për zbatimin e marrëveshjes.

Marrëveshja e nënshkruar të mërkurën në Uashington pritet të ratifikohet të enjten në Kuvendin e Kosovës.

The post Nënshkruhet marrëveshja, SHBA do të investojë në Kosovë mbi 236 miliardë dollarë në sektorin e energjisë appeared first on Albeu.com.

Emiratet e Bashkuara Arabe shihen si një partner kyç për vendet perëndimore, ndërsa ato përpiqen të nënshkruajnë marrëveshje energjie në mbarë botën për të zëvendësuar importet nga Rusia. Sheikh Mohamed, i njohur gjithashtu si MBZ, bëri vizitën e tij të parë shtetërore jashtë shtetit që nga marrja e detyrës në maj.

Vizita e presidentit të Emirateve të Bashkuara Arabe në Francë erdhi pas turneut të parë të presidentit amerikan Joe Biden në Lindjen e Mesme si president, i cili përfshinte një vizitë në Arabinë Saudite për bisedime për energjinë.

Macron dhe Biden folën për furnizimet me energji nga Lindja e Mesme në një samit të G7 në fund të qershorit në Gjermani. Sanksionet perëndimore kundër sektorit energjetik rus pas pushtimit të Ukrainës nga Presidenti Vladimir Putin, kanë bërë që shumë vende të përballen me mungesa./albeu.com

The post Nënshkruhet marrëveshja, Franca do importojë gaz nga Emiratet e Bashkuara Arabe appeared first on Albeu.com.

Ministri i Brendshëm Bldi Çuçi ka prezantuar sot marrëveshjen që do nënshkruhet për krijimin e lehtësirave të kalimit në kufirin Shqipëri-Kosovë dhe anasjelltas.

“Protokolli i parë që do nënshkruajmë me homologun Svelça që përgjatë periudhës së verës dhe gjatë fundjavave kur ka fluks lëvizjeje nga të dyja krahët ne do ta lehtësojmë plotësisht. Nëpërmjet protokollit të parë që do nënshkruajmë do përcaktojmë që prej 1 qershorit deri në 1 shtator, për çdo fundjavë dhe çdo ditë feste shtetërore në kufijtë tanë shtetasit e Kosovës dhe Shqipërisë do kalojnë pa qenë nevoja e regjistrimit nga organet kufitare në mënyrë që të mos krijohet asnjë radhë apo vonesë për qytetarët në të dyja anët”, tha ministri Çuçi

Çfarë parashikon marrëveshja?

Para 3 muajsh, në mars të këtij viti, kuvendi i RSH miratoi marrëveshjen që mundësonte kalimin e kufirit për banorët e zonave kufitare të dy shteteve, në vendkalime dhe në zonat më të afërta për banorët përgjatë vijës kufitare, edhe jashtë pikave të kalimit kufitar. Kalimi i kufirit për ta do të bëhet në çdo orë përgjatë 24 orëve, pa nevojën e vulosjes apo regjistrimit të dokumenteve të identifikimit dhe pa nevojën e mbikëqyrjes direkt të autoriteteve të kufirit.

Banorët e zonave kufitare do të pajisen me lejen kufitare, duke plotësuar një formular të thjeshtë dhe unik në portalin qeveritar e-Albania. Qytetarit do ti dërgohet leja e miratuar elektronikisht në adresën e tij e-mail brenda 5 ditëve. Kjo leje është e vlefshme deri në 5 vjet dhe pa asnjë kosto për shtetasit shqiptar;
 Autoritet kufitare do të përcaktojnë gjithashtu korsi dhe hapësira të dedikuara, nëpërmjet të cilave banorët e pajisur me lejen kufitare do të kalojnë pa kontroll dhe jashtë radhëve që mund të ketë në kufi, duke u dhënë përparësi kalimit të tyre.

Cilat janë përfitimet?

Nga kjo marrëveshje përfiton një popullsi prej më shume se 98 mijë banorë e shtrirë në 3 qytete, Kukës, Krumë dhe Tropojë dhe në 19 njësi administrative të Qarkut së Kukësit.

Protokolli për kontrollin e përbashkët kufitar në PPKK Morinë, Kukë

Çfarë është

Duke u nisur nga rritja e fluksit të lëvizjeve në të dy anët e kufirit, me qëllim që ti shërbejmë sa më mirë lëvizjes së qytetarëve mes dy shteteve, me nënshkrimin e këtij protokolli do të lehtësojmë edhe më procedurat e kalimit të kufirit për shtetasit e Kosovës dhe të Shqipërisë në pikën kufitare Morinë.

Si do të funksionojë?

Me këtë protokoll ne vendosim që për periudhën nga 1 Qershori deri më 30 shtator, ditëve të fundjavave gjatë gjithë vitit dhe ditëve të festave shtetërore, shtetasit e Kosovës dhe të Shqipërisë të kalojnë kufirin pa qenë nevoja e regjistrimit nga organet kufitare. Kjo bëhet me qëllim shmangien e radhëve dhe përshpejtimin e lëvizjes së qytetarëve;
 Aspekti i dytë i këtij protokolli, prek aspekte të integrimit dhe unifikimit të shërbimeve kufitare me Republikën e Kosovës. Në këtë kuadër janë përcaktuar përgjegjësitë e secilës palë në administrimin e godinave dhe të ambienteve dhe procedura të detajuara për veprimtarinë e përditshme të përbashkët të personelit të kufirit.

The post Nënshkruhet marrëveshja, Shqipëri – Kosovë pa kufij për festa zyrtare dhe në fundjavë appeared first on Albeu.com.