Ministria për Punë, Familje dhe Vlerat e Luftës Çlirimtare (MPFVLÇ) dhe Deutsche Gesellschaft für Internationale Zusammenarbeit (GIZ) kanë formalizuar Marrëveshjen e Zbatimit të projektit “Fuqizimi Ekonomik i Grave (EEW)”. Nisma synon përmirësimin e kushteve strukturore, individuale dhe shoqërore për gratë në Kosovë, duke zgjeruar qasjen e tyre në tregun e punës dhe mundësitë për punësim. Vëmendje e veçantë do t’u kushtohet grave nga zonat rurale dhe kategorive më pak të përfaqësuara.

Ministria njofton se projekti do të ndihmojë në zhvillimin dhe avancimin e shërbimeve të punësimit, forcimin e kapaciteteve institucionale, ofrimin e orientimit në karrierë dhe aftësimin profesional. Po ashtu, do të nxitet zbatimi i politikave aktive të tregut të punës, me qëllim hapjen e më shumë mundësive për pjesëmarrjen e grave në jetën ekonomike.

Në kuadër të projektit parashikohet një bashkëpunim i afërt me Ministrinë e Punës, Familjes dhe Vlerave të Luftës Çlirimtare dhe Agjencinë e Punësimit të Republikës së Kosovës për përkrahjen e ndërmarrjeve sociale. Sipas njoftimit, do të krijohet një grup i përbashkët pune dhe do të kryhet një vlerësim i nevojave. Gjetjet e këtij vlerësimi do të shërbejnë si bazë për planifikimin e aktiviteteve të ardhshme, në përputhje me objektivat e projektit dhe burimet që janë në dispozicion.

Kjo marrëveshje është pjesë e bashkëpunimit zhvillimor mes Republikës së Kosovës dhe Republikës Federale të Gjermanisë. Zbatimi i saj bëhet në kuadër të marrëveshjeve dhe dakordimeve të arritura ndërmjet dy qeverive për bashkëpunim ekonomik dhe teknik, duke rikonfirmuar partneritetin e afërt të të dyja vendeve në mbështetje të zhvillimit ekonomik dhe social të Kosovës.

The post Nënshkruhet marrëveshja që synon fuqizimin ekonomik të grave në Kosovë appeared first on Albeu.com.

Kosova dhe Mali i Zi pritet të firmosin sot marrëveshjen për njohjen reciproke të shërbimeve të besuara dhe identifikimit elektronik. Nisma synon të thjeshtojë përdorimin e shërbimeve digjitale mes dy shteteve.

Nënshkrues të marrëveshjes do të jenë ministri në detyrë i Digjitalizimit dhe Administratës Publike i Kosovës, Lulëzon Jagxhiu, si dhe ministri i Administratës Publike i Malit të Zi, Marash Dukaj.

Ngjarja do të mbahet në Sallën e Takimeve, në katin e 18-të të objektit të ish-Rilindjes, duke nisur nga ora 14:00.

Pas përfundimit të ceremonisë, dy ministrat do t’u drejtohen mediave me deklarata, gjatë të cilave pritet të shpjegojnë peshën e marrëveshjes dhe dobitë që ajo sjell për qytetarët, bizneset dhe bashkëpunimin institucional mes Kosovës e Malit të Zi.

The post Kosovë-Mali i Zi formalizojnë njohjen e ndërsjellë të identifikimit elektronik appeared first on Albeu.com.

Procesi për mbylljen e Qendrës së Paraburgimit në Gjilan ka nisur, ndërsa personat që kanë qenë të vendosur aty po transferohen në institucione të tjera korrektuese, ka bërë të ditur Oda e Avokatëve pas njoftimit të marrë nga Shërbimi Korrektues i Kosovës.

Sipas saj, objekti në Gjilan do të përdoret në kuadër të marrëveshjes që lidhet me të burgosurit nga Mbretëria e Danimarkës.

“Oda e Avokatëve të Kosovës është njoftuar zyrtarisht nga Shërbimi Korrektues i Kosovës se ka filluar procesi i mbylljes së Qendrës së Paraburgimit në Gjilan, në kuadër të zbatimit të traktatit ndërmjet Republikës së Kosovës dhe Mbretërisë së Danimarkës për shfrytëzimin e këtij objekti për ekzekutimin e dënimeve të shqiptuara nga autoritetet daneze. Sipas njoftimit zyrtar, tashmë ka filluar transferimi gradual i personave të privuar nga liria nga Qendra e Paraburgimit në Gjilan drejt institucioneve të tjera korrektuese, proces i cili do të zhvillohet në faza, në përputhje me vlerësimet e sigurisë, kapacitetet akomoduese dhe nevojat operative të Shërbimit Korrektues të Kosovës”, thuhet në njoftim.

Oda e Avokatëve ka sqaruar se këtë njoftim po e bën për të informuar me kohë komunitetin e avokatëve dhe për të ndihmuar në komunikimin me klientët gjatë periudhës së tranzicionit.

Në vitin 2022, Kosova dhe Danimarka nënshkruan një marrëveshje 10-vjeçare për transferimin e të burgosurve nga shteti nordik. Kjo marrëveshje parashikon që Danimarka të marrë me qira 300 qeli burgu në Gjilan, ndërsa Kosova do të përfitojë mbi 200 milionë euro.

Po sipas marrëveshjes, në Kosovë nuk do të transferohen të burgosur të dënuar për krime të rënda, me dënime mbi 10 vjet, si dhe persona që kanë probleme mendore.

Ky plan është përballur me kundërshtime në Danimarkë dhe për një periudhë ka qenë edhe i pezulluar, pas pretendimeve për shkelje të të drejtave të njeriut.

The post Fillon mbyllja e Qendrës së Paraburgimit në Gjilan, objekti kalon në funksion të marrëveshjes me Danimarkën appeared first on Albeu.com.

Ambasada e Shteteve të Bashkuara në Kosovë ka përcjellë një urim për qytetarët me rastin e Ditës së Pavarësisë, në 250-vjetorin e shpalljes së Pavarësisë së SHBA-së.

Në mesazhin e saj, Ambasada ka sjellë në vëmendje John Hancock, duke kujtuar se ai ishte personi që, 250 vjet më parë, e vendosi i pari emrin në Deklaratën e Pavarësisë.

Ambasada theksoi se firma e Hancock-ut vazhdon të përfaqësojë guximin dhe vendosmërinë e themeluesve të Shteteve të Bashkuara.

“Dyqind e pesëdhjetë vjet më parë, sot, John Hancock e vendosi emrin e tij të parin në Deklaratën e Pavarësisë. Dhe jo me përulësi. Është e lehtë të harrosh se duke nënshkruar Deklaratën, Hancock po kryente një akt tradhtie në emër të lirisë. Firma e tij mbetet një simbol i guximit të themeluesve të Amerikës. Gëzuar Ditën e Pavarësisë!”, thuhet në urimin e Ambasadës Amerikane.

The post Ambasada e SHBA-së në Kosovë përshëndet 250-vjetorin e Pavarësisë amerikane appeared first on Albeu.com.

Sipas MPJD-së, marrëveshja e saponënshkruar përcakton të drejtën e anëtarëve të familjeve të personelit diplomatik dhe konsullor që të angazhohen në veprimtari fitimprurëse gjatë periudhës së shërbimit jashtë vendit, duke ofruar kushte më të mira për diplomatët e të dy shteteve.

Dokumenti është nënshkruar nga zëvendësministri i Punëve të Jashtme dhe Diasporës i Republikës së Kosovës, Kreshnik Ahmeti, dhe nga Sekretari i Përgjithshëm i Ministrisë Federale për Çështje Evropiane dhe Ndërkombëtare të Austrisë, Nikolaus Marschik.

MPJD ka bërë të ditur po ashtu se, pas ceremonisë së nënshkrimit, është mbajtur edhe një takim bilateral, gjatë të cilit është biseduar për thellimin e marrëdhënieve ndërmjet dy vendeve, bashkëpunimin ekonomik e institucional, si edhe zhvillimet politike dhe të sigurisë në Ballkanin Perëndimor dhe në Evropë.

The post Kosova dhe Austria firmosin marrëveshje, familjarët e diplomatëve fitojnë të drejtën e punës appeared first on Albeu.com.

Nën udhëheqjen e kancelarit gjerman, Olaf Scholz, samiti u mbajt të hënën në Berlin. Të pranishëm ishin edhe presidentja e Komisionit Evropian, Ursula von der Leyen, dhe përfaqësues të vendeve partnere.

Scholz tha se marrëveshjet e reja “do ta bëjnë jetën e njerëzve më të lehtë”.

“Procesi i Berlinit është instrumenti më i mirë jo vetëm për bashkëpunimin rajonal, por edhe për përshpejtimin e integrimit evropian të të gjitha vendeve të Ballkanit Perëndimor”, tha ai.

Plani i ri për tregun e përbashkët rajonal është pjesë integrale e Planit të Rritjes për Ballkanin Perëndimor, i cili u miratua nga Bashkimi Evropian në muajin maj dhe ka vlerën e gjashtë miliardë eurove.

Ky plan synon t’i mbështesë reformat e rajonit, që lidhen me BE-në, si dhe rritjen e tij ekonomike.

Vendet anëtare të BE-së i miratuan më 11 tetor agjendat e reformave të pesë vendeve të rajonit – përveç Bosnje e Hercegovinës – duke i hapur kështu rrugë Komisionit Evropian që t’i bëjë pagesat e para nga paketa në fjalë.

Bosnja duhet të presë ende për miratimin e agjendës së saj, pasi dokumenti që ky vend dërgoi në BE, nuk ishte komplet dhe nuk i adresonte të gjitha sugjerimet e dhëna nga Komisioni Evropian.

Sipas një përllogaritje jozyrtare, Kosova do të mund të përfitojë mbi 880 milionë euro nga Plani i Rritjes. Mbi 250 milionë euro, asaj do t’i ndaheshin si para pa kthim, ndërsa pjesa tjetër në formën e kredive të volitshme.

Gjatë adresimit të tij në samit, kryeministri i Kosovës, Albin Kurti, foli mes tjerash për rëndësinë e bashkëpunimit rajonal, duke njoftuar se Kosova, nisur nga 1 janari i vitit të ardhshëm, do t’u mundësojë qytetarëve të Bosnje e Hercegovinës të hyjnë në vend me vetëm letërnjoftime.

Aktualisht, qytetarët e të dyja vendeve duhet të pajisen me viza për të hyrë në territorin e njëra-tjetrës.

Një marrëveshje për lëvizje të lirë me letërnjoftime mes vendeve të Ballkanit Perëndimor u arrit në vitin 2022, por nuk u zbatua plotësisht.

Qytetarët e Kosovës mund të lëvizin me letërnjoftime në Maqedoni të Veriut, Shqipëri, Serbi dhe Mal të Zi. Bosnje e Hercegovina, e cila – sikurse Serbia – nuk e njeh shtetin e Kosovës, nuk e ratifikoi marrëveshjen për lëvizje të lirë./REL

The post Liderët e Ballkanit Perëndimor nënshkruajnë marrëveshje të reja në Berlin appeared first on Albeu.com.

Pagesa online që prej sulmit kibernetik qëndroi mbi 1 vit e mbyllur. Pagesat kryheshin vetëm manualisht nga bizneset.

Teksa në dhjetëra raste të aplikuara për Certifikata e Fiskalizimit sipas kontabilistëve, aplikimi vjen brenda disa minutave, nuk mund të thuhet e njëjta gjë për Nënshkrimin Elektronik.

Për t’u pajisur me Nënshkrim Elektronik, edhe pse pagesa kryhet online, sërish aplikimi kalon në pritje, njësoj sikur të bëhej manualisht, madje duke kaluar edhe afatet ligjore.

Siç është rasti i një biznesi që ka aplikuar që prej datës 7 Korrik për Nënshkrimin Elektronik dhe ende nuk ka marrë përgjigje.

Si bizneset dhe kontabilistët ngrenë shqetësimin se kjo vonesë po sjell problematika, pasi përkojnë me periudhën e depozitimit të pasqyrave financiare në QKB.

Këto vonesa mund të çojnë bizneset drejt penaliteteve për mosdepozitim të Pasqyrave Financiare në afat. Agjencia Kombëtare e Shoqërisë së Informacionit (AKSHI) për shqetësimin e ngritur nga bizneset, pohoi se nuk ka vonesa përtej afateve ligjore, si për aplikimet për pajisjen e Nënshkrimit Elektronik dhe Certifikatën Elektronike.

AKSHI sqaroi se Certifikata Elektronike mundësohet automatikisht pas kryerjes së pagesës, pasi ky lloj aplikimi nuk kërkon verifikim përtej pagesës.

Ndërsa për aplikimet për nënshkrim elektronik të administratorëve të bizneseve, veç verifikimeve për pagesën e kryer, kërkojnë dhe verifikimin e informacioneve të vendosura nga qytetari, që e lidhin këtë të fundit me subjektin për të cilin aplikojnë si administratorë.

“Fillimisht duam të theksojmë se asnjë nga aplikimet për pajisje me nënshkrim elektronik apo me certifikatë elektronike, në kuadër të procesit të fiskalizimit, nuk është jashtë afateve të marrjes së shërbimit prej 10 ditëve pune. Nga ana e stafit tonë po kryhet një punë voluminoze, në mënyrë që t’u qëndrojmë këtyre afateve edhe pse kjo periudhë ka një fluks të shtuar të aplikimeve për këto shërbime. Procesi automatik i marrjes së shërbimit, pas kryerjes së pagesës online është vetëm për pajisjen me certifikatë elektronike në kuadër të procesit të fiskalizimit. Ky lloj aplikimi kërkon vetëm verifikimin e kryerjes saktë të pagesës, nëpërmjet mandatit të pagesës. Në momentin që pagesa kryhet online ky verifikim nuk ka nevojë të kryhet e kështu mund të gjenerojmë automatikisht certifikatën elektronike për subjektin.

Nga ana tjetër, aplikimet për nënshkrim elektronik të administratorëve të bizneseve, veç verifikimeve për pagesën e kryer, kërkojnë dhe verifikimin e informacioneve të vendosura nga qytetari, që e lidhin këtë të fundit me subjektin për të cilin aplikojnë si administratorë.

Kjo pasi AKSHI, si Ofrues i Kualifikuar i Shërbimeve të Besuara (OKSHB), duhet të garantojë vërtetësinë atributeve të vendosura në nënshkrimin elektronik të mbajtësit të nënshkrimit. Ky është një proces që kërkon kohë dhe realizohet nga punonjësit e sektorit të çelësave publik pranë AKSHI-t. Për sa më sipër nënshkrimet elektronike nuk mund të gjenerohen automatikisht nga sistemi. Nga ana tjetër, aplikimet për nënshkrim elektronik të administratorëve të bizneseve, veç verifikimeve për pagesën e kryer, kërkojnë dhe verifikimin e informacioneve të vendosura nga qytetari, që e lidhin këtë të fundit me subjektin për të cilin aplikojnë si administratorë”, theksohet në sqarim.

AKSHI gjithashtu, kërkoi që bizneset të bëjnë kujdes me delegimin e procedurës për aplikimet e nënshkrimit elektronik te zyrat e kontabilitetit dhe të mos neglizhohen njoftimet paraprake për datën e përfundimit të vlefshmërisë.

“Një dukuri shqetësuese që vihet re shpesh nga ana jonë, është fakti se shumë biznese e delegojnë kryerjen e kësaj procedurë tek zyrat e kontabilitetit apo persona të tretë. Kjo sjell që njoftimet e personalizuara periodike që nisen drejt çdo përdoruesi nga ana jonë, për të treguar kujdes për datën e përfundimit të validitetit të nënshkrimit elektronik, të neglizhohen.

Neglizhenca ndaj njoftimeve të përfundimit të validitetit bëjnë dhe që pjesa më e madhe e aplikimeve për rinovimin e nënshkrimit elektronik të lihet për në moment të fundit, si rasti konkret i shprehur në e-mailin tuaj. Së fundi duam të ritheksojmë se asnjë aplikim nuk është jashtë afatit të marrjes së shërbimit të kërkuar dhe se gjykojmë se këtu nuk ka një situatë e cila pritet të rekuperohet nga ana e AKSHI”.

Pagesa online është një lehtësim për bizneset, pasi nuk duhet të presin gjatë, për t’u pajisur me Certifikatë apo Nënshkrime Elektronike që ju nevojiten në punët e tyre të përditshme./Monitor

The post AKSHI: Aplikimet për nënshkrim dhe certifikatën elektronike brenda afatit, kujdes me delegimin e procesit appeared first on Albeu.com.

Pasi zyrtarizoi nënshkrimin e tij, Barça ka postuar një video në të cilën ndërkombëtari i La Roja dërgon mesazhin e tij të parë si lojtar i Barçës. “Përshëndetje culés, jam shumë i lumtur të njoftoj se sot po i bashkohem këtij klubi të madh. Do të jetë krenari të vesh ngjyrat e kësaj fanelle. Shihemi shumë shpejt“, thotë Ferran Torres.

Sulmuesi  do të prezantohet të hënën e ardhshme në Camp Nou, në një ceremoni me dyer të hapura. Klubi ka njoftuar se do të hapë dyert në orën 10 të mëngjesit. Prezantimi i tij do të bëhet në orën 11 të mëngjesit. /albeu.com

The post Mesazhi i parë i Ferran Torres si lojtar i Barçës appeared first on Albeu.com.

Aurier ishte lojtar i lirë që nga vera e kaluar pasi kontrata me “spurs” kishte përfunduar.

Ditët e fundit emri i tij u lidh edhe me Real Madridin  i cili është në kërkim të një zëvendsësuesi për Carvajal, por “nëndetsja e verdhë” është skuadra e re e mbrojtësit nga Bregu i Fildishtë. /albeu.com

? @Serge_aurier ?

? https://t.co/AH7oZdOnMZ

¡?????????? ?? ?????????? ?! pic.twitter.com/Do7Qd0nFRj

— Villarreal CF (@VillarrealCF) October 4, 2021

The post ZYRTARE/ “Vërdallisej” i lirë, Villarreal nënshkruan me ish-mbrojtësin e Tottenham appeared first on Albeu.com.