Nënkryetari i LDK-së, Lutfi Haziri, ka njoftuar se deputetët e kësaj partie do të marrin pjesë sot në vazhdimin e seancës konstituive të Kuvendit.

Sipas tij, LDK-ja do të votojë për kandidatin e Lëvizjes Vetëvendosje për kryetar të Kuvendit, si dhe për kandidatët për nënkryetarë.

“Ne si LDK e votojmë”, ka deklaruar Haziri.

Duke folur në emisionin “Politiko” në Kanal 10, ai ka theksuar se ka qenë gjithmonë në favor të marrëveshjeve, bashkëpunimit dhe koordinimit mes subjekteve politike.

“Unë jam kanë pro marrëveshjeve dhe bashkëpunimit, të koordinimit sa ma të mirë. Kështu që, natyrshëm, duhet me kalu kandidati i VV-së për kryetar të Kuvendit, kushdo që është, dhe nënkryetarët që vijnë nga secila parti”, ka thënë Haziri.

The post Haziri: LDK-ja do të mbështesë kandidatin dhe nënkryetarët e propozuar nga VV-ja appeared first on Albeu.com.