Albin Kurti është shprehur se pret një takim me kryetarin e Partisë Demokratike të Kosovës, Bedri Hamzën, për të përcaktuar se cili deputet i PDK-së do të marrë mbështetjen e Lëvizjes Vetëvendosje për postin e nënkryetarit të Kuvendit.

Kjo çështje u rikthye në qendër pas pamundësimit të zgjedhjes së Vlora Çitakut në këtë detyrë, zhvillim që u pasua nga largimi i PDK-së nga seanca.

Kurti tha se Çitaku ka votuar vazhdimisht kundër nismave dhe kandidatëve të propozuar nga LVV-ja. Sipas tij, vitin e kaluar ajo kërkoi tërheqjen e Albulena Haxhiut, ndërsa këtë vit kundërshtoi kandidaturën e Feride Rushitit. Ai përmendi gjithashtu bojkotin e votimit për Haxhiun si kryetare të Kuvendit dhe paralajmërimin e Çitakut se do të bojkotojë edhe zgjedhjen e presidentit.

“Ju e dini që vitin e kaluar Çitaku pat kërkuar që Albulena Haxhiu të tërhiqet, sivjet që Feride Rushiti të tërhiqet, pardje e bojkotoi votimin e Haxhiut për kryetare të kuvendit dhe njëkohësisht ka paralajmëruar bojkotin edhe për presidentin. Kjo është që ne medoemos një deputet të PDK do ta votojmë për nënkryetar, dhe të LDK-së, mirëpo ju i dini aktgjykimet, nuk është e thënë që të jetë emri unik. Uroj që të jenë konstruktiv siç kemi qenë ne vitin e kaluar. Në një takim timin me Hamzën do ta sqaronim se cili deputet do të mund të votohej”, tha Kurti.

Kryeministri në detyrë theksoi se LVV-ja do të votojë patjetër një deputet të PDK-së dhe një deputet ose deputete të LDK-së për postet e nënkryetarëve të Kuvendit. Ai shtoi se, në bazë të një aktgjykimi të Gjykatës Kushtetuese të vitit të kaluar, nuk është e domosdoshme që për këto pozita të votohet vetëm një emër i caktuar.

Kurti pranoi se ende nuk i ka dërguar ftesë zyrtare Hamzës, por tha se synon që të takohen për të biseduar dhe për t’i shqyrtuar emrat e kandidatëve.

“Nuk kam dërgua ende ftesa. Unë po dua që të takohemi, të bisedojmë dhe aty t’i diskutojmë emrat”, deklaroi ai.

Sipas Kurtit, takimi është në interes të PDK-së, pasi kjo parti ka nevojë për votat e LVV-së për të zgjedhur nënkryetarin e saj të Kuvendit. Në anën tjetër, ai tha se LVV-ja mund ta zgjedhë presidentin edhe nëse deputetët e PDK-së votojnë kundër ose nuk marrin pjesë në proces.

“Besoj që PDK-ja nuk është dashur ta braktis procesin e konstituimit të Kuvendit, shpresoj që të vjen të dielën, në mënyrë që të bëjmë edhe këtë katër nënkryetarët e tjerë dhe të procedojmë me qeveri e zgjedhje të presidentit. Ritheksoj se duhet të evitojmë zgjedhjet e reja, që janë të panevojshme, të përsëritura e të kushtueshme dhe për këtë ma nevojitet marrëveshja politike. Më vjen keq që kryetari i PDK nuk është përgjigjur për takim, këtë e ka bërë publikisht, por unë mendoj që kemi nevojë për takim. PDK për ta zgjedhur nënkryetarin i nevojiten votat e VV. VV-së për të zgjedhur presidentin i nevojitet mungesa e bojkotit apo madje edhe vota kundër e PDK. Atyre ju nevojitet vota jonë për, neve na kryen punë edhe ajo kundër”, tha Kurti.

Ai e cilësoi të regrettueshme braktisjen e procesit të konstituimit të Kuvendit, duke vlerësuar se seanca e 11.09.2026 kishte qenë një mundësi për përmbylljen e këtij procesi.

“Është për t’u ardhë keq që kësaj radhe as nuk takohemi e sot kemi braktisje të procesit të konstituimit të Kuvendit”, u shpreh Kurti.

Ai kujtoi se partitë politike më herët e kishin cilësuar si urgjente konstituimin e Kuvendit dhe kishin deklaruar se nuk duhej të largohej askush nga seanca pa përfunduar ky proces.

“Ju e dini që më herët thoshin që e kanë me urgjencë, se duhet të hyjmë në seancë dhe të mos dalim prej aty derisa ta kemi të konstituar Kuvendin. Sot ishte shansi për një gjë të tillë, por u lëshua ky shans”, tha ai.

Megjithatë, Kurti beson se marrëveshja politike mund të arrihet ende dhe se procesi mund të mbyllet të dielën.

“Nuk është tepër vonë, jemi vonë, por nuk është tepër vonë. Nëse e bëjmë këtë të dielën, megjithatë do të konsiderojmë që përgjithësisht e së bashku ishim të suksesshëm”, deklaroi kryetari i LVV-së.

Kurti, i cili doli ndër të fundit nga ndërtesa e Kuvendit, nuk tregoi nëse do të marrë pjesë në marshin e së shtunës, të planifikuar para vendimit final në Hagë. Edhe gjatë mëngjesit ai i ishte shmangur së njëjtës pyetje, duke thënë se do të përgjigjej më vonë gjatë ditës.

The post Pas ndërprerjes së seancës, Kurti kërkon takim me Hamzën për të diskutuar kandidatët appeared first on Albeu.com.

Kryeministri në detyrë, Albin Kurti, ka deklaruar se Lëvizja Vetëvendosje është e gatshme të mbështesë me votë një deputet të Partisë Demokratike të Kosovës për pozitën e nënkryetarit të Kuvendit. Ai ka kërkuar që kandidatët për këto poste të diskutohen përmes takimeve mes subjekteve politike.

Sipas Kurtit, Lëvizja Vetëvendosje do të votojë patjetër edhe një deputet ose deputete të Lidhjes Demokratike të Kosovës për nënkryetar të Kuvendit. Ai tha se këtë qëndrim e kishte shprehur më herët edhe shefja e grupit parlamentar të LVV-së, Arbërie Nagavci.

Kurti ka theksuar se një aktgjykim i Gjykatës Kushtetuese nga viti i kaluar nuk e obligon votimin vetëm për një kandidat të caktuar për këto pozita.

Ai ka bërë të ditur se synon të zhvillojë një takim me kryetarin e PDK-së, Bedri Hamzën, ku do të shqyrtohen emrat e kandidatëve për nënkryetarë të Kuvendit.

“Nuk kam dërgua ende ftesa. Unë po dua që të takohemi, të bisedojmë dhe aty t’i diskutojmë emrat”, ka thënë Kurti.

Duke iu referuar qëndrimeve të deputetes së PDK-së, Vlora Çitaku, Kurti tha se ajo vitin e kaluar kishte kërkuar tërheqjen e Albulena Haxhiut, ndërsa këtë vit tërheqjen e Feride Rushitit. Ai përmendi gjithashtu bojkotin e votimit për Haxhiun për kryetare të Kuvendit, si dhe paralajmërimin e Çitakut për bojkot të zgjedhjes së presidentit.

Kreu i LVV-së e ka konsideruar të keqardhshme largimin nga procesi i konstituimit të Kuvendit, duke vlerësuar se seanca e sotme ofronte mundësi për përfundimin e tij.

“Është për t’u ardhë keq që kësaj radhe as nuk takohemi e sot kemi braktisje të procesit të konstituimit të Kuvendit”, ka deklaruar Kurti.

Ai tha se partitë kishin insistuar më parë për konstituim urgjent të Kuvendit dhe kishin kërkuar që seanca të mos ndërpritej pa u finalizuar ky proces. Sipas tij, mundësia për ta bërë këtë sot nuk u shfrytëzua.

“Ju e dini që më herët thoshin që e kanë me urgjencë, se duhet të hyjmë në seancë dhe të mos dalim prej aty derisa ta kemi të konstituar Kuvendin. Sot ishte shansi për një gjë të tillë, por u lëshua ky shans”, ka thënë ai.

Megjithatë, Kurti është shprehur se ende ka hapësirë për marrëveshje dhe përmbyllje të konstituimit të Kuvendit.

“Nuk është tepër vonë, jemi vonë, por nuk është tepër vonë. Nëse e bëjmë këtë të dielën, megjithatë do të konsiderojmë që përgjithësisht e së bashku ishim të suksesshëm”, ka deklaruar Kurti.

The post Kurti fton Hamzën në takim për emrat e nënkryetarëve pas dështimit të seancës appeared first on Albeu.com.

Kuvendi i Kosovës do të mblidhet sërish sot për të vijuar seancën konstituive, ndërsa në rendin e ditës është caktuar zgjedhja e nënkryetarëve të Kuvendit.

Sipas njoftimit të Drejtorisë për Media dhe Marrëdhënie me Publikun, seanca do të rinisë në orën 11:00 në sallën e seancave.

Procesi i zgjedhjes së nënkryetarëve nuk u përmbyll gjatë vazhdimit të seancës të mërkurën, pasi deputetët nuk gjetën dakordësi për mënyrën e votimit të kandidatëve.

Për pasojë, kryetarja e sapozgjedhur e Kuvendit, Albulena Haxhiu, njoftoi shtyrjen e seancës për ditën e premte.

The post Sot rifillon seanca konstituive e Kuvendit të Kosovës, pritet zgjedhja e nënkryetarëve appeared first on Albeu.com.

Pas takimit të Grupit Parlamentar, kreu i Partisë Demokratike të Kosovës, Bedri Hamza, u prononcua para përfaqësuesve të mediave.

Ai konfirmoi se forca e tij politike do të jetë prezent në seancën konstituive të legjislaturës së re të Kuvendit.

Duke iu përgjigjur pyetjeve rreth kandidatit për pozitën e nënkryetarit, Hamza zbuloi se emri i propozuar është Vlora Çitaku.

“Propozimi ynë është dorëzuar brenda afatit të caktuar dhe kemi zgjedhur zonjën Vlora Çitaku”, deklaroi ai.

The post PDK propozon Vlora Çitakun për postin e nënkryetares së Kuvendit appeared first on Albeu.com.

Sekretar i Përgjithshëm i PD-së, u zgjodh, Flamur Noka. Në postin e nënkryetarit u zgjodhën Oerd Bylykbashi dhe Flamur Noka.

Sekretar Organizativ u zgjodh Ervin Minarolli.

Sekretar për Organizatat Partnere është zgjedhur Megi balliu me 103 vota.

Ndërkohë në postin e Sekretare për Luftën Kundër Korrupsioni fituese u shpall Ledia Mandia.

Për Sekretariatin për të Drejtat e Njeriut fitues u shpall Bislim Ahmetaj.

Sekretar për Integrimin Europian është zgjedhur Edmond Spaho i cili ika marrë 107 vota.

Sekretar për Marrdhëniet me Publikun është zgjedhur Jola Hysaj me 111 vota.

Sekretar për ish-të Përndjekurit Politik është zgjedhur Lorenc Luka me 112 vota.

Sekretar për Emigracionin dhe diasporën u zgjodh Indrit Hoxha, i cili mori 104 vota.

Sekretar për Pushtetin vendor u zgjodh Ylli Hasani.

Sekretar për Çështjet Zgjedhore u Zgjodh Ivi Kaso.

Për Kryetar të Gjykatës së Apleti të PD, u zgjodh Adriana Kalaja me 126 vota.

Anëtarë janë zgjedhur Elton Bano 144 vota, Anxhela Malko 135 vota, Ledio Nuraj 127, Gledis Çela 83 vota, Arenc Berati dhe Shaqir Manjani.

The post EMRAT/ Nga Sekretari i Përgjithshëm tek Sekretari për Çështjet Zgjedhore, kush janë drejtuesit e rinj të strukturave në PD appeared first on Albeu.com.