nene e bir Archives - Albeu.com

Tragjedia në Maliq/ Përcillen sot për në banesën e fundit nënë e bir, fqinja tregon momentet e tmerrshme…

V K — Mon, 20 Oct 2025 09:13:34 +0000

Pas tragjedisë që ndodhi ditën e djeshme, në Maliq ka pllakuar heshtja dhe dhimbja. Nënë e bir, Merjeme Hazisllari, 38-vjeçe dhe djali i saj Luka Hazisllari, 14-vjeç, humbën jetën, pasi u asfiksuan nga zjarri që ‘mbërtheu’ të gjithë banesën, ndërsa është në gjendje të rëndë shëndetësore vajza, Nefeli Hazisllari, 6-vjeçe.

Kjo e fundit ndodhet në terapi intensive në Pediatrinë e Tiranës, ndërsa ka djegie në fytyrë dhe trup.

Sakaq, të afërm të viktimave, kanë shkuar për ngushëllim në banesën e xhaxhait të fëmijëve, e cila ka hapur dyert e mortit, pasi banesa e vëllait të tij është shkrumbuar totalisht nga flakët.

Nënë e bir do të përcillen për në banesën e fundit në orën 15:00.

Dëshmia e fqinjes:

Xhemile Kapri është personi i parë që ka qenë në vendngjarje, aty ku ditën e djeshme një tragjedi i morri jetën nënës dhe djalit të mitur, 14-vjeçarit Luka Hazisllari ndërsa u plagos rëndë vajza vetëm 6-vjeçarja Nefeli Hazisllari.

Ajo ka rrëfyer momentet e tmerrit, ndërsa tregon se askush nuk e dinte që në banesë ishte edhe 38-vjeçarja Merjeme Hazisllari e cila humbi jetën nga asfiksia.

“Unë dola të hidhja plehrat, edhe ajo çupka qante… qante në oborr. Shkoj atje dhe shoh, ajo dukej sikur ishte futur në kazan, e tëra e nxirë. Thërras komshiun lart dhe i them: ‘Hajde shpejt, shiko çfarë ka ndodhur!’ Më dridhej trupi, nuk shikoja dot. Kur vajtëm, komshiu tha: ‘Kjo është e djegur! Si ka mundësi, është në mes të oborrit?!’

Hapëm derën me këmbë. Djali ishte i shtrirë barkas, me këmbë dhe krahë hapur. Thashë: ‘Ka vdekur.’ Nuk e dinim që edhe nëna ishte brenda e gjeti policia dhe zjarrfikësja.

Vajtëm dhe ngritëm çupkën, ishte një kuvertë atje jashtë dhe e mbështollëm. Asaj i binin flokët dhe kishte plagë nga djegiet. Ata ishin me autizëm vajza nuk fliste, as nuk ecte, ndërsa djali ecte por nuk fliste. Djali ishte i vdekur që në korridor, ndërsa vajza po qëndronte ulur. Nëna ishte brenda.

Kishin vështirësi ekonomike, me dy të sëmurë në shtëpi; kempi 200 mijë lekë nuk u mjaftonte. I ndihmonim dhe i flisnim të ëmës, se ishin dy një s’e mban dot, jo më dy të sëmurë. Ndihmohej, por me aq lekë sa merrnin, as për bebelina nuk u dilnin. Djalin e çonte në një qendër, ndërsa vajzën jo”, ka deklaruar ajo.

The post Tragjedia në Maliq/ Përcillen sot për në banesën e fundit nënë e bir, fqinja tregon momentet e tmerrshme… appeared first on Albeu.com.

Tragjedia në Maliq ku humbën jetën nënë e bir/ Komshiu: Jetonin në kushte të vështira

V K — Sun, 19 Oct 2025 13:10:47 +0000

Zjarri që u përfshiu banesën, u mori jetën nënë e bir në familjen Azisllari në qytetin e Maliqit. Nëna 40-vjeçare ndërroi jetë si pasojë e asfiksisë, ku më vonë ndërroi jetë edhe djali 14-vjeçar.

Vajza e mitur, 6-vjeçe ndodhet në spitalin e Korçës në gjendje të rëndë. Sipas informacioneve paraprake, shkak i zjarrit fatal, dyshohet të jetë bërë soba me dru.

Ndërkohë një nga komshinjtë i familjes Azisllari, Sefer Shkëmbi, tha se familja jetonte në gjendje të vështirë ekonomike.

“Unë jam komshi këtu, fëmijët ishin me autizëm, ndërsa mamaja ishte mirë. Nuk punonte, ishte shtëpiake. Vetëm burri punonte. Ishin në kushte të vështira ekonomike. Janë dy vëllezër që jetojnë ngjitur, këta sikur ishin më ndryshe nga ekonomia. Nuk e di si ndodhi ngjarja, unë madje sa e dëgjova, nuk e dija që ishte në lagjen time sa e mora vesh dola”, tha Sefer Shkëmbi./ ABC

The post Tragjedia në Maliq ku humbën jetën nënë e bir/ Komshiu: Jetonin në kushte të vështira appeared first on Albeu.com.

E rëndë në Has/ Banesa përfshihet nga flakët, djali hyn për të shpëtuar nënën, humbin jetën të dy (EMRAT)

V K — Thu, 19 Sep 2024 06:13:11 +0000

Gjatë natës, një ngjarje e rëndë ka ndodhur në në fshatin Nikoliq të Hasit, ku një banesë është përfshirë nga flakët, e për pasojë kanë humbur jetën nënë e bir.

Në shtëpi jetonte një familje. Djali i shtëpisë Rexh Lushi, ka lajmëruar zjarrfikësen e cila është nisur drejt vendngjarjes që është 8 km larg Hasit, në një rrugë me kalldrëm.

Ndërkohë, zjarri kishte marrë përmasa dhe Rexh Lushi pasi ka shpëtuar bashkëshorten, është futur në shtëpi për të nxjerrë nënën e bllokuar mes flakëve, por nuk ka mundur dot të dalë prej andej.

Zjarrfikësit kanë gjetur vetëm trupin e Time Lushit dhe po punohet për gjetjen e djalit të saj.

The post E rëndë në Has/ Banesa përfshihet nga flakët, djali hyn për të shpëtuar nënën, humbin jetën të dy (EMRAT) appeared first on Albeu.com.

Kërkoheshin nga autoritetet italiane, vihen në pranga nënë e bir në Tiranë(Emrat)

V K — Tue, 09 Jan 2024 08:29:44 +0000

Policia e Tiranës, ka arrestuar nënë e bir, pasi ishin shpallur në kërkim ndërkombëtar nga autoritetet italiane.

Sipas policisë, të kërkuarit akuzohen për organizatë kriminale dhe trafikim narkotikësh.

Të arrestuarit janë Deshira Goseni, 63-vjeçe, dhe Eduard Goseni, 44-vjeç, të dy banues në Tiranë.

Nënë e bir ishin shpallur në kërkim ndërkombëtar, pasi Gjykata e Veronas në Itali, iu ka caktuar masën e sigurisë “Arrest në burg”, për veprat penale “Organizata kriminale” dhe “Trafikimi i narkotikëve”.

Interpol Tirana, ka nisur punën për ekstradimin e tyre drejt shtetit fqinj, aty ku do përballen me drejtësinë

The post Kërkoheshin nga autoritetet italiane, vihen në pranga nënë e bir në Tiranë(Emrat) appeared first on Albeu.com.

Nënë e bir ndërruan jetë tragjikisht në Berat, policia: “Manovrimet dhe humbja e kontrollit, tipike për shoferët e rinj”

E S — Wed, 29 Jun 2022 10:49:20 +0000

Pas këqyrjes së vendit të ngjarjes dhe këqyrjes së kamerave të sigurisë të bizneseve përreth vendit të ngjarjes, Policia e Beratit ka zyrtarizuar tashmë edhe shkaqet e dinamikën e aksidentit.

25-vjeçarja Klaudia Xhaferraj dhe djali i saj 6-vjeç, Samueli përfunduan në lumin Osum, pasi mjeti që nëna drejtonte humbi kontrollin. Sipas Sektorit të Policisë Rrugore në Drejtorinë Vendore të Policisë Berat, shkak për aksidentin tragjik është bërë “humbja e kontrollit të mjetit nga ana e drejtueses”. Lajmi është bërë i ditur nga Specialisti i qarkullimit rrugor në DVP Berat dhe Oficeri i Policisë Gjyqësore, inxhinieri Lorenc Tanushi.

Tanushi ka pohuar se humbja e kontrollit të mjetit është shoqëruar edhe me mungesën e përvojës, pasi 25-vjeçarja kishte pak javë që kishte marrë patentën dhe ishte një drejtuese e re në timon. “Nga studimi i të gjitha kamerave të sigurisë është vërejtur manovrimi majtas-djathtas, një karakteristikë kjo e drejtuesve të rinj, të pajisur me leje drejtimi. Aksi Ura e Goricës-Ura e Varur është një aks problematik dhe me risk pasi ka shumë fluks mjetesh, si pjesë kryesore e segmentit rrugor nacional Lushnje-Skrapar”, -ka thënë Tanushi.

Ai ka konfirmuar se në këtë aks rrugor, që nga policia është cilësuar si aks me risk të lartë, Policia Rrugore ka përqendruar shërbimet e saj policore çdo ditë me tre turne dhe ky segment është monitoruar prej tyre në mënyrë të vazhdueshme. Specialisti i qarkullimit rrugor në DVP Berat, Lorenc Tanushi ka theksuar se përveç aksit Ura e Goricës-Ura e Varur, akse të tjera që njihen si akse problematike e me risk dhe ku janë regjistruar aksidentet më të shumta janë: Dimal-Berat në zonën e Moravës dhe zona e Poshnjes. Sipas Tanushit, pas rikonstruksionit që iu është bërë këtyre dy rrugëve, drejtuesit e mjeteve e kanë shtuar shpejtësinë e qarkullimit në to. Pikërisht për këto probleme të konstatuara-ka thënë Tanushi, -është kërkuar pajisja me radar dhe mjete inteligjente./albeu.com

The post Nënë e bir ndërruan jetë tragjikisht në Berat, policia: “Manovrimet dhe humbja e kontrollit, tipike për shoferët e rinj” appeared first on Albeu.com.

Humbën jetën tragjikisht në lumin Osum, përcillen sot për në banesën e fundit nënë e bir

E S — Tue, 28 Jun 2022 12:30:59 +0000

Pas aksidentit tragjik që ndodhi dje në ujërat e lumit Osum ku humbën jetën 25-vjeçarja Klaudia Xhaferaj dhe djali i saj 6-vjeçar,nënë e bir janë përcjellë sot për në banesën e tyre të fundit. Familjarë,miq e të afërm të familjes Xhaferraj, kanë përcjellë në orën 13:00 akt-mortet e dy viktimave të aksidentit në varrezat e Burdulliasit.

Komshinj të viktimave shprehen se,Klaudia ishte një vajzë e edukuar,një nuse shembullore dhe një familje e rregullt. “Ishte një vjazë e mirë,i respektonte të gjithë në lagje, kishin blerë një shtëpi këtu në lagjen Çlirim,pas ardhjes nga emigrimi të bashkëshortit të Klaudias,Gjergji Xhaferraj. Lajmin e morëm vesh nga mediat dhe u tronditëm shumë.Klaudia dhe fëmijët vinin çdo ditë dhe blinin në dyqanin tim, ende edhe sot nuk e besojë që kanë vdekur”, shprehet Fizja, shitësja e dyqanit ushqimor të lagjes.

25-vjeçarja Klaudia Xhaferraj dhe djali i saj 6-vjeçar,Samueli,humbën jetën tragjikisht në ujërat e lumit Osum ditën e djeshme, pas daljes nga rruga të Fuoristradës tip ML,me targa AB 515 CA, që drejtohej nga vetë 25-vjeçarja, shkruan Abcnews.al

Burimet zyrtare të policisë kanë dalë në përfundimin se,shkak për aksidentin e rëndë është bërë “pakujdesia në drejtimin e mjetit” nga vetë 25-vjeçarja,e cila kishte bërë fillimisht një parakalim të gabuar dhe më pas kishte humbur kontrrollin e mjetit, duke u përplasur me kangjullat e rrugës e duke rënë në lumë.

The post Humbën jetën tragjikisht në lumin Osum, përcillen sot për në banesën e fundit nënë e bir appeared first on Albeu.com.

E rëndë në Greqi, nënë e bir gjenden të lidhur me litar brenda makinës të fundosur në det

E S — Mon, 27 Jun 2022 17:13:36 +0000

Një histori dramatike duket se fshihet pas vdekjes së një gruaje 72-vjeçare dhe djalit të saj 50-vjeçar, trupat e të cilëve u nxorën pasditen e së hënës nga një makinë që ra në det, në Neoi Epivates të Selanikut.

Siç doli nga marrja e dy trupave, nënë e bir ishin të përqafuar me njëri-tjetrin pranë timonit të makinës. Përveç kësaj, ata duket se kanë ngarkuar në pjesën e pasme të makinës me thasë të mbushur me rërë.

Siç shkruajnë mediat vendase, pas tragjedisë së ndodhur sot, qëndron një dramë e patreguar. Dy vite më parë, vëllai o 50-vjeçarit dhe djali i 72-vjeçares i kishte dhënë fund jetës. Menjëherë pas ngjarjes tragjike, babai i familjes ka ndërruar jetë duke mos duruar dhimbjen. Sot, siç duket gjithçka, nënë e bir vendosën të shkruanin epilogun e kësaj tragjedie familjare. Sipas ekspertizës mjeko-ligjore, në trupat e dy personave nuk ka shenja dhune.

Ngjarja tragjike ka ndodhur pas orës 14:00 në Neos Epivates. Sipas dëshmitarëve okularë, makina teksa po lëvizte në rrugën bregdetare, ka ndaluar për pak kohë dhe më pas drejtuesi i mjetit ka shtypur gazin dhe e ka hedhur në det.

Efektivët e Rojës Bregdetare, EMAK, Policisë dhe Zjarrfikësve, të mbërritur në vendngjarje, kanë nisur një aksion për lirimin e personave dhe nxjerrjen e makinës nga fundi i detit./albeu.com

The post E rëndë në Greqi, nënë e bir gjenden të lidhur me litar brenda makinës të fundosur në det appeared first on Albeu.com.